همس القصيد✨

جيتك يا ديرتي والقلب مشتاق أسابق اللحظه على الوصل ناوي تسوقني رجلي من غير سوّاق أدل دربٍ له البال هاوي أبعتذر لك عن طول الفراق لعل عذري عند الغاليه ياوي عام مضى فيه الفضا ضاق كني غريب بين الأصحاب خاوي أفلاجنا نورك على الكون برّاق وتاريخ مجدك يذكره كل راوي حبي لأرضك زرعته بالأعماق واليوم ما ظني على البعد قاوي ياما حصدنا من زرعها خير دفّاق وياما ارتمينا في حضنها وقت الملاوي تظلم بي الدنيا واشوفك وسط مشراق وترجع لي البسمه وطيب الحكاوي لولا الحياء لا أحطك بالاحداق واغمض أجفاني واعلنها شقاوي وربعي هواهم داخل النفس منساق سوقة غرام الخل في نفس الهواوي رفعت بيرق وصلهم بالسما خفّاق وبنيت جسرٍ ما تهده هقاوي يا الله عسانا على الود عشّاق نمد حبلٍ ما تهزه بلاوي ويا الله وسّع لنا باب الأرزاق وجنّب عبيدك عن دروب المهاوي

‏ان قامت الحرب مارحنا مراح الرياح ‏لو ان حذف الجنايز مثل حذف العصا ‏يستسلم الخايف اللي في يدينه سلاح ‏لا واجه الصامل اللي في يدينه عصا

Live stream finished (500 days)

ياحمود انا عارضي شابي طرد الهوى جزت انا منه يا كود وضاح الانيابي هذاك مني وانا منه عسلوجة حشو الاثيابي وردوف للثوب شالنه يا ما حلا جدع الاسلابي واركاي سني على سنه والزين لو هو ورا البابي لازم عيوني يراعنه يارب اغفر لمن تابي العبد مطلوبه الجنه

-

في ليلةٍ شتوية بردها جاف من بردها مايدفي الذيب صوفه حنا على وضح النقا قلوبنا نظاف وعلى اعدانا مانحب المروفه وانا اشهد ان الوقت ماعنده انصاف عجزت افرق بين أمانه وخوفه لي صاحبن مفقود ماعاد ينشاف ومالي على المقفين شف و حسوفه خلاص نفسي عافت و خاطري عاف اليوم نفسي عن هواها عيوفه

-

حافظ على دينك و جوّد مبااديك ‏و صّل الصلاااه و بر في وااالدينك ‏اللي ماهو يعنيك ماهووو بـ يعنيك ‏وعلى الخطاا حتى يدينك تدينك ‏مدري البلا فالوقت ولا البلااا فيك ‏بس الوكااااد اصبر عسى الله يعينك ‏الحر الاشقر قاام يطمع به الديك ‏وكانك مكذّب عانهم قدم عينك👆🏻

-

ياسدرة الحزم جعل الرب يسقيك من مزنةٍ هلت الما عقربيه يارجل ياللي انقرصتي وين اداويك اداوك يم الحسا صعبٍ عليه وطيت انا الداب وانيابه مشاويك الله وقاني من اسباب المنيه وان جيت للباب اهجه كود اداريك اخاف بعض البشر يزعل عليه

لا تكاثر جيتي يا نظـر عـيني الله اللي جابني لك وعناني ماشي درب مشوه المحبيني بالمودة راجح لك بميزاني أحسب أني مثل ما أغليك تغليني مـادريت انك عدو وقوماني و اثر لك يا متلف الـروح قلبيني قلب يبغـضني و قلب يتمناني كم هنوف عند اهلها تمنيني كزت المرسول كله على شاني

لاسقى الله جيتي في الضحى سوق القطيف دالهٍ القلب لين أريش العين شعفه أشعفتني مثل مايشعف الطرش الوليف طربةٍ ترعى الدبش والعضود مكتفه زوع قلبي زوع طير شهر ماله وليف شاف راعيّه مع الصبح يومي بعلفه

