ሰው person

ሕይወታችን ውስጥ ያሉትን ሰዎች እኛው ራሳችን የምንመርጥ ይመስለናል።  ግን እውነቱን እናውራ ከተበላ ለሕይወታችን በጣም የሚያስፈልጉን ሰዎች ብዙውን ጊዜ ሳይጠሩ ነው የሚመጡት። እንግዳ የነበረው ወዳጅ ይሆናል። ወዳጅ የተባለው ትዝታ ይሆናል። ትዝታ የሆነው ወደ ቁስል ይቀየራል። ቁስሉ ደግሞ ጥበበኛ ያደርገናል። ወደ ኋላ መለስ ብለን ስንመለከት፣ ሕይወት ከታቀደላት መንገድ ይልቅ ማንነታችንን በዝምታ ወደቀረጹት ተከታታይ ገጠመኞች ታዘነብላለች። ዕጣ ፈንታ አለ የለም የሚለው ሌላ ጥያቄ ነው። ሊካድ የማይችለው ሀቅ ግን፣ አንዳንድ ሰዎች በነፍሳችን ላይ አሻራቸውን ጥለው ማለፋቸው ነው። አንዳንዶች ብርሃን ተሸክመው ሕይወታችን ውስጥ ይገባሉ። የራሳችንን ዋጋ በረሳን ጊዜ መልሰው ያስታውሱናል። ፈጽሞ አይጠገኑም ያልናቸውን የሕይወታችንን ክፍሎች እንድንፈውስ ይረዱናል። በሕይወታችን ውስጥ መኖራቸው፣ በበረሃ ውስጥ እየተንከራተቱ ውሃ የማግኘት ያህል ነው። ሌሎች ደግሞ እንደ ማዕበል ይመጣሉ። ይከዱናል፣ ያሳዝኑናል፣ ጥለውን ይሄዳሉ፣ ወይም ደግሞ ልንሸሻቸው የምንመኛቸውን እውነታዎች ፊት ለፊት እንድንጋፈጥ ያስገድዱናል። ስህተቶች ብለን እንጠራቸዋለን፤ ከዓመታት በኋላ ግን ታላቁ የሕይወት እድገታችን የጀመረው ከታላቁ የልብ ስብራታችን እንደሆነ እንረዳለን። የሰበሩን ሰዎች፣ ምን ያህል ፈተናዎችን ተቋቁመን ማለፍ እንደምንችል ጭምር አሳይተውናል። ምናልባት የሰው ልጅ ግንኙነት ዓላማ ይሄው ይሆናል። ሁሉም ሰው በሕይወታችን ውስጥ ለዘላለም እንዲቆይ አልተፈጠረም። አንዳንዶች በጓደኛ የተመሰሉ ትምህርቶች ናቸው። አንዳንዶች ማንነታችንን የሚያሳዩን መስተዋቶች ናቸው። አንዳንዶች ደግሞ ምዕራፎች እንጂ ሙሉ መጽሐፍት አይደሉም። ከዚያም በጣም ጥቂት የሆኑ ልዩ ሰዎች አሉ። በከፍታችንም ሆነ በውድቀታችን ጊዜ የሚያዩን። አድናቆት ሲጠፋና ችግሮች ሲመጡ አብረውን የሚቆዩ። ውድቀታችንን፣ ፍርሃታችንን፣ እና ተቃርኗችንን እያዩም ከእኛ ጋር ለመቆየት የሚመርጡ ሰዎች። ብዙ ግንኙነቶች ጊዜያዊ በሆኑበት ዓለም፣ ታማኝነት ቅዱስ ነገር ነው። ፍቅር በስሜት ጥልቀት፣ በመሻት ወይም በታላላቅ ቃልኪዳኖች አይለካም። ምናልባት ፍቅር የሚለካው አብሮ በመገኘት ነው፤ ሌሎችን በሚያስኮበልሉ ቀናቶች ውስጥ አብሮ በመቆየት። በሕይወታችን መጨረሻ ላይ፣ በሺዎች የሚቆጠሩ ፊቶችን ልንረሳ እንችላለን። ግን ራሳችንን ያለነሱ ማሰብ እስካንችል ድረስ ስሞቻቸው ከታሪካችን ጋር በጥልቅ የተገመዱ ጥቂት ሰዎች ሁልጊዜም ይኖራሉ። በዕጣ ፈንታ፣ በአጋጣሚ፣ ወይም በራሳችን ምርጫ የተጻፉ ይሁኑም አይሁኑም የኛ አንድ አካል ይሆናሉ። እናም ምናልባት አንድ ሰው በልብህ ውስጥ ይኖራል ማለት፣ ትክክለኛው ትርጉሙ ይሄው ሊሆን ይችላል። ✍️ ዮናታን አቢስ

"ተገኘ የተባለው ድፍድፍ የጠላ ነው እንዴ" (በእውቀቱ ስዩም) በመካከለኛው ምስራቅ ጦርነት ሳቢያ ወትሮም በጫፍ ላይ ያለው ኑሩዋችን  የቁልቁሊት እየነካው ነው፤ ድሮ “ከኑግ የተገኘህ ሰሊጥ አብረህ ተወቀጥ “ ይባል ነበር ፤  የሚገርመው እኛ ከኑጉ  አርባ ሚሊዮን ክንድ ርቀን ፥ ዘነዘናው አላስተረፈንም፤ በቀደም የኢንትርኔቱን ኬብል ከቀይባህር ላይ ሊበጥሱት እየተሰናዱ ነው ፤ የሚል ወሬ ስለሰማሁ ለምንም ለምንም ብየ ባለሀያ አንድ ኢንች ቲቪና  ዴክ ገዛሁ፤  ከዚያ ቪድዮ ማከራያ ቤት  ፍለጋ አዲስአበባን ሙሉ ዞሬ  ስላጣሁ ፥ ከሳይንስ ሙዝየም  ፥ “ማዘር ኢንዲያ እና “ፋዘር ፓኪስታን “የተባሉ ፊልሞችን በVHS ተከራየሁ፤ ኑሮ ሁሉም የሚወድቅበት ፈተና እየሆነ ነው ጎበዝ! ቅድም  ቤንዚን ፍለጋ  ከጃንሜዳ እስከ ቀበና የተሰለፉትን መኪኖች አይቸ  ሆዴ ባባ ! አንዳንዶች መኪናቸው ውስጥ ተኮራምተው እኔ በእግሬ አፈስ አፈስ ሳደርገው  በከባድ ቅናት ይመለከቱኛል፤ አንዳንድ ባለመኪኖች ጥበቃው ረጅም ጊዜ እንደሚፈጅ ቀድመው ስለጠረጠሩ፤ ስንቅ መድሀኒት ትራስና ብርድልብስ  ሳይቀር ይዘው መጥተዋል፤    እረ የነዳጅ ያለህ ! የሆነ ጊዜ ላይ ተገኘ የተባለው ድፍድፍ  የጠላ ነው እንዴ ? ውሀውን ወደ ወይን የቀየርህ ጌታ ፤ከሀይቆች አንዱን መርጠህ ወደ ናፍጣ ቀይረህ አስደምመን እንጂ ! አሜን !   ድሮ የቸገረው ሰው በአለባበሱ ይታወቅ ነበር፤ አሁን ዘንጦ የሚቸገር ሰው እየበዛ ነው፤ አንድ ደህና የለበሰ ሰው  መንገድ ዳር ቆሞ እጁን ከዘረጋልኝ ፥ ለምጽዋት ይሁን ለሰላምታ መለየት  እየተቸገርኩ ነው፤ በቀደም የሆነ ካፌ ገብቼ ሳንዱቹ ስበላ ከፊት ለፊቴ የተቀመጠ ሰውየ  ደጋግሞ ያፈጥብኛል፤  እኔም ባጻፋው አፈጠጥኩበት፤ ሰውየው  የጣልያን ሱፍ ለብሶ ፥የኩባ ከራባት አስሯል፤  “ ወንድሜ!” አለኝ  “ ወንድሜ!  የሳንዱችህ  መአዛ እየተፈታተነኝ ስለሆነ  አንዴ አስነክስኝ “ አለኝ ፤ አዘንኩ፤ ተከዝኩ፤ ላለማልቀስ እየታገልኩ ብድግ ብየ፥ የሳንዱቹ መአዛ  ወደ ሰውየው አፍንጫ የማይደርስበት ቦታ   መርጨ ተቀመጥኩ

