perfect Nurse

دول كده اشهر المحاليل اللي ممكن تقابلنا في المستشفى بكل تفاصليهم. بالتوفيق. By : Haitham

ال dextrose وتركيزاته. ■ نروح لآخر حاجه معانا في ال Crystaloid solutions الا وهي ال dextrose او محلول الجلوكوز. ☆ ال dextrose عباره عن محلول بيتكون من كميه من الميه وهندوب فيها شويه جلوكوز بس كده و فيه منه تركيزات كتيره بس اللي يهمنا واللي متوفر عندنا تركيز ال 5% و ال 10 % و ال 25 %. ▪︎ هنبدأ الاول نعرف ال dextrose 5% . - ودا عباره عن كل 100ml من الميه هندوب فيهم 5 جرام من الجلوكوز، يعني اللتر او 1000ml هندوب فيهم قد اي من الجلوكوز، المفروض هيكون 50 جرام جلوكوز. - يبقي كل لتر من الجلوكوز تركيز ال 5%بيحتوي علي 50 جرام جلوكوز. ▪︎ استخدامات. - ممكن نستخدمه في حالات ال hypoglycemia مع ان دا مش شائع يعني . - بنحل فيه بعض الادويه زي ال noradrenaline و adrenaline و tridil و fentanyl و cordarone عشان لما بنحلهم فيه بيكونوا اكتر ثباتا عن باقي المحاليل التانيه. ______ ▪︎ نروح بقا لل dextrose 10% . ودا مشهور شويه ونستخدمه كتير. - ودا كل لتر منه بيحتوي علي 100 جرام من الجلوكوز ، يعني كده تركيز الجلوكوز بدأ يزيد فيه . ▪︎ استخداماته. - بنستخدمه في حالات ال hypoglycemia وخصوصا مع ال new born بنستخدم التركيز دا بشكل اساسي. _____ ● واخيرا نروح ل dextrose تركيز 25% ودا يعني ان كل 100ml من الميه هندوب فيه 25 جرام من الجلوكوز ، اذا كده اللتر الواحد هيحتوي علي 250 جرام من الجلوكوز واحسبها براحتك. ▪︎ ال dextrose 25% هو وال hypertonic saline يعتبروا من ال high alert medication ولازم نتعامل معاهم بحرص وحذر ونتابع المريض. ▪︎ نستخدمه في حالات ال sever hypoglycemia ويفضل نديه في CVL او كانيولا كبيره عشان بيعمل irritation في المكان ، ف لازم نقيم مكان الكانيولا. - ال 25% تركيز الجلوكوز فيه عالي ودا هيخلي ال osmolarity بتاعته عاليه اعلي من ال plasma. - واخيرا المهم لما ندي ال dextrose 25% نقيس السكر للمريض تجنبا ليدخل مننا في ال Hyperglycemia. - بعد ما يبدأ مستوى السكر ينزل أثناء علاج الـ DKA (عادةً لما يوصل حوالي 200–250 mg/dL)، بنضيف Dextrose مع الإنسولين، عشان نكمل علاج الـ Ketoacidosis من غير ما المريض يدخل في Hypoglycemia ، والهدف من ان نستمر في إعطاء الإنسولين عشان نوقف تكوين الـ Ketone وبرضو نحمي المريض من انه يدخل في hypoglycemia. ☆☆ واخيرا ممكن نستخدم ال dextrose 25% ك محلول تغذيه وريديه للمريض ال NPO بس لازم نتابع مستوي السكر عشان ال Hyperglycemia. وبس كده . سلام

