У абароне вузей

Іван Маеўскі расказаў, што з’ехаў са Славеніі. Слова "канчаткова" наштурхоўвае на думку, што варыянты малады коўч будзе шукаць у Беларусі. Сумна. Але ў "Цэле" пасля Маеўскага якраз пайшло. З новым трэнерам дабраліся да плэй-оф адбору ЛЧ.

Усе памятаюць, што пасля еўракубкаў "МЛ" вяртаецца ў Віцебск? На гэты раз дакладна ж праўда?

Усім добрай ночы. Перад сном схадзіце пакруціць гуся. "МЛ" яшчэ трэба плаціць легам заробкі за матчы ЧБ.

Фёдар вельмі адкрыта просіць "Майнц" пачакаць. Не страшна. Перфомансы супраць "Карабаха" перакрываюць рэдкую памылку з запасам. ЦСКА мінімум у ЛК, а максімум у ЛЕ. Калі без новых траснфераў, то Эбонг, Лапавухаў і Мартыновіч з "Кайратам" – адзіныя беларусы ў еўракубках на сезон-2026/27.

Да БАТЭ і "Дынама" па еўракубкавай кампаніі пытанняў быць не можа. Адзін прапушчаны за 180 хвілін супраць "Брагі" – топавая дысцыпліна. "МЛ" мог выехаць на персаналіях, але справядліва вяртаецца дадому. Урок менеджмента для Лявонава? Ці Сакалінскаму ўжо прыляцела рашэнне аб адстаўцы ў Telegram?

1/10. Да канца праклёна Кавалевіча засталося ўсяго 9 гадоў.

3+1 за шэсць матчаў – вельмі добры старт сезона для Шкурына пасля разбітага 2025-га. Апроч выніковасці, трэнер хваліў беларуса за прагрэс без мяча. Там, дзе ёсць давер, Ілля заўсёды дае якасць: "Энергетык", "Макабі", "Сталь", цяпер "Катавіцы". Праз тыдзень топ-2 футбаліст у краіне будзе святкаваць 27-ы дзень народзінаў. Гэта ключавы сезон, каб замахнуцца на нешта большае, чым Экстракласа. Верым?

Ілля зноў з голам, але "Катавіцы" блізкія да вылету з еўракубкаў 3+1 за шэсць матчаў сезона ў беларуса.

Ілля зноў з голам, але "Катавіцы" блізкія да вылету з еўракубкаў 3+1 за шэсць матчаў сезона ў беларуса.

Шкурын сёння ў старце на матч ЛК супраць "Хапоэля": https://x.com/_gkskatowice_/status/2087554721535947024 Палякам трэба вяртацца з 0:2 – у плэй-оф чакае "Аталанта". Шанцы на камбэк маюцца. У апошніх 16 матчах дома "Катавіцы" тройчы згулялі ўнічыю і атрымалі 13 перамог.

Пакуль "Арока" спрабуе прадаць Марозава, Марозаў пачаў прадаваць сумкі і заплечнікі. Smart move?

Чалавек (Ламавіцкі) прыязджае ў новы клуб і ў дэбютным матчы пры ліку 0:0 б’е міма пустой рамы з двух метраў. Далей чалавек смяецца, дэманструючы самыя белыя зубы ў ЧБ, і махае рукой. Жэст, відавочна, трактуецца як "ай, нічога". Якую характарыстыку такія дзеянні даюць чалавеку?

Баркоўскі стартаваў з трох матчаў без галоў у Д2 Польшчы, дзе не хацеў гуляць. Марозаў дагэтуль не сышоў з "Арокі" і застаўся па-за заяўкай на 1-ы тур. Шасцюк нечакана прысеў на лаўку ў "Раднічках". Выбар форварда пад Лігу нацый будзе цікавым.

Гістарычны скрыншот, канешне. І гэта на фоне чутак пра продаж клуба Капскім-малодшым.

Лідар ЧБ толькі што праваліўся на фоне 4-й каманды Македоніі. Нуль (!) удараў у створ ад "дынамаўцаў" – а гэта яшчэ і першы матч для "Сілекса" ў сезоне. Абсалютна безыдэйны першы тайм з вайбамі часоў Паўлава. Збіліся на доўгія перадачы, Варданян адкрываўся ў двухметровыя афсайды. Другая палова з лепшым кантролем. Плюсаў больш няма. Не верыцца, што матч у адказ "Дынама" правядзе аналагічна. Вельмі патрэбны Моўчан. У Еўропе ж яшчэ не ведаюць пра яго звычку прыбіраць пад левую нагу – можа дапамагчы.

❗️ "МЛ" стаў першай беларускай камандай за 23 гады, якая нарвалася на адлуп (3+ мячы) у стартавым раўндзе ЛЧ Падчас чэмпіёнскага стрыка БАТЭ сабе такое не дазваляў, іншыя каманды таксама. Апошні разгром быў у кваліфікацыі 2002/03. Барысаў атрымаў 0:3 ад ірландскага "Багеміана".

Яшчэ адзін важны нюанс сёння – спонсар на грудзях футбалістаў "МЛ". У Венгрыі з рэкламай букмекераў гуляць забаронена. "Краёва" надпіс прыбрала, клуб Лявонава – не. Помніцца, як бос псеўдавіцяблян расказваў, што за яго клуб у еўракубках будзе заўзець уся Беларусь. Чаму б гэта? ФК "МЛ" не ўзнік бы без існавання Maxline. Галоўная мэта гэтага клуба – вярбоўка новых карыстальнікаў для канторы ў эпоху катастрафічна хворай на букмекераў Беларусі. Плюс роля цацкі. Гэта важна прагаворваць. Чым лепш працуе Лявонаў – тым больш людзей у краіне будуць пакутаваць на залежнасць ад ставак. Падтрымліваць гэта вычварэнства не хочацца нават дзеля еўракубкавых балаў.

Даволі відавочны, але важны факт: самы моцны "МЛ" у сезоне быў пры Марціновічы. Лявонаў забіў патэнцыял каманды ў еўракубках сваімі рашэннямі і адказваць будзе таксама сваім кашальком. Нікалсан не набраў форму. Найлепшы гулец каманды ловіць рыбу ў Беларусі. Ключавых легіянераў узялі позна. 1:4 пры пустых трыбунах – гэта фініш. У Румыніі "Універсітаце" застаецца адсвяткаваць перамогу са сваімі.