قناة الشاعره ام سجاد العسكري للقصائد الخاصه 🌼

فزاعيه للطفل الرضيع ع ......................... مفطوم بسهام الغدر طفـل حسين مولانه ......................... بالـنبله صـارت فطمته اسـهـام الـمـنيه صابته وحسين جابه الخيمته وامــه تــون حــزنــانه ......................... احـزانها ما ضــن تفل يكتل كتل يوم الطفل راح الــولـد منها غـفل ودمـوعــهـا غــدرانــه ......................... بالــدمع غسلت منحره تشتكي الـربها الي جره ونــيرانــهــا متــوجــره للــذبــحــتــه عــدوانــه ......................... مشتعله ما تطفه ابد نيران المضيعه الولد خالي بقى منه المهد ايريد اللــطم عـوانه ......................... عوانه اجينه المجلسچ يـم الــطفل ونساعدچ سلهم اعيونه امــدللچ والــشفــاف ذبــلانه ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

هوسات لعبد الله الرضيع ع ......................... تنام الناس وانه اعيوني ما نامت عالطفل الرضيع ارويحتي هامت مثل طير الــمـوكر عالمهد حامت لــرسومك يبعد الـعافيه احتامت (( كل ساع وصاحت ،،، يوليدي )) ......................... اصــدن للــمــهـد يـولـيـدي ما الـگاك نوبه اشتم گماطك نوبه اشم بغطاك ساعه انـده ارجعلي ساعه الله وياك حـنـضل فــرگـتـك ما اگــدر ابـلـيـاك (( يالــهـجـرك مـارد ،،، دلالي )) ......................... ودعــت الـگلب ماضـل نبض بيه من شـفـت السهم والرگبه ملويه صحت عبد الله يمه شعملت بيه صـارت مـن صدگ هاي الوداعيه (( بوداعك روحي ،،، اشضل بيها )) ......................... تفارگنه وبـعـد ما يـنـفـع الــو چان يالــعطرك مســچ ومطعـم بريحان اسم الله اعليك يمه اتنام بالتربان وگـلــيبي يـضـل بالـونه والاحزان (( يالمهدك صار ،،، امن ذاري )) ......................... عـگب حضن الحنينه اتنام عالذاري اشلــون اســلاك يبني وتنطفي ناري ثاري الـضاع ابنــها بالــهــظــم ثاري يضل طول العمر دمع الجفن جاري (( وايام الحلوه ،،، اتجافيها )) ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

نوحيه لعبد الله الرضيع ع ......................... تـرفــه رگبتك والـسهم حار عبد الله يمه بنحرك اشصار يمه الولد ،،، يمه الولد ......................... تــرفــه رگـبـتـك والـسـهـم ياذيها عبد الله يبني روحك اشضل بيها افتح اعيونك خل اشوف اشبيها هــذا دمــع لــو دم نحــر غاطيها لــتخلي گلبي اعليك محتار عبد الله يمه بنحرك اشصار يمه الولد ،،، يمه الولد ......................... يمه الـولـد فـك عينك وناغيني شنهو ييمه اليـوجعك حاچيني اسمع تصيح الااه يصبي عيني ما تــدري يمه ابـونتك تاذيني صبيت يبني الــدمـع مدرار عبد الله يمه بنحرك اشصار يمه الولد ،،، يمه الولد ......................... دمعاتي جمره وعالـوجه مدراره محتاره روحـي ابنبلتك محتاره خافــن اجــرها والــدمه يتجاره وجهك طفت مــن الـمهد انواره موجوع گلبي عالجره وصار عبد الله يمه بنحـرك اشصار يمه الولد ،،، يمه الولد ......................... الله يــســاعــد يالــولــد دلالي لــوشفــت مهدك يالمدلل خالي عبد الله يمه بالهظم ضل حالي خليني اموت وياك يمه اشوالي شتفيد يبني بـعـد الاعــذار عبد الله يمه بنحرك اشصار يمه الولد ،،، يمه الولد ......................... اشلــون الــحنينه الـيوم تتعذرها گلــي ابغيابـك شـنـهــي ليصبرها وضحكاتــك ابنص الـمهد تذكرها رحت امن اديها ونكسر خاطرها الــحول بعده اعليك ما دار عبد الله يمه بنحرك اشصار يمه الولد ،،، يمه الولد ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

موشح لعبد الله الرضيع ع ......................... ايسـاعـده الله الـيوم گلبچ يالرباب شفتي عبد الله الطفل دمه خضاب ......................... گـلــبــج الله يالـربابــه ايعينه شفتي عبد الله ابسهم رامينه للــمنيه الــطفل ســورب عينه وعينج اتهل من دمه دمع المصاب ......................... ايعين گلبچ من نضرتي منحره حـرمله صـابـه ابسهم دمه جره والابوه حـسـيــن صـد ابناضره چــن يگله اعداك حرموني الشراب ......................... اشلون حالــچ للـخيم من جابه حسـيـن ابـوه ودمـعـته سچابه ما الــه طـيـبه نضـرتي اصوابه اشگد حملتي من القهر وشگد عذاب ......................... يطعن ابنص الگلب يوم الزغير الرگبه ترفه والسهم كلش چبير اشلون فارگتيه ابو شعر الحرير وذاك خده الترف ضماه التراب ......................... ذاك خــده الــترف مايحمل ترب رايـحــه ادفـنيه وابـديــرة غـرب وعلى گلب الوالده شبعده الدرب بعــد ما ينفع مــلامــه ولا عتاب ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

ابوذيه زائد نعي لعبد الله الرضيع ع ......................... عـسـنـه لايـلــذ جــاريك ،،، ياماه وعبد الله گضاه ابعطش ،،، ياماه اسمعه ايگول اريد الماي ،،، ياماه (( ويصدع گلبي من ايصد عليه )) ......................... عبد الله يمه الگلب مصدوع شفتك تـون عالـماي وتـلوع والشرب يبني عليك ممنوع دلالـي يــمــه عليك موجوع ......................... دلالـي يـبني اعليك مهدوم لا هــودت لاضــايگـه النوم كــل ما احن اشتم بالهدوم ريت الفرات اتحول ادموم ......................... يا ماي ريته نشـف جاريك دمعي يهل من يمر طاريك چتال عبد الله انـه اسميك يا ريت طـاحـت نبلته بيك ......................... ريت الفرات انضحل ميه ولا شفت عـبـد الله رميه يــومــه كلف وشسوه بيه مــاراد شــي بــس الــميه ......................... شاطي الـفـرات وعاتـبـيته لـيـش الـمــدلل عـطـشـيته شـربـت امـيـه مـا سـگيته خـايـب اللـسـانه يـبـسيته ......................... شلك على ابني وشتطلبه يَبَست مـن الـعطش گـلبه خطارك احنه ابـدار غربه لــيش الـزغيـر ما تشَـربه ......................... لــيش الطفل يبست لهاته عطشان شرب الماي فاته مكــروه مايـك عكــر ذاته هـديـت روحـك للـشماته ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

تجليبه مربوعه لعبد الله الرضيع ع ......................... اجاني الليل وانه امرافگه الدمعه وياصــوت المناغــه بعد ماسمعه ......................... اجانــي الليل ريـتـه لاهــلا ابجيته اصــد مهد الــولد بفراشه ماشفته صحت عبد الله يمه بشوگ عاتبته لــذيذ الماي يبني لــيـش ما ضگته دعـيـت الله يــردك وانه امفــرعه ......................... كشفت الراس يبني وندعيت الله يالمسير السحاب اتردلي عبد الله صــار ابساع موته مــو مثــل حله والـمفارگ رضيعه ايمــوت احسله مر افراگ وجهك يمه شيجرعه ......................... مــره فــرگــتــك ما حــسـبيناها ارسومك يالعزيز اتــراب ضماها وامــك بالمناشغ صــار سلــواها مـن كثر البواچي طـفت عيناها كل ماشوف مهدك انحب وانعه ......................... كل ماشوف مهدك دمعتي ابعيني يالمبچي الـنـواضـر ما تحـاچيني علـى درب الـمصـابـر مـن يدليني طفـيت ابوداعـك شمعـة اسنيني من روحي طفت يبن السبط شمعه ......................... يبـن حسيـن يـمـه ونـبـض دلالي حسافه اليوم مهدك يالولد خالي راسك مـن اشوفه امعلگ اگبالي اصيح احااه يبني والـدمع هالي عبد يمه ابغيابك گلبي اتصدعه ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

قصيده شده فائزي لعبد الله الرضيع ع ......................... يالـمـاخذ اوياك الگلب عبد الله يمه نحرك نبت بيه السهم وشلون اشمه سـهــم الـنحـر عاميني عبد الله يا ضي عيني عبد الله يمه ،،، عبد الله يمه ......................... متعوده اشمن منحرك صبح ومسيه وحضن ارسـومك يالولد بثنين اديه سهم الذي صاب النحر وشسـوه بيه امنـين اجـتـنـي كــربلـه وهاي البليه جـمـر الـهجر يچويني عبد الله يا ضي عيني عبد الله يمه ،،، عبد الله يمه ......................... جمرك ابد ما ينحمل يمه الزغيرون تمنيت تكبر بالـعمر واتفرح الـعيون تلعب اصد ابلا كلل ويه الــيلعبون تاليها راسك عالرمح والگلب محزون سهــم الــنحر ماذيني عبد الله يا ضي عيني عبد الله يمه ،،، عبد الله يمه ......................... يالريحتك عنبـر مسچ ومطمه بهيل مالحگت اشبــع سمر ومناغـه بالليل لا تعبت امتوني بعد لا رايـح الحيل حنيت انه الشوفتك ولمدمع ايسيل راحـت اويـاك سنينـي عبد الله يا ضي عيني عبد الله يمه ،،، عبد الله يمه ......................... حـن الدليل الشوفتك ارجع يالوليد ناري ابغيابك ماطفـت لا تقبل تهيد يا نبض گلبي يالـولد يا فرحة العيد بسكوت وتهل دمع حاچيني شتريد محمـل بـعـد تــدريني عبد الله يا ضي عيني عبد الله يمه ،،، عبد الله يمه ......................... وياك يا نبض الگلب دفنوا احلامي ما ضل طعم بيهـا ابـد بعدك ايامي ياريت ميته ولاشفت منحرك دامي يابس يضل بروحتك دلالي ضامي ما تگــعــد اتنــاغــيني عبد الله يا ضي عيني عبد الله يمه ،،، عبد الله يمه ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

قصيده ثگيله لعبد الله الرضيع ع ......................... دللـــو يا عــبـد يـبـنــي دللــول ريت الصاب نحرك يمه مشلول منك شنهي يردون دللـــو يالــزغيرون دللـــو يا عـبـد يـبـنـي دللول ......................... دللـو يالــولــد نــوم الــعــوافي اهـــزن بالــمهد حسبالي غـافي اثاريــه الــبـدر هــل ليله طافي وطفه نــور العيون دللـــو يالــزغيرون دللـــو يا عـبـد يـبـنـي دللول ......................... طفت عيني ابغيابك يا دليلي ما شابــع لــعب ونهدم حيلي اهــزن بالــمهد ما نمـت ليلي افارگ وجهك اشلون دللـــو يالــزغــيــرون دللـــو يا عـبـد يـبـنـي دللول ......................... مكانك بالحضن شتسوي بالگاع تناغيلي اتعرف ما تعرف اوداع جــاوبني يــيمــه الـسهم وجاع وللـمنحر يگطعون دللـــو يالــزغيرون دللـــو يا عـبـد يـبـنـي دللول ......................... ترف ذاك النحر وشلون گطعوه ست اشهور عمــره وما يرحموه يـفـرفــح بالــمنيه الــولـد جابوه عمره ما يـرحمـون دللـــو يالــزغيرون دللـــو يا عـبـد يـبـنـي دللول ......................... يا دين الــيحــلل ذبــحتك هاي ما رايــد امنازل بس ردت ماي صابوك ابسهم وانگطع رجواي تغمض يبني لعيون دللـــو يالــزغـيرون دللـــو يا عـبـد يـبـنـي دللول ......................... يــعــبـد الله ردت بــس الــميه تالــي اتضوگ يـولــيدي المنيه اشربك ردت بس ما صح بديه والـتعبـي يضيعون دللـــو يالــزغـيرون دللـــو يا عـبـد يـبـنـي دللول ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

فزاعيه للطفل الرضيع ......................... ويه الرباب ام الطفل شدي اللطم هالليله ......................... شدي اللطم وياها للــصوبـو ضنواها فگد الــولد هداها دمع الحزن هليله ......................... دمع الحزن تجرينه گلب امه الله ايعينه ابنص النحر رامينه ومنحره الدم ايسيله ......................... امـــه تـنـادي ويـلي عطشان ويهد حيلي بعيونه ضل يشكيلي من شفته منهد حيله ......................... يشكي يويلي اوضاعه بــعيــونه چنها الساعه عبد الله حلوه اطباعه گلبي بــقى اينــاغيله ......................... مشتاگ انـــه الصوته شــم الـعذيب ايفوته عبد الله يفجـع موته يفرفح ضمه من نشيله ......................... يبست يويلي اشفافه والـسهم لــمــن شـافه خـرب هـذيچ اوصافه حرمله من الله ويله ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

فزاعيه لعبد الله الرضيع ع ......................... گلبك امك يون ابشوگ يالـمـفــطـوم بالــنــبـله ......................... گلب امـك تفطر حـيل شلون اتعـوفها وتشيل مــن ايمـر عليها الليل دمــع اعيــونــها اتـهله يالـمـفــطـوم بالــنــبـله ......................... ما ينشف جفنها اعليك يالــنحرك تـرف ماذيك اشلون ابكربله اتخليك افــراگك عودها ايسله يالـمـفــطـوم بالــنــبـله ......................... افراگك يصعب اعليها ارجـــع يا عــبــد لـيها لــتــروح او تــخــليها اتـصيح احااا يعبد الله يالـمـفــطـوم بالــنــبـله ......................... اتصيح احاه يالـمدلـول من فدوه الهذاك الطول ليش اعله الگبر معجول اخــلافك بـيـمن اتسله يالـمـفــطـوم بالــنــبـله ......................... اخلافك يابدر ليلي بايــد يالـولد حيلي بعد ياهو اليناغيلي يالــفرگــاك مــا حــمله يالـمـفــطـوم بالــنــبـله ......................... ما احمل هجر وفراگ جمــر البالــمهد حراگ گلــب الــوالده يشتاگ وجــهــك ذاك شــيـمله يالـمـفــطـوم بالــنــبـله ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

ابوذيه زائد نعي للعليله ع ......................... بعدكم مانشف دمعي ،،، وليروح وعليكم انشد المجبل ،،، وليروح الي گـلـب الـيسايلني ،،، وليروح (( تناشد ياهلي كل مغربيه )) ......................... دمعي على الوجنه صبابه مـعـذور لـيـفـارگ احـبابه لـوغـسل بالـدمـعـات بابه ما يـنـتـهـي همـه وعذابه ......................... معذور گـلبه الـفـارگ احباب لوفرش روحه ابعتبت الباب ودمعه على الوجنات صباب مو من سهر سل مـن الغياب ......................... ما ينتهـي للـمـوت مبچاه ليفارگ اهله ايعيش بالاه وحده ولا واحد بقه وياه بعد الـيعزهـم وين منواه ......................... بعد الـغـوالي اتعـالـج الروح مجروح گلبي حيـل مجروح سهمي ابهجرهم نايبه ونوح عاتبت ابوي وعتبي مسموح ......................... عاتبته گتله دخيل يحسين انـه علـيلـه ومالـي امـعـين ياهـو الـيضل ابهل دواوين لـو رحتوا عنها هـا يطيبين ......................... لو رحتوا عنها تضل وحشه ويبقه الگلب مگطوع هرشه ما طبگ جفـن الـعين رمشه ابـهـم وهـضـم ليلـي افـرشه ......................... افـرش هضم واتغطه بهموم مـن سافـرت يحسين للـيوم لاطـاب جرحي ولا يلذ نـوم مهدوم حيلي اعليك مهدوم ......................... بـويه الـگلب مهدوم حيله ماضـل صـبر عدها العليله ويـن الـحـنـين الاشتكيـله دمعـي ابغـيابك دم اسيله ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

نعي زائد ابوذيه لعلي الاكبر ع ......................... يـمالك بالـعـگـل والـروح ،،، وشراك نشدت الموت گتله اتبيع ،،، وشراك يريــت وياك يمه ايسوم ،،، وشراك (( وابدل بالعمر يبني المنيه )) ......................... كــون الـعمـر ينشره وينباع چان اشتريتك وكت الوداع راح الـمساهر والـتعب ضاع مــن ضمتك يالاكـبــر الگاع ......................... اشلون التراب اعليك ينهال شفتك امطبـر والدمع سال بعـدك مـنـو للـحـمـل شيال لو مال دهري والوكت عال ......................... لو عـال دهـر امـك والـقدار وبيها الـوكـت يالـولد يندار مـثـلـك بـعـد ما يصـح نغار صبيت دمعي اعليك مدرار ......................... دمــع الـحزن عالـوجنه صبيت والـخـيـمـتـك يـبـنـي تـعـنـيت شفتك وكــوني ريت ما جيت جرحك ابجرحي اليوم شديت ......................... جرحك كلف ماصحله اشداد فَــتگ اجروحــي والالــم زاد جرح الــگلب ما ينفعه اضماد ما يشـفــه كــونك ناوي البعاد ......................... ما يشفه جـرحي الكم يشبان ابنـص الـگلب حطالي نيشان عاجـز دلـيلي ومـتنـي هدلان من عدنه رحتوا والاجل حان ......................... شــبـان راحـوا مـن ادينه حگـه الـگلب يجهر ونينه عالفرگه مـوش امعودينه اشلون المچنه اتنام عينه ......................... شلون الشباب اتغمض العيون وبالـمـگـبـره وسـفـه يبـاتــون ما ضـن بـعـد لــيــنـه يـردون كل من عرفهم ضـال محزون ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

ابوذيه زائد نعي لعلي الاكبر ع ......................... الـي رب الـذي اشكيله ،،، وليلاه يـسَـكـن ونــي بـنهاري ،،، وليلاه الناس اتغمض او تغفه ،،، وليلاه (( تون اعله الولد صبح او مسيه )) ......................... ما غـمــضـت عيـن الثكاله ليلــى وگلبهـا اشلون حاله من جابــو الاكـبــر اوصاله شبه الـنبي وسيد الـرساله ......................... رايـح ابنها العمره عشرين تنزف دمه من تدمع العين صاحت يالكبر يمه لا وين هان وتعوف الربت اسنين ......................... ارجـع تراني ابـعـازت الماي اعـطـش محـنـه گـوم وياي يبست چبدي بروحتك هاي لــمـك چنت يالـرايح افياي ......................... يالـچنت بــس انــده تجيني شو صحت يمه ونضر عيني ما فـززك نــوحــي او ونيني يالاكـبـر وشـمـعـة سـنـيـني ......................... يا مــحله مـن اتــمــر عليه وانـده هـلا بالـجــاي لــيـه وفــرشلك افــراشـك بديه مــنـي رحــت وشصار بيه ......................... مني رحــت يالبيك اشــد زود والامـل يــبنـي بـيـك مـعـگود تـدري الـولـد يا يـمـه مــريـود للـنـايـبـــه ولـيــامـنـه الـسـود ......................... بيــمــن بـعـد گلــي اشــد حيل لــو دار وكــتي وحملــي ايميل درب الــمفــارگ كـلـف وطويل وشلون اخلصه من يجي الليل ......................... وشلون اخلص الليل حسبات اتواسيني من بعدك الدمعات حالي مـثل حـال الـمضيعـات يخلـص عـمـرهـن كـلـه ونات ......................... يخلص عمرها الفاگده اعزاز مثل الـيـروح ابـروحـه جـناز مـعـتـاز گـلـبـي اعليك معتاز جـرحـك بعـد ما ضـنه ينـراز ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

نعي زائد ابوذيه للقاسم ابن الحسن ع ......................... ابغيابك انه اگل للگلب ،،، بس لاك يمن مني خذاك الموت ،،، بس لاك يا جاسم تــون الـروح ،،، بس لاك (( لان عرسك صفه بحضن المنيه )) ......................... احـــوه يـبنــي الــفارگاني ابنص الگلب موته چواني غمض اعيــونه وعــذباني يكبــر گلت ويــرد حناني ......................... تكبر گلت وانطر امجازاك يلي تعــبت اسنين بــرباك تاليها رمــل الـحـار غطاك اگعد يبعد العافيه ارجاك ......................... جاســم يـيمه مــو محلها چــلــمــة الــيــايمــه تفلها روحي على اغيابك تشلها امــك غـريبـه وياهــو الها ......................... امــك صفت يبني بلا روح من شافتك ياضلها مذبوح طــول العمر ما بطل النوح دلالي يبقه اعليك مجروح ......................... ما يبره جرحي ولا تشافه ابني النفل يبست اشفافه جـسام يالتعجب اوصافه عريسنه امـگوطر حسافه ......................... عــريـسـنه عـاف الـوناسه عاف الحنينه وعاف ناسه ضحه الابو اليمه بحماسه حـر الرمل يا حيف جاسه ......................... حـــر الــرمــل ذبـلـه الـشـفاف ابن الحسن مكحول الاوصاف بعده ابحياته كل شي ماشاف بيه الـعـدو مـن كـل كتر حاف ......................... من كـل كـتر جـته الشماته شبل الحسن ماكـو ابغلاته گبـل الـمـياح ايـحـل مماته عـريس وكـت الـكيف فاته ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

لعلي الاكبر ع ......................... ليله تون وتنادي لاكبر يريع افادي جابوك يمه امطبر ويلاه يبني الاكبر يبني يشبه الهادي ليـلـه تـون وتنادي ......................... يــمـه يالاكـبــر يـا نــبــض دلالــي تـدري ابـغـيـابك حيل عذب حالي اشكيلك ابـدمعـات جفني الـهـالي ترضه الحزن والضيم ضل يبرالي بيش الگلب يتصبر ويـلاه يـبني الاكبر يبني يشبه الهادي ليلـه تــون وتنادي ......................... جـابـوك الـيـه للــمـخـيـم دامــي بـيـش انـه اداوي لوعتي والامي ضـمـيـتـك الـكبري وعـسر ايامي تالي الزمان ايبوگ مني احلامي من شفتك انه امغبر ويـلاه يـبـنـي الاكبر يبني يشبه الهادي ليلـه تــون وتنادي ......................... ما حسبت گبلي الـتراب ايضمك للضيـم والـحسـرات عايفها امك ريت الثـره ضمني گـبـل ليطـمك ولاشوف فوگ الگاع ينزف دمك خدك الزاهي امعفر ويـلاه يبني الاكبر يبني يشبه الهادي ليلـه تــون وتنادي ......................... صديت عيني وصحت لتلوموني مــوبيدي ونــيــت وتــغيــر لوني ابــني لــمبضع هــذا نــور عيوني اتــمـدد ابكـتـره واضــل خلــوني بغيابه ابد ما اگدر ويـلاه يبني الاكبر يبني يشبه الهادي ليلـه تــون وتنادي ......................... معـذور لـيـفـارگ ولـد گـلبه ايذوب حاسب حساب وتالي يطلع مگلوب شنهي سلــوته الـراح منه المحبوب لاكــن شسوي قـدر هــذا ومـكتوب مني الـحنين اتعذر ويلاه يـبـني الاكبر يبني يشبه الهادي ليلـه تــون وتنادي ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

هوسات للقاسم ابن الحسن ع ......................... اجه القاسم العمه ايگله اريد انخاك احلفك بالحسن يا عمــي واتــرجاك الهاي المعركــه خلـيني اطــب وياك وصيت والــدي وهــل جيت وتعناك (( مخطوطه ابزندي ،،، وشديته )) ......................... يـگـلـه ارجـوك يـبـنـي للمخيم عود ريحه انته يجاسم من اخونه العود اخـاف اتـروح منـي ومـا تـرد اردود ما احمـل اشــوفك بالجــراح اتجود (( لو شفت اجروحك ،،، تاذيني )) ......................... رجع شـبـل الحسـن لمه ويهل العين ما يرضه يـرملـه ايگلها عمي حسين تگلـه اشلـون ترجـع والـفزع صوبين على عمك اشوفه ايحوم طير البين (( واتگله ارجع ،،، لارض الحومه )) ......................... نزل لاكن غضب من نزل بالـعدوان مثل وجـه البدر ويلالي عالجيمـان مـو اربـع طعش چنه اسـد غضبان واحــد نشـد واحـد هذا ياهو البان (( صاح انه الما طخ ،،، الهامه )) ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

جلوه للقاسم ابن الحسن ع ......................... يبن الحسن بدموعي طفيت يمه شمـوعي روحي صفت محتاره وگـلـيـبي تـلـهب ناره يبن الحسن بدموعي ......................... طـفـيت شمعات الفرح بالدمعه طولك يبعد البي نبض شيرجعه هان او دليل امك عليك اتفجعه امـك بـقـت مـحـتاره وگـلـيـبي تـلـهب ناره طفيت يمه شمـوعي ......................... محتاره امك يالولد حاچيها بديار غربه اتروح واتخليها بس انته الها وياهو ليباريها جاوبني شنهي الچاره وگـلـيـبـي تـلـهب ناره طفيت يمه شمـوعي ......................... جاوبني لــيش اتعوفني وتتعذر تـدرينـي انه الــفـرگتك ما اگدر اخلافك بعد بيش الگلب يتصبر وجهـك تغـيب انواره وگـلـيـبي تـلـهب ناره طفيت يمه شمـوعي ......................... ما شبعت اعيــوني بعد من نورك ولا خلص بالصيوان عطر ابخورك اشلـون الـمنيه عـنـي يبني ادورك اسيوف العده غداره وگـلـيـبي تـلـهب ناره طفيت يمه شمـوعي ......................... اسيـوف الاعادي منحرك لاحنه من فيض دمـك يالعزيز امحنه ابمـوتك يعـريس الـهنه اتمحنه عـيـنـي الـك مـدراره وگـلـيـبي تـلـهب ناره طفيت يمه شمـوعي ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

مربوعه للشباب ......................... عالـشبان واجب نلطم ابطور عافـوا دورهـم نامـو بالـگبور ......................... اريد اللطم وسوي اللطم يازات زفـيـنـه ولـــدنـه بالـــجــنـازات عــازات الــولد تــدرون عـازات الراحو من ادينه كلهم ابـدور عالـشبان واجب نلطم ابطـور ......................... اريد اللطم على السكنو سراديب وين الـبي حميه او وين الـهديب بعد مثله الـبطن ما تقبـل اتجيب يسوون المناحه وخسف الصدور عــالـشـبان واجب نلـطم ابـطـور ......................... اريـد اللـطم وخلي الطم عالعين علـى الـشـبـان تربات الــدواوين يفرضون ابعداله والحچي الزين صبح ركن العداله الـيوم مفطور عالـشـبـان واجب نلـطـم ابـطور ......................... اريد اللطم عليهم وبحراره للعاف الحنينه وعـاف داره وامـه الـيـوم تنعـاه ابمراره محزونه وتـون ابگلـب مكسور عالـشـبان واجب نلـطم ابطـور ......................... اريد اللطم عليهم وانحب ابشوگ يسوون الـمناحــه والـبچي ايلوگ شبـان الـمشوا اصحـاب الحگـوگ دلالـي علـيـهـم حـيـل مجمور عالـشبان واجب نلـطم ابطـور ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

خاصه للشباب ......................... يا شباب الحلوه ضيعناها ريت روحي تندفن وياها سكنو ارض المگبره او روحهم متحسره يا شباب الحلوه ضيعناها ......................... يا شـبـاب الـمـا تهـنه ابـدنيته بـعـده تــوه والـمـنـيـه اتـلگته عمت عين الگاع ذيچ الضمته يـون گـلـب امــه عليه ورادته بـعـد هيهات ويعود الرايح ابعمر الورود فــرگت الشبان ما ردناها يا شباب الحلوه ضيعناها ......................... بعد لــحضـان الـحنينه ما يـرد مــارد اغيابه گـلــب امــه مـرد لراح من عدها الدفو تشبع برد شلون بتراب الــگبر نـزرع ورد تذبل اوراقه ابعجل لــمن ايحين الاجل ورود حلوه والترب ضماها يا شباب الحلوه ضيعناها ......................... ردنه كون ايضـل عمـر ويانه ليش رايح من گـبـل ميحانه ابـو عيـون الساهيه ونعسانه نجرع اخــلافـه الـقهر خلانه خــله أُمــه للــعذاب تشبع اهموم وغياب من بعدهم ضاع حته ادواها يا شباب الــحلــوه ضيعناها ......................... من بعد ما راح ضيعنه الدوه روح امـه وحيلها راحن سوه اه يا محـروم من شــم الهوه غاب عـن البيت وياك الضوه بيـتكـم اضلـم صفه النور من بعدك طفه صـورتــك تــذكار علـگنــاها يا شبــاب الحلــوه ضيعناها ......................... ما بقـه الـنـه اثـر بــس صورتك شابگـتهـا امـك ابـحـرگـه نادتك ريت نعشي انشال ويه جنازتك كــون اخذتنـي الـمنيه وعـافتك الموت لمك مو الك عالـمنيه اشمعجلك والله مدري شلون فارگناها يا شـباب الـحلـوه ضيعناها ........................ تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313

للقاسم ابن الحسن ع ......................... للــمـگـابــر چــم ولــد زفينه جوه رمل الحار غمض عينه ......................... بالمگابر صرنه ندفن بس شباب چم ولد نام اوغفه حدر التراب وامه بعده تجرع الهم والعذاب اشما تمر اعــوام مـا ناسينه للــمـگـابــر چــم ولــد زفينه ........................ اشما تمـر اعـوام واتـمر السنين يبقه گلب الوالده اعليهم حزين راحـوا ابـعز الشباب امحسـرين والله گلب امه بغيابه ايعينه للــمـگـابــر چــم ولــد زفينه ......................... ايعين گلـب الفاگـده شاب ويروح هم يضل عدها عقل هم تبقه روح عالـشباب الــراح منهـا بــس تنوح زغير بعده اشاف من سنينه للــمـگـابــر چــم ولــد زفينه ......................... بعـده ما شبعان من شـم الـهوه ضلمه هاي المگبره ابلايه ضـوه گلب امـه ابنار مـن بعده انچوه اتصيح فگدك يالولد يچوينه للــمـگـابــر چــم ولــد زفـينه ......................... نار فگدك يبني كل ساع وتگيد لا تمــل هــل روح لا تقبـل تهيد لا عتب ينفـع ولا لـوم الــيــفيد ونور وجهك يبني امضيعينه للــمـگـابــر چــم ولــد زفـينه ......................... تـــمـ بعون الله تعالى ـــت بتاریخ /24/ محرم الحرام / ١٤٤٥هـ🌙 بقـــ✍🏻ـــلمي خادمة ال البيت ع ام سـ✍🏻ـجاد العسكري لانجيز حذف الاسم🙏🏻ونسالكم الدعاء🙏🏻 https://t.me/omsajad313