የማይተባበሩ ባሪያዎች ነፃ አይወጡም ! --------------------------- "የአመለካከት ልዩነት መኖር የለበትም ማለት ጦርነት ነው! አንዳንድ የዘመናችን ፖለቲከኞች ሙሉ ጊዜያቸውን ብቻ ሳይሆን መላ ሕይወታቸውን የሚጠይቁ ብርቱ ሥራዎችን ጀምረው ከግቡ ሳያደርሱ የማያስፈልግ ዳገት ፈጥረው ይገፋሉ። በመንገዳቸው ላይ ሳንካዎች ያኖራሉ። ከመቼውም የላቀ ሕብረት በሚያስፈልጋቸው ወቅት ላይ ያገኙትን ኃይል እንደማሰባሰብ በእጃቸው የገባውንም ይበትናሉ ። በመገንባት ፋንታ ያፈርሳሉ። ገለልተኛ ሊሆን የሚችለውን ኃይል ብቻ ሳይሆን ወገናቸውንም ጭምር ይጋፋሉ፣አልፎ ተርፎም ይዋጋሉ። ነፃነት መፈለግ አንድ ብርቱ ነገር ነው። ለሚፈልጉት ነፃነት የሚመጥኑ ሆነው መገኘት ደግሞ ከሁሉም የላቀ ቁምነገር ነው። የቱንም ያህል ቢመኙ፣ ጨቋኙን ሥርዓት ትተው እርስ በርስ የሚባሉ ወገኖች የነፃነት ጀንበር ሊያዩ አይችሉም! በዚህ ወሳኝ ወቅት፣ ጉልህና አስደናቂ ሥራዎችን በሚፈጽሙት ላይ የፕሮፓጋንዳ ዘመቻ ማካሄዱ ይቅርና አንዲቷን ጠጠር በማቀበል የፍትህን ጎራ የሚያጎለብተውን ወገን ማዳከም ከተፃራሪው ወገን ጎን መሰለፍ ነው፡፡ ይህ ማለት ግን ሴራዎች፣ ተንኮሎች፣ ወንጀሎች፣ ክህደቶች ወዘተ አይጋለጡም ማለት አይደለም። ለሁሉም እውነተኝነትና ሚዛናዊነት መተኪያ የለቸውም። ለሕዝባዊ ግብ መሳካት የወገንን ኃይል አለማባከን የግድ አስፈላጊ ነው፡፡ ሊፈቱ የሚችሉ ቅራኔዎችንና ልዩነቶችን ከሚገባው በላይ በማጋነንና የሕዝብን አቅም በመበተን ነፃነት እናመጣለን ማለት የሰፈርን ወንዝ መሻገር ሳይችሉ ዓለምን ለመዞር የመነሳት ያህል ባዶ ቅዠት ነው። እርግጥ ነው ባለፉት ዓመታት የተሠሩ ስህተቶችና ጥፋቶች፣ የታዩ ድክመቶች፣ የተፈጸሙ ሴራዎችና የታዘብናቸው የጥቅም ሩጫዎች አንድነት በመፍጠሩ ረገድ እንቅፋት ይሆናሉ። እንዲህም ሆኖ አብዛኛዎቹ ችግሮች ከድከመቶችና ልዩነቶች ባሻገር ለማየት ያለመቻል ውጤቶች ናቸው። ልዩነት ለጋራ ዓለማ አብሮ መሥራትን አይከለክልም፡፡ አብሮ አለመሥራት በበኩሉ የጋራ ጥቅሞችን አያራምድም፡፡ ይቅር ብለው ካላለፉ በቀር ብዙ ነገሮች ያለማቋረጥ ያወዛግባሉ። የማይተባበሩ 'ባሪያዎችም እንደተባሉ ያለነፃነት ይኖራሉ። በተለይ እያንዳንዱ ራሱን እንደ ብቸኛ የእውነት ማዕከል የሚመለከት ከሆነ መቻቻል አይኖርም። መቻቻል የማይኖር ከሆነ መረዳዳት፣ መደጋገፍና አብሮ መቆም አይታሰብም። በዛሬው ፈታኝ ታሪካዊ ወቅት እርስ በርስ ከመባላት የበለጠ ጠላት አይኖርም!! ልዩነቶች ለጥልና አንዱ በሌላው ላይ ለሚያካሄደው የፕሮፓጋንዳ ዘመቻ ምክኒያት ሆነው እስከ ቀጠሉ ድረስ ለፍትህ የሚታገሉ ኃይሎች ጎራ እንደተዳከመ ይቆያል። በአንድ ግለሰብ ወይም የፖለቲካ ቡድን መተቸት ምክኒያት በሕብረተሰቡ መሃል ከፍፍል መፍጠር “ለታመመ ዶሮ ሰንጋ እንደማረድ” ነው። ግለሰቡ ወይም የፖለቲካ ቡድኑ ራሱን በአግባቡ የመከላከል መብቱ እያለው ነገሩ የገባውም ያልገባውን ጎሳ ወይም ነገድ ለይቶ ከተት ሠራዊት ማለት የለበትም። ሕዝብ ከማንም ግለሰብ ወይም የፖለቲካ ቡድን ማንነትና ከብር በላይ ነው። ለግለሰብ ክብር ወይም ፖለቲካዊ ጥቅም ተብሎ የሕዝብ አንድነት መናድ የለበትም። በሚረቡም ሆነ በማይረቡ ነገሮች ዙሪያ መናከስ ከማይረቡ ደካሞች አንዱ መሆን ነው። የትግሉ ትኩረትም ቢሆን ከፉ ሥርዓትን በማስወግድ ላይ ብቻ መሆን የለበትም። የነገው መሠረት ዛሬውኑ ካልተጣለ በመጪውም ዘመን ውስጥ ተመሳሳዩ ሁኔታ ይቀጥላል። ሁሉ ነገር "ውኃ ቅዳ፣ ውኃ መልስ" ይሆናል። በተለይ "ሁሉም ተጨፍልቆ እንደ አንድ ሰው ማሰብ አለበት" የሚለው አካሄድ ዛሬውኑ ካልተገታ መጭውም ጊዜ አስቸጋሪ ይሆናል። መስዋዕትነቱም አንዱን ጭቋኝ በሌላው ጭቋኝ ከመተካት አያልፍም። የሰው ልጅ ደግሞ ባርነትን በባርነት ለመተካት አይሰዋም! በፖለቲካም ሆነ በተቀሩት የኑሮ ዘርፎች ልዩነቶች መኖራቸው ጤናማ ነገር ነው፡፡ ልዩነት ማለት ጦርነት ማለት አይደለም። “የአመለካከት ልዩነት መኖር የለበትም” ማለት ግን በርግጥ ጦርነት ነው። ለነፃነት የሚታገል ኃይል ነፃ አመለካከትን አይዋጋም! ጭቋኝ ለመሆን ጭቆናን ለሚታገሉ ደግሞ ጊዜው አልፎባቸዋል። የሰው ጌታ ሥራ፣ የሥራም ውጤት ዕድግት ብቻ የሚሆኑበት ዘመን መምጠቱ አይቀሬ ነው። የሕብረተሰብ ጉዞ ወደ ባርነት አይደለም። ወደ ነፃነት ነው፡፡ እስከዚያው ድረስ ግን በጭቆና ሥር የሚማቅቁ ሁሉ አብረው መቆም አለባቸው። የጋራ ጌታ ያላቸው፣ ነገር ግን የማይተባባሩ ባሪያዎች ነፃ አይወጡም!! የባርነታቸውም ዘመን ይራዘማል። ---------------------------------- ምንጭ ፦ ነፃነት በነፃ የለም መጽሐፍ 📖 ጸሐፊው ፦ ሞቲ ቢያ

