علوم بكالوريا مع الدكتور محمد عرابي

لكل الطلاب يلي خلصو بكلوريا ، وحتى طلاب الجامعات رح نحكي بشكل مجاني تماما عن طرق تطوير مستقبلكن المهني بأساليب مجانية ولجميع التخصصات عبر قناتنا ان شاء الله الصورة المُرفقة بتوضح المواضيع يلي رح نحكي فيها بالبداية🤍👇🏻 https://t.me/FreeCoursesWithBashar

تنويه هاام: لكل حدا عم يتواصل معنا على رقم الواتساب حاليا الرقم فيه عليه مشاكل تقنية وواقف لهيك ما عم نقدر نرد على حدا اذا بتعرفوا اي حدا بعتلنا من جديد عالوتس وما ردينا عليه ياريت تخبروهم انو هالشي خارج إرادتنا حاليا وعم نحاول نحل المشكلة بأسرع وقت ومنعتذر عالتأخير وياريت اذا في شي هام وللطلاب يلي بدها تسجل بالدورة الالكترونية تتواصل معنا حاليا عالتلجرام على هاد المعرف @Orabi199999

بكالوريات ان شاء الله يارب الكل يكون قدم منيح اليوم 💚 الحمد لله مستوى الاسئلة مالو صعب ابدا وع قبال باقي المواد هيك تكون يارب

طلابنا الغاليين 🤍... ساعات قليلة وبتنطوي صفحة هالسنة الدراسية وبتخلص رحلتنا سوا بمادة العلوم اللي كنا عم نركض ونتعب لنصلها وتكونوا جاهزين للفحص الله بيشهد إننا طول هالفترة ما وفرنا جهد ولا بخلنا بمعلومة ولا قصرنا بطاقتنا و حاولنا نكون معكم خطوة بخطوة و ونبسط قدر الإمكان المادة عليكم لحتى تدخلوا هاد الامتحان وأنتم مرتاحين وواثقين من حالكم بتمنى من كل قلبي نكون أدينا الأمانة بالشكل اللي بتستحقوه ونكون تركنا جواتكم أثر طيب وصورة حلوة ما بتنمحى منطلب منكم تسامحونا على أي تقصير كان خارج عن إرادتنا أو إذا قسينا عليكم بسبب الضغط والتعب وانو تبروا ذمتنا وتضلوا تذكرونا بخير وبدعوات من قلبكم و تذكروا دائماً إنو هدفنا ورغبتنا أنو نشوفكم بأعلى القمم يارب أنتم تعبتوا وسهرتوا واليوم صار وقت تحصدوا الثمار وتعبكم ما بضيع طبعا وقت الامتحان تذكروا المعلومات المحفورة بذاكرتكم وانها مستعدة تطلع على الورقة و رتبوا أفكاركم خذوا نفس عميق وادخلوا القاعة واتوكلوا على الله لأنكم قدها إن شاء الله الله يفتحها عليكم فتوح العارفين يارب وإن شاء الله بتكون أسئلة اليوم سهلة عليكم كلكم ويلهمكم الجواب الصح بكل سؤال ناطرين نفرح بمعدلاتكم وتفوقكم اللي بيرفع الراس قلوبنا معكم ودعواتنا عم ترافقكم بكل ثانية.. استودعناكم الله الذي لا تضيع ودائعه والسلام عليكم ورحمة الله الثلاثاء 16 / 6 /2026 الساعة 5:00 الفجر

اهم اسئلة نظري وراثة (منشان اللي كبوها يحفظو هدول عالقليلة مالن شاملين بس احسن من بلا يعني) تفسيرات الحرارة والأشعة (صفحة ٢٦٩) الحرارة: فصل سلسلتي الDNA واعادة التحامها بشكل سلاسل غير نظامية الأشعة: تزيد لزوجة السيتوبلازما فتسبب تقطيع الDNA واعادة التحامها بتنسيقات جديدة (السؤال اللي محطوط بالنموذج اللي بعتو حرارة انا حاللو فكرت انو اشعة لهيك انتبهو عليهن بكرا شو بيجي احتمال كبير يجي حرارة او اشعة) جدول الامراض (صفحة ٢٦٨) ماذا ينتج عن طفرة انقلاب: تغير ترتيب خطي للمورثات حذف صبغية: ضياع مورثات حذف او اضافة مورثية: ازاحة اطار استبدال الادنين بالتايمين في الشيفرة الوراثية السادسة: فقر دم منجلي واسئلة دروس الوراثة (ال٦ دروس فتحو اسئلتن شغلتن نص ساعة) كلشي بعتو بيخلص بساعة دراسة واقل قرؤوه بكرا ولا تكبو نظري الوراثة عالخالص

يا جماعة مع الاسف صوتي رايح وما قدرت سجل فويسات جديدة وهدول نفسن فيديوهات السنة الماضية وهنن كتييير مهمين هالسنة بس في ملاحظة انو حكيت بيجي كتير مسائل ورسمات لان كان نموذجن اتمتة انتو نموذجكم كتابي بتجي رسمة وحدة ومسألة وحدة طبعا + في شغلات كتير مهمة لابعتها كتابة بس بالليل ان شاء الله

فويسات امتحاااانية هامة جدا جدا 🔥 بتبلش الفويسات من هون👇 https://t.me/orabimohammad19/5370