الدعم النفسي | نحنا معاك🤍.

اتخيلوهو بنبي

بتقرا 10 ساعات في اليوم بس بدون ما تنجز وبدون تركيز وحتى البتقراهو بتنساهو؟ كتير مننا بحصل ليه كدا، بقسم ساعات يومو ويدي القراية الوقت كله أو معظمه وبعد دا زميله البقرا من 5 لي 8 ساعات ويمكن اقل بجيب نتيجة أكبر منه!! ويجي يقول عنو غتيت🫣 أو بتقول أنا قريت…

بتقرا 10 ساعات في اليوم بس بدون ما تنجز وبدون تركيز وحتى البتقراهو بتنساهو؟ كتير مننا بحصل ليه كدا، بقسم ساعات يومو ويدي القراية الوقت كله أو معظمه وبعد دا زميله البقرا من 5 لي 8 ساعات ويمكن اقل بجيب نتيجة أكبر منه!! ويجي يقول عنو غتيت🫣 أو بتقول أنا قريت الكلام دا لكن وين؟ وما قادر تسترجعو أو تبدأ بحماس وبعد شوية تلقى نفسك ماسك التلفون، سرحان، وما عارف تبدأ من وين؟ وحتى وقت تعمل جدول وبتبدا ببوظ من اول اسبوع؟ 🩵🔥ف عملنا ليك ورشه توريك كيف تحل مشاكلك دي بعنوان: 🌟 الدراسة الفعّالة 🎙️🩵ضيوفنا: أ/ ليلى عوض فضل الله • رئيش شعبة علوم الحاسوب بمدارس نور الإيمان العالمية الثانوية بالخرطوم •مؤسس قناة الروح التعليمية الإلكترونية و 👤 آلاء صلاح • حاصله على معدل 4 في أول سنة دراسيه في الجامعه • مجال الدراسه اقتصاد وعلوم مصرفية • متطوعه في مبادرة نحنا معاك • ليدر تيم المحتوى في المبادرة • حاصله على شهادة تفوق من السفير الصيني 🌟موعدنا:- الخميس 13/8/2026 الساعة 8 مساءً بتوقيت السودان 🩵على قناتنا الرئيسية: https://t.me/Sudanexams

📢 منصات دفعة 27 🔹 القناة الرئيسية: https://t.me/Sudanexams 🔹 قروب الحصص والملخصات: https://t.me/sudaexams 💬 قروبات النقاش واتساب 🔹 المسار العلمي: https://chat.whatsapp.com/ItNBhjyHCiI6e2CezbUo2y?s=sh&p=a&ilr=4 🔹 المسار الأدبي: https://chat.whatsapp.com/GLhkfmnZ0fEEgNUSFo0EQw?s=cl&p=a&ilr=4 تيليجرام 🔹 قروب النقاش: https://t.me/hhhExams 🌟 نتمنى لكم عامآ دراسيآ مليئآ بالنجاح والإنجاز، ونسأل الله أن يوفقكم وييسر لكم طريق العلم، بالتوفيق للجميع🩵..