ال ringer وانواعه. ■ ندخل بقا علي تاني نوع ال crystaloid وهو ال ringer. - ومحلول ال ringer من ضمن المحاليل المهمه برضو الموجوده في المستشفى بس تركيبه مختلف شويه عن ال saline. - ال ringer بيتكون من كميه من الماء وهندوب فيها شويه املاح وهم الصوديوم والكلوريد والكالسيوم والبوتاسيوم بنسب معينه. ▪︎ ال ringer عندنا بينقسم الي ثلاث انواع وهم ال ringer solution العادي وال ringer lactate وال ringeracetate. - النوع الاول وهو ال ringer العادي وبيكون isotonic او متعادل زي ال Normal saline كده يعني ال osmolarity بتاعته قريبه من ال osmolarity بتاعت ال plasma. - ال ringer solution كل لتر منه بيحتوي علي - sodium: 147 mEq/L - chloride:156 mEq/L - potassium: 4 mEq/L - calcium: 4.5 mEq/L. يعني كده تحس ال ringer بالمكونات بتاعته بتركيزها أقرب لمكونات ال plasma. ▪︎ الاستخدامات. - نستخدمه ك تعويض في حالات ال burn و ال hypovolemia و ال dehydration و ال shock. - غني بالعناصر المهمه زي الكالسيوم والبوتاسيوم يعني ممكن يفيدنا في حالات نقصهم. - بنحل بيه بعض الادويه ☆ عيوبه. - مينفعش نحل بيه ال ceftriaxone او لانه الكالسيوم الموجود في ال ringer بيتفاعل مع ال ceftriaxone وفي الاخر هيكونوا لينا راسب هيروح يستقر في ال lung او blood او kidney وهتعملنا مشاكل خطيره***مهم. - مش بنمشيه مع الدم في حالات ال blood transfusion في لاين واحد لان الكالسيوم قد يتداخل مع المادة المانعة للتجلط الموجودة في أكياس الدم (Citrate)، مما قد يزيد خطر حدوث تجلط. ____ 2- تاني نوع معانا وهو ال ringer lactate. - ودا فكرته ببساطه عباره عن محلول ringer عادي بس هنضيفله مجموعه الصوديوم لاكتات، ودي كل الهدف منها ان الكبد بيكسرها وبيحولها الي sodium bicarbonate ودا هتعادل لينا ال acidosis وتحافظ لينا علي acid base balance. ▪︎ يبقي كده ال ringer lactate بيتكون من . - Sodium - Chloride - Potassium - Calcium - Sodium Lactate . ▪︎ الاستخدامات. - زي الحالات اللي قولناها قبل كده زي ال burn و dehydration و shock و حالات ال metabolic acidosis بس البسيطه عشان مجموعه ال lactate اللي فيه الكبد بيحولها الي bicarbonate ف بكده هنعادل ال acidosis ونحافظ علي ال acid base balance. ▪︎ عيوبه. - مش مفضل مع مرضي ال liver cirrhosis لان الكبد هنا تعبان وهو اللي كان مسؤول بصفه رئيسيه عن تحول ال lactate الي bicarbonate. ______ ▪︎ 3- النوع التالت من انواع ال ringer وهو ال ringer acetate. - ال ringer acetate بيتكون من نفس مكونات ال ringer العادي بس هنضيف عليهم ماده ال acetate. - وماده ال acetate الهدف منها ان اغلب انسجه الجسم بتحولها الي sodium bicarbonate ودا هيفيدنا أكيد في حالات ال metabolic acidosis ، يعني دا ينفع مع مرضي الكبد عادي عشان هنا الكبد مش مسؤول بشكل رئيسي بتحويل ال acetate الي bicarbonate لانه فيه انسجه اخري بتحوله مش شرط هو. ▪︎ استخدامه نفس استخدامات ال ringer lactate بالظبط ، بالاضافه بس ان مفضل في حالات ال liver cirrhosis عن ال ringer lactate.

