مـيخالـف .

وبس ♥️

أحنه البشر هم مرات نجيب لنفسنه الالم والقهر والاكتئاب سبب لان احنه نهتم ببشر مالهم معنى واحنه نحترم بشر وهمه مو يم الاحترام والتقدير ولا يم اي شي بهذا الوقت والله وقسم بالله اخر سنوات بديت ابتعد عن الانسان الي اشوفه مايفيدني او مو نفس تفكيري ونفس عقلي صح مرات تلكاه بشر يوالمك بالتفكير بس مو نفسه ابتعد وابقه مشغول بنفسك وابتعد عن اي شي يضوجك لو يسبب الك القهر و التعب لان هذا الحياه ماتستحق واحد يتعب ويضوج وينقهر مرات تصادفني بشر اكول هذا شلون عايش لايضوج لا ينقهر لا يحزن والمن ادخل بداخل هذا الانسان الكاه كميه من التعب و القهر وغيرها بس هذا الانسان مخلي كلشي بداخله ومايحب يظهر للانسان انو هو هيج وهذا افضل شي يسوي البشر يخلي كلشي بداخله وهو يبدي يحل كلشي ويرتب كلشي ♥️

أكثر المشاكل الي تواجه الانسان هو تفكير بالمستقبل التفكير بالمستقبل صعب لدرجه كبيره لان يبدي انسان يفكر . ها باجر شيصير وخاف افشل لو معرف شنو والى اخره من المشاكل والتفكير الافضل الانسان يبطل هذا الحاله لان تساهم تدمير نفسيته ويبدي يفكر بالحاضر ومايهم اي شي لان ماطول اكو رب العالمين فوك وهو يدبر الامر ما في الارض هذا الافضل والاحسن هيج يسوي البشر يعيش اليوم والمن يجي باجر سهله ع گوله اهلنا من الباجر الف باب يحله ربك ♥️

الگلمه و الموقف الهن دور بحياتي لدرجه جبيره بعض الكلمات تاذي الانسان اذيه كبيره بحياتي لذلك المن تحجون وياه بشر اختارو الكلمات بعنايه لان هذا الدنيا فانيه وبالتالي الانسان هذا عباره عن اثر فقط لا اكثر اختارو الاشخاص الصح الي تفيدكم بحياتكم اختارو الاصدقاء الصح الي تفيدكم بحياتكم الاختيار بهذا الوقت جداً صعب اليوم صعب تلكاه بشر نفس تفكيرك ونفس اسلوبك ونفس طريقه كلام وبالسنوات الاخيره بديت اعرف انسان من خلال الكلام لان الكلام هو الي يخليك تعرف قيمتك عند الشخص المقابل الافضل الانسان اذا مايلكا شخص يحاول يعتزل ولحد ما رب العالمين من بين هاي ملايين الاشخاص هو يدزله بشر ويكون نفس البشر التريده والبالك ♥️

ضل وياي اريدك والبقن چم يوم ♥️

ولن نلتقي أبداً .

فقط 🖤

ميخالف .

كسِرت منَجل غرامَي الجاي حاصَود لان زرعك ذبِل چـا بعَد شحَصد؟..

وقل مايصبينا الى ماكتبه الله الحمد الله ع كل حال الحمد الله ع كل ما ذهب الحمد الله ع كل شي الحياه بطبيعته مو عادله الحياه مرات تجبر عليك اشياء انت مو رايده الحياه مراح تنطيك كلشي تحبه وتريده الحياه مو عادله لان خلت اكو غني واكو فقير اكو يتيم واكو عنده اهل وخلت بلد عايش بخير وبلد تعبان لدرجه كبيره لذلك الحياه صعبه لدرجه جبيره وموبسهوله تنعاش بطبيعه البشر وهيكلته يريد كلشي يريد الزين ويريد فلوس ومكان الزين وهذا مموجود بطبيعه الحياه لان كلت فوك مراح تنطيك كلشي لازم تتعب ولازم تحاول ولازم تعيش وحدك ولازم ولازم وهوايه اموار بهذا الحياه الي دنعيشه حاليا وشكراً .

گل موقف ايصير وياي يبقه متسجل بعقلي ومحفوظ لان الحياه اكثر شي تعلمك دروسه من خلال مواقف وعن نفسي اكو مواقف خلتني احذف بشر وناس بحياتي وجانون مرتبه اوله بعمري ومو نكران العشره او مدري شنو لا موقف اذاني وكسرني من خلال بشر هذا ابعده عني احجي واسولف بس بعيد مخلي عليه مايمهني الحجي ينحجي بظهري مايحترم العشره ومدري شنو اخر همي كلام الناس الامام علي ( عليه السلام) يقول ( ارضاء الناس غايه لا تدرك ) واعتقد العباره هاي كفيله بأن توصل فكره لكل انسان

مرات اسوي اشياء للاشخاص هواي واكول سوي زين وذب بالشط لان اكو اشخاص تباوع ع موقف وتحتفظ بكلشي و اولهم اني اني مايمهني كلام بكد مايمهني موقف وقفت انسان وياي باسواء الضروف واشوفه من بعيد وياي لذلك رغم كلشي اكو عادي ( وما جزاء الاحسان الى بالاحسان ) ♥️

مرات اكو اشخاص يدخلون بحياتنا بدون مانعرف لذلك اكو اشخاص تشوفهم بالبدايه وياك وبكلشي وياك وباقل موقف لو مشكله راح تشوفهم غير بشر وغير انسان وتبقه صافن معقوله هذا نفسه الاشخاص الجان هيج بطبيعته الحياه والعالم هيه هيج ولذلك حاول تخلي مسافه بينك وبين كل شخص بهاي الحياه وهاي مسافه تكون مسافه أمان علمود لاتنصدم لذلك هسه اني گلشي اتوقع من العالم كلشي خذلان ويعوفك وغيره وغيره لذلك ممهتم لاي شخص وعادي اني يغادر حياتي واني افتحله الباب وكلش سهله ♥️

ماتجين؟

آيهَاب المَالكي – أنتِظرتك