مَلجَأ ألتَغيِر.

اتمنى بعد سنوات من اليوم اكون أسست عائلة مريحة وآمنة عائلة بيها ابو بناتي يحضنهم بحب ويضحك وياهم بدون حدود وخجل ماله داعي عائلة بيها اولادي اصدقائي عائلة يگدرون بيها اولادي وبناتي يصرخون ويلعبون ويركضون ويرگصون بنص البيت بدون ما يخافون من حكم احد يگدرون يكونون…

اتمنى بعد سنوات من اليوم اكون أسست عائلة مريحة وآمنة عائلة بيها ابو بناتي يحضنهم بحب ويضحك وياهم بدون حدود وخجل ماله داعي عائلة بيها اولادي اصدقائي عائلة يگدرون بيها اولادي وبناتي يصرخون ويلعبون ويركضون ويرگصون بنص البيت بدون ما يخافون من حكم احد يگدرون يكونون طبيعيين بالبيت اكثر من اي مكان ثاني عائلة اكون بيها انا المستشار الاول بكل تفصيلة بدل ما اكون انا الشخص الي يخافون يكونون طبيعيين گدامه عائلة بيها الشقة والضحك والراحة والامان والتفهم هو الاساس، مو الروتين القاتل والتنظيم الخانق والمثاليات عائلة تكون تحب وجودي وتفتقدني لما اغيب مو تنتظر غيابي عن البيت حتى تتنفس عائلة بيها اولاد وبنات يگولون "ماما وبابا رح يحلوها النا" بدل "خليهم ما يعرفون احسن" عائلة يكون بيها وجودي وابوهم يخلي الحياة اسهل من غيابنا ويضيف مشاعر لطيفة للمكان بدل مشاعر الخنگة والتقييد اتمنى ابني عائلة افرادها يحبون بعض حب طبيعي بعيد عن التعلق والغيرة والحقد وحب متساوي يغرگون بيه كلهم وما يحسون ان احد منهم اقرب النا من غيره، حب يغنيهم عن اي علاقة تافهة برا البيت ممكن بيوم تجرحهم وتاخذ من عمرهم #بلا_داعي

انا ماحب نفسي وشكلي من بعدك .. يوصل الأنسان الى هذهِ المُعاناة نتيجة امرين امر مكتسب وامر مفقود وهو الاكتفاء الذاتي والمكتسب الجوع العاطفي الي ممكن يخلي الأنسان الى هذهِ الدرجة ميحب نفسة ولا يعرف شون يتقبل نفسة اذا الشخص الذي احبهُ لا يرغب بهِ القاء التحية دلالة على التلاعب النفسي ودور الضحية الذي تجعل الطرف المقابل يشعر بتانيب الضمير هاي طبعًا اذا عندة ضمير حي ثاني حاجة الانتظار عبارة عن ( وهم) مموجود ثالث حاجة الي سببت هذا التعلق المرضي الا وهو الجوع العاطفي الي يخلي الأنسان يشوف نفسة بهذهِ الطريقة وايضًا منكدر ننكر بان اول اسبابه العائلة الغير محتوية وايضًا يتسلسل هذا الامر الى باقي جوانب الحياة الاخرى ومننسا بان الأنسان حيضل يشوف نفسة مثلما شافتة امه واباه وهو صغير ومن العائلة يحدد اذا هو يستحق الحب فعلاً ام لا التعلق المرضي شعور جدًا مؤذي أتمنى كُل أنسان يقدر يتجاوز هذه العقبة بحياتة حتى يستمر بامكانه دون الحاجة ان يرى نفسة كما يراهُ الاشخاص الذين يرغب بهم ، أتمنى ان يعرف الأنسان قدرهِ واينما خُلق فهو مستحق للحب وتقبل ذاته كما هي وان الصورة المشوهة الذي اُخذت اليه عندما كان طفلاً ما هي الا خلل في عدسة الكامرة جميعنا نستحق الحب ونستحق أن نعيش حياة سعيدة .