☆ عيبه. - لازم نستخدمه بحرص لانه ممكن يسحب كميه كبيره من السوائل اللي من الخلايا و بين الخلايا ويوديها الدم فممكن الخلايا يحصلها انكماش بعد كده ووظايفها هتتأثر نتيجه لقله ال Fluids. _______ ▪︎ ال hypotonic saline. - ودا بيكون برضو من كميه من الميه وهندوب فيها صوديوم وكلور وتركيزهم هنا بصراحه بيكون اقل من تركيزهم في ال plasma ، وبالتالي فرصته انه يفضل في ال blood vessels ضعيفه وبالتالي هيروح بسهوله لل cells وممكن يعملنا edema - يعني تركيز الصوديوم في ال hypotonic saline بيكون 77mEq/L ودا اقل من تركيزه في ال plasma بكتير . - وتركيز الكلور فيه برضو 77 mEq/L يعني من كده نفهم ان ال osmolarity بتاعته قليله بالنسبه لل plasma. ▪︎ اشهر تركيز لل hypotonic saline هو تركيز ال 0.45% ودا نص تركيز ال normal saline. - كل واحد لتر من hypotonic saline بيحتوي علي 4.5 جرام من الصوديوم كلوريد( Sodium Chloride) ▪︎ الاستخدامات. - في حالات ال hypernatreimia عن طريق انه يحاول يقلل كميه الصوديوم في الدم عشان تركيزه قليل في المحلول ، وبالتالي كميه المياه اللي فيه هتحاول تعادل ال hypernatreimia. ☆ عيوبه. - ممكن يحصل منه edema ف لو مريض هياخده لازم نتابع مستوي الصوديوم في الدم وال urine out put وعلامات ال edema.

▪︎ ندخل دلوقتي علي المحاليل او solutions المختلفه هنذكر بس الحاجات المشهوره و الموجوده في مصر. ☆ في الاول كده هنقسم المحاليل الي crystaloids و colloids هناخد كل جزء منهم علي حدا ونفهم كل المحاليل اللي فيه. - وكلمه محلول ببساطه يعني عباره عن كميه من الميه وهندوب فيها بعض المواد بنسب معينه زي كلوريد الصوديوم علي سبيل المثال وبكده عملنا محلول بس كده 1- Crystaloid solutions. ودي بكل بساطه عباره عن محاليل حجم المواد اللي دايبه في الميه فيها بيكون صغير و تقدر تعدي من فتحات ال capillaries وتروح للخلايا وال interstitial space بسهوله. ▪︎ اهم انواع المحاليل ال crystaloid وهي الاتي . 1- ال saline solutions زي ال Normal saline و hypertonic saline و hypotonic saline. 2- ال ringer solutions زي ال ringer lactate وال ringer acetate. 3- ال dextrose واشهر حاجه عندنا موجود بتركيز 5% و dextrose 10% و dextrose 25%. ☆☆هناخد كل شرح نوع ونفهم اللي يهمنا فيه. _____ 1- ال saline solutions ودا فيه منه hypotonic saline و normal saline و hypertonic saline ▪︎ هناخد الاول ال normal saline بحكم انه اشهرهم ودا تركيزه بيكون ( 0.9 %) واعتقد دا غني عن التعريف واشهر واكتر محلول بيستخدم في المستشفى. - ال normal saline ودا تركيزه ( 0.9%)ودا محلول متعادل او isotonic يعني تركيز الاملاح اللي فيه مشابهه لحد كبير للاملاح الموجوده في ال plasma. - ال normal saline بيتكون من كميه من الماء ذائب فيها الاتي . 1- sodium. وبتكون نسبته 154mEq. 2- chloride. وبتكون نسبته 154mEq. يعني نسبه ال sodium chloride في ال normal saline اعلي بشويه من نسبتهم في ال plasma. ☆ كل واحد لتر من ال normal saline بيحتوي علي 9 جرام من الصوديوم كلوريد - يعني الأزازه ال 500ml بتحتوي علي 4.5 جرام من الصوديوم كلوريد ♡الاستخدامات. ▪︎بصراحه ال normal saline ليه استخدمات كتيره زي . - نستخدمه كمحلول تعويض زي في حالات ال hypovolemia و ال dehydration وحالات ال shock زي ال hypovolemic shock و septic shock عشان يحاول يعوض كميه ال Fluids اللي فقدها المريض. - نستخدمه برضو مع حالات ال burn . - بنحل بيه الادويه وخصوصا ال antibiotics و ال sedation و intropes والخ .. - المحلول الوحيد اللي ينفع امشيه مع الدم في حالات ال blood transfusion لاين واحد . - بنغسل بيه الجروح . - وساعات نستخدمه ك مسكن مع الحالات في ال ICU 😂😂 مع انه ملهوش علاقه بأي ال analgesics عموما بس سبحان الله المريض بياخده منه هنا وبيهدي😂🌚 ☆ عيوبه . - زي ما قولنا انه بيتكون من صوديوم وكلور ونسبتهم اعلي شويه من المريض ، بس لو مريض اخد كميات كبيره منه ممكن نسبه الكلور الزياده اللي فيه تدخله في metabolic acidosis ، عشان بيقولوا ان فيه علاقه عكسيه بين ال chloride و ال HCO3. ______ 2- ندخل بقا علي الhypertonic saline. ▪︎ ال hypertonic ودا نفس فكره ال normal saline بس هنا مع اختلاف تركيز ال sodium و ال chloride، هنا بنلاقي تركيزهم عالي جدا اعلي من تركيزهم في البلازما بمراحل . - تركيز ال sodium هنا بيكون 513 mEq/L ، مع العلم انه تركيز الصوديوم الطبيعي في البلازما في دمنا بيكون من (135 الي 145) mEq/L . - وتركيز ال chloride بيكون برضو 513 mEq/L بالرغم من ان تركيزه في البلازما من( 95 ل 105 ) mEq/L ف اعتقد كده شوفنا الفرق قد اي . - ال hypertonic saline التركيز المشهور منه الموجود في مصر وهو ال 3% ، يعني كل 100ml من الميه هندوب فيه 3 جرام من الصوديوم كلوريد، يعني كده في اللتر او 1000ml من الميه هندوب فيهم 30 جرام من الصوديوم كلوريد ، يعني الأزازه ال 500ml المتوفره عندنا بنلاقي فيها 15 جرام من sodium chloride. - يعني كده المهم نعرفه عنه ان تركيز الصوديوم والكلور فيه عالي ف دا يديله ميزه ان ال osmolarity بتاعته هتكون عاليه ، يعني هتكون ليه القدره علي انه يسحب ال Fluids من interstitial space ويوديها الدم تاني عاليه . ☆ الاستخدام. - يستخدم ال hypertonic saline في حالات ال sever hyponatreimia زي في حالات ال( syndrome of inappropriate Antidiuretic hormone ). - يستخدم في حالات ال brain edema و ال raised of intra cranial pressure نتيجه لأنه ليه القدره علي سحب السوائل من بين ال brain tissues ويوديها ال blood vessels المحيطه عشان يخفف الضغط عليها نتيجه لل osmolarity العاليه بتاعته واللي بتخليه ليه القدره علي سحب السوائل من مكان لمكان. - نستخدمه في حالات ال زياده ضغط العين increase in intra ocular pressure ، عن طريق انه يقلل كميه السوائل الموجوده .

