𝗦𝗔𝗡'𝗔𝗧 VA SPORT 𝗙𝗔𝗞𝗨𝗟𝗧𝗘𝗧𝗜 | 𝗥𝗔𝗦𝗠𝗜𝗬

🏆 «INTELLEKTUAL OLIMPIADA» ONLAYN MUSOBAQASI E’LON QILINADI! O‘zbekiston Respublikasi Mustaqilligining 35 yilligi munosabati bilan Navoiy viloyati Yoshlar ishlari boshqarmasi hamda «Zakovat klubi» nodavlat notijorat tashkiloti hamkorligida yoshlarning bo‘sh vaqtini mazmunli tashkil etish maqsadida «Intellektual olimpiada» onlayn musobaqasi o‘tkaziladi. 🧠 Musobaqada ishtirok etish tartibi: 🔹 Ishtirok etish uchun @intellektual_olimpiada_navoiybot orqali ro‘yxatdan o‘ting. 🔹 1-bosqich — tezkor testlar. Ushbu bosqichda eng yuqori ball to‘plagan 40 nafar ishtirokchi keyingi bosqichga yo‘l oladi. 🔹 2-bosqich — onlayn ovozli «Zakovat» savollariga eng tez va to‘g‘ri javob bergan ishtirokchilar orasidan musobaqa g‘oliblari aniqlanadi. 🎁 G‘OLIBLAR UCHUN SOVG‘ALAR: 🥇 1-o‘rin — Noutbuk 🥈 2-o‘rin — Changyutgich 🥉 3-o‘rin — Mikroto‘lqinli pech ⏳ Ro‘yxatdan o‘tishning oxirgi muddati — 15-avgust. 📢 Shoshiling! Bilimingizni sinab ko‘ring, munosib raqiblar bilan bellashing va qimmatbaho sovg‘alardan birini qo‘lga kiriting! 📲 Yaqinlaringiz va do‘stlaringizga ham ulashing!

🎉🏅YANA BIR YUKSAK E’TIROF! 📚 Mustaqil Davlatlar Hamdoʻstligi (MDH) miqyosida tashkil etilgan xalqaro ilmiy-amaliy koʻrik-tanlovda Navoiy davlat universiteti yana bir muhim yutuqqa erishdi. 🎓 Navoiy davlat universiteti San’at va sport fakulteti 3-N guruh talabasi Masharipova Elmira Muxammedsharipovna ilm-fan rivojiga boʻlgan samimiy munosabati, izlanuvchanligi, yuksak ijodiy salohiyati hamda tanlovdagi faol ishtiroki uchun “Oʻz Kasbining Fidoyisi” koʻkrak nishoni bilan taqdirlandi. 👏 Ushbu nufuzli e’tirof talabaning ilmiy izlanishlari, kasbiga sadoqati va fidokorona mehnati xalqaro miqyosda munosib baholanganining yana bir yorqin namunasidir. 🎊 Masharipova Elmira Muxammedsharipovnani ushbu yuksak mukofot bilan samimiy muborakbod etamiz! Kelgusidagi ilmiy, ijodiy va kasbiy faoliyatida yanada ulkan zafarlar, yangi yutuqlar va omadlar tilaymiz!

#TA’ZIYA Navoiy davlat universiteti San’at va sport fakulteti hamda Musiqiy ta’lim kafedrasi oʻqituvchisi Murtozayev Doniyor Rizakulovichga qizi, universitetimiz talabasi Murtozayeva Lobar Doniyor qizining bevaqt vafot etganligi munosabati bilan hamdardlik bildiradi. Ushbu ogʻir judolik munosabati bilan Doniyor Rizakulovichga hamda uning oila aʼzolariga ta’ziya izhor etamiz. Janoza marosimi: 📅 Vaqti: 6-avgust, soat 07:00 da 📍 Manzil: Samarqand viloyati, Kattaqoʻrgʻon tumani, Yonboshsoy MFY, Olmalisoy qishlogʻi, Rizoqul bobo xonadoni. (Manzil lokatsiyasi quyida ilova qilinadi) إِنَّا لِلَّهِ وَإِنَّا إِلَيْهِ رَاجِعُونَ “Albatta, biz Allohnikimiz va albatta, biz Unga qaytguvchidirmiz.” (Baqara surasi, 156-oyat) Navoiy davlat universiteti San’at va sport fakulteti jamoasi

