2 قصائد مكتوبه/مسلم حسين

نزله شهادة الرسول ص الى الوداع سيدي تبجيلك املاك السمه.... إلى الوداع سيدي ولطمت وجهه فاطمه .... الى الوداع سيدي مكسور حماي الحمه.... الى الوداع سيدي بين على حسين الضمه .... إلى الوداع سيدي والحسن چبده يألمه .... إلى الوداع سيدي يحدي الهجر بيهم حدي . . . . يامن صرت للأمة اب.....إلى الوداع سيدي حزنك على العرش انكتب.....إلى الوداع سيدي واتكأب الطير ونحب ....إلى الوداع سيدي وبين على اهلك تعب ....الى الوداع سيدي ياذهب ومفارگ ذهب ...إلى الوداع سيدي وفرحان ليش المعتدي . . . . يالرايح الربك غدر ... إلى الوداع سيدي تنعاك ايات الذكر....إلى الوداع سيدي وجبريل نازل منكسر...إلى الوداع سيدي يا صبر ينفع يا صبر... إلى الوداع سيدي والمثلك ايضمه الگبر... الى الوداع سيدي ويعيش بالدنيا الردي . . . . الدمع جارح جم جفن ...إلى الوداع سيدي وفطرس خفگ جنحه بحزن...إلى الوداع سيدي الدنيا عگب كالسجن...إلى الوداع سيدي بعدك حجوا كلمة وان ...إلى الوداع سيدي وطلعت على الزهره اللسن... الى الوداع سيدي وتنادي آه يا والدي . . . . لحظات دفنك قاتله ...إلى الوداع سيدي حزن الملأ ضج واعتله... إلى الوداع سيدي وي مكه تنحب كربله ... إلى الوداع سيدي للوحي ماضلت هله ...إلى الوداع سيدي الانجيل عزه البسمله ...إلى الوداع سيدي باقي العزاء الاحمدي . . . . كل كافر بموتك فرح...إلى الوداع سيدي والمؤمن الحق انجرح ... إلى الوداع سيدي وگلبه يمولاي انقرح ...إلى الوداع سيدي والحاربك لا ما ربح ...إلى الوداع سيدي العاداك ضد الله صبح .... إلى الوداع سيدي ويصبح عذابه سرمدي الشاعر عبدالله الشويلي https://t.me/muslim2hussein

انته تعرف هواي ومصدري. خادم الهادي وبنه العسكري ** خادم العسكري امامي. وكبته بكلبي تشع سيدي والي نعمتي. وضني بي ما ينكطع هاي صرخات الغياره. عالمنابر ترتفع كل بشر بالدنيه يخسر. بس خدمته اكبر نفع انه خادم ثري واكبر ثري خادم الهادي وبنه العسكري *** العسكري مولاي اخدمه وهوه يدري بخدمتي امن اطلب الحاجه بضريحه. بساع يكضي حاجتي غيره ما دكيت بابه. ولا جهبته بشدتي ادري ابو المهدي يحلها. بس اصفي نيتي وانه باجي وهويتي تنقري خادم الهادي وبنه العسكري ** انه سامره امن اطبها. صدري كلش ينشرح امن الزم الشباج بيدي. وحده ايطيب الجرح كلشي بالدنيه خساره. بس خدمته اكبر ربح العسكري يمشي بوريدي. وانضر الهذا الصرح وعاشك المهدي اخط بدفتري خادم الهادي وبنه العسكري ** بكل فرض ارفع اديه. واشكر الله اعله النعم بهل المكان الطاهر اخدم. واسمي صار ويالخدم هاي سامره العضيمه. وهيه منبع للشيم والإمام المهدي بيها. واكف وبيده العلم وصرخة الحب هتفها منحري خادم الهادي وبنه العسكري ** يالتريد اجواب مني. وين كضيت العمر عمري كضيته بخدمته. وانه بالخدمه افتخر تركض السامره روحي. اسمه لمن ينذكر عطره بالدنيه يعالم. ما شفت مثله عطر وغير حبه ابد ما اشتري خادم الهادي وبنه العسكري * تمت تحسين الخفاجي https://t.me/muslim2hussein

