إستبرق🦋 "نبتة🌱"

أخيرا حان وقتها^^ وما جزاءُ الصبر إلا لذَّة تُنسيكَ كل العناء الذي مضى🌸😌 الحمد لله ربنا الحمد لله.

"الراحمون يرحمهم الرحمن تبارك وتعالى ارحموا من في الأرض يرحمكم من في السماء"

اقل مرض في الغربة -لو الواحد مفضلش يحارب فيه بكل قوته- بيهد الواحد خالص، في حين انك لما تتعب في بلدك ممكن تجري في الشارع عادي من غير ما تحس بيه اصلا.. سبحان الله الإنسان جاحد اوي، ربنا ينعم عليه بكل النعم اللي بيملِّكها للإنسان ويرجع يعصيه بنعمه وينسى ان حياته بين يدي بارئها ولو شاء خسف به الأرض، ألا يتعظ؟ مجرد تعب بسيط هنا يتركب بدل المحلول تلاتة لعلاجه والأشد ألما مش التعب نفسه ولكن الوحدة وعدم وجود اي حد معاك على الأقل يوديك ويروحك من المستوصف، بس ربك بيعين!

سبحان الله الإنسان كسول انه يعمل شغل محتاج منه مجهود متواصل مثلا ٥ ساعات وفي نفس الوقت عنده القدرة انه يقعد على تلفونه ٨ و٩ ساعات من غير ما يشعر بملل! . الله يصلح احوالنا يارب

سبحان الله الإنسان كسول انه يعمل شغل محتاج منه مجهود متواصل مثلا ٥ ساعات وفي نفس الوقت عنده القدرة انه يقعد على تلفونه ٨ و٩ ساعات من غير ما يشعر بملل! . الله يصلح احوالنا يارب

لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (23)

السلام عليكم اخواتي أهل الثانوية العامة، النتيجة خلاص بانت؟ لما انا كنت في نفس اللحظة اللي انتوا فيها دي انا اتكتمت مكاني ومانطقتش، مكنتش حاسس بحاجة، يعني ايه واحد في علمي علوم يجيب ٩٢%! ايه المجموع الوحش ده؟ بس كان قدامي طريقين يا صديقي، يا اما اشرب سجاير واصيع مع اللي صاعوا، يا الطريق التاني اللي بفضل الله وحده ربنا وداني له، كان فيه ناس اكبر مني طيبين ربنا عرفني بهم قبل نتيجة الثانوية بأيام (وحاليا هم أعز اصحابي) قعدوا يقولوا لي كلام شبه اللي بقوله دلوقتي ويحكولوا تجربتهم وبتاع، وكانوا عبارة عن رزق ربنا ساقه ليا، بفضل الله وحده الناس دول كانوا سبب اني عرفت يعني ايه قيام ليل، وكانوا سبب في تعلم علوم شرعية، وكانوا سبب بطريقة غير مباشرة في حفظ القران وحبي للقران بفضل الله وحده ربنا هيئ لي الأسباب دي.. لا أخفيك سرا يا صاحبي انا فضلت ابكي بكاء الطفل على مجموعي ده واتحسر عليه لغاية سنة ٣ كلية تقريبا، اصله كان حلم وكدا، ايوة انا حاسس بيك والله، حاسس بوجعك، ما انا مجربه، بس تعرف؟ كان أجمل قدر مر عليا في حياتي، بسبب المجموع الوحش والكلية الوحشة اللي مش عاجباني اليع دي ربنا فتح عليا فتوحات من عنده والله لا أقدر ثناءً على الله بسببها، لما دخلت الجامعة كنت بمشي جنب كليات علوم هندسة وصيدلة وأسنان وبعدهم طب وتربية في طريقي لأقرب موقف عشان اروح، وكنت بحس بالألم اللي يعتصر قلبي، اصل كان نفسي في الكلية اللي هناك دي، حلمي اللي تحطم وبتاع.. بس تعرف؟ انا اهو تخرجت واشتغلت وتزوجت وأنجبت بحمد ربنا أشد الحمد اني مدخلتش ولا كلية من دول، وبحمد ربنا جدا جدا على اللي انا فيه دلوقتي، انا احسن من غيري كتير اوي، لو كنت دخلت الكلية اللي نفسي فيها مكنتش حفظت قران ولا عرفت حاجة عن العلوم الشرعية ولا كنت تزوجت ولا اشتغلت ولا اي حاجة.. ءامن بقضاء الله عز وجل وقدره يا صديقي، واعرف أن كلٌ ميسَّر لما خُلِق له، اكتنز الفترة دي جدا واستمتع بها، احفظ القران، دا اجمل وقت تحفظه فيه، اتعلم العقيدة والفقه والحديث، وافرح بكليتك لأن غيرك اصلا من زمايلك كان اخره في التعليم ٣ ثانوي صناعي (دبلوم فقط) وغيرك كتير بيتمنوا ربع الكلية اللي ربنا قدرهالك.. مجموع الثانوية عمره ما كان مقياس انت ناجح ولا لاء، الناجح بجد يا صغيري هو اللي يخرج من الجامعة بنفس القلب البريء اللي دخلها بيه، الناجح بجد هو اللي علاقته بربنا تكون أقوى وأمتن وهو في ريعان شبابه، الناجح بجد اللي يحمد ربنا على مجموعه دلوقتي ولا يحزن، لأن ده خير ربنا ساقه له. الناس اللي جابت مجموع حلو وهيدخلوا الكليات اللي بيتمنوها مبارك لكم من القلب، لكن اوصيكم بالاستمرار على الاجتهاد ده في كلياتكم، لأن ياما ناس كانوا ممتازين في الثانوي، راحوا الكلية تكاسلوا وأهملوا الدراسة، افرحوا بمجموعكم واكتنزوا الايام دي لأنها لن تُعوَّض، و واسوا إخوتكم وبلاش تشمتوا يا ولاد، انت بتفرح وتعيش حياتك واخوك اللي لم يوفَّق بيفضل يعاني نفسيا كتير، كُن لأخيك عونًا له على نفسه واحتسب الأجر عند ربك تبارك وتعالى . الله يرضى عن الدكتور ابراهيم محمد، الدكتور أحمد عبدالله، الدكتور محمد حجازي، الدكتور محمد دحروج، المهندس محمود ناصر، وشيخي وتاج رأسي الشيخ عماد ياسين.. دول كلهم كلموني وانا في مثل موقفك وكانوا رزق ربنا ساقهم ليا يواسوني ويعلموني انها اقدار ربنا وان الكلية متفصلة على مقاسي وصدقوا كلهم والله.