طيب في وحده قالت في التعليقات عايزة ترجع تقرا ولي أول مره بعد فترة تختار نفسها وترجع تقرا وتختار تقرا طب وشايفاكي مسحتي الرساله لكي العتبه يختي💗 وما ناسياكي🌷 مشيت سألت اختي من رأيها كونها بتقرأ طب قبل ما اسالها منك سالتها هل لو الزمن رجع بيك بتقري طب؟ قالت اي وطرحت ليها فكرتك قبل اقول ليك كلامها احب اقول ليك إني بأيدك وبأيدك جداً💗 زي ما العمر مجرد رقم العلم ما عندو عمر ماف شيء اسمو كبرت وعمري دا ما عمر زول يقرأ ⭐في قصه سمعتها قبل كدا لي راجل كبير ووقت اقول كبير قصدي فعلا كبير في السن اتعلم القران وأثناء تعلمو مرات بحفظ كلمة واحده في اليوم من شدة ما هو كبير قادرة تتخيلي؟ وكمل بعد دا ف انتي لو بالجد شايله هم حاجه وعايزة الحل شيلي هم كلام الناس الحولك والمجتمع اي صح ما مفترض نشتغل ب كلام زول ونخليهو ياثر علينا بس وقت الناس كلهم وانا هنا قاصده كلهم من قراب لي بعاد يقولو ليكي القدرك بقرو أولادهم وانتي عايزة تقري تفتكروا الكلام ما حيأثر؟ واحنا كشعب سوداني لو لقينا زول ناجح بنحاول نوقعو ف ما بالك ب فريسه ساهله عايزة ترجع تقرا بعد سن العشرين؟ اديك جمل حتتقال ليك كتير وانا نهاي ما قصدي احبطك انتي تقري ولا يقروك؟ بعد العمر عايزة تقري؟ القرو عملو شنو؟ يا بتي شوفي ليك عريس احسن مالك ما قريتي زمان دايره تقري هسي؟ انتي قايله الجامعه بي كم؟ لو فتشتي شغل ما احسن؟ لا وكمان دايره تقري طب؟ عايزة تتخرجي وعمرك 40؟ دا جزء بس من الكلام ال حيتقال ليكي ولازم تختيهو في بالك عشان وقت يحصل تكوني جاهزة تتعاملي معاهو✨ وبالنسبه لكلام اختي🌷 قالت ليك انو ما تتخيلي الحياه بعدها حتكون وردية (بعد تمتحني وتدخلي الجامعة)أو ما حتلاقيك مشاكل او الموضوع ساهل وما صعب كونك عندك الرغبه الرغبه براها ما كفايه الرغبه في الناس بتنقطع بس الحيخليكي تمشي لي قدام انك تواصلي انك تمشي في الطريق وتستمري فيهو واستمتعي بالطريق💗 الطريق طويل شديد استمتعي بالرحله الطويله دي بي صعوباتها وتحدياتها لو انتظرتي اللحظه الحتشيلي فيها الشهادة وقريتي بس عشان الشهادة يادوب هنا حتحسي بضياع العمر ولي أول مره اختاري نفسك💗 واول ما تتعبتي اتذكري انو انتي بتعملي الحاجه دي لي نفسك دي رسالتها ليكي💗 واحب اقول ليك دام انتي اخترتي نفسك واخترتي انك تعملي حاجه بتحبيها صدقيني حتى الصعوبات الحتلاقيكي حتستمتعي بيها🥹💗 وانتي عارفه الزمن ال انتي بديتي فيهو فيهو إيجابيات كتيره ما كنتي حتلقيها زمان🤩🔥 اول شيء بسبب ال ذكاء الاطناعي ماف شيء حيبقى ليكي صعب وبسبب التلفونات والمبادرات انتي قد لا تحتاجي مدرس اساسا وفي التلجرام بس في عشرات ويمكن الالف المذكرات لمئات الأساتذة ورش ونصائح وتجارب من ناس امتحنو قبلك وخشو طب الحاجات دي ما كنتي حتلقيها لو امتحنتي في زمنك شفتي ربنا دا كريم كيف؟💗 ربنا عارف الخير وين🌸 وعارف متين يخلينا نبدأ عندك حلم؟ عافري عشانو اتعبي عشانو وحققيهو✨ وحتى لو ما حققتيهو ما حتندمي لانك حاولتي نصيحتي ليكي ابدي طوالي وما تنتظري الوقت المناسب وجهزي روحك نفسيا عشان تتعاملي مع كلام المجتمع وما تخليهو يأثر عليكي وانبسطي💗 خليكي مبسوطه وانتي بتحققي في حلمك💗 مبسوطه وانتي بتسعي عشان تعملي حاجه كان نفسك تعمليها من زمان💗 وربنا حيعينك💗 «مَنْ سَلَكَ طَرِيقًا يَلْتَمِسُ فِيهِ عِلْمًا، سَهَّلَ اللَّهُ له به طَرِيقًا إلى الجَنَّةِ»💗 ربنا حيعينك في الدنيا قبل الاخرة💗 وما نسيتك والله بس الكتابة بتاخد مني زمن💗 ف أول شيء ختي نيه الانتفاع من العلم وجيبي كتب تالت طوالي وشدي حيلك 💗 وان شاء الله وقت تجيبي نسبه كبيرة ويقبلوك طب تعالي بشرينا💗 وأتذكري انك الحتختاري انو شمس الفرحه تشرق ☀️💛 ويبقى كل الفات حكاية ❤️❤️❤️!!! #الاء _صلاح #الدعم _النفسي #مبادرة _نحنا _معاك