يوم الاثنين الضحي شفت لي غرو ن عجيب تحسب إنها حققت بي ونا ماشوفها لاسقى الله سدرة غصنها غصنن رطيب حدرها شقر الذوايب تفل زلوفها ياثلاثن بينهن شاقني مهرن غريب باد حيلي يوم قفت تتل ردوفها أحمرن نفنوفها والعبايه من الكريب ماتمييز صبغت الساق من نفنوفها شالها عصر الصبا والغذا بيض أوحليب لوتجيس الورد ياسعود ضر كفوفها ماتعنت للحطب والرشا فوق الجليب دايم ن مخدومة ن والعبيد تحوفها علة الفنطاس مايبتصر فيها الطبيب من عيون بالمخازر تتل سيوفها

اتنبا من وليفي ولا جاني عيت الحيلة و الاقدار تاتيبه ياهلي ياليتني داله سالي ليت قلبي ماتولع بمضنونه لا ولد عمي ولا هو ولد خالي ويش اسوي يوم ربي بلاني به ياهلي حطوا على قبري ظلالي حيث لامروا الاجاويد يطرونه ياهلي وان كان سيدي على ضني مايطاوع هرج من كان حسادي

القدر ياحبيبي هدام الاحلام واخفى معالم حلمنا وانتهينا توادعنا قبل اسابيع وشهور وايام وياكثر الصدف اللي فيها التقينا ياكثر مافقدت وقلت العوض قدام تقدمنا والعوض ماوده يجينا لاحظ قايم ولا محققه احلام جعلها كلها بقلعه وادرينا ماعاد صارت تغريني ملذات الايام ومات الامل مع موت السنينا

‏حمامة الورق مدري ليه غنّيتي ‏تنوح معك المشاعر كل ما نحتي ‏ما عاد لي من غناه ألا تناهيتي ‏يوم ابتدت سالفة جرحي وجارحتي ‏والله لو إن الزمان محقّق أمنيتي ‏يمديني أعلنت لظروفي مسامحتي ‏يا أول من ألهمني وعاش بكنف بيتي ‏ذكرك يجي بين فنجالي ومسبحتي ‏أنتي وثقتي بـ أحاسيسك وحبّيتي ‏وأنا ما صارحتك ألا يوم صارحتي ‏من فرحتي في وصالك ، يوم طلّيتي ‏حتى حدود الفضا ما تاسع أجنحتي ‏لا آنا تمسّكت فيك و شفت عافيتي ‏ولا تخلّصت منك وشفت مصلحتي ‏ظلمني الوقت واستهتر بشخصيتي ‏يدخلني بمعركة و يصادر أسلحتي ‏كنت بـ رحابة يديك أشعر بـ حريتي ‏ما فوقي الا السما والغيم من تحتي ‏واليوم حتى مجيّك كل ما جيتي ‏ما يشبه ألا مراحك كل ما رحتي

اه من ونة حطت عظامي هشيم مايجبر عظامي كود عالي سماه يابن سالم ترا قلبي عليكم حزين و السبب صاحبي زعلن ولا ارضيتناه صاحبي غصن موز و الهوى به يميل ليت منهو بعال الغصن يقطف جناه صاحبي ينقش الحنا بكف حسين مثل نقش المطوع فاالورق و الدواه

ياللي عزمتو للسفر ودعوني ‏ترا فؤادي و الحشا ولعو نار ‏و لامن وصلتو طيبين اخبروني ‏اخفي دموعي قبل لا يدري الجار

في هالشهر جفت جميع المحابر ‏ما ودنا نكتب قصايد جديده ‏ما فيه صوت يفوق صوت المنابر ‏ولا فيه شيء يسود فوق العقيده ‏المفترض كنت مْتحسّب وصابر ‏والحاصل اني طحت لي في مكيده ‏العابر اللي مر ما كان عابر ‏كان الفقيد اللي فقدله فقيده ‏كنت اتصدد عن طيوفه و اكابر ‏لين اعترض طيفه بمطلع قصيده

‏عليه السلام العذب لا مرني طاريه ‏اضم الهبايب من جهاته واسامرها ‏يفز الشعور لكل دربٍ مشينا فيه ‏تبسمت من بسمته يوم اتذكرها ‏ ‏من اللي يقول إن فاقد الشي لا يعطيه ‏انا اعطيه حاجاتٍ و انا فاقد اكثرها "