ZIYO MASKANI 16-maktab

#Dolzarb_90_kun Giyohvandlikka qarshi birgamiz! Bugun tuman hokimi Nargiza Nematova boshchiligida 26-iyun — Xalqaro giyohvandlikka qarshi kurash kuni munosabati bilan "Giyohvandlikka qarshi birgamiz" mavzusida umumta'lim maktablari o‘quvchilari o‘rtasida tanlov tashkil etildi. Tadbirni Respublika ma'naviyat va ma'rifat markazi tuman bo'linmasi, maktabgacha va maktab ta'limi bo'limi hamda madaniyat bo'limi hamkorlikda o'tkazdilar. Tadbir avvalida tuman hokimi Nargiza Nematova so‘zga chiqib, yoshlarni giyohvandlik, zararli odatlar va turli yot illatlardan yiroq bo‘lishga chaqirdi. Shuningdek "Yurtimizning ertangi kuni, xalqimizning ishonchi va tayanchi bo‘lgan yoshlar har tomonlama sog‘lom, bilimli va ma'naviy barkamol bo‘lib voyaga yetishi lozim. Giyohvandlik insonning nafaqat sog‘lig‘iga, balki uning kelajagi, oilasi va jamiyatdagi o‘rniga ham katta zarar yetkazadi. Sizlar o‘z oldingizga ulkan maqsadlarni qo‘yib, ilm olish va Vatanga munosib farzand bo‘lish yo‘lida harakat qilishingiz kerak," deya qayd etildi. Tanlovning asosiy maqsadi yoshlar ongida sog‘lom turmush tarzini shakllantirish, ularni giyohvandlik illatining salbiy oqibatlaridan ogoh etish hamda zararli odatlarga nisbatan murosasiz munosabatni qaror toptirishdan iborat bo‘ldi. Tanlov davomida o‘quvchilar ikki shart asosida o‘zaro bellashib, o‘zlarining ijodiy salohiyati va iste'dodlarini namoyon etdilar. Ayniqsa, giyohvand moddalarning inson salomatligi, oila va jamiyat hayotiga yetkazadigan og‘ir oqibatlarini aks ettirgan sahna ko‘rinishlari barchada katta taassurot qoldirdi. 🏆 Tanlov yakunlariga ko‘ra: 🥇 1-o‘rin — 16-son umumta'lim maktabi jamoasi; 🥈 2-o‘rin — 1-son umumta'lim maktabi jamoasi; 🥉 3-o‘rin — 11-son umumta'lim maktabi jamoasi. G‘olib jamoalar diplom va esdalik sovg‘alari bilan taqdirlandilar. Shuningdek, tanlovda faol ishtirok etgan jamoalar tashakkurnomalar bilan taqdirlandi. Bunday ma'rifiy tadbirlar yoshlarni sog‘lom hayot tarziga undash, ularning huquqiy ongi va ijtimoiy mas'uliyatini oshirish hamda giyohvandlikka qarshi kurashishda barchani birlashtirishga xizmat qiladi. Sog‘lom avlod — yurt kelajagi! Giyohvandlikka qarshi kurashda barchamiz birgamiz! https://t.me/Olot_tuman_hayoti