ودي المقدمه ولازم الكل يكون عارفها

بسم الله الرحمن الرحيم. هنتكلم ان شاء الله عن اهم المحاليل ( solutions ) الموجوده سواء في المستشفى عموما وتركيزاتها المختلفة والفرق بينهم والاستخدام. ▪︎ في الاول كده بس هنراجع حته اتكلمت عنها قبل كده وهي ان ليه جسم المريض الطبيعي مش بيورم او يعمل Edema وقولنا دا بيحصل نتيجه لحدوث balance بين ال hydrostatic pressure ودا الضغط المسؤول انه يدفع ال Fluids من ال capillaries او blood vessels الي interstitial space وبين ال oncotic pressure وقولنا دا اللي بيتمثل في ال Albumin، وهدفه ال Albumin ان كل ما السوائل تندفع في ال interstitial space يبدأ ال Albumin يشد جزء من السوائل دي ويرجعها تاني ال blood vessels وبكده عملنا توازن بين كميه السوائل الموجوده في ال blood vessels و ال interstitial space. ▪︎ جسم الإنسان الطبيعي بيتكون 60 % منه من الميه وموزعين كالآتي. - 40% من الميه دي بتكون موجوده داخل كل خلايا جسمنا المختلفه. - و ال 15% من الميه دي برضو بتكون موجوده في ال interstitial space او في الفراغ الموجود بين الخلايا. - وال 5% اللي فاضلين بيكونوا موجودين داخل ال blood vessels. ▪︎ لو اخدنا عينه من دمنا هنلاقي فيها جزء خلوي وجزء سائل. - الجزء الخلوي( cellular ) ودا بتمثل 45 % من حجم الدم ودا بيكون عباره عن ال ( RBCs و WBCs و platelets ). - الجزء السائل ودا بيمثل حوالي 55% من حجم الدم ودا بيكون عباره عن 90 %منه ماء والماء دا دايب فيه الآتي. 1- electrolytes زي الصوديوم والكالسيوم و الماغنسيوم والبوتاسيوم والكلور والخ.. 2- Proteins زي ال Albumin و fibrinogen و prothrombin و globulins. 3- ومش بس كده، فيه حاجات تانيه برضو بتدوب في الميه دي زي ال hormones و ادويه و جلوكوز و amino acids و fatty acids و vitamins و غازات زي ال oxygen و CO2 والخ.