يبو الزهراء زهرائك بكت تنعه .. يبويه اتصيح عگبك ضاگت الوسعه .. ========================================= بغيابك فاطمه خاطرها يتكسر .. يطه المصطفى وصار الوجه اصفر .. وحشه الدنيه صارت والسمه اتغير .. يازينت الدنيا وياحلو الطلعه .. ======================================== يبو القاسم تبدل بعدك الواقع . انقلبت امتك وأصبح علي رابع . وتوله الخلافه البالملك طامع .. وجن ما بلغت دين الله وشرعه . ======================================= اصحاب السقيفه ماهم اصحابك .. حتى ابدفنتك ماوصلو البابك .. وتبين حقدهم كله بغيابك.. وحتى عله امصابك منعو الدمعه . ======================================= و الزهره الزجيه اهوايه ضلموها .. والدار بحطب يا وسفه حرگوها.. والضلع انكسر حين الي عصروها .. ومحسنها سكط بالعصره والدفعه ======================================= بزمانك ثبتت يحمد أصول الدين اوعلى نهجك يطه المصطفى ماشين أشرار التضدك هم بقت للحين من خد الزجيه صابته الصفعه... ======================================= ✍️مصطفى النائلييبو الزهراء زهرائك بكت تنعه .. يبويه اتصيح عگبك ضاگت الوسعه .. ========================================= بغيابك فاطمه خاطرها يتكسر .. يطه المصطفى وصار الوجه اصفر .. وحشه الدنيه صارت والسمه اتغير .. يازينت الدنيا وياحلو الطلعه .. ======================================== يبو القاسم تبدل بعدك الواقع . انقلبت امتك وأصبح علي رابع . وتوله الخلافه البالملك طامع ..  وجن ما بلغت دين الله وشرعه . ======================================= اصحاب السقيفه ماهم اصحابك .. حتى ابدفنتك ماوصلو البابك .. وتبين حقدهم كله بغيابك.. وحتى عله امصابك منعو الدمعه . ======================================= و الزهره الزجيه اهوايه ضلموها .. والدار بحطب يا وسفه حرگوها.. والضلع انكسر حين الي عصروها .. ومحسنها سكط  بالعصره والدفعه ======================================= بزمانك ثبتت يحمد أصول الدين اوعلى نهجك يطه المصطفى ماشين أشرار التضدك هم بقت للحين من خد الزجيه صابته الصفعه... ======================================= ✍️مصطفى النائلي https://t.me/muslim2hussein

قصيدة: خطاب الإمام علي مع النبي محمد ﷺ مَهبِطُ الوحيِ والتنزيلِ مَصدَرُ الآيةِ والتأويلِ غابَ عَنّا وافتقدْناهُ وا مُحمّدا ـــــــــــــــــ ❁ ❁ ❁ ـــــــــــــــــ افتقدنه اليوم بالكون أعظم إنسان خسرنه الرحمة والرأفة والإحسان محمد أعظم بتاريخ الأكوان نبي روحه نقيّة، أبلطفُ قُرآن ماتتِ الحكمةُ والترتيلُ مَصدَرُ الآيةِ والتأويلِ كم عشقنا وافتقدناه وا مُحمّدا ـــــــــــــــــ ❁ ❁ ❁ ـــــــــــــــــ محمد رحمة الله، بوجهه تنشاف ابن عمي وعضيدي، صعبة ينعاف جميل بمنطقه وبكل الأوصاف صنف نادر حقيقي بكل الأصناف يُتمهَ بعدهُ التهليلُ مَصدَرُ الآيةِ والتأويلِ مذ سمعنا وافتقدناه وا مُحمّدا ـــــــــــــــــ ❁ ❁ ❁ ـــــــــــــــــ الچف الچان يطعم كل الأيتام ترك وحده علي بقسوة الأيام اليوم الخالي منه يعني إعدام محمد چان قوتي بهدم الأصنام إنهُ التفسيرُ والتحليلُ مَصدَرُ الآيةِ والتأويلِ ليتَ موتنا وافتقدناه وا مُحمّدا ـــــــــــــــــ ❁ ❁ ❁ ـــــــــــــــــ الوسيط الچان بين الباري والناس صعب بين الخلائق شخصه ينقاس فرق بين الشعور وبين الإحساس وفرق بين النبي وشيطانٍ خنّاس مَن يُعني على التغسيلِ مَصدَرُ الآيةِ والتأويلِ كم حزنّا وافتقدناه وا مُحمّدا ـــــــــــــــــ ❁ ❁ ❁ ـــــــــــــــــ محمد يعني نفسي اليصعد وينزل خبر موته ضعف حيلي ولا أتحمل بعد عينه ولاني الحزن واستفحل خذه الموت من عندي وبقيت أبذل بعدهُ القومَ في تبديلِ مَصدَرُ الآيةِ والتأويلِ كم طُعنا وافتقدنا وا مُحمّدا ـــــــــــــــــ ❁ ❁ ❁ ـــــــــــــــــ بعد ما مات، بيدي غمّضت عينه زرف قلبي زرف من مدّ إيدينه العام البيه محمد مات يا ذينه هذا العام عام الحزن سمّينه وبه عزّاني جبرائيلُ مَصدَرُ الآيةِ والتأويلِ نحن ضعنا وافتقدنا وا مُحمّدا ـــــــــــــــــ ❁ ❁ ❁ ـــــــــــــــــ الشاعر: فلاح الفكيكي https://t.me/muslim2hussein