#Tabriknoma Bugun Navoiy davlat universiteti Musiqiy ta’lim kafedrasi mudiri, dotsent Umurzoqov Baxtiyor Naqshbandovich tavallud topgan kun. B. Umurzoqov 1966-yil 1-avgustda Navoiy shahrida tug‘ilgan. 1989-yilda Toshkent davlat madaniyat institutini tamomlagan. Mehnat faoliyati davomida 1989-yildan buyon oliy ta’lim tizimida samarali mehnat qilib, "Musiqa o‘qitish metodikasi", "Vokal va xor dirijyorligi" kabi kafedralarda o‘qituvchi, katta o‘qituvchi hamda kafedra mudiri lavozimlarida faoliyat yuritgan. Ayni paytda Baxtiyor Naqshbandovich Musiqiy ta’lim kafedrasi mudiri, dotsent sifatida ta’lim tizimi va musiqiy madaniyat rivojiga munosib hissa qo‘shib kelmoqda. Baxtiyor Naqshbandovichni tavallud ayyomi va 60 yoshli yubileyi munosabati bilan samimiy muborakbod etib, ta’lim va ilm-fan yo‘lidagi fidokorona mehnati, yoshlarga bilim va tarbiya berishdagi mas’uliyatli faoliyatida doimo yuksak natijalar hamroh bo‘lishini tilaymiz. Facebook | Instagram | YouTube | Telegram

📢 E’LON Hurmatli faol yoshlar! Navoiy shahrida joylashgan muqaddas qadamjolardan birida obodonlashtirish va hashar ishlari tashkil etilmoqda. Ushbu ezgu tashabbusda ishtirok etishga barcha ko‘ngilli yoshlarni taklif etamiz. 📅 Sana: 2026-yil 1-avgust (shanba) 🕖 Vaqti: 07:00 📍 Manzil: Lokatsiya quyidagi xabarda yuboriladi. Hashar davomida hududni tozalash, tartibga keltirish va obodonlashtirish ishlari amalga oshiriladi. 🎖 Tadbirda ishtirok etgan barcha volontiyorlarga ijtimoiy faolligi uchun maxsus sertifikat taqdim etiladi. O‘zingiz ishtirok etishingiz yoki ushbu ezgu ishlarga hissa qo‘shishga tayyor faol yoshlarni jalb qilishingizni so‘raymiz. 📞 Murojaat uchun: @xondamir_baxranov Birgalikda muqaddas maskanlarimiz obodligi yo‘lida hissa qo‘shaylik!

JANOZA XABARI Navoiy davlat universiteti San’at va sport fakultetida ko‘p yillar davomida samarali mehnat qilib, o‘zining boy tajribasi, bilim va fidoyiligi bilan fakultet ravnaqiga munosib hissa qo‘shgan ustoz Fayziyev Olim Ochilovich 77 yoshida vafot etganini chuqur qayg‘u bilan ma’lum qilamiz. Marhumning oila a’zolari va yaqinlariga Navoiy davlat universiteti San’at va sport fakulteti jamoasi nomidan chuqur ta’ziya va hamdardlik bildiramiz. Alloh taolo marhumni o‘z rahmatiga olsin, jannatidan joy ato etsin. Oila a’zolariga sabr-toqat tilaymiz. Janoza marosimi: 🕛 Soat: 12:00 📍 Manzil: Guliston 17.2 Inna lillahi va inna ilayhi roji’un.

#Kvota #Magistratura #Kunduzgi #Qabul2026 Magistratura kunduzgi ta’lim shakli uchun qabul parametrlarining ta’lim yo‘nalishlari va o‘qitish tillari kesimidagi taqsimoti 2026/2027-o‘quv yilida oliy ta’lim tashkilotlari magistraturasining KUNDUZGI ta’lim shakliga umumiy qabul parametrlarining mutaxassisliklar va o‘qitish tillari bo‘yicha taqsimoti. ✅ Jami: 22 050 ta. Davlat granti – 10 340 ta; Shundan: ➖o‘zbek tili – 9 009 ta; ➖rus tili – 1 331 ta. Kontrakt – 11 710 ta; Shundan: ➖o‘zbek tili – 9 649 ta; ➖rus tili – 2 061 ta. Bizni kuzating Facebook | Instagram | YouTube | Telegram