للمزيد من المواضيع الاخري الخاصه بال cardio وال chest وكمان اسأله وإجابات انترفيو هتلاقوها هنا⬇️⬇️ ‏تابع قناة ICU world في واتساب: https://whatsapp.com/channel/0029VbCs1km1dAw93bt77s0q

دا كده كورس ال ECG و ARRHYTHMIA كامل وبالتفصيل وبطريقة سهله. بدايته متثبته في القناه هنا . بالتوفيق يارب . BY : Haitham

كده شرح ال antiarrythemics drugs بالتفصيل يفضل الناس تفهم ال action potential اللي بيحصل سواء علي ال sa node او myocytes ودا شرحته كامل ونزل علي القناه عشان هيساعدكم في فهم ادويه ال arrhythmia وبس كده وبالتوفيق للجميع. RN : Haitham.

اخر مجموعه معانا هي عيله ال calcium channel blockers. - ودي من اهم العائلات اللي بنستخدمها مع حالات ال tach arrhythmia خصوصا ال Atrial Tachy arrythemia. - هدفها تقيل دخول الكالسيوم الي الخلايا في phase 2 من مراحل ال action potential اللي بيحصل في myocytes فيخلي الخليه تاخد وقت اكبر عشان يحصلها repolarization. وبنفس الفكره دي تقلل دخول الكالسيوم الي داخل الخليه في phase zero في ال action potential اللي بيحصل في Sa node فيخلي ال sa node تاخد وقت اطول عشان يحصل فيها depolarization - تاني حاجه معانا لما الكالسيوم يبدأ يدخل الخلايا وهنا قصدي اتكلم علي خلايا ال myocytes عن طريق calcium channel، يبدأ الكالسيوم لما كميته تزيد جوه الخلايا يبدأ يرتبط ببروتين اسمه calmodulin , فلما يرتبط بالكالسيوم البروتين دا يبدأ ينشط لينا انزيم داخل الخليه اسمه ( myosin light chain phosphatase ) الانزيم دا بقي دوره يخلي ال myosin يمسك بال actin ف الخليه تنقبض. ■ عندنا مجموعين من الادويه الخاصه ب calcium channel blockers. - اول عيله اسمها dihydropyridine calcium channel blockers ودي بيكون دورها الأساسي تقلل دخول الكالسيوم الي خلايا بس بيكون كل دورها فعال علي ال blood vessels زي nifidipine و amolidine و felodipine ودي نستخدمها في حالات ال hypertension. - تاني عيله من ادويه ال calcium channel blockers اسمها non dihydropyridine calcium channel blockers. ودي كل هدفها انها تقفل او تقلل دخول الكالسيوم الي خلايا ال myocytes. ودي اللي بنستخدمها في حالات ال Arrythemia امثله عليها زي verapamil و diltiazem بس . - نستخدمها اكتر مع حالات ال Atrial Tachy arrythemia زي Atrial fibrillation و atrial flutter و SVT. - هدف العيله دي انها بتقلل ال conduction و rate و ال contraction. - ممنوع نستخدمها مع حالات second, third degree heart block. و حالات ال hypotension و bradycardia. ** ال dihydropyridine calcium channel blockers بتشتغل بشكل رئيسي علي قنوات الكالسيوم اللي موجوده في ال blood vessels فيقل دخول الكالسيوم فيقل الانقباض ف يحصل relaxation في الاوعيه ف الضغط يقل . اما ال non dihydropyridine calcium channel blockers بتشتغل علي قنوات الكالسيوم الموجوده في Cardiac cells فتقلل لينا ال contraction و conduction وال rate فعشان كده مفيده في حالات tachy Arrhythmia.