انته نبينه وغالي عدنه___عنك ابد لا مابعدنه بدربك مشينه____ها يا نبينه لا مابعدنه _______ انته غالينه وانته والينه واحنه عن دربك ماتخلينه غيرنه العافك بگلبه ماشافك الحارب العتره واليعادينه مني خل يسمع حچيه ماينفع اني مااجامل كلمن ودينه اليذبح احسينك اشجابه يم دينك وكلمن يتبعه لايحاچينه والي حفظ منك وصيه ____هذا التبع عترة نبيه بنفس السفينه ____هايانبينه لامابعدنه _______ احنه خدامك واحنه ايتامك سيدي رحنه فدوه لجدامك انته ابو العتره اوالد الزهره انعشگك وكلنه عشنه الامك ياجرح بينه _حاشه ناسينه نذرف الدمعه لهايه ايامك نشعر شويه الليله لطميه كون نطبرها الهامه گدامك تستاهل الدمعه النهلها ___هايابعد عيني واهلها غالي علينه ___هايانبينه لامابعدنه _______ عاشگك هايم _وتعرف الوادم _كون اجي ابصحنك سيدي خادم عشگي سواني عابس الثاني بحبك اتجنن عشگي الك دايم يمته اجي لبابك واشبگ اعتابك_بشتياقي اني ربك العالم كون اشم عطرك _بگبرك اتبرك هايه امنيتي ياابو القاسم بس كون اكحل عيني يمك__واوگع على گبرك واشمك واشگد دعينه ___هايانبينه لامابعدنه ________ احنه من دونكوداعة اعيونك_كلشي مانسوه دينك احيانه دينك النعمه __يانبي الرحمه _ بالعدم چنه وهوه سوانه العايش بخيرك مايحب غيرگ وسيدي فضلك والله غطانه الله اكرمنه _ وبيك انقذنه _ وثبت اسلامك وشيد اركانه شكراً جزيلاً يامحمد ___بيك احنه صرنه الله يشهد بيك اقتدينه __هايانبينه لامابعدنه ________ نسئل الباريوالدمع جارييمته وبصحنك نرفع الرايه بجية القائم __تگصد الوادم _وتعتني لگبرك كلها مشايه ندعي بالدمعه _بداعة البضعه _ربي سهلها وتعرف الغايه يم ابو القاسم نجتمع لازم كلنه وبصحنه نسوي القرايه هذا حلمنه ويمته يبدي __يتحقق بجيتك يمهدي شاهد بچينه ___هايانبينه لامابعدنه _____ ✍️احمد علي البغدادي https://t.me/muslim2hussein