انا بحب الصباح جدا، عندي قناعة بداخلي انه اجمل وقت في اليوم، بحب انام بدري عشان الصبح يجي بسرعة، بيكون الذهن رايق ومرتاح ولسه لم يصطدم بقرف الدنيا، وعلى النقيض بعد ما الصبح يخلص بفضل طول اليوم متضايق مقريف.. يمكن سبب حبي للصبح انه وقت خالي من الضغط الذهني والعقلي ولسه ما بدأناش شغل، وضيقي من باقي اليوم بسبب التعب فيه وضغط الشغل والتعامل مع بشر مختلفين في العقل والثقافات ومحتاجين طول بال وصبر وتتنازل كتيييير عن امور صح عشان الدنيا تمشي، مكان مش مكاني وحتة مش بتاعتي لكن مضطرين نتعايش معاها لأنها سبب رزقنا لحد ما نلاقي اللي يخصنا.. بس انا بحب الصبح بردو، يارب يقدر لنا اجازة في مصر قريب..

https://youtube.com/shorts/oWNx9xYk87U?si=uh_4fddLBBOnS3Gl

"حياة الفتى في غير موضعه قتل" حد من الشباب كتب دي او قالها في مكان ما، واستأذنته قبل ما ارد عليها في العام هنا. شوفوا يا رجال، وأخص الرجال دونًا عن النساء في كلامي ده.. مفيش حاجة اسمها حياة الفتى في غير موضعه دي إطلاقا، ليه؟ لأن انت رجل= هتشتغل أي حاجة مهما كانت عشان ربنا يرزقك الفلوس اللي تعول بها نفسك وزوجتك وعيالك، اخوكم اشتغل كتير في حاجات كتير، مش عشان هو حابب الشغل لاء عشان بيسعى على رزقه، سيبكم من اخوكم مش مهم.. النبي صلى الله عليه وسلم دا كان وظيفته الأساسية ايه؟ كان وظيفته انه خاتم الأنبياء والمرسلين وجاء بالرسالة وأداها وبلغ دين الله عز وجل كامل غير منقوص، يعني موضعه الأساسي ايه؟ انه نبي.. صح كدا؟ هل ده منعه من انه اشتغل في التجارة؟ هل ده منعه من الشغل في الرعي؟ هل ده منعه من الشغل عموما؟ هل صلى الله عليه وسلم قال انا هعلم الناس تعاليم الدين وأعلمهم القران وهتفرغ لكدا ومش هشتغل؟ ولا كان صلى الله عليه وسلم بيعمل وبياخد بالأسباب عشان ربنا تبارك وتعالى يرزقه؟ انت رجل = اشتغل اي حاجة عشان مفيش رجل بيقعد في البيت + مفيش رجل بيقعد يندب حظه ويقول انا ايه اللي جابني هنا، (ودي رسالة بوصلها لرجال الثانوية العامة، مش مهم انت في كلية ايه، المهم بعد التخرج هتعرف تشتغل ولا لاء) انا واحد كان كل حلمي ادخل كلية علاج طبيعي لعشقي المجال ده بتفكيري الصغير وقتها لكن بعد التخرج والسفر والشغل بقول لك كل الرجال هنا تفكيرهم واحد مفيش خلاف عليه وهو (انا عاوز يومي يعدي وانا شغال مش وانا قاعد في البيت لأن كل يوم أقعده في البيت من غير شغل مهما كان ايه الشغل ده عبارة عن فلوس خسرتها مش هعرف اجيب بها اكل لا ليا ولا لعيالي) انا وانت وغيري وغيرك ومعظم المسافرين بره مصر لما بنسافر بنفهم يعني ايه دنيا، بننسى اصلا القابنا ده مهندس ده دكتور ده سباك ده نجار ده مش عارف ايه، مفيش الكلام ده هنا، الحاجة الوحيدة اللي موجودة هي انا عاوز اشتغل ومش شرط احب ما تعمل خالص، لاء اشتغل بس دلوقتي لحد ما ربنا يفرجها عليك وتلاقي شغل تاني افضل او اريح.. الخلاصة نقدر نقول (حياة الفتى في غير موضعه بتعلمه ازاي يجتهد جدا ويطلع أفضل نسخة من نفسه عشان يقدر يوصل لموضعه اللي بيتمناه أو عشان لما يوصل لموضعه يعرف قيمة المكان اللي هو فيه) واعرف يا رجل انت وهو، أن على قدر اجتهادك على قدر ما هتلاقي النتيجة ولو شئت فاقرأ قول الله عز وجل "وأن ليس للإنسان إلا ما سعى * وأن سعيه سوف يرى * ثم يجزاه الجزاء الأوفى" . حاجة اخيرة هضيفها قبل ما انشر الكلام ده، وهي انك لازم تعرف (يا رجل) انك هتتنفخ وهيطلع عينك وهتتبهدل وهتتمرمط مع أول يوم ليك بعد ما تخلص جيش أو لو مش ليك جيش هتتمرمط مع أول يوم ليك بعد ما تستلم شهادة تخرجك من الكلية، لازم هتتنفخ و وقتها هقول لك مرحبًا بك في مجتمع الرجال اللي بيسعوا على رزقهم وبيأخذوا أجرهم مرتين مرة في الدنيا ومرة عند ربنا ولكن انت احتسب ده عند ربنا اهم حاجة، وبعد كدا جسمك هينحس وهتتعود على النفخ متقلقش.. . كتبَه عبدالله أشرف.

كذلك كنتم من قبل فمن الله عليكم.. . انا مسميها التلاوة التأديبية، بسببها مستحيل أأنف من أي حد ولا بزهق ولا أمل من أخطاء القراء أبدا، بل بفتكر أن أغلبهم في بدايته كان أحسن مني مليون مرة.. التلاوة التأديبية دي كانت بالتمام والكمال قبل ١٠ سنوات من الان. https://drive.google.com/file/d/1P0mu8N0Uw8PGlfkrt9bDW9xB8xnl4cOj/view?usp=sharing