ودا شكل ال blue Grey man syndrome اللي بيسببها الكوردارون عند استخدامه لفترات طويله ودا نتيجه لنسبه اليود او iodine العاليه فيه.

تالت مجموعه من الادويه معانا من ادويه ال antiarrythemics وهي عيله ال potassium channel blockers ، ودي تصنف ك Class III . - والعيله دي كل هدفها انها تقلل خروج البوتاسيوم الي خارج الخليه أثناء مرحله ال repolarization في ( Phase 3) في ال action potential سواء في sa node او myocytes، فلما نقلل خروج البوتاسيوم يعني كده عمليه ال repolarization هتاخد وقت اطول ف دا يترتب عليه ان المده بتاعت ال action potential هتزيد ف بالتبعيه هيقل ال heart rate و التوصيل ومعدل انقباض الخليه. ● اشهر دوا في العيله دي وهو ( Amiodarone ) او اسمه الشائع عندنا وهو ال كوردارون. - ودا طبعا غني عن التعريف 🫡 - الكوردارون من اشهر ادويه ال antiarrythemics وبنستخدمه مع قطاع كبير من حالات ال arrhythmia. - الكوردارون اليود يمثل 40% من وزنه. - الكوردارون هو متصنف من عيله ال potassium channel blockers بس لقيوا برضو انه ليه تأثير تاني انه بيقفل قنوات الصوديوم والكالسيوم بجانب قنوات البوتاسيوم، فلذلك تم تصنيفه انه من اقوي ادويه ال antiarrythemics. - يستخدم مع حالات الatrial Tachy Arrhythmia زي ( SVT, A flutter, A Fibrillation ) وايضا مع حالات ال Ventricular Tachy arrythemia زي ال( VT و VF ) . - نستخدمه زي ما قولنا في كل حالات ال arrhythmia اي كان سببها ماعدا الحالات اللي بيكون سببها ال hyper thyroidism. - فيه منه tablets و ampules. - تركيز الامبول بيكون 150mg. - فلو حد عنده TachyArrhythmia وطلبوا ليه كوردارون ، ففي الحاله دي عندنا loading dose و maintenance dose. - ال loading dose من الكوردارون بنحضر فيها امبولين كوردارون ونسحبهم علي سرنجه ونكمل باقي السرنجه محلول جلوكوز تركيز 5% ونمشيهم للمريض علي syringe pump علي مدار ربع ساعه. - ال maintenance dose ودي بنحضر فيها ٦ امبولات كوردارون ونسحبهم علي سرنجه ٥٠سم ونمشيهم علي syringe pump بمعدل ٢مل في الساعه، وفي الحاله دي نخلي. بالنا واحنا بنتابع المريض ان ممكن يدخل معا في brady cardia. - عيوبه ان بيعمل ( thyrotoxicosis يعني بيحصل فيها تسمم للغده الدرقيه نتيجه لنسبه اليود العاليه فيه. - بيعمل برضو pulmonary toxicity اي تسمم في أجزاء متعدده من الرئتين نتيجه برضو لنسبه اليود المرتفعة فيه. - liver toxicity. برضو تسمم في الكبد نتيجه لليود برضو وغير كده ان اليود ماده بتعمل irritation . - بيعملنا حاله برضو اسمها blue Grey man syndrome. وفي الحاله دي اليود يتخرن تحت الجلد ويبدأ يظهر علي جلد المريض باللون الأزرق او الرمادي خصوصا في منطقه( face , neck, arms , lips ). - ممكن يعمل لينا QT prolongation فلو حده عنده VT و ماشي علي كوردارون ف هو معرض انه يدخل في torsade de pointes. - كل المشاكل اللي بتحصل دي بتكون مع الناس اللي بتستخدمه لفترات طويله وبجرعات عاليه وبيكون سببها الرئيسي لنسبه اليود الموجوده فيه نظرا لان اليود يمثل 40% من وزن الدواء.