على امصاب الرسول الدمعه سچابه وهاليله الخلگ مـفجـوعه بـمصابـه ~ هاليله الشرع عالمصطفى مكسور محراب الصلاه وحشه ابغياب النور راح الچان للوادم آمان وسور محمد والفلك مفجوع بغيابه ~ هاليله المدينه مظلمه او وحــشه وچنها اغروب بيها صارت الغبشه ابـو الـقـاسم مشه للمگبــره نعشه وابــــو الحسنين نار ابگلبه لهابه ~ آيـه اتـواسي آيــه والكتاب ينوح واحروف السور ترسم عليه جروح والزهره تكله يــالنبي امن اتـــروح العداله اتغيب وايصير الحكم غابه ~ غياب المصطفى الحيدر كسر ظهره البديه يدفن رسول الله شيصبره على فگده يظل مهضوم كل عمره سهم فكد النبي وسط الگلب صابه ~ على اهل البيت ليش انقلبت الأمه ومن المصطفى ما سمعو الكلمه آذوه ابـعـتـرتـه وزيــدو همه وخانو بالوصيه الجانو اصحابه ~ يعين الله الزچيه والحسن وحسين ​عگب عين النبي مانامت الهم عين ضلمو فاطمه والسطره عالخدين وحيدر حركو بنار الغدر بابه .... حيدر بشار الدراجي https://t.me/muslim2hussein

انه الحسين ياجدي ///////////////////////////// انه حبيبك گوم حاجيني والله غيابك واضح بعيني وحدي يجدي لاتخليني ياجدي بعدك مولمه اسنيني °°°°°°°°°°°°°°°°°°°°°°°°°°°° ياجد رحيلك ياكل بروحي وعليك مايبطل ابد نوحي بعدك يجدي يكثرن جروحي لوجبل هم جا طاحن اسفوحي °°°°°°°°°°°°°°°°°°°°°°°°°°°° موتدري هاي امي يعصروها بعدك الناس اشلون يولوها ياجدي وبخدها يسطروها وگدام خلق الله يشتموها °°°°°°°°°°°°°°°°°°°°°°°°°°° ياجدي باجر لو اجه العاشر لمن اضل وحدي بلا ناصر راح ابقه انه الجيتك مناطر رايدك تحضر تنظر الحافر °°°°°°°°°°°°°°°°°°°°°°°°°°° زينب ابغربه راح اخليها كون انته بالطف عينك اعليها لمن تندبك عود حاجيها وگللها مااحمل بواجيها °°°°°°°°°°°°°°°°°°°°°°°°°°°°° انه الحسين وكل جرح عندي وابدي بجرح امي وجرح جدي مايشفه بس بطلعة المهدي براية محمد هالامر يبدي °°°°°°°°°°°°°°°°°°°°°°°°°°°°°° ✍️احمد علي البغدادي https://t.me/muslim2hussein

أبآخر ساعاته .... نزلت دمعاته وعينه دار الفاطمه ..... جان يعلم ... بعد موته ... ابنيته ياذوهه والوصيه ... البيهه وصه ... ما يرحموهه ولذلك عينه دار  اعليهه ودعاهه ابدمعته اليجريهه جنه راد ابمحسن ايعزيهه هاي قصته امن اول التاليهه سولف بدمعه .... شيجري عل بضعه من الصحّبه الظالمه ........ هوه يبجي .... وهيه تبجي ... ابساعة الفركَه كلشي ساكت ... والمدامع ... تنزل ابحركَه صوره ما ممكن ابد نسيانهه بجَّت الدار وبعد حيطانهه راس ابوهه الزهره بين احضانهه قبل موته حضَّرت احزانهه ابموتته خله   ....  بيهه جم عله والشهد حامي الحمه ....... ام ابوهه ... تنعى ابوهه ... ابكسرت الخاطر ادكله بويه ... ياهو اليه ... لو رحت باجر أُبقى يمي يا أعز من روحي لا تخليني أظل وي نوحي اوياك اخذني وانه احير ابروحي ماكو غيرك بلسم اعله اجروحي صاحت ابحركَه .... رايده الملكَه يل عليك امعلمه ...... غمض عينه ... وعاف بنته .... بس علي وياهه أشد موقف ... هذا مرهه ... وحيل اذاهه أشد من كسر الظلع والعصره ألماهه موت ابوهه الزهره شيدت بيت الحزن بالعبره وصارت اعليه تنتحب بالحسره بالحزن عاشت ... لحد ما ماتت الجفن نازف دمه ....... جان عدهه ... الزهره ابوهه .... اغله ما عدهه روحه فاضت ... بين اديهه ... وبقت وحدهه بعده ما شافت فرح بعيونهه ليل وانهار البجي ابماعونهه ماكو واحد كال الله ابعونهه انظلمت ابظلم الذي ايكرهونهه بيهه ما رحمو .... جم ظلع كسرو الخالفو حكم السمه ...... ✍ كلمات : موسى الخادم https://t.me/muslim2hussein

