PharmFreel

PharmFreel pinned a photo

🕵🏻‍♀ تحت المجهر: رحلة احتراف كتابة المحتوى الإعلاني Copywriting تخيل عندك خريطة طريق واضحة تعلمك بالضبط: من وين تبدأ شو تتعلم أول شي كيف تطبق وتشكّل خبرة وكيف تبني معرض أعمال يلفت الانتباه كل هاد بدليل واحد 👌😀 ✨ جاهزين تنطلقوا؟ 👇🏻🙃 https://zainab-ismail-pro.github.io/writing_under_microscopy/ ❌ شغلوا VPN إذا ما اشتغل الرابط لأي استفسار فيكن تتواصلوا معي على حسابي الشخصي @ZainabEsmael أو على بوت التواصل @PharmFreel_Bot

في مصادر مجانية حتى تتعلموا أي شي 😁 كورسيرا موجودة يوديمي موجود EDX موجود كتب موجودة واليوتيوب موجود فيكن تحملوا كتب مدفوعة بطريقة مجانية .. ما بتزبط ع كل الكتب بس في كتب منيح بيزبط عليها الموضوع 😁 إذا ضاقت الدنيا فيكن وما زبط ولا شي ففي مقالات عن كل شي بدكن تتعلموه حتى لو عذبكن الموضوع وموجود chatgpt وموجود gemini وموجود notebook LM ما في حجة انو ما في مصاري حتى تتعلموا عن شي 🙃 المصادر المدفوعة بتسهل عليكن لأنها بتختصر عليكن تعب قلب ووقت .. بس هاد الشي ما بيعني انو ما فيكن تتعلموا من المصادر المجانية

التشتت بين المجالات ممكن يكون أخطر من الفشل نفسو كتير ناس بتبدأ طريق … وبعد فترة قصيرة بتتركو وبتروح على طريق تاني اليوم كتابة محتوى … بكرا ترجمة … بعدو برمجة … بعدو تسويق … وبعد فترة بحس الشخص انو ما وصل لشي 🙂 المشكلة مو انك مانك قادر المشكلة انك ما عطيت أي طريق الوقت الكافي ليعطي نتيجة 🤷🏻‍♀ كل مهارة بدها وقت … وبدها تراكم بدك تتعلمها خطوة خطوة … وبعدين تتعلم المهارات الفرعية المرتبطة فيها … وبعدين تطبق … وتغلط … وتتعلم مرة تانية 💁🏻‍♀ اللي بيضل يغير الطريق كل فترة … بيبقى دائماً بنقطة البداية إذا بلشتوا مهارة … كملوا فيها لا تلتفتوا لطريق غيركن … ولا تحاولوا تقلدوا حدا تاني كل شخص عندو طريقو وسرعتو الخاصة وخصوصاً للصيادلة … بدل ما نقعد مكتئبين بسبب قلة فرص العمل … خلينا نخلق فرصنا بنفسنا اختاروا مهارة … أتقنوها … واشتغلوا على المهارات اللي بتدعمها لا تخلوا حدا يكون أحسن منكن بس لأنو هو كمل طريقو … وانتو غيرتوا الطريق كل شوي النتيجة ما بتبين بسرعة … بس بتبين للشخص اللي كمل رح اسألكن سؤال 🧐 بس تركبوا بسيارة بالليل وتشغلوا الأضوية .. ببين عليكن الطريق بشكل كامل من الأول ولا لازم تمشوا خطوات حتى يبين عليكن؟ 🚗✨ نفس الشي بس بلشتوا بالشغل أونلاين .. ما رح يبين عليكن شي ورح تكونوا ضايعين بس ما رح توصلوا لمكان إذا ما بلشتوا وإذا حابين تختاروا الكوبي رايتنغ لازم تشوفوا هاد الدليل فيه خريطة كيف تبلشوا وشو لازم تتعلموا .. شو الكورسات المفيدة وشو لازم تحطوا بمعرض الأعمال 👇🏻 https://zainab-ismail-pro.github.io/writing_under_microscopy/

من تقييمات دليل كتابة المحتوى الإعلاني 🤩❤️ تفاصيل الدليل موجودة عالرابط https://zainab-ismail-pro.github.io/writing_under_microscopy/ لأي سؤال فيكن تتواصلوا معي على حسابي @