● تاني نوع معانا من أدوية الـ antiarrhythmia هي عيلة الـ Beta blockers. عيلة الـ Beta blockers هدفها إنها تقلل أو تقفل تأثير الـ sympathetic stimulation على القلب، وتعالوا نفهم الحتة دي بالتفصيل. الـ Beta receptors موجودة بشكل كبير في جسمنا، سواء في القلب أو الكليتين أو الرئتين أو الكبد وأماكن تانية كتير، لكن أهمهم بالنسبة لنا النهاردة اللي موجودين في القلب. الـ Beta receptors دي من الـ adrenergic receptors، يعني اللي بيشتغل عليها هو الـ adrenaline والـ noradrenaline، ودي المواد الأساسية للجهاز الـ sympathetic nervous system. الـ Beta receptors في القلب موجودة في أماكن مهمة زي: الـ SA node، والـ AV node، وكمان في خلايا عضلة القلب (myocytes). لما الـ adrenaline ينشّط المستقبلات دي، القلب بيحصل فيه الآتي: الـ SA node تزود عدد النبضات اللي بتطلعها، وبالتالي الـ heart rate يزيد. الـ AV node تزود سرعة التوصيل، وبالتالي فترة الـ delay الطبيعية تقل، والنبضات تنتقل أسرع من الـ atria إلى الـ ventricles. وعلى مستوى خلايا عضلة القلب سواء في الـ atria أو الـ ventricles، يبدأ الانقباض يكون أقوى وأسرع. ● فإحنا لما نيجي نقفل الـ Beta receptors عن طريق الـ Beta blockers، يبقى كده الـ adrenaline مش هيعرف يشتغل على المستقبلات دي، وده يترتب عليه الآتي: الـ heart rate يقل. التوصيل في الـ AV node يقل. قوة انقباض عضلة القلب تقل. ● أمثلة على الـ Beta blockers: Metoprolol Bisoprolol Carvedilol Labetalol Esmolol Sotalol وغيرهم، وكل هدفهم إنهم يقللوا تأثير الـ sympathetic system على القلب زي ما عرفنا. بنستخدمهم كتير مع أنواع مختلفة من الـ arrhythmia، خصوصًا اللي مصدرها الـ atria زي AF, Atrial flutter, SVT، وبعض الحالات اللي فيها زيادة نشاط sympathetic. ودورهم مش مقتصر على الـ arrhythmia فقط، لكن بنستخدمهم كمان في حالات: Hypertension Myocardial infarction (MI) Heart failure (بعض الأنواع المستقرة) Hypertrophic obstructive cardiomyopathy (HOCM) الذبحة الصدرية وطبعًا لازم ناخد بالنا إنهم يُستخدموا بحذر أو يُمنعوا في حالات: Bradycardia الشديد Second-degree heart block Third-degree heart block (إلا لو فيه pacemaker) بعض حالات الربو الشعبي خصوصًا ال non selective beta blockers يعني بتقفل beta 1 الموجوده في القلب و beta 2 الموجوده في الرئتين.