خانوك ناس النكرو العشره وكسرو ابخاطر بنتك الزهره ////// ١= الله يعينك يا رسول الله محمد علي سمعته وانت بفراشك امدد السميته صاحب كَـال عنك حاشا تهجر ما راعه زاد ولا ملح لا راعه أحد تركو الرجل يهجر نطق غدره وكسرو ابخاطر بنتك الزهره ///// ٢== بعده اخضر اترابك يسلطان البريه واتعنو الدار الوصي ودار الزجيه كسرو ضلعهه وهي مهضومه اعله فكَـدك ومنعوهه تبجي اعليك من أول مسيه يزعجنه نوح الزهره يا حسره وكسرو ابخاطر بنتك الزهره ///// ٣=== ‏الأمَّنت بيهم بعد موتك يطاهه نكرو وصيتك وام حسن سقطو ضناهه طعلو شياطين وتماشيك ابحياتك صحبتهم اوياك اعله كد موتك تراهه طلعت وانت امحسب العشره وكسرو ابخاطر بنتك الزهره //// ٤==== نزعو قناع الصحبه بعدك يا نبينه ولبسو قناع اسمه الغدر بغض بعلينه بانت حقيقتهم الزمره المو شريفه واتأمرو عل وصي الناصر دوم دينه ما جنك اموصيهم ابنصره وكسرو ابخاطر بنتك الزهره //// ٥===== ما حضرو الفاتحتك ونصبو سقيفه بايعو بيهه المو كفو يصلح خليفه وعافو علي ناصب عزيه اعليك وحده موقف صعب تتقبله الناس الشريفه عافو وحيد ومنكسر ظهره وكسرو ابخاطر بنتك الزهره /////////////////// ✍️🏻 كلمات #موسى_الخادم ٢٠٢٥ https://t.me/muslim2hussein

صفر 1448ه‍-2026م قصائد استشهاد النبي محمد صلى اللّه عليه وآله وسلّم وداعاً يا رسول اللّه ؛★★★★★★★★★★★★ اليوم دنيانا اعلنت احزانها واعلنت حالة حداد اكوانها الليله موت المصطفى عنوانها والجنان مفتحه بيبانها تحييه يا هلا بملفاه وداعاً يا رسول اللّه ؛★★★★★★★★★★★★ نهارها تنوح الزچيه وليلها على والدها انهدم كل حيلها تمشي گوه وحيدر يتچيلها هيه تشكيله وَهو يشكيلها يقتلوه كافر السمّاه وداعاً يا رسول الله ؛★★★★★★★★★★★★ خيمة الاسلام طاحت هالمسه مذهب الاسلام مات الاسسه راح يا وسفه ابو خير النسه بكل بقاع الأرض نعقد مجلسه بالدموع نحزن بذكراه وداعاً يا رسول اللّه ؛★★★★★★★★★★★★ الليله املاك السمه حزنانه عالنبي تقيم العزاء ويانه ابو الرحمه البالنعم غطّانه غاب نوره والد الريحانه اويلاه ترك حسره وآه وداعاً يا رسول اللّه ؛★★★★★★★★★★★★ اعظم انسان العظيمه اخلاقه الوجهه يضوي على الناس اشراقه شوفته تمد البشر بالطاقه ودوم للخير النفِس سبّاقه ابو الخير رحل عن دنياه وداعاً يا رسول اللّه ؛★★★★★★★★★★★★ علنت الليله حداد احبابه تواسي بنته فاطمه بمصابه دموعها ويه ام الحسن سچابه وتظل حسره بالگلب لهّابه مصابه بالگلب شلناه وداعاً يا رسول اللّه ؛★★★★★★★★★★★★ راحل الفضله چبير اعلينه البذل كل عمره وحياته الدينه وصل حدها ويه الحياة سنينه بحضن ابو الحسنين غمّض عينه ابو حسين بالگبر خلّاه وداعاً يا رسول اللّه ؛★★★★★★★★★★★★ جعفر عطيه البزوني https://t.me/muslim2hussein