​ የራስን ስሜት የመግዛት 8 ጥበቦች (Mastering Self-Control) ​1. የ10 ደቂቃው ህግ (The 10-Minute Rule) ​አንድን መጥፎ ፍላጎት "አላደርገውም" ብለህ አትታገለው፤ ይልቁንም "ከ10 ደቂቃ በኋላ አየዋለሁ" በለው። ያ የግርግር ስሜት በ10 ደቂቃ ውስጥ ይበርዳል። ጭንቅላትህም ውሳኔ የመስጠት አቅሙን ይመልሳል። ​2. ራስህን ይቅር በል (Forgive Your Slips) ​ራስን መቆጣጠር ማለት ስህተት አልባ መሆን አይደለም። ስህተት በሰራህ ቁጥር ራስህን ከወቀስክ ይበልጥ ወደ ስህተቱ ትገፋለህ። ይልቁንም "ሰው ነኝ ተሳስቻለሁ፣ አሁን ግን እመለሳለሁ" በል። ይቅርታ ለለውጥ መንገድ ይከፍታል። ​3. ከባዱን ቀድመህ ጨርስ (Eat the Frog!) ​የመወሰን አቅምህ (Willpower) እንደ ስልክ ባትሪ ጠዋት ሙሉ ነው፤ ማታ ላይ ግን ያልቃል። ስለዚህ ከባዱንና የሚጨንቅህን ስራ ጠዋት ገና ሳይረፍድ ጨርሰው። ከራስህ ጋር አትከራከር፣ ዝም ብለህ ጀምረው! ​4. አካባቢህን አስተካክል (Design Your Environment) ​"ላለመብላት" ከመታገል ይልቅ "ምግቡን ከፊትህ ማራቅ" ይቀልሃል። ስራ ስትሰራ ስልክህን ሌላ ክፍል አስቀምጥ። ትክክለኛውን ምርጫ ቀላል፣ ስህተቱን ደግሞ ከባድ አድርገው። ​5. "አልችልም" ሳይሆን "አላደርግም" (Identity Shift) ​"ኬክ መብላት አልችልም" ስትል ተገዳጅ ነህ። "እኔ ኬክ አልበላም" ስትል ግን ይሄ ማንነትህ ነው። ቃላትህን ቀይር፤ ማንነትህንም አብረህ ትቀይራለህ። ​6. "ለምን?" የሚለውን አጥብቀህ ያዝ (Master Your "Why") ​የምትታገለው ለምንድነው? ዝም ብሎ "መስራት" አሰልቺ ነው። ነገር ግን "የቤተሰቤን ህይወት ለመቀየር" ወይም "ነጻነቴን ለማግኘት" ስትል ትጋቱ ጣፋጭ ይሆናል። ሰበብህ ከስሜትህ በላይ ይሁን። ​7. የእንቅልፍ ሚስጥር (The Sleep Hack) ​አንጎልህ ሲደክም ስሜትህን የመቆጣጠር አቅሙ ዜሮ ይሆናል። በቂ እንቅልፍ ካልተኛህ ለሱሶችና ለስንፍና ትሸነፋለህ። ጥሩ እንቅልፍ የዲሲፕሊን መሰረት ነው። ​8. ራስህን በፈቃድህ ፈትን (Voluntary Hardship) ​ሁልጊዜ ምቾት አትፈልግ። አልፎ አልፎ ቀዝቃዛ ውሃ ተታጠብ፣ ራቅ ያለ መንገድ በእግርህ ሂድ። ትንንሽ ምቾቶችን መተው ትልልቅ ፈተናዎችን የምትጋፈጥበትን የአዕምሮ ጡንቻ ይገነባል።

⭕️ለመሆኑ ይህንን 👇👇ምስል ስትመለከቱ መጀመሪያ ወደ አእምሯችሁ የመጣው ምንድነው? የአንድ ምስኪን ዛፍ መከራ? ወይስ የአንድ ግዙፍ ድንጋይ ጨካኝ የበላይነት? ​እኔ ግን የተለየ ነገር አየሁ። ​ኑ፣ በሀሳብ ወደዚህ በፀሐይ ወደጋለበት፣ ደረቅ የበረሃ ምድር እንጓዝ። እዚህ ምድር ላይ ህይወት ቀልድ አይደለችም። በቃጠሎው እና በጥማቱ መካከል መኖር ራሱ ትልቅ ስኬት ነው። በዚህ መሀል ነው ይህች ዛፍ እንደምንም ብቅ ያለችው። ​ነገር ግን ፈተናዋ በድርቁ ብቻ አላበቃም። ገና እንደ በቀለች፣ አንድ ግዙፍ፣ አሮጌ እና ከባድ ድንጋይ በላይ ተጫናት። የድንጋዩ ክብደት ሊያደቀቃት፣ ግንዷን ሰብሮ አፈሩ ላይ ሊደባልቃት ምንም አልቀረውም ነበር። “አበቃላት!” የሚል የፈረደባት ሰው አይጠፋም። ​ነገር ግን በዛፏ ውስጥ የሚንቀለቀለው የህይወት ፍላጎት ከድንጋዩ ክብደት በላይ ጠንካራ ሆነ። ​ዛፏ ከድንጋዩ ጋር ግብግብ አልገጠመችም። ድንጋዩን ለመግፋት አልሞከረችም - ምክንያቱም አቅሟ እንደማይፈቅድ ታውቃለች። ይልቁንም፣ ታላቅ ጥበብን ተጠቀመች። በድንጋዩ ጫና ስር ራሷን አጠማዘዘች። ዝቅ አለች። ድንጋዩ የፈጠረውን ቀዳዳ ተጠቅማ በጎኑ ብቅ ማለት ሞከረች። ​በመጨረሻም ከድንጋዩ አልፋ ወጥታ፣ ወደ ሰማይ ቀና አለች። ያ ከባድ ድንጋይ አሁን በእሷ ስር ሆኗል። ድንጋዩ አላጠፋትም፤ ይልቁንም ልዩ ቅርፅ እና ማራኪነት ሰጣት። ዛሬ ላይ ቆማ የአሸናፊነት ልምላሜ ለምልማለች። ​ 🛑​ይህ ምስል ለሰው ልጅ ስነ-ልቦና ታላቅ ትምህርት ይሰጣል። በህይወታችን ውስጥ የሚያጋጥሙንን “ግዙፍ ድንጋዮች” (የኢኮኖሚ ችግር፣ የጤና እክል፣ የተወሳሰቡ ግንኙነቶች፣ ወይም የስራ ጫናዎች) እንዴት ማስተናገድ እንዳለብን ያሳየናል። 👉​የተለዋዋጭነት (Flexibility) ኃይል፦ ብዙዎቻችን ችግር ሲገጥመን በሀይል ለመጋፈጥ እንሞክራለን፣ ካልሆነም እንበጠሳለን። ይህች ዛፍ ግን ተለዋዋጭ መሆን (Flexible) መኖርን እንደሚያስቀጥል ታስተምረናለች። ሁኔታዎች ሲከብዱ መስበር ሳይሆን መጠማዘዝ፣ ስትራቴጂን መቀየር፣ እና አዳዲስ አማራጮችን መፈለግ መፍትሄ ነው። 👉​ችግርን የመቋቋም አቅም (Resilience)፦ ፅናት ማለት መከራ አለመኖር ሳይሆን፣ በመከራ ውስጥ ተስፋ ሳይቆርጡ መዝለቅ ነው። 👉ችግርን የምናይበት መንገድ (Reframing)፦ ድንጋዩ መጀመሪያ ላይ ገዳይ መሰናክል ነበር። በመጨረሻ ግን ዛፏ በኩራት የምትቆምበት መሠረት እና ልዩ መለያዋ ሆነ። ያንተም ትልቁ ፈተና ዛሬ ላይ እያሰቃየህ ቢሆንም፣ ነገ ታሪክህ፣ የማንነትህ ጥንካሬ እና የመማሪያህ መድረክ ይሆናል። ​🧠 ምክሬ፦ “የህይወት ድንጋዮች” ሲጫኑህ አትስበር። የትግል ስልትህን ቀይር እንጂ አትሸነፍ! ፅናት ካለህ፣ መከራህ የክብርህ ዘውድ ይሆናል። ​🧑‍💻 @person3900

የባለቅኔው ቃል! ብርሀናማነትህን ለመግለጥ አትድከም! ብርሀናማነትህን በጨለመ ጊዜ አይተው መመስከር ለተሳናቸው ብርሀንነትህን ለመማስመስከር አትባዝን፤ በደከሙ ጊዜ አበርትተሀቸው እንዳቀናሀቸው ከዘነጉት ያቀናህላቸው አንተ እንደሆንክ ለማሳወቅ አትድከም፤ በጨለማ ውስጥ ሳሉ ብርሀን ሆነህ ላሻገርከቸው ብርሀንህን ቢክዱ ነጸብራቅነትህን ለማስረገጥ ሀይልህን አትጠቀም ብቻ ብርሀን እንደሆንክ ኑር...አስታውስ ክርስቶስ ብርሀን ሳለ ብርሀኑን ለመቀማት ገደሉት እርሱ ግን በኃይልና በሞገስ ብርሀንንም ለብሶ ተነሳ እንጂ ብርሀን ነኝ ለማለት ያባከነው ጉልበት የለምና። ስትሰለጥን እንደ ኢየሱስን ሁን!