صبحكم الله بالخير 💗

السلام عليكم ورحمه الله وبركاته 🌸

صافرة البداية... شدوا أحزمتكم!🔥 ✈️ رحلة النجاح رقم 01 على وشك الإقلاع 🎯 الوجهة: قمة التفوق وتحقيق الأهداف 🌟على متن هذه الرحلة الشيقة ستحصلون على: ⭐ وقود النجاح - التهيئة النفسية وتحديد الهدف. ⭐ خارطة طريق النجاح - تنظيم الوقت واستراتيجيات المذاكرة. ⭐ درع واقي - أخطاء وقائية يجب تجنبها. ⭐درع التركيز - إدارة الضغوط والمشتتات. 👩‍✈️ قائدة الرحلة سمر عثمان 👤 من هي سمر عثمان؟ - طالبة بكلية العمارة جامعة الخرطوم. - متطوعة في مبادرة نحنا معاك. - متطوعة سابقة في مبادرة بصمة خير. - متطوعة في مبادرة عون. - عضو في الأمانة المالية في جمعية طلاب كلية العمارة. - أحرزت نسبة 94% في امتحانات الشهادة الثانوية. 📅 موعد الإقلاع: الخميس 6/8/2026 ⏰ الزمن: 8:00 مساءً بتوقيت السودان. 📍 المكان: على قناتنا الرسمية: https://t.me/Sudanexams ✈️ من مدرج الإقلاع إلى منصة التتويج... الرحلة تبدأ بنعم 🔥 🌟نراكم على متن الطائرة... كونوا على الموعد 🔥

📢 منصات دفعة 27 🔹 القناة الرئيسية: https://t.me/Sudanexams 🔹 قروب الحصص والملخصات: https://t.me/sudaexams 💬 قروبات النقاش واتساب 🔹 المسار العلمي: https://chat.whatsapp.com/ItNBhjyHCiI6e2CezbUo2y?s=sh&p=a&ilr=4 🔹 المسار الأدبي: https://chat.whatsapp.com/GLhkfmnZ0fEEgNUSFo0EQw?s=cl&p=a&ilr=4 تيليجرام 🔹 قروب النقاش: https://t.me/hhhExams 🌟 نتمنى لكم عامآ دراسيآ مليئآ بالنجاح والإنجاز، ونسأل الله أن يوفقكم وييسر لكم طريق العلم، بالتوفيق للجميع🩵..

"آَن للنفس أن تطيب" 🩵 عدنا إليكم بما يلامس القلوب قبل الأعين 🩵 ⭐️ورشة السعي وغرس الأثر نستدرك بها أنفسنا: هل نحن نسير على النهج الصحيح للسعي فعلآ؟ وهل خطر على عقولنا كيف نغرس الأثر؟ 🤔 كيف نعين ونسعد دون كلفة، بل بما نعيشه ونفعله كأساس في حياتنا. نتحاور…