شهادة رسول الله ص اشعظم هاي المصيبه حيدر يفارگ حبيبه...   بالدموع ...................................................... هالمسيه اشكثر صعبه   وحــــزنت ايات الكـتاب غالي ويودعله غــالـي    بالــــدمع يبقه الجـــواب يابشر يفگـــد محـمـد     ايعينه الله اعله المصاب حيدر وزهــره الزجيه     ويبتدي امـصــابك يباب والنفس ضاگ برحيله    حيله مامش بيده حيله ياجرح غايب طبيبه      حــــيـدر يفارك حـبيبه ... بالدموع =========================== روح وحده العمر عاشو    حيـدر وروحه الرسول جسد ويفارگها روحـه     عن وصف هاي اشأگول حـيـدر الخاض المعارك     وعجّـب ابفعله العقـول هس حاني الهامه يمّـك     بالدمــع يابــو البتــول يلوداعك كسر ضـهـره    والصبر يعجب الصبره بحسره والينه نحيبه     حــــيـدر يفارگ حبيبه ... بالدموع ========================= ايگله ياحيدر وصـيّــه   اصــبر وكــثر الصـــبـر بعدي هاي الامـه بابك    تـعتــدي وتشعل جمـر بعدي روحي وام ابيها   بچف نواصــب تنسطر منها تبقه العين حمره    وضلـــع بيها الـينـكسر سطرة العين وضلع   اهنانه گلــبك ينشلع  حگك ولابـد تجيبه   حــيدر يفارگ حبيبه  ... بالدموع ========================= تعتدي الزمره الخـبيثه    وتشــعل ابابك فتن تركض وتحت السـقيفه     اتبايــع اولاد الـزنن اكظم الغيظ ابرحيلي    ادري صعبه هلمحن ياعلي سر هلوصــيّــه      تنذكر عــبر الزمــن سيفك ايظل بالغـمــد    ويكثر اعليك الحقد من فعل ولد السقيفه    حيدر يفارگ حبيبه ... بالدموع ========================= فاظت الروح الجليلـه    من بعــــد اذن المَلَك اهتزت السبع الشدايد    وناحت انجوم الفلك والرسل من زمن ادم      يامحمد تبــچي الك انت يا اعظــم خليقه      يعتليك بس خالقك انت يا اعظـم بشـر    بالخلِق عـبـر الدهر بفگدك الدنيا غريبه    حيدر يفارگ حبيبه ... بالدموع ========================= ✍️عباس مالك العفريت #٢٨_صفر نسألكم الدعاء https://t.me/muslim2hussein

يادار أني تيتمت ونذبحت احلامي يادار من بعد النبي والوحشة بأيامي يادار مهظومة بقيت أني بجفن دامي ــــــــــــــــــ دار المن تظل من دون راعيها من مات الابو مات اليظل بيها الخيمة بلا عمود تطيح تاليها وحشة مكبرة والظلمة تمليها احزان كبر المندفن ما مرت احبابة احزان وحشة ومايمر واحد يدك بابة يادار يبقى منتظر نص الگبر ضامي ــــــــــــــــــ هاي الوحشة كلش أثرت بية وداع اهل العزة بالاربعينية حزني وهظمتي ودموعي ليلية داري من المصيبة جن حسينينة بدموع شلون تودع الخدام مشاية بدموع ينزل دمع اية من بعد اية يادار هيجي الدمع من اعيوني مترامي ــــــــــــــــــ تغيب والدي تحت الثرة بكبرة ومن بعدة الحزن ما ينوصف كبرة يراد عله قلبي قلب ويصبرة يخنكني وداعه وتلجم العبرة مدفون قلبي بالگبر وي والدي وروحي مدفون حزني وعبرتي وهمومي وجروحي يادار بعيوني الجرة وينعاد گدامي ــــــــــــــــــ يادار النبي ودع نظر عيني الما لحظة ابد بالعمر جافيني افرح من اسمعه ومن يناديني بوية فاطمة يا نبضة اسنيني جم اه بعده والعمر مايختصر دمعي جم اه باجر بعده لمن ينكسر ضلعي يا دار واوليدي يطيح يموت گدامي ــــــــــــــــــ من جنت اسمع الأذان ياداري احس جنت بأمان بقلبي وافكاري وهسة من اسمعه والدمع جاري بذكرى والدي تظل ومهجتي تباري أذان في وقت التشهد تخنك العبرة أذان أشهد أن ذبلت بعدك الزهرة يا دار هاي احزاني اني وحيدر الحامي ــــــــــــــــــ الشاعر زين العابدين الشمري https://t.me/muslim2hussein