‎"ከራሴ፣ጋር፣እንዴት፣መታረቅ፣እችላለሁ? ❓🍀 ‎ ‎"ከራስ ጋር መታረቅ ማለት ትላንትናህን ይቅር ብለህ፣ ዛሬህን አቅፈህ፣ ለነገህ ተስፋ ማድረግ ማለት ነው። ብዙ ወጣቶች ከሰው ጋር ሰላም ቢሆኑም ከራሳቸው ጋር ግን ጦርነት ላይ ናቸው። ለተከታዮችህ የሚሆን፣ ጥልቅና መፍትሄ አመላካች ምክር እነሆ፦ ‎ ‎ ከራስ ጋር እንዴት መታረቅ ይቻላል? ‎ከራስ ጋር መጣላት የሚጀምረው በስህተት፣ በጸጸትና ራስን ከሌሎች ጋር በማወዳደር ነው። ‎ከራስህ ጋር ለመታረቅ እነዚህን 4 ደረጃዎች ተከተል፦ ‎ ‎1ኛ ስህተትህንና_ድክመትህን_አምነህ_ተቀበል:- ከራስ ጋር መጣላት የሚመጣው "ፍጹም መሆን ነበረብኝ" ከሚል የተሳሳተ ግምት ነው። አንተ ሰው ነህ፤ ሰው ደግሞ ይሳሳታል። የሰራኸውን ስህተት አትሸሽገው፣ አታመካኝም፤ ይልቁንም "አዎ ተሳስቻለሁ፣ አዎ ደክሜያለሁ" ብለህ ተቀበል። ‎ ‎"ቁልፉ፦ ራስህን የምታርመው ራስህን ስትቀበል ብቻ ነው። ራስህን እየጠላህ ራስህን መለወጥ አትችልም። ‎ ‎2ኛ ራስህን_ይቅር በል:- እግዚአብሔር የሰራኸውን ኃጢአት ይቅር ብሎህ እያለ፣ አንተ ግን ራስህን ይቅር ካላልክ ከፈጣሪ በላይ እየፈረድክ ነው። ትላንት የሰራኸው ስህተት "ትላንት" ላይ ቀርቷል። ትላንት የነበረህ እውቀት ያን ያህል ስለነበረ ነው ያንን ስህተት የሰራኸው። ዛሬ ግን አውቀሃል፤ ስለዚህ ላለፈው ማንነትህ ምህረትን አድርግለት። ‎ ‎"መርሁ፦ ማንም ሰው ፍጹም አይደለም፤ እግዚአብሔር ይቅር ካለህ አንተም ራስህን ይቅር የማለት መብት አለህ። ‎ ‎3ኛ ራስህን ከሌሎች ጋር ማወዳደር አቁም:- የብዙ ወጣቶች የውስጥ ጦርነት መንስኤ የሌላውን "ስኬት" ከራሳቸው "ውድቀት" ጋር ማወዳደር ነው። ዓለም ላይ ያንተ አይነት ድምፅ፣ ያንተ አይነት አሻራና ያንተ አይነት ታሪክ ያለው ሌላ ሰው የለም። ‎ ‎"እውነታው፦ አንተ የምትወዳደረው ትላንት ከነበርከው ማንነትህ ጋር እንጂ ከሌላ ሰው ጋር አይደለም። የራስህን ፍጥነት አክብር። ‎ ‎4ኛ ወደ_ፈጣሪህ_እቅፍ_ተመለስ :- የሰው ልጅ የተሰራው ከእግዚአብሔር ጋር እንዲኖር ነው። ከፈጣሪህ ስትርቅ የባዶነትና የጥላቻ ስሜት ይሰማሃል። እግዚአብሔር አንተን የሚወድህ "ጥሩ ስትሆን" ብቻ ሳይሆን ሁልጊዜ ነው። የእርሱን ፍቅር ስትረዳ፣ ራስህን በእርሱ አይን ማየት ትጀምራለህ። ያኔ ክብርህና ዋጋህ ይገባሃል። ‎ ‎ "ተግባራዊ_ልምምድ ‎ዛሬ ማታ ከመተኛትህ በፊት መስታወት ፊት ቁም፤ አይን አይንህን እያየህ እንዲህ በል፦ ‎ ‎ "ትላንት ስለተሳሳተከው ነገር ይቅር ብዬሃለሁ። ሰው በመሆንህ ድክመት ቢኖርብህም #እግዚአብሔር ግን ይወደሃል። ዛሬ አዲስ ቀን ነው፤ ካለፈው ተምረን አብረን እንቀጥላለን።" ‎ ‎"ለተከታዮቼ_መልእክቴ፦ከራስህ ጋር ካልታረቅክ ለዓለም የምትሰጠው ሰላም አይኖርህም። ራስህን መውቀስህን አቁምና ራስህን መውደድ ጀምር። አንተ በእግዚአብሔር እጅ የተሰራህ ድንቅ ስራ (Masterpiece) ነህ! ‎ ‎

‹‹ትንንሽ ደስታዎች›› (በገብረክርስቶስ ደስታ ‹‹የሚያፅናኑ›› ላይ ተመስርቶ የተጻፈ) ------- ሆድ ሲብስ 'ሚያባብሉ፣ ከዓለም ጣጣ- ለአፍታም ቢሆን 'ሚከልሉ በፈተና 'ሚያጸኑ፣ በግርግር 'ሚያረጋጉ፣ ከኑሮ ውክቢያ- ለአንዲት ቅፅበት 'ሚታደጉ… ነገር ሲመር 'ሚያጣፍጡ… እነሆ ትንንሽ ደስታዎች… ሽርፍራፊ እርካታዎች… ብጥስጣሽ እፎይታዎች የፍቅር ውጥን የሚያጓጓ፣  ልብ 'ሚያግል ቀጭን ደሞዝ… ለአምስት ቀናት- እንደንጉስ 'ሚያንቀባርር ሚጢጢ ቤት እንደልብህ 'ምትሆንባት ኡፎይ ብለህ 'ምታርፍባት አዲስ ልብስ ፕ-ስ-ስ-ስ! አዲስ ጫማ ላረማመድ የሚስማማ… ቆንጆ ጭልፋ፣ ማንቆርቆሪያ ብርጭቆ፣ ድስት፣ አዲስ ቂጣ መጋገሪያ የተቆላ ቡና፣ ፈልቶ ሲወርድ፣ ሲጨስ እጣን ትኩስ ቄጠማ ተጎዝጉዞ ያለው ጠረን ሻይ በስኳር ከአምባሻ ጋር ምሳ ሽሮ- እራት ምስር ኮልታፋ ህጻን ነፍስ የማያውቅ ያለ ሰበብ ስቆ 'ሚያስቅ ሳያስቡት በድንገት የሚደውል ወዳጅ ዘመድ እንዴት ነህ ብቻ ለማለት… ውብ የራስጌ መብራት መጽሐፍት!  መጽሐፍት! መጽሐፍት! ዘፈን! ዘፈን! ዘፈን! የጂጂ፣ የቴዎድሮስ፣ የአስቴር፣ የመሐሙድ፣ የፍቅርአዲስ እና የጥላሁንዘፈን! መታቀፍ መታቀፍ…! በሚያፈቅሩት እቅፍ እንደሞቁ እንቅልፍ እንቅልፍ! እንቅልፍ! እንቅልፍ! ሆድ ሲብስ 'ሚያባብሉ፣ ከዓለም ጣጣ ለአፍታም ቢሆን  'ሚከልሉ በፈተና የሚያጸኑ፣ በግርግር 'ሚያረጋጉ ከኑሮ ውክቢያ ለአንዲት ቅፅበት 'ሚታደጉ… ነገር ሲመር ሚያጣፍጡ… እነሆ ትንንሽ ደስታዎች… ሽርፍራፊ እርካታዎች… ብጥስጣሽ እፎይታዎች ✍️ሕይወት እምሻው

