Ohangaron — Olmaliq

Ohangaron shahar hokimi Sadriddin Shoqosimov "Birlik" mahallasida amalga oshirilayotgan obodonlashtirish ishlarini joyiga chiqqan holda o‘rgandi. 😎 @ohangaronews

Оҳангарон тумани ҳокимлигининг қуйидаги ходимлари жазоланди: ✅ Телов МФЙ бўйича ҳоким ёрдамчиси Рахимбаев Камолиддин Абдуганиевич; ✅ Қорасувёқа МФЙ бўйича ҳоким ёрдамчиси Алимов Хуршид Режабоевичга ҳайфсан; ✅ Ялпоқтепа МФЙ бўйича ёшлар етакчиси Саттаров Азизбек Шухрат ўғлига ўртача ойлик иш ҳақининг 30 фоизи миқдорида жарима. Сабаблари: ✅ хизмат вазифаларига масъулиятсизлик билан ёндашиб, меҳнат мажбуриятларини лозим даражада бажармаган; ✅ ички меҳнат тартиб-қоидаларини бузган. 😎 @ohangaronews

Murojaatlar nazoratda: Shahar hokimi mahallalardagi ta’mirlash va qurilish ishlarini joyida ko‘zdan kechirdi Ohangaron shahrida aholi tomonidan bildirilgan har bir murojaat va takliflarning ijrosi qat’iy nazoratga olinib, amalda bajarilmoqda. Bugun shahar hokimi Sadriddin Shoqosimov bevosita joylarga chiqqan holda, fuqarolar murojaatlari asosida mahallalarda olib borilayotgan obodonlashtirish va qurilish-ta’mirlash ishlarining borishini ko‘zdan kechirdi. Ayni vaqtda Markaziy stadion kirish qismidagi nosoz temir panjaralarni ta’mirlash va beton quyish ishlari olib borilmoqda. Shahar hokimi qurilish va ta’mirlash ishlarining har bir bosqichi sifatli, mahalliy aholi uchun uzoq yillar xizmat qiladigan darajada puxta bajarilishi shartligini ta’kidlab, mas’ullarga tegishli ko‘rsatma va topshiriqlarni berdi. "Maqsadimiz — fuqarolarimiz uchun mahallalarda qulay va xavfsiz yashash sharoitini yaratish", — dedi shahar hokimi. 😎 @ohangaronews

Mahallalarda hashar va obodonlashtirish ishlari davom etmoqda Bugun Ohangaron shahar mahallalarida umumxalq hashari va shanbalik ishlari tashkil etildi. Hashar davomida hududlarda o‘tlarni o‘rish, chiqindilarni olib chiqish, ko‘chalar va jamoat joylarini tozalash hamda atrof-muhitni tartibga keltirish ishlari amalga oshirilmoqda. Shuningdek, mahallalarda obodonlashtirish ishlari izchil davom ettirilib, hududlarni yanada ozoda, fayzli va aholi uchun qulay muhitga aylantirishga alohida e’tibor qaratilmoqda. Obod mahalla — fayzli hayot garovi! 🇺🇿Ohangaron shahar hokimligi Axborot xizmati 😎 @ohangaronews