يعني تقولي انو لسه عندي حاجات كتيرة مفترض تحفظيها يبقى * تذيدي عدد ساعات القراية * قدر ما تقدري تحاولي تلقي زمن مثلا في المواصلات بين المحاضرات قبل ما تنومي * وتشوفي زمنك انتي بتضيعيهو وين عشان تستفيدي من الزمن الضايع دا وتقعدي تحفظي 📌²/*أما احساسك دا ممكن يكون سلبي برضو* اذا فكرتي كتير لدرجه انو بقيتي تفكري اكتر من ما تعملي تقولي انو اصلا كدا كدا ما عندي زمن احفظ وكدا * ثقتك في نفسك حتقل * احتمال احساسك دا يتحول لي خوف والخوف دا يخليكي ما مرتاحه نفسيا * تقولي دام كدا كدا ما عندي زمن احفظ يبقى ماف داعي اقرا *7/في واحد قال ما عندكم موضوع* اي يود ما عندنا موضوع الكهرباء قاطعه نقعد نعمل شنو؟ 8/*وحده بتسال من نسب القبول* نسب القبول كل سنة بتغير حسب نسب النجاح انتظري النتيجه والدليل بتاعكم 9/*في واحد قال كيف الزول يخفف الرهبه البتجي بداية اي حاجه جديدة في حياتك ؟* سؤال ممتع🤩💗💗 سؤال ممتاز صراحه أو انا شايفاهو كدا لاني عايشه الحاله دي حاليا بديت حاجه جديدة اليومين ديل وحاسه بالرهبة زي ما قلت حاجه جديدة عن حياتي عن مجتمعي عن بلدي الموضوع حاسه بيهو اكبر مني بس برضو بديتو انت عارف انا قاعدة اعالج الشعور دا كيف؟ *¹/بفكر في الموضوع لو نجح🥹* الحاجه الجديدة البديتها دي لو نجحت حيحصل شنو؟ الشعور البحس بيهو دا بديني دافع استمر وبرضو اني *²/ماشه باقتباس من الاقتباسات ال Top⭐ بالنسبه لي* *إنه ليس صعب إنه فقط جديد*🏆 شفتو اي شي بتشوفو صعب هو حقيقه ما صعب هو بس جديد اول ما دخلنا تالت كنا مخلوعين بيها شديد وخايفين من الكتب والامتحان نفسو والعجب كتاب الكيمياء اول يوم في المدرسه الكيمياء كانت بالنسبه لي صعبه ومستحيله عديل بس اخر يوم في المدرسه الكيمياء كانت ساهلة وممكن اسمي ليكم كل التفاعلات الكيميائية الموجودة في الكتاب بالوزن بس لو رجعتو بالزمن وقلتو لي انو الحاجه دي حقدر اعملها كنت حقول ليكم الله يهدينا ويهديكم ما تضيقو لي أخلاقي ف اي شيء انت بتشوفو صعب هو فعليا ما صعب هو بس جديد اول ما تتعود عليهو حتلقى انو ما صعب لا ومع الزمن يمكن تشوفو ساهل ! *اذا كيف تخفف الرهاب؟* * تفكر في الموضوع لو نجح🌷 * تخت في بالك انو الموضوع ما صعب ولا مخيف هو بس جديد اول ما تتعود عليهو الرهبه حتروح🌷 وان شاء الله الرهاب حيروح وحنبدع في الحاجه الجديدة البديناها 🔥