ከታች ያለው ምስል ብዙ ነገር ሊያስተምረን ይችል ይሆናል። ዛሬ ላይ በሰማይ ላይ ልዩ የሆነችውን ዓለም እየቃኘህ ልትበር ትችላለህ ፤ የነገ ማረፊያህን ልትጠብቃት የሚገባህ ምድር አለች። የትኛውንም ከፍታ ብትወጣ ተመልሰህ ወደ ተነሳህበት መመለስህ አይቀርም። የትኛውንም ከፍታ ወንበር ላይ ብትቀመጥ ተመልሰህ አንተ ባልጠበካቸው ሰዎች እግር ስር ወድቀህ ልትተዳደር እንደምትችል ሁሌም አስብ።

የትኩረት ለውጥ! 💠 ለምትልኩላቸው መልእክቶች ምላሽ ለመስጠት ከማይፈልጉ ሰዎች ላይ ሃሳባችሁን እስከምታነሱ ድረሰ . . . 💠 አንዴ በተበላሸውና ሊመለስ በማይችለው ሁኔታ ምክንያት ስሜታዊ መሆንን እስከምታቆሙ ድረሰ . . . 💠 ምንም ብትጣጣሩላቸው ለመለወጥ ምንም ፍላጎት ከሌላቸው ሰዎች ላይ ጊዜያችሁንና ገንዘባችሁን ማባከንን እስክታቆሙ ድረሰ . . . 💠 መለወጥ ስለማትችሉት የተፈጥሮ ገጽታችሁና ማንነታችሁ እያብሰለሰላችሁ የበታችነት የመሰማትን ሁኔታ እስከምታቆሙ ድረስ . . . ፈጽሞ መረጋጋት እንደማትችሉ ላስታውሳችሁ!! ካልተረጋጋችሁ ደግም አንድን ነገር በመገንባት ማደግ ፈጽሞ አትችሉም፡፡ ዛሬ ማታ እነዚህን ሁኔታዎች ለአንዴና ለመጨረሻ ጊዜ መስመር አስይዛችሁ ወደ መኝታችሁ ለመሄድ ጥረት አድርጉ፡፡ @person3900

ወዳጄ ሆይ! መጽሐፍትን ጓደኛህ አድርግ! መጽሐፍትን ጓደኛህ ስታደርግ ከመጽሐፍት እየተነጋገርክ ነው። ከመጽሐፍት መነጋገርህ ደግሞ ብዙ ጥቅሞችን ያስገኝልሀል። ከመጽሐፍት ጋር መነጋገር ማለት ደግሞ ማንበብ ማለት ነው። ስታነብ ከመጽሐፍት ጋር እየተነጋገርክ ነው ማለት ነው። መጽሐፍትን ስታነብ እያነጋገርካቸው፣ እያወያየሃቸው፣ ዕውቀትን እየቀሰምክባቸው ነው። መጽሐፍትን ጓደኛ እናድርግ! እናናግራቸው! እናብባቸው!

4.ተቃራኒ ጾታዊ ማንነት በወንድ ውስጥ ያለችው "ሴት" እና በሴት ውስጥ  ያለው "ወንድ" (Anima & Animus) ባለፉት ክፍሎች ስለ "ጥላ" (Shadow) እና ስለ "ጭንብል" (Persona) አይተናል። ዛሬ ደግሞ ዩንግ የሰው ልጅን ስነ-ልቦናዊ ምሉዕነት ለመረዳት ያስቀመጠውን Anima እና Animus የተባሉትን አስደናቂ ሃሳቦች እንመለከታለን። 1. Anima እና Animus ምንድን ናቸው? ዩንግ እንደሚለው፣ በአካል ወንድ ወይም ሴት ብንሆንም፣ በስነ-ልቦናችን ውስጥ ግን የሁለቱም ጾታዎች ባህሪ አለን፦ Anima (አኒማ)፦ በወንድ አእምሮ ውስጥ ያለችው "ሴታዊ" ማንነት ናት። ይህች ማንነት ለወንዱ ስሜታዊነትን፣ ርህራሄን፣ የፈጠራ ችሎታን እና ከሰው ጋር የመቀራረብ ብቃትን ትሰጠዋለች። Animus (አኒመስ)፦ በሴት አእምሮ ውስጥ ያለው "ወንዳዊ" ማንነት ነው። ይህ ማንነት ለሴቷ ጥንካሬን፣ አመክንዮአዊ አስተሳሰብን (Logic)፣ ውሳኔ ሰጪነትን እና ድፍረትን ይሰጣታል። 2. ከሃይማኖታዊ እና ተፈጥሯዊ ሚዛን አንጻር ፈጣሪ ሰውን ሲፈጥር ወንድንም ሴትንም አድርጎ ፈጥሯቸዋል። ይህም ማለት ፍጹም የሆነው የሰው ልጅ ማንነት የሁለቱንም ጾታዎች በጎ ባህሪያት አዋህዶ የያዘ ነው። በመንፈሳዊው ዓለም ነፍስ ጾታ የላትም፤ የሁለቱም ጥምረት ናት። ሚዛኑ ሲጠፋ፦ አንድ ወንድ በውስጡ ያለውን "ሴታዊ" ርህራሄ ካፈነ፣ ጨካኝና ደረቅ ሰው ይሆናል። በተቃራኒው አንዲት ሴት በውስጧ ያለውን "ወንዳዊ" ጥንካሬ ካፈነች፣ በሰዎች የምትመራና አቅም የሌላት ልትሆን ትችላለች። 3. በትዳር እና በፍቅር ህይወት ላይ ያለው ተጽዕኖ ዩንግ እጅግ አስገራሚ ምልከታ አለው፦ ብዙ ጊዜ በምድር ላይ የምንመርጠው የትዳር አጋር፣ በውስጣችን ያለውንና ያላወቅነውን ተቃራኒ ማንነታችንን የሚወክል ነው። እውነተኛ ፍቅር የሚጀምረው በውስጣችን ያለውን ተቃራኒ ጾታዊ ማንነት አውቀን ስናከብረው ነው። ያኔ ሌላውን ሰው እንደ "መሙያ" ሳይሆን እንደ "ጓደኛ" ማየት እንጀምራለን። 4. ለምን ማወቅ ያስፈልጋል? በውስጣችን ያለውን ተቃራኒ ባህሪ መቀበል "ሙሉ" ሰው ያደርገናል። ወንድ ልጅ ማልቀስ፣ ማዘንና መራራት እንደሚችል ሲያውቅ "አኒማውን" አገኘ ይባላል። ሴት ልጅ መሪ መሆን፣ በሃሳብ መከራከርና መቆም ስትችል "አኒመስዋን" አገኘች ይባላል። ማጠቃለያ፦ ወንድነት ማለት ጭካኔ አይደለም፤ ሴትነትም ማለት ደካማነት አይደለም። በውስጣችን ያለውን የባህሪ ሚዛን ስንጠብቅ የፈጣሪን ጥበብ በራሳችን ላይ እናያለን። 📌 የዛሬው ጥያቄ፦ ወንዶች፦ ለስላሳና ስሜታዊ ጎናችሁን ለማሳየት ትፈራላችሁ? ሴቶች፦ ጠንካራና ውሳኔ ሰጪ ጎናችሁን ለማሳየት ትፈራላችሁ? ይቀጥላል #share @person3900

