علي رشم

چا والرِضا المَدفون بايران تَعبان وَضعي وگَلبي تَعبان وچي اسهر يظنوني مرتاح واني القهَر خَلاني سَهران لا بيه اعيش او وَضعي مو زين والينتحِر يَم الله خَسران ولا شعِر فاد ولا غَناوي ولا فاد مَجلس لا نَعاوي جرَبت كِلشي وكِلشي مافاد تطفي الجگاره وگَلبي داويّ .

ليش اكلك ابقى يمي وانت رحت بمشتهاك وليش متهمَك دمعتي وانه كاسر خاطري لخاطر رضاك ياكل بروحي التناقض ما اريدَك بالحقيقة وبالحلم أركض وراك .

علي فضلت وادم تنعرض بلسوك لامن طينتي ولا تنحط بصفي انه برا القصر بس قالق السلطان وانتَ ويا العبيد الواكفه تهفي عله صوتي عليك اعذرني مامقصود بس بلا صياح العتب مايشفي ولاتنشدي وين مسافر ومجفي ارماد ومن اسافر مامحدد وين المهم بس اشرد من الموكد المطفي وبعد مثل الفراغ اليبقه بل ميزان من نتلاكه جتفك مايطخ جتفي

چنت ساكت واباوع ذيچ العيون متغيرات مو نفس الشفتهن هذن صلفات ما حبني فد يوم ذبلن عيني بس ما ذبلتهن كُلشي بروحتك صادمني والله وأحس ايامي يمك ضيعتهن ‌

گتلي من تعطش ترويك الجفوف وهذأ أنا العطشان وين چفوفك؟ وگتلي من تستاحش بنص روحي طوف شو علي شحيت حتى طيوفك عادي يا بذات لو رايد تعوف عوف، بس تنكر تعض جفوفك؟ صار ملگانه اسطوانه على الرفوف حبنه مات استشهد على چفوفك.

شطيّن ياخذنـا النَدم ونضَل عطاشهَ ببابكُم جبنـه الفُرات بهيبتـه وما طفه حَر صوابكُم چا ليش خاويتوا الچفه و كلوبنـه محمله وفـه لا فض جرحنه ولا مشه ولابخت عدنه وجابكُم

أُدرك أن ثمة شيء قد تغير لكن لم أكن اتخيل انهُ قلبك !

انا بفتره غرامك كلشي ماخليت بعت كل اليغثك خاطر العشره وعفتني انت بحر مابي جرف ينشاف بلعت الموس هسه وحاضن الجمره وجع روحي انفضح ليش استر السويت ؟. الحر ماتذله وينتقص قدره. ابرگع عيني من يفوت غيرك جان وكت هسه عليه تستحسف النضره. كبل جانت گصيبه وتسوه اچلب بيك هسه شلون اچلب من بقت شعره انتهت الله ومحمد و الصور وياك عثره وماتصير ثنين هلعثره

. اشيلك من خيالي بطيفي اشوفك جاي انهي وياك شوكي سوالفك تبدي ، أقرر نبتعد ترجع ترد وياي معيشنى بقلق چنك مرض معدي . .

ماانفهم وبـ الف شخصيه تلگاني تعرف السهل الصعب بالضبط هذا اني تعرفني طبعي حلو واتعلق بسرعه بعدين اعرفك ع الماعنده خط رجعه مرات احس مختنگ من تگطع اخبارك مرات اگوم اختنگ من يوصل اشعارك مرات كلش سهل مرات متشدد بيـا جانب اظهر الك هاي انتَ الـ تحدد

اليا حد ضال ساكت واكتم بصدري واحط ميه كدر للما عرف كدري اصعب مرحله من يمر بيها انسان من يحب بشر والبشر ما يدري

ياحيرة المتعود وينعاف جيب اليرفع الهامة انه نعسان بس مانام مثل الباجر اعدامه واجيك بلا وعي مادري جايك ليش مثل اليمشي بحلامه .

من تسوي روحك طبت وتجذب بصف هلك خايف يملونـك من تگضي ليلك بجي وتسمع مشي لغرفتك وتغمض عيونك " كلهن ضگتهن هذن " و أنت بصلافة گلب عزيت الشلونك .

آخر رسالة أكتبّها إلك ومِا بيها رجفة بچفي وما بيها آسف وأعتذر وما ظل كّلام يكفي مَليت كُل راس السّطر چَـنت أحِس نُقطة ضعفي !