نۆژین

لەنێو ئەم دەنگەدەنگ و ژاوەژاوەدا، وەرە من و تۆ لە تەنیشت یەکەوە دانیشین بە بێدەنگی و هیچ نەڵێین، ئارامی ئارام گوێ لەم موزیکە بگرین. ⁠❥¹¹

من لەسەر هەمیشەیی بوونی تۆ، لەسەر مانەوەی تۆ لە ژیانمدا، لەگەڵ هەموو گەردوونا گرەوم کردووە! بۆیە قەت نەکەی بێ خۆتم بکەی.

ئەمەوێ ماڵەکەمان پڕ گوڵ و بۆن خۆشی بێت، ئەمەوێ ئەو گوڵانە بێت کە بۆت هێناوم، ئەمەوێ ئەو گوڵانەشی وشک بوون بیکەم بە تابلۆیەک و لە سوچێکی ژوورەکەمان هەڵیواسم، ئەمەوێ بۆیان باسبکەم کە تا تەمەنی پیریش ئێمە هەر وەک ئەو ساتەی یەکەمجارین! ئەمەوێ ئەوانەشی لە قۆناغی جیابونەوەدان ساتێک ئێمە ببینن و پەشیمان ببنەوە.. من ئەمەوێ هەموو دونیا، هەموو گەردوون ئیرەیی بە گەورەیی عەشقەکەمان ببات! بە خۆشەویستی و وەفا و ڕێزگرتنەکەمان ببات.

بەڵام لەو کاتانەی کە تەنانەت حەوسەڵەی خۆمیشم نییە، هێشتا تۆم خۆشەوێت.

https://t.me/a_azarakanm

وەڵام نەدانەوەم بۆ نامەکانت هەموو کاتێک مانای ئیهمالکردن نییە، لەوانەیە خەمباربم و نەمەوێت تۆش خەمبار بکەم لەگەڵ خۆمدا. یاخود لەوانەیە ماندووبم و هێزم نەبێت باشترین خۆم پێشکەشی تۆ بکەم. لەوانەیە نوقمی جیهانێکیتر بووبم و کاتم بۆ خۆم نەمابێت، جیهانێک کە تۆ هیچ دەربارەی نازانیت.

من ئەڵێم باشم بەڵام تۆ تووندتر لە باوەشم بکە..

تاقانەی دڵی ئەوم، ئەمەش گەورەترین سامانمە.

وە لەمەودوا ئیتر گەر بشمرم کێشەم نیە، چون ئەو عەشقە دوولایەنەی کە تەواوی ژیانم ئاواتم بۆی ئەخواست، لەگەڵ تۆیا تاقیم کردەوە.

ئەو تاکە پیاوە کە لە ڕۆحمایە.

لە لاپەڕەی دووهەمی پێناسەی مندا، ناوت نییە بەڵام دونیا لێم تێدەگا کە تۆ خاوەنی گیانی منی.

~

ماندووم؛ ئەچم جەستەم لە شوێنێک فڕێ ئەدەم، ئەکرێ ئەو شوێنە باوەشی تۆ بێت؟

هەرگیز بە خەیاڵتدا نایەت کە ئەم کچە ئازارەکانیشتی خۆشدەوێت! بە خەیاڵتدا نایەت کە ئەم کچە بێدەنگیەکانت، توڕەبوونە لە ناکاوەکانت، ساردی قسەکانت، دووری دەستەکانت، شەڕە نا پێویستەکانتی چەنێک خۆشدەوێت.

هێزی ترپەی دڵە ماندووەکەمی.

با نەمرم؛ هێشتا تەمەنم پێشکەش نەکردووی، هێشتا هەموو گەنجی و جوانی خۆم پێنەداوی، هێشتا ڕۆحی تۆم لە سکما هەڵنەگرتووە، با نەمرم هێشتا هیچم بۆ نەکردووی! تێر بە دڵم خزمەتم نەکردووی، هێشتا فرسەتم نەبووە ئەو عەشقەت نیشان بدەم کە تۆ شایەنتە، با نەمرم جارێ..

با خاڵەکانم شوێنی ماچی تۆ بێت.