3. "ጥላ" (The Shadow) 🌑 "ጥላ" (The Shadow) ምንድነው? "ሰው ብርሃንን ስላሰበ ብቻ ብሩህ አይሆንም፤ ጨለማውን (ድብቅ ማንነቱን) ማወቅ ሲችል እንጂ።" — Carl Jung ሁላችንም ለሰዎች እንዲታይልን የምንፈልገው "ቅን፣ ታማኝ፣ ታታሪ" ማንነት አለን። ነገር ግን ከዚህ በስተጀርባ፣ የእኛነታችን አካል ሆነው ሳለ "መጥፎ ናቸው፣ አያምሩም፣ እኔን አይገልጹኝም" ብለን ወደ ውስጣዊ ማንነታችን (Unconscious) የገፋናቸው ባህሪያት አሉ። እነዚህም፦ በልጅነታችን "እንደዚህ መሆን የለብህም" ተብለን የተገሰጽንባቸው ስሜቶች፣ የደበቅናቸው የጥላቻ ወይም የቅናት ስሜቶች፣ እውቅና ያልሰጠናቸው ፍላጎቶቻችንና ያልተገሩ ቁጣዎቻችን ናቸው። ⚠️ ጥላችንን ካላወቅነው ምን ይከሰታል? ዩንግ እንደሚለው፣ ጥላችንን በድፍረት ተጋፍጠን ካልተቀበልነው፣ እሱ እኛን ከጀርባ ሆኖ መዘወር ይጀምራል። ይህንንም "Projection" (መጋረድ) ይለዋል። ለምሳሌ፦ በአንድ ሰው ላይ ያለ ምክንያት በጣም የምንናደድ ወይም የምንተች ከሆነ፣ ምናልባት ያ ሰው እያሳየህ ያለው አንተ በውስጥህ ደብቀህ የያዝከውንና የጠላኸውን የራስህን ማንነት ሊሆን ይችላል። "ሌቦች ናቸው" ብለህ ሌሎችን የምታማ ከሆነ፣ ምናልባት በውስጥህ ያለውንና የገታኸውን የራስህን ስግብግብነት እያየህ ሊሆን ይችላል። ✨ "ጥላን" ማቀፍ (Shadow Integration) ራስን ማወቅ ማለት መልካም ጎናችንን ብቻ ማድነቅ አይደለም። እውነተኛው ጀግንነት የራስን ጨለማ ክፍል ማየት መቻል ነው። ትህትና፦ ጥላህን ስታውቅ፣ አንተም እንደማንኛውም ሰው የጨለማ ጎን እንዳለህ ስለምታውቅ በሰዎች ላይ የምትሰነዝረው ፍርድ ይቀንሳል። ሀይል፦ ጥላህን ስታውቅና ስትቀበለው፣ ታፍኖ የነበረው ጉልበትህ ለፈጠራና ለበጎ ስራ ይውላል። ማጠቃለያ፦ ጥላህን ለመረዳት መጀመሪያ በሌሎች ላይ የምትሰነዝረውን ትችት ተመልከት። በሌላ ሰው ላይ የምትጠላው ነገር፣ ምናልባት ያንተ የድብቅ ማንነትህ መስታወት ሊሆን ይችላል። የዛሬው ጥያቄ፦ በሌሎች ሰዎች ላይ በጣም የሚያበሳጫችሁ ወይም የምትጠሉት ባህሪ ምንድነው? (ምናልባት ያ ባህሪ የእናንተም ድብቅ ጥላ ይሆን?) ይቀጥላል..

2.Persona (ጭንብል) Persona ቃሉ የላቲን ሲሆን ሥያሜውን ያገኘው በመካከለኛው ዘመን የቴአትር ተዋናዮች ከሚያጠልቁት "ጭንብል (mask)" ነው። በቤተሰብ፣ በማህበረሰቡ  ዘንድ ተቀባይነት ለማግኘት የምናሳየው ሀሰተኛ ማንነት ጭምብል/persona ይባላል ። እድሜ ዘመናችን ሙሉ ቤተሰብ፣ ጓደኛ፣ ት/ቤት "እንዴት ወይም ማን መሆን እንዳለብን" የማያቋርጥ ተጽዕኖ ውስጥ ከተውናል። መሆን ምንፈልገውን ሳይሆን መሆን ያለብንን እየነገሩ ጫና ያሳድሩብናል። ጭንብል (persona) የዛ ግፊት "ውጤታማ መመሳሰያ" ነው (our successful adaptation to that pressure) ይላል። Carl Jung የውሸት ጭንብል የምናጠልቀውም አብዝተን ለመሆን ወይም ለመታየት የምንፈልገውን  ነው። (Our persona is what we most want to be, seen to be)። ዩንግ ሰው እንደ የቦታው እና ሁኔታው  የተለያየ ጭምብል ይለብሳል ይለናል። በስራ  ቦታ፦ "ታታሪ ሰራተኛ" የመምሰል ጭንብል በጓደኛ መሃል፦ "ተጫዋች" የመምሰል ጭንብል በቤተክርስቲያን ወይም በመስጊድ፦ "መንፈሳዊ እና ጻድቅ" የመምሰል ጭንብል" ጭንብል እና ሃይማኖታዊ ግብዝነት ሃይማኖት ለሰው ልጅ የሞራል እና የመንፈስ ጥንካሬ ቢሰጥም፣ በዩንግ እይታ ግን ትልቅ "የPersona" ወጥመድ ሊሆን ይችላል። ብዙ ጊዜ ሰዎች እውነተኛ ውስጣዊ ማንነታቸውን ከመቀየር ይልቅ፣ ውጫዊውን "የጻድቅ ሰው" ጭንብል መልበስ ይቀላቸዋል። ጭንብሉ ፦ አንድ ሰው በውጭው እጅግ ሃይማኖተኛ፣ ቃላትን የሚያሳምርና ስርአትን የሚያከብር ሊሆን ይችላል። ነገር ግን ውስጣዊ ማንነቱ (Shadow) ችላ ከተባለ፣ ያ ሰው በድብቅ ክፉ፣ ተሳዳቢ ወይም ስግብግብ ሊሆን ይችላል። ይህ በሃይማኖት "ግብዝነት" የምንለው ነው፤ ዩንግ ግን "ከጭንብሉ ጋር መጣበቅ" (Identification with the Persona) ይለዋል። ሴቶች ብዙውን ጊዜ ቆንጆ ሆኖ የመታየት ጭንብል ይለብሳሉ። አብዘተው መቀባባታቸውም እና መኳኳላቸውም ላልተገባ ጭንቀት እና ወጪ ይዳርጋቸዋል። ወንዶች ደግሞ አዋቂ (ሙሁር)  ሆኖ ለመታየት ጭንብል ይለብሳሉ። ይህ ደግሞ ሌሎችን ማታለላቸው ሳያንስ ራሳቸውን ጭምር በማታለል  ደደብ(መሀይም) ሆኖ እንዲቀሩ ያደርጋቸዋል። persona በፍቅር ግንኙነት ውስጥ persona ለብዙ ግንኙነት እና ትዳር የመፍረስ ምክንያት ነው። በፍቅር ግንኙነት ጅምሮ ወቅት ፍቅረኛቸውን ለመማረክ መልካምና ፀባይ ያለው ሰው ጭምብል ለብሰው ይቀርባሉ ሆኖም በጊዜ ብዛት እውነተኛ ማንነታቸው ስለሚገለጥ ግንኙነቱ መቀጠል አይችልም። ጉዳቱ ምንድ ነው? የውሸት ማንነት ለጊዜ ሌላውን ቢያስደስትም ከራሳችን ጋር ግን ግጭት ውስጥ እንገባለን ከውጪው ዓለም ሠላም ብንሆንም ውስጣችን ግን ውጥንቅጥ፣ ትርምስምስ ይሆናል። በእርግጥ እንዲያ መሆኑ ከውጪ የሚመጣውን ጫና ለጊዜው ቢቀንስለንም እውነተኛ ማንነታችንን ያሳጣናል። የማንነት ቀውስ (personality conflict) ይፈጥራል። ለሰው የምናሳየው ማንነት እና ውስጣዊ ማንነታችን ሲራራቅ ራስን የመጥላት እና የባዶነት ስሜት ይሰማናል። በተጨማሪም ማስመሰል አእምሮን በእጅጉ ያደክማል። ዛሬ ራሳችሁን ጠይቁ "ለሰው የምታሳዩት ማንነትናና እውነተኛው ማንነታችሁ ምን ያህል ይራራቃሉ? "በሃይማኖታዊ ወይም በማህበራዊ ህይወታችሁ "ጥሩ ለመባል" ብቻ የምታደርጉት፣ ግን ውስጣችሁ የማይስማማበት ባህሪ አለ?" Persona የሚደብቀው ነገር ሻዶው ይሆናል ሻዶው ምንድን ነው? ይቀጥላል #share @person3900