ستشهاد النبي محمد ص يابويه گلبي اعليك مصدوم وعيوني ابد ماشافت النوم انه التحبها هواي وهواي جا ليش ناوي تعوفها اليوم والله صعبه ... تروح مني وماترد يالغالي والله صعبه ... بالمدينه هواي يجرح حالي هاي هيه ... بعد ماترجعلي يتراوالي بويه بويه بويه بويه ،،،،،،،،،،،،،،،،،،،،،،،،،،،،،،،،،،،،،،،، ضلمه المدينه اليوم وتنوح حيدر يصيح بگلب مجروح شايل رسول الله يا ناس لا حيل ضل ولا بقت روح يا ندامه ... تغيب شمسك ياصباح ايامي يا ندامه ... گضه عمري خلافك واحلامي ماتجيني ... عالمصايب راح اشد حزامي بويه بويه بويه بويه ،،،،،،،،،،،،،،،،،،،،،،،،،،،،،،،،،،،،،،،، لمن شلت عيني وتعديت وبلايه حيل اليوم ضليت ياريت روحي اليوم وياك اضلم يضل خلافك البيت بويه تدري ... فراگ وجهك والله ياخذ روحي بويه تدري ... وحدي ابقه وماتطيب اجروحي بيه لجمه ... ودمعه تجري ومايبطل نوحي بويه بويه بويه بويه ،،،،،،،،،،،،،،،،،،،،،،،،،،،،،،،،،،،،،،،، تعبان گلبي وتعب حالي وماترحم عيوني الليالي احضن بثوبك بويه ضليت اوياك ضل ينزف دلالي والله صدمه ... ما اعيش بلايه شوف اعيونك والله صدمه ... شلون حال گلوب اليدفنونك يابو عمري ... لوني متفرهد وداعت لونك بويه بويه بويه بويه مشترك ابوفايز الرافضي ام عون الموسوي https://t.me/muslim2hussein

قصيدة اسشتهاد الرسول الاكرم ص استأذن الموت وخذاك ــ ويتــم العـــــالم وراك انته بس  ماكو سـواك ــ استأذنه الموت ©©©©©©©© يمن نزلت آية الباري اعله صدرك بالأرض لو بالســمه ينحفــر گبرك؟ الأنبياء يمك تجــي لو غاب بدرك؟ لو ملائكت العرش تنزل تحظــرك؟ يا سـراج المهتدين ــ ياضياء الصالحين ياهو قبلك يا آمين ــ استأذنه الموت ©©©©©©©© اتيتمو هاليوم حيـــــدر والزچيه يبو الزهره امصيبتك اعظم رزيه اتگابلو يم راســـك اونو ســـويه اوداعـة الله يامحمد هالمســــيه ادموع حيدر والبتول ــ تجري من دم يالرسول كاذب الغيــــرك يگول ــ استأذنه الموت ©©©©©©©© يطــرق البـاب بأدب مثل اليـزورك استأذنك ميريد ابد يجرح شعورك گالك رب العرش يطلب حظـــورك وبان ياطــه على وجهك ســـرورك وانته لبيت النداء ــ ورفع روحك للسماء ياهو مــن الانبياء ــ استأذنه الموت ©©©©©©©© الدعو اصحاب.  الجرح عافو نزيفه الك ما نصــبو عزاء نصـــبو سقيفه انكـرو عهـدك والاحـاديث الشـريفه وقبل دفنـــك نصبو منهم خليـــفه وي علي ماشــــيعوك ــ ابسرعه ياطه نسوك اوماكو غيرك يعرفوك ــ استأذنه الموت ©©©©©©©© وي علي الليله تضـــل بس ذكريـاتك ومنـــك بأيده بقـت سبـحت صـلاتك نكسر ظهره وتدري عنده شگد غلاتك اوياه الامــــلاك انزلت تبچي ابمماتك ارد اسألك يالحنين ــ يانبي قبلك امين قبل لاتغمضله عين ــ استأذنه الموت ©©©©©©©© ✍الخادم كامل السعيدي https://t.me/muslim2hussein