عَن عبدِ اللهِ، قال: مَن سَرَّه أن يَلقى اللَّهَ غَدًا مُسلِمًا فليُحافِظْ على هؤلاء الصَّلَواتِ حَيثُ يُنادى بهِنَّ؛ فإنَّ اللَّهَ شَرَعَ لنَبيِّكُم صلَّى اللهُ عليه وسلَّم سُنَنَ الهُدى، وإنَّهُنَّ مَن سُنَنَ الهُدى، ولو أنَّكُم صَلَّيتُم في بُيوتِكُم كما يُصَلِّي هذا المُتَخَلِّفُ في بَيتِه لَتَرَكتُم سُنَّةَ نَبيِّكُم، ولو تَرَكتُم سُنَّةَ نَبيِّكُم لَضَلَلتُم، وما مِن رَجُلٍ يَتَطَهَّرُ فيُحسِنُ الطُّهورَ، ثُمَّ يَعمِدُ إلى مَسجِدٍ مِن هذه المَساجِدِ، إلَّا كَتَبَ اللهُ له بكُلِّ خَطوةٍ يَخطوها حَسَنةً، ويَرفَعُه بها دَرَجةً، ويَحُطُّ عنه بها سَيِّئةً، ولقد رَأيتُنا وما يَتَخَلَّفُ عَنها إلَّا مُنافِقٌ مَعلومُ النِّفاقِ، ولقد كان الرَّجُلُ يُؤتى به يُهادى بينَ الرَّجُلَينِ حتَّى يُقامَ في الصَّفِّ. الراوي : عبدالله بن مسعود | المحدث : مسلم | المصدر : صحيح مسلم الصفحة أو الرقم: 654 | خلاصة حكم المحدث : [صحيح] التخريج : من أفراد مسلم على البخاري

"فلما ءاتاهم من فضله بخلوا به وتولوا وهم معرضون"

بخط إيدي تعبيرًا عن الفرحة، وامتنانًا لجلال الملك تبارك وتعالى، الحمد لله رب العالمين.

الله لطيف بعباده! الحمد لله الذي أخرجنا من القرية الظالم أهلها من غير حول منا ولا قوة🥳🥳🥳🥳🥳🥳 الحمد لله بكل قلبي، بقلب مليء بالفرحة والسرور🥳🥳 مكان ما زادني إلا عصبية وضغط وزعيق وكل صفة سيئة اجتمعت فيا، وسلب مني كل جميل، الحمد لله الذي أخرجنا من أرض النفاق🥳🥳🥳 وداعًا لأمرّ ١٦ شهر عيشتهم في حياتي، نادرًا ما يمتلئ قلبي بفرحة من هذا النوع لكن بملئ الفم أنا مبسوط اني معتش هشوف أي حد من الناس دي تاني🥳🥳🥳🥳🥳🥳🥳 الحمد لله الحمد لله الحمد لله🥳🥳🥳🥳🥳🥳🥳🥳🥳🥳🥳🥳🥳🥳🥳🥳 نسأل الله عز وجل ألا نلقاهم لا في الدنيا ولا في الأخرة، مسامحهم لدرجة مش عاوز أشوف أي حد منهم في الأخرة ولا في الدنيا، نسأل الله ألا نقابل نفس الصنف ده تاني أبدا ولا نلقى إلا أهل الخير الطيبين اللي يشدونا للجنة، اللهم لك الحمد كما ينبغي لجلال وجهك ولعظيم سلطانك🥳🥳🥳

"وله ما سكن في اليل والنهار وهو السميع العليم"

"وله ما سكن في اليل والنهار وهو السميع العليم"

"يداك أوكتا وفوخك نفخ"

https://youtube.com/shorts/tivnb3qI0M4?si=W7c8KPUQYt0iwD0Y . أنا فاكر أول مرة حفظتها، كان عمري لا يتعدى ٨ سنوات، فاكر كنت قاعد جنب أمي على الأرضية في الصالة وفاتح المصحف وبقرأ بصوت عالي يشبه التجويد بس مكانش تجويد وفجأة بقول "وجاءت سكرة الموت بالحق" ويقشعر جسدي وتنهمر الدموع من عيني ويغلبني جسدي للأرض وأعيط وانا بفتكر خالي اللي كان ميت قبلها بشهور ويمكن أيام (رحمه الله)، وأمي بدورها تضمني لحضنها وتهدي فيا.. يا أخي كنا على الفطرة، والدنيا فضلت تقسي في قلوبنا ونجري وراها شبه الخراف لحد ما بقت قلوب أقسى من الحجارة أو أشد قسوة (إلا من رحم الله) ربنا يرد لي قلبي.