1. Ego- ንቁ አእምሮ ታዋቂው የስነ-ልቦና ጠበብት Carl GustavJung የሰው አእምሮ (psyche) እጅግ ውስብስብ የስነ-ልቦና ስርዓት (Analytical Psychology) አለው ይለናል።በተለያዩ የማንነት ክፍሎችም የተዋቀረ መሆኑንም ይገልፃል። ከነዚህም ክፍሎች ውስጥ አንዱ ኢጎ  ነው። "Ego" (ኢጎ) በትክክል ምንድነው? እንደ ዩንግ እይታ፣ ኢጎ የንቁ አእምሯችን (Consciousness) ማእከል ነው። "እኔ" ብለን የምንጠራው ማንነታችን (Identity) ሁሉ በኢጎ ስር ይጠቃለላል። ኢጎ ከልጅነታችን ጀምሮ እኔ ብለን የምንገልፀው ባህሪያችን፣ ስራችን፣ የምንወደውን ነገር እንዲሁም በንቁ ትውስታችን ያለ ሁሉ ከዚህ የአእምሯችን ክፍል ጋር ይገናኛል። ኢጎ አለምን ከራሳችን አንፃር የምንተረጉምበት እና ህይወታችንን የምንመራበት አቅጣጫ የሚወስንልን የማንነት ክፍል ነው።  እንዲሁም በስራ ፣ በቤተሰብ ፣ በማህረሰብ ውስጥ ራሳችንን  የምናስቀመጠው ቦታ እና ያለንን ሚና (value) የሚቆጣጠር ነው። እንደ jung ማብራሪያ  ኢጎቸው ያለደገ ሰዎች ከሰዎች ጋር ባላቸው ግንኙነት መስመር (boundary) የሌላቸው በመሆኑ በሰዎች  መጠቀሚያ ለመሆን የቀረቡ ናቸው። እንዲሁም ራሳቸውን የማይከላከሉ ፣ የራሳቸውን ክብር የማያስጠብቁ በመሆናቸው በሌሎች ፍላጎትና ተፅዕኖ ስር የመውደቅ ዕድል አላቸው ይለናል። ኢጎቸው ከመጠን በላይ ከፍ ያሉ ሰዎች ደግሞ ለራሳቸው የተጋነነ ግምት ያላቸው ሲሆን በየትኛውም ሁኔታ እነርሱ ብቻ ትክክል እንደሆኑ ያስባሉ። ከዛም አልፎ የራሳቸውን ጥቅምና ክብር ለማስጠበቅ የሰዎችን ህይወት ያመሰቃቅላሉ። ኢጎ ሊዛነፍ የሚችልብት ሁኔታም ይኖራል። በልጅነታችን ቤተሰብ ወይም ማህብረስብ የተጣመመ ማንነት ሰጥተውን ካደግን ያ ማንነት አድገን ራሳችንን በምንፈልግብት ጊዜ እንደማነቆ ሆኖ ላያራምደን ይችላል።ከዛ ማንነትም ለመላቀቅም ረጅም ጊዜ ሊወስድብን ይችላል። ኢጎ ከገንዘብ፣ ከቁስ ፣ ከዝና ወይም ከሌሎች ነገሮች ጋር የበዛ ቁርኝነት ካለው  ደግሞ የስቃይ ምንጭ ይሆናል።ለምሳሌ ከገንዘብ ጋር የበዛ ቁርኝነት(attachment ) ያላቸው ሰዎች በህይወት ያለቸው ደስታ እና ሰላም በዛ ነገር ማግኘት እና ማጣት ላይ ይወሰናል። የተቆራኙትን ነገር ባጡት ጊዜም የማንነት ቀውስ (identity crisis) ሊያጋጥማቸው ይችላል። እንደ ዩንግ እሳቤ ኢጎ ከማንነታችን ጋር ያለውን ጉዳዮች የሚወስልን የconcious mind ማዕከል ስለሆነ  ህይወትን ትርጉም ባለው መንገድ  ለመምራት ይጠቅመናል ሆኖም ግን ኢጎአችን ጤናማ ና የተመጣጠነ (balanced) ሊሆን ይገባል ይለናል። በቀጣይ ደግሞ persona/ጭንብልን የምናይ ይሆናል። #share @person3900

አምስቱ የማንነት ክፍሎች ታዋቂው የስዊዘርላንድ የስነ-ልቦና ጠቢብ ካርል ዩንግ (Carl Jung) የሰው ልጅን ማንነት በአምስት በክፍሎች ከፍሎታል። ወደ ዝርዝር ትንታኔው ከመግባታችን በፊት፣ እነዚህን ማንነቶችን በአጭሩ እንመልከት፦ 1. ንቁ አእምሮ (The Conscious Mind/Ego): አሁን የምናስብበት፣ የምናውቀውና "እኔ" ብለን የምንጠራው ማንነታችን ነው። 2. ጭንብል (The Persona): ለሰዎችና ለማህበረሰቡ እንዲታይልን የምንለብሰው "ጥሩ ሰው" የመምሰል ካባ። 3. ጥላ (The Shadow): የደበቅነው፣ የገፋነውና የማንቀበለው የጨለማ ማንነታችን። 4. ተቃራኒ ጾታዊ ማንነት (Anima/Animus): በወንዶች ውስጥ ያለው ሴታዊ ባህሪ እና በሴቶች ውስጥ ያለው ወንዳዊ ባህሪ። 5. እውነተኛው ማንነት (The Self): እነዚህን ሁሉ አዋህዶ የያዘውና የሰው ልጅ ሊደርስበት የሚገባው የመጨረሻው የጥበብ ደረጃ። ይቀጥላል #share