doha.Thoughts

doha.Thoughts

دائمًا خلينا داركين هالشيء بان الأنسان ممكن يتعامل وياك حسب ما هو عاشة وما تشفىٰ منا الى الأن وهذا الشيء مؤذي جدًا اذا طلع الشعور الى الحيز اما اذا أنسان أذا كان يتألم ودارك مصدر اذيتة من شيء عاشة بالماضي ويحاول التخلص منة ومعترف بهذا الشيء ف لا لؤم عليهِ ان كان يحاول الشفاء ودارك منبع الاذى وليش حس وشعر هكذا وذا م دارك مصدر شعورة وليش حس هيج ف هنا المشكلة اذا ضل يفسر كُل شيء ؏ معقداتة ونفسة وناسة، وناسي هو مجروح وميحاول يتفهم مصدر هذا الاذىٰ، حيظل طول عمرة بنفس الدوامة الجارحة الي تلؤمة وتلؤم المقابل لانهُ ما قابل يسامح نفسة ويدرك بان الماضي مو ذنب ومو راضي يستوعب بانها الشعور الحالي نتيجة لما تعرض له من الماضي ويحاول احتظان ذلك الشعور .

اذا الأنسان يحاسب نفسة ع صغيرة وجبيرة ع كل كلمة وكل موقف خوفًا من ان يجرح احد او يؤذي احد هذا الأنسان صادق ووفي جدًا باختصار الي يوهوس اذا بذر منة شيء محلو وضل شاغل تفكيرة وايضًا هالشيء متعب جدًا لذا يجب ان يكن بتوازن عميق

اهم نصحية ممكن اقدمها الك .. بان لاتظل جوعان اذا منطوك الأكل الي تحبة من انت وصغير مراح تعرف طعمة من انت وجبير وحتظل بنفسك تجرب طعمة لاتظل جوعان اذا مانطوك الشعور الحقيقي والحضن وانتَ صغير لاتظل تحوم حتى تجرب شون يكون الدفء اشبع نفسك بسلوكيات اخرىٰ حاول أن تحتظن نفسك بكل ما اوتيت من قوة احضن الطفل الي تريدة ينحظن ويتقدر صورتم المشوهة امام نفسك الى نسبوها الك وأنتَ صغير هاي مو صورتك هي نسخة عن صنعهم مو انت َ هاي أبد احرگها لهاي النسخة باكملها طبطب ؏ نفسك وحاول مرارًا وتكرارًا ان تحتضن نفسك لان صدكني اذا الأم والأب محضنوك محد راح يحضنك بعد .. لذلك أحتضن شعورك وطبطب ؏ نفسك وهون تهون الحياة اذا كان صوتك الداخلي يريد يعيش .

انت َ حتحاول وربنا يرتبها .

_

وأن كان لك سياتي لن يُصيبك الا نصيبك .

_

شگد ما الدنيا تعبتك لا تتخلى عن مبادئك لا تتخلى عن اصلك لاتغمس بالظلام وتكول ما أكدر اصلح نفسي اقوىٰ سجن تدخل نفسك بي هو الي داخل عقلك ارجوك لاتكن دائمًا الضحية جرب تكون المنقذ خلاص يعني هاي حياتك تقبل الواقع وان كان مر تقبل وامشي عيش عيش لاتنسى ان تعيش لاتمشي امورك بس حتى توصل عيش الرحلة .

تدرون شنو ؟ بمرحلة من عمركم راح تكتشفون شيء .. رح تعرفون بان الجمال مو شخص عيونة ملونة ولا شخص طويل ولا شخص ابيض ولا اسمر ... راح تكتشفون بان هذني الامور لذات الانسان وزيادة ثقتة بنفسة حتعرفون بان الجمال هو الفكر السليم والقلب النظيف اتحدى اي انسان نظيف من الداخل تشوفة ومتحبة ! او تكول هذا الأنسان محلو .. لا اراديًا راح تشعر بان هذا الأنسان جميل الي يحبة رب العالمين حيخلي عبادة تحبة نقطة راس سطر لذلك حاولوا تصفون الفوضى الى بداخلكم اولاً نظفوا قلوبكم حتشعون من الجمال 💖.

لا تباوعون لرزق غيركم اي كان رزقهم مال، صحة، نجاح، دراسة، اهل حقيقي الأنسان يدمر قبل لا يُسلب لعدم قناعتة تدمر نفسيتة ويضل عقلة بس يفكر لذلك شنو تتمنى لنفسك تمنى لغيرك وتذكر دائمًا رزقهم ميقلل من رزقك والك قصة أنتَ تختلف عن قصتهم تمنوا الخير للكل ونظفوا گلوبگم وخلوها لله 🤍.