‏﮼نووت،الشعر🤍🕊

‏«لا تحسب إن الظروف تحدّني من دونك ‏كل ظرف أنطحه وجهي وأخيب ظنه ‏مستعد أبيع عمري لأجل أشوف عيونك ‏ويش أبي فالعمر وأنت عيونك أحلى منه؟» ‏—علي آل صبيح

‏من دلائل صدق المحبّة : الانشغال بالدعاء للمحبوب ‏ يقول عبدالله بن ناصر: ‏"جعل دربٍ مرّته خطوة حبيبي ‏ مايجف من المطر عشرين ليلة" ‏ ويقول سلطان الحوالي: ‏"جعل المطر على مدار العام ياالخود الطروب ‏ ما دام هذا هو مزاجك كل ما جانا المطر"

‏الخطأ يالأجودي ماهوب مني ‏وأعتذر لا صار مني .. لا إرادي ‏وإن نويت تصد عني ؟ صد عني ‏والله أن الوضع عادي وأنت عادي

‏كـل مامريت بعض الديار الخاليـه ‏أمطرت عيني وهلت سحاب دموعـها ‏ماتبـقى غير باقي رسوم باليـه وين ذيك الناس سلفانها ونجوعـها ‏أحسب أن عيني من الحزن قـدهي ساليه ‏لين جات ديار خلانها وربوعـها ‏وين سجات مع كل نفسٍ غاليـه ‏مع شروق الشمس حتى يبين طلوعـها ‏⁧ بن نوطان ‏

‏طرد المقفين لاسلمي ولا ديني ‏وشلون تقفين عني واتبع الجره.؟!

‏أمشي على مبدأ بن جدلان : ‏المقابل نفتح له دواليب القلوب ‏ والمقفي قلعة الوادرين تودّره ‏و ريح دماغك :)

‏لو إن مامضى بيرجعه ونتي وبكاي ‏كان العين ماجفت على ماضي سنيني ‏سقى الله زمانٍ فات ما كنني بـ إياي ‏زمانٍ يـ مهون فيه ماهوب يرضيني ‏الا ليتني ما طعت نفسي ولا مشهاي ‏وانا داريٍ ان ماغير نفسي بتشقيني ‏تغيرت تالي الوقت وانا بزمن شرواي ‏عجز ماصبر صبري مثل ما يباريني ‏ادور رضى غيري ولا همني رضاي ‏شعوري برضى الاقراب نفسه يراضيني ‏اسلي قلوب الناس وانا افتقد سلواي ‏عقب ما مزوح الناس كانت تسليني ". ‏

‏أقصى مراحل الإشتياق يوم قال مزيد الوسمي : ‏« يبدو إن الشوق وصّاني عليك وصايه ‏ لا اللقى يشفي غليل ولا المعانق كافي » ‏ - ما يكفيني معك إلا العمّر كله -

‏لاضاق صدري من اللي ينبشون الجروح ‏وانا جروحي قديمة توّها سالمه ‏اقوم واحط جوالي علي اذني وارووح ‏كني بكلم وانا ماعندي مكالمه

‏نآآدر كسآإب 💔👋 ‏انا والليل والدمعه ونجم سهيل وحداني ‏الى نآآمت عيون الناس وهمٰي بدآ ليلي ‏اعاني من هموم انسان عقب الود خلاني ‏لوقتٍ جار ماظنه عقب مـٰاجار يصفي لي ‏يميـٓن الله ما كنت اندفع لـولا تبلانـٓي ‏خذا قلبي يا بو فيصل وراح وصد يـٰويلي

‏وشحالك ولا شلونك يابعد هالبشر ‏ارب قلبك عقب ذا البطى ما حد جاه . .

‏و اللي على يديك ماهي تجاعيد ‏هذي زخارف نـور ودروب جنّه . امي

‏الحال الان ؛ ‏مثل ما قال ابن جدلان ‏ اسهر طوال الليل مع ضيقة البال ‏ اشكي على نفسي ونفسي كتومه ".

‏الهجر احياناً يحمي المحبه اكثر من الوصل ‏ عفّاس بن حرباش يقول : ‏ من حفظي لحبك تركتك علشان ‏ ما تمشي الفرقا كذا بالتدرج ‏ احسن يموت الوصل وتعيش الاحزان ‏ ولا يموت الحب وانا اتفرج ".

‏- شطر بليغ جدًا ، يجسّد عن خفوت الود: ‏ «أثر المواصل لا غدى من غير روح ‏مثل المصافح من عقب حبُ الخشم» .

‏تجرّع العبرة وما ودّك تبينها ‏لذلك أقسى وصفٍ ترجّمه شطر : ‏أحس فيني يتامى حزنهم كـ الميسم الحامي ‏وكن دموعهم ، تنزل من عيوني وهم يبكون ".

‏وليفي / غدا طبعك يشابه طبوع اعداي ‏وانا ماهقيت انك مثلهم .. تعاديني ‏انا ادري تواصلني وفي خاطرك فرقاي ‏رح .. الله يسمح دربك .. وما يخليني ‏وانا ادري غيابك موت ووصلك معي ادواي ‏وما اظن بعدك فيه .. حاجه بتعافيني ‏على كثر ماحبيت وجهك وجبت اقصاي ‏على ما كثر ما شوفه .. معد هو بيغريني .

‏نزع من تراب أرضه خيام وعمّد وأوتاد ‏لقى في ثراك أرضٍ ، وفي حلّتك ؟ حله ‏توقف ملذّات العمر بين شُرب ، وزاد ! ‏ولا الـذ من صوتك إلى جاء على حلّه ‏جعل كل يومٍ قد مضى لي معاك يعاد ‏وأنا مايكفيني معك . . مَـا مضى كلّه❣️ ‏« صالح بن حمد — سنة ٢٠٢١ »