አራቱ አይነት ሰዎች በአንድ ወቅት አራት ሰዎች በጫካ ውስጥ እየተጓዙ ነበር። እነዚህ ሰዎች ፈጽሞ በአንድ ላይ ሊሆኑ የሚችሉ አልነበሩም፡፡ የመጀመሪያው ሰው ከፍተኛ የማሰብ ችሎታ ያለውና ምሁር በመሆኑ ለሶስቱ ሰዎች፣ በተለይም ወደ ሰማይ እየተመለከቱ የፈጣሪን ስም አዘውትረው ለሚጠሩ ከፍተኛ ንቀት ነበረው:: ለዚህ ሰው እንደዚህ የሚያደርጉ ሰዎች የማይረቡ ሰዎች ናቸው። ይህ አዘውትሮ የአምላኩን ስም የሚጠራው ሰው ደግሞ ፈጣሪ እዚህ ካለ፣ የሚያስፈልገው የእርሱን እጅ ይዞ መራመድ ሆኖ ሳለ ሌሎች ነገሮችን ማድረግ ጊዜ ማባከን እንደሆነ ያስባል፡፡ ለዚህ ሰው አእምሮን የሚያጨናንቅ ፍልስፍናም ሆነ አካልን አጣጥፎ በመቀመጥ መጸለይ አስፈላጊ አይደለም፤ ምክንያቱም ፈጣሪ እዚህ ነው፣ ፈጣሪ ሁሉም ቦታ አለ፡፡ የድርጊት ሰው የሆነው ሶስተኛው ሰው ደግሞ ሌሎቹ ከሚያምር ፍልስፍናቸው ጋር ሰነፍ እንደሆኑና ይህንን ሁሉ ፍልስፍና የሚደረድሩት ስንፍናቸውን ለመደበቅ እንደሆነ ያስባል፡፡ አራተኛው ደግሞ ከሁሉም ይልቅ ንቀት የተሞላበት በመሆኑ ህልውና ሁሉ ኃይል መሆኑን አያውቁም እንዴ? ኃይልን መለወጥ የማትችል ከሆነ፣ ፈጣሪንም ሆነ ሌላም ነገር ብትናፍቅ ምንም ነገር አይፈጠርም፡፡ ምንም አይነት ለውጥ አይኖርም' ሲል ያስባል፡፡ እነዚህ አራት ሰዎች በአንድ ላይ መሆን የማይችሉ ቢሆኑም እንኳ፣ ዛሬ ግን አብረው ሆነው በጫካ ሲጓዙ አውሎ ነፋስ ተነሳ። ከዚያ በከባዱ መዝነብ ጀመረ፡፡ አራቱም መጠለያ ፍለጋ መሮጥ ጀመሩ፡፡ አዘውትሮ የፈጣሪን ስም የሚጠራውና በፈጣሪ የሚያምነው ሰው፣ በጣም ኃይማኖተኛ ስለሆነና የአምልኮ ቦታዎች የት እንደሚገኙ በሚገባ ያውቅ ስለነበር፤ በዚህ አቅጣጫ አንድ ጥንታዊ ቤተ መቅደስ አለ፣ ወደዚያ እንሂድና ከዝናቡ እንጠለል” ሲል ሀሳብ አቀረበ፡፡ ሌሎቹም ተስማምተው ወደዚያ አቅጣጫ ሲሄዱ እንደተባለው ጥንታዊውን ቤተ መቅደስ አገኙት፤ ቤተ መቅደሱ ግድግዳዎቹ ሁሉ ፈራርሰው የቀረው ጣራውና አራቱ አምዶች ብቻ ነበሩ፡፡ ከዚያ ለፈጣሪ ካላቸው ፍቅር የተነሳ ሳይሆን ከዝናቡ ለማምለጥ ሲሉ ብቻ ወደ ቤተ መቅደሱ ገቡ፡፡ በቤተ መቅደሱ መካከል የተቀመጠ አንድ የማምለኪያ ምስል ተቀምጦ ነበር፡፡ ዝናቡ ከየአቅጣጫው እየዘነበ ስለነበርና ዝናብ ሊነካቸው የማይችለው ምስሉ የተቀመጠበት ቦታ ብቻ ስለነበረ፣ እነዚህ አራት ሰዎች ማምለኪያው ምስል ወደሚገኝበት መጠጋት ጀመሩ። በመጨረሻም ምንም ምርጫ አልነበራቸውምና ምስሉን አንስተው በማቀፍ ምስሉ የነበረበት ቦታ ተቀመጡ፡፡ እነዚያ ሰዎች ያንን የማምለኪያ ምስል አቅፈው በተቀመጡበት ግዙፍ የሆነ የአምስተኛ አካል መገኘት ነበር፡፡ በድንገት ፈጣሪ ተገለጠ፡፡ በዚህ ጊዜ በአራቱም አእምሮ ውስጥ ለምን አሁን? የሚል ተመሳሳይ ጥያቄ ተነሳ፡፡ በጣም ተገረሙ፡፡ ከዚያ “ብዙ ፍልስፍናዎች አስተምረን ነበር፣ ብዙ ተከታዮችም አፍርተናል፣ በርካታ መንፈሳዊ ልምምዶችም ነበሩን ግን አልመጣህም ነበር፡፡ አሁን እዚህ የመጣነው ግን ዝናብ ለመጠለል ብቻ ሆኖ ሳለ እዚህ ተከሰትክ፡፡ ለምንድነው?” ሲሉ ጠየቁት፡፡ ፈጣሪም፣ “በመጨረሻ እናንተ አራት የማትረቡ ሰዎች በአንድ ላይ የተገኛችሁ በመሆኑ ነው፡፡” ሲል መለሰ፡፡ እነዚህ አራቱ ማለትም አካል፣ አእምሮ፣ ስሜት እና ኃይል በአንድ ላይ አይሄዱም፤ የሰው ልጅ አንድ ትልቅ ትርምስ የሆነውም ለዚያ ነው፡፡ ለብዙ ሰዎች እነዚህ አራት ልኬቶች በተለያየ አቅጣጫዎች የተቀመጡ ናቸው፡፡ አእምሮ የሚያስበውና የሚሰማው በአንድ መንገድ ነው፣ አካላዊ ሰውነትህ በሌላ መንገድ፣ ስሜትህ በሌላ መንገድ፣ ኃይልህ ደግሞ በሌላኛው መንገድ ይሄዳል፡፡ አንተ የእነዚህ አራት ነገሮች ውህደት ነህ፡፡ በአንድ ሰው ውስጥ ስሜት የበላይ ይሆናል፣ በሌላ ሰው ውስጥ ደግሞ አእምሮ የበላይ ሊሆን ይችላል፤ ነገር ግን ሁሉም ሰው የእነዚህ አራት ነገሮች ውህደት ነው፡፡ ስለዚህ የእነዚህ አራት ነገሮች ውህደት ያስፈልግሃል፡፡ ለአንተ የበለጠ ጥሩ የሚሆንልህ አራቱ በትክክለኛው መንገድ ከተቀላቀሉ ብቻ ነው፡፡ መመሰጥ ወይም መጸለይ ደግሞ እነዚህን አራት ልኬቶች ፍጹም በሆነ ህብር በአንድ ላይ እንዲሆኑ የሚያደርግ ነው፡፡ ሰውነትህና አእምሮህ ዘና ባለ ሁኔታ ውስጥ ሲሆኑ፣ በውስጥህ ከሚነዘንዙህ የማይመቹ ነገሮችና ህመሞች ነጻ ትሆናለህ፡፡ ኃይሎችህን ስታነቃቃ፣ ሙሉ በሙሉ በተለየ መንገድ መስራት ትችላለህ፡፡ ተመስጦ ውስጣዊ ኃይሎችህን በማነቃቃት አካልህና አእምሮህ በከፍተኛ አቅማቸው እንዲስሩ የሚያደርግ ነው፡፡ ስለራስህ ብዙ የምታምናቸው ነገሮች ሊኖሩ ይችላሉ፤ በመሰረታዊነት ግን አንተ የተወሰነ መጠን ያለህ የሕይወት ኃይል ነህ፡፡ ዘመናዊ ሳይንስ መላው ህልውና የኃይል ራሱን በተለያየ መንገድ መግለጽ እንደሆነ ይናገራል፡፡ ይህ ከሆነ ደግሞ አንተም በተለየ መንገድ የምትሰራ ትንሽ ኃይል ነህ ማለት ነው፡፡ አጽናፈ ዓለም አንድ ትልቅ ኃይል ነው፤ የአንተም ሕይወት ከአጽናፈ ዓለም ጥገኝነት ነጻ አይደለም፡፡ በእያንዳንዱ ቅፅበት ልውውጥ ስላለ፣ በአንተና በዙሪያህ ባለ ዓለም መካከል ጥልቅየሆነ ግንኙነት ስላለ፣ በዙሪያህ ካለው ዓለም ውጪ አይደለህም፡፡ አንተ ወደ ውጪ ስትተነፍስ ዛፎች ወደ ውስጥ ይተነፍሳሉ፤ እነርሱ ወደ ውጪ የሚተነፍሱትን አየር አንተ ወደ ውስጥ ትስበዋለህ፤ አንተ ወደ ውጪ የምትተነፍሰውን አየር ደግሞ እነርሱ ወደ ውስጥ በመሳብ ይጠቀሙበታል፡፡ እዚህ ላይ ችግሩ የማሰብ ችሎታችንን ለግላዊ ማንነታችን ማስገዛታችን ነው፡፡ ይህ ተፈጥሯዊ ህልውና ማጣት ሰዎች በሕይወታቸው ውስጥ ከፍተኛ መጠን ያለው ግጭት፣ ጭንቀትና በሽታዎች እንዲያጋጥማቸው ምክንያት ነው፡፡