السلام عليكم ورحمه الله وبركاته هتكلم عن موضوع مهم، وكنت مأجله شوية لحد ما الناس تخلص مذاكرة الـ Arrhythmia وتكون فهمتها كويس. هتكلم النهاردة عن الأدوية اللي بنستخدمها في حالات الـ Tachyarrhythmia، أما أدوية الـ Bradyarrhythmia فاتشرحت بالتفصيل في الـ management بتاع الـ Bradyarrhythmia. ■ زي ما إحنا عرفنا من الشرح إن الـ Tachyarrhythmia ممكن تحصل بسبب وجود ectopic foci وبتطلع نبضات كهربية أعلى من الـ SA node، فهي اللي بيكون ليها اليد العليا في التحكم والسيطرة على القلب. سواء كانت الـ ectopic foci دي في الـ atria زي في حالات Atrial fibrillation، أو ممكن تكون موجودة في الـ ventricles وممكن تسبب لنا Ventricular tachycardia بأنواعه. - أو ممكن تحصل بسبب وجود re-entry circuit، بمعنى إن الكهرباء بدل ما كانت ماشية في مسارها الطبيعي، تبدأ تنحرف عن المسار ده وتكوّن مسار جديد على هيئة دايرة مغلقة، والمسار ده يدخلنا في arrhythmia. - الـ re-entry circuits ممكن تتكوّن في الـ atria فتعمل Atrial flutter. وقد تتكوّن في الـ AV node وتعمل حالة مشهورة جدًا من حالات الـ SVT واسمها AVNRT أو Atrioventricular nodal re-entry tachycardia. وقد تتكوّن بين الـ atria والـ ventricles في مسار إضافي بعيد عن الـ AV node، وده بنسميه AVRT أو Atrioventricular re-entry tachycardia، وأشهر مثال ليه Wolff-Parkinson-White syndrome. وقد تتكوّن داخل الـ ventricles وممكن تسبب Ventricular tachycardia أو Ventricular fibrillation. ● الهدف بقى من أدوية الـ arrhythmia إننا نحاول نرجّع الـ rhythm طبيعي تاني، أو نبطّأ سرعة القلب لو رجوع الـ rhythm الطبيعي مش ممكن، ونحاول نوقف أو نقلل نشاط الـ ectopic foci أو الـ re-entry circuits اللي كانوا سبب المشكلة.

نيجي بقا لآخر حاجه معانا في ال ECG. - اي هو الفرق بين ال Cardioversion و defibrillator. ■ فكره ال DC اصلا او جهاز الصدمات هي اننا بندي المريض shock او صدمه كهربيه ، الصدمه دي بيكون هدفها انها بتعمل reset للقلب للحظات وبعدها القلب يرجع تاني يشتغل زي الطبيعي يعني النبضات او impulses تبدأ تطلع تاني من مكانها الطبيعي اللي هو ال SA node وبعدين تكمل طريقها ، وهدفها برضو انها توقف اي اماكن تانيه سواء في Atria او Ventricles من انها تطلع نبضات زي ال ectopic foci او المسارات المغلقه اللي بتتكون ( reentry circuit ) يعني في الاخر عايزه تعيد السياده مره اخري لل Sa node واي مكان تاني بيطلع نبضات من نفسه هتوقفه. دي كده بأختصار فكره جهاز ال DC. - طب اي الفرق بقا بين ال Cardioversion و defibrillator علي جهاز ال DC؟ - الفرق هنا بيكون علي كميه الطاقه اللي احنا بنديها للمريض. ● اولاً ال Cardioversion. - دا بنستخدمه مع كل حالات ال Tachy Arrhythmia اللي بتكون hemodynamically unstable مثل. - A Fibrillation. - A flutter - SVT - VT with pulse. ** ماعدا حالتين ( VF و VT without pulse). ■ كميه الطاقه اللي بنستخدمها مع الحالات اللي بنديها Cardioversion بتكون من ( 60 ل 150) جول . - لازم نعطي المريض Sedation قبل Cardioversion. - في حالات ال Cardioversion ندوس في جهاز ال DC علي زرار sync ودا هدفه انه يعطي الshock للمريض علي R wave في QRS. ■ defibrillator. - دا بنستخدمه في حالتين فقط ( VT without pulse و VF). - كميه الطاقه اللي بنستخدمها هنا بتكون اخر الجهاز يعني حوالي ( 260) جول. - هدفه زي ما قولنا يعمل reset للقلب للحظات لعل وعسى ال impulses تطلع تاني من مسارها الطبيعي( SA node ) واي مكان تاني بيطلع نبضات من نفسه سواء( ectopic foci او reentry circuit ) تقف خالص. - مش بندوس علي زرار sync في جهاز ال DC ، بنشحن بس الجهاز وندي علي طول الShock . وبس كده