*1/في وحده قالت القرو عملو شنو؟* قبل ما ارد انا بشوف انو البخلينا ما نتقدم في حياتنا ك سودانيين أننا اتبنينا افكار معينة ومصطلحات واقتباس بنقولها واحنا مقتنعين بيها بس لو سألت منو اول زول قالها ما حتلقى اجابه منو اول زول قال القرو عملو شنو؟ وليه قال كدا؟ وهل وقت سأل السؤال دا كان جادي عايز يعرف الإجابة بس الناس بقيت تستعمل سؤالو دا كإستهزاء؟ *اظن انها بتهظر طبعا* لانو مرات بنقول كلام ونقول جمل احنا ما قاصدنها فعليا زي ايام الامتحانات وقت نتذكر انو عندنا ود عم عادي ممكن نعرسو وهكذا *لاكين لو انتي جادة حوريك القرو عملو شنو :* * القرو مسكو شهاداتهم واشتغلو بيها ولقو قروش من خلالها * القرو اتكرمو واتميزو والقريب والبعيد حتى ال ما بعرفهم بفخر بيهم * القرو خلو اهلهم يفرحو بيهم ويتبوبرو بيهم في الحله * القرو مثلو السودان وفازو بمراكز عاليه * القرو استفادو من طريقهم وهم بكتسبو العلم وطورو مهاراتهم واكتسبو ثقه في نفسهم * القرو عندهم رغبه يواصلو يقرو ويتطورو ويصلو اعلى مرحله ممكن يصلوها *ف السؤال مفترض يكون القرو ما عملوا شنو؟*🔥 2/*وحده بتسال من النتيجه* ما عندي فكرة والله بس استمتعي بحياتك لحد ما تتحدد *والسألت كيف تشتغل كويس في امتحان الفيزياء وهي فاهمه وقاريه* ما تخافي الخوف بطير المعلومات ناس تالت حنبدا نشتغل معاكم قريب إن شاء الله 3/*في وحده بتسأل كيف ترفع معدلها لي 3؟* *وهل حتقدر؟* *وانو 4 مواد فقط؟* اول حاجه اي حتقدري لو عايزة ؟ حتقدري كونك بتسالي يبقى لسه عندك امل وعندك الرغبه ف كيف تجيبي 3؟ * *اول حاجه تفكري تجيبي 4* امشي بالفكرة بتاعت انو لو هدفك كان القمر حتى لو ما وصلتي ليهو وضعتي حتستقري بين النجوم✨ عايزة تجيبي نسبه في تالت؟ ختي نسبه أعلى منها بكتير واعملي ليها عشان لو ما جبتي النسبه ال عاليه شديد حتكوني جبتي نسبتك العايزاها ودا المطلوب🤩 *عايزة تجيبي 3* 1/تختي هدف انك تجيبي 4 وتسعي انك تجيبي 4 2/تحللي وتشوفي مفترض تعملي شنو عشان تجيبي 4 * يعني الاربعه مواد العندك شوفي نظام جامعتك عامل كيف عشان تجيبي A في المادة لازم أقصى عدد اغلاط تجيبيها كم؟ * اصعب مادة ياتا؟ عشان تبدي وتركزي عليها * ياتو ماده محتاجه زمن اكتر؟اديها زمنها وابدي بيها طوالي اول ما * تخلصي المادة الصعبه * ياتو ماده عايزة فهم؟تفهميها * ياتو مادة عايزة حفظ؟تحفظيها *يعني حتعملي شنو؟* ¹/تختي انك تجيبي أعلى معدل ممكن ² /تحللي المواد ³/وانو تبدي وتستمري وان شاء الله بعد تجيبي ال 4 أو التلاته تكوني احلى واشطر خريجه وربنا يوفقك💗💗 3/*وحده قالت سالتني قبل فترة وما رديت* لكي العتبى يختي🥹💗 وبشري جبتي كم السنة التانيه؟🎀 *انو المشاكل البتواجهك مرات بتكون من البيئه الحوليك وأنها ما مناسبه واتخذلتي كتير* غيري البتقدري تغيريهو والما بتقدري تغيريهو ادعي ربنا يغيرو💗 في ناس وقت الدنيا تضلم عليهم وتقفل أبوابها بقولو ما لنا الا الدعاء *هو في اقوى من الدعاء؟* الدعاء يغير الأقدار !! *القدر المعلق طبعا ما المحتوم* *القدر المحتوم :* دا اللابد انو يحصل زي الموت يعني لو دعيت انو ما تموت ما حتموت؟ لا ليه لانو قدر لابد انو يحصل اما *القدر المعلق :* دا زي بلاء نزل عليك مرض أو غيرو بسبب دعائك واستغفارك ممكن ربنا يبعدو عنك أو يديك سؤالك انتي في السودان والكهرباء قطعت؟ *ادعي ربنا يجيبها* المويه قاطعه؟ *ادعي ربنا يجيبها* البيئه حواليك ما مناسبه؟ *ادعي ربنا يخليها تتناسب معاك أو انتي تتأقلمي معاها أو يقويك عشان تقدري عليها* الحاجات البتقدري تغيريها في نفسك اسعي انك تغيريها والحاجات ال ما بتقدري تغيريها ادعي ربنا وحاولي تتأقلمي معاها أو تشوفي الحاجات الايجابيه فيها🌷 4/وبعلي في وحده قالت لي بحبك🙈💗 انا كمان بحبك يا سكرة وقالت إنها مستهترة وبتقدر تنجز بس ما بتقعد للقراية *كمان عندك عين تقولي؟😀* وانو اتعودت على الانجليزي وما قادرة تقرا العربي *اعتقد انو العربي اسهل من الانجليزي🙊* وانو عندها امتحان بكرا *وداخله الواتس؟😃* حديكي الحل بدون كلام كتير *اول ما تفكري انك تقري تقومي بعد 5 ثواني وتقعدي تقري* بس انتي مستهترة لانو بالجد القعاد للقراية صعب الاستمرار عليها برضو صعب بس اول ما تبدي حتتعودي اول ما تكوني عايزة تقري طوالي تقعدي تقري بدون تهيئ الجو بدون تقولي بعد الغدا أو بعد انضف *عايزة تعملي حاجه طوالي في نفس الدقيقه تعمليها* 5/*وحده قالت عايزة تصل لي* رسلي رقمك في الاسك 6/*في وحده قالت بتحس انو عندها حاجات كتيرة مفروض تحفظها وتعرفيها وحاسه انو ما عندك زمن* شوفي انتي ممكن تفكري كدا عشان تكسبي زمن بس ما تفكري كتير عشان توقفي نفسك كيف يعني؟ يعني مثلا 📌*¹/يعني تحولي احساسك انو لسه وراكي حاجات كتيرة لي إيجابية ممكن تستفيدي منها*

*طيب حرد على تعليقين بس لانو والله الكهرباء قاطعه والدنيا حر وزول داير زول ماف* 1/في واحد من كلامو فهمت انو قادر على النجاح لاكين ضيع الفرصه دي بسبب التسويف وحاليا حاسي بضغط الامتحانات وندم وخوف من الفشل انا ركزت على جمله واحده قالها *حتى اصحابك بعاينو ليك بروح الفشل* طبعا أنا حتكلم عن النقطه دي بس لأني ما عايزاهو يبحث عن الحلول للمشاكل التانيه عايزاهو يلقى *الدافع* في النقطه دي شفتو يخوانا انا بشوف انو السقوط والفشل اكبر دافع للإنسان عشان ينجز وعشان يبدع وعشان يعرف هو منو ويعرف مقدراتو *الجو حار والله المره دي بدل اوصف المشكله حوصف الحل طوالي* انو تخت انو اصحابك واقرب الناس ليك شايفنك فاشل دافع عشان تثبت ليهم العكس وتغير ليهم نظرتهم دي حاول اتخيل انك فشلت في سنه دراسيه مثلا او في رسبت في مادة في سمستر وكل الناس بقو معتبرنك فاشل فجاه في يوم نتيجتك طلعت وجبت نسبه عاليه أو دخلت قائمه الشرف حيحسو بشنو؟ حيقولو شنو؟ حتى لو ما قدامك وراك حيقولو شنو؟ وبالنسبة للناس الحيقولو مفترض ينجح عشان نفسو ما عشان الناس *كدي نجيب النجاح اول بعدين نغير السبب الخلانا ننجح* *أو حيخلينا نستمر في النجاح* ف الناس شافوك فاشل؟ خليهم يشوفوك وانت ناجح⭐ 2/ وفي وحده قالت مستاءة من نتيجه السمستر الاول ف فاقدة الشغف نفس كلامي القلتو فوق *ما نفس المشكله لاكين نفس الحل* عندك سمسترات كتيرة قدامك كونك تقيفي من البداية بس لانو النتيجه ما عجبتك دي ما حاجه كويسه صدقيني من اول عترة تفقدي الشغف والرغبه في التقدم؟ دا مش معنى الاستسلام؟ لو ما عايزة تنجحي وترجعي الشغف عشان نفسك انجحي عشان الناس الزعلو بسبب نتيجتك والناس الفرحو بيها ختيهم دافع قدامك واتذكرو انو انتو البتقررو أنو شمس الفرحه تشرق ☀️💛 ويبقى كل الفات حكاية ❤️❤️❤️!!! #الاء _صلاح #مبادرة _نحنا _معاك #الدعم _النفسي

🌟يا طلاب وطالبات الشهادة السودانية دفعة 27🩵.. لو إنت من الدفعة الجديدة فالمبادرة دي معمولـة عشان تدعمك وتساعدك في رحلتك 🩵.. 🔥بتفتش على: • بداية بروح معنوية عالية وحماس؟ • نصائح وتجارب حقيقية من الطلاب السَبقوك؟ • حلول لأي مشكلة واقفة قدامك قبل ما تبدأ السنة؟ ما تشيل همّ نحن معاك من البداية! بس شدّ الهمة يا بطل تعال شوف مجهزين ليك شنو 🔥: 🔥مفاجآت مبادرة "نحن معاك": 🎙️ ورش ولقاءات حصرية: مع أوائل الشهادة السودانية ونخبة من المتميزين لنقل الخبرات والتجارب. . 📝 حل الامتحانات السابقة: حنكون معاكم خطوة بخطوة ونحل امتحانات السنين الفاتت سوا عشان تضمن الفهم وتتعود على نمط الأسئلة. 📌على قناتنا الرسمية: https://t.me/Sudanexams خليك قريب🔥 الجاي أحلى وأكبر بإذن الله تعالى! 🤩🩵.

اشتقت ليكم

صبحكم الله بالخير 💗

السلام عليكم ورحمه الله وبركاته 🌸