Пархатар Чат

Марина КАРЯГИНА : #сонет #сонеткӑшӑлӗ 14 сонета пӗр кӑшӑла ҫыхма вӑхӑт ҫитрӗ, туссем. 15. Кӑрлач! Ҫӗр-пин тӗспе ялтратӑн! Хӑш чух улатӑн кашкӑр пек, Паян ӳкет кӑшт-кашт кӗрпе... Йӗрет тӳпе — кӗрт ҫук ялта та. ...Тӗнче сасне илсе янраттӑн: Кӗсле тытса калас килет! Чун хам пӗлменнине пӗлет — Тен, ҫӑлтӑр ҫунипе анрать тӑн!.. Анне пӑхать чӳречерен!.. — Те иртнӗ ӗмӗр леш енчен: Ачалӑхрах ҫӳреп пек эпӗ... Нихҫан манми ӳкерчӗк ку!.. Кун-ҫул, чул ватрӗ чечекӳ! Чӗркуҫленсе пуҫа пӗкетӗп. ----------- Хушса ӑнлантарни: 14 уйрӑм сонета "французла мелпе" ҫыртӑм: abba abba ccd eed . Сонет кӑшӑлне вара ҫирӗплетнӗ йӗркене кӑштах пӑсса явса пӑхрӑм, анчах ку - меслете ансатлатни те, чухӑнлатни те мар. Ку кӑшӑлти сонетсем умӗнчин юлашки йӗркинчен пуҫланса пырса ҫивӗтленмеҫҫӗ, анчах саланса та каймарӗҫ.