កម្មវិធីសាលាជំនាន់ថ្មី វិទ្យាល័យព្រែកលៀប

✨ សកម្មភាពចុះសម្ភាសន៍ និងប្រមូលទិន្នន័យស្រាវជ្រាវ ពីសំណាក់អ្នកស្រាវជ្រាវអន្តរជាតិ ✨ នៅថ្ងៃទី១៤ ខែសីហា ឆ្នាំ២០២៦នេះ វិទ្យាល័យព្រែកលៀប​ បានទទួលស្វាគមន៍យ៉ាងកក់ក្តៅចំពោះ ក្រុមអ្នកស្រាវជ្រាវរបស់ National Institute for Education Policy នៃប្រទេសជប៉ុន ចុះមកធ្វើការសម្ភាសន៍ និងប្រមូលទិន្នន័យជាក់ស្តែងនៅវិទ្យាល័យព្រែកលៀប ដោយមានការសម្របសម្រួល និងដឹកនាំពីលេខាធិការដ្ឋាន នៃអគ្គនាយកដ្ឋានបណ្តុះបណ្តាល និងវិក្រឹតការ ក្រសួងអប់រំ យុវជន និងកីឡា។ ជំនួប និងសកម្មភាពស្រាវជ្រាវនេះ គឺជាផ្នែកមួយដ៏សំខាន់ក្នុងការចូលរួមចំណែកដល់ការផ្លាស់ប្តូរបទពិសោធន៍ និងការអភិវឌ្ឍវិស័យអប់រំឱ្យកាន់តែប្រសើរឡើង។ គណៈនាយក​ គណៈគ្រប់គ្រង លោកគ្រូ អ្នកគ្រូ និងសិស្សានុសិស្សទាំងអស់ សូមថ្លែងអំណរគុណយ៉ាងជ្រាលជ្រៅចំពោះប្រតិភូក្រសួងអប់រំ យុវជន និងកីឡា និងក្រុមស្រាវជ្រាវនៃប្រទេសជប៉ុន ដែលបានផ្តល់កិត្តិយស និងជ្រើសរើសវិទ្យាល័យព្រែកលៀប សម្រាប់បេសកកម្មដ៏មានអត្ថន័យនេះ។ 🇰🇭🤝🇯🇵 #កម្មវិធីសាលារៀនជំនាន់ថ្មីវិទ្យាល័យព្រែកលៀប #ngs_pl #NGS #kape #MoEYSCambodia

អបអរសាទរទិវាយុវជនអន្តរជាតិ លើកទី២៧ ឆ្នាំ២០២៦ យុវជន គឺជាកម្លាំងចលករដ៏សំខាន់ និងជាធនធានមនុស្សដ៏មានសក្តានុពលសម្រាប់ការអភិវឌ្ឍប្រទេសជាតិ។ ការកសាងយុវជនឱ្យមានវិជ្ជាសម្បទា បំណិនសម្បទា និងចរិយាសម្បទា ប្រកបដោយគុណភាព គុណធម៌ និងសីលធម៌ គឺជាមូលដ្ឋានដ៏សំខាន់ក្នុងការធានាអនាគតដ៏រឹងមាំ និងចីរភាពរបស់សង្គមជាតិ។ #កម្មវិធីសាលារៀនជំនាន់ថ្មីវិទ្យាល័យព្រែកលៀប #NGSPL #kape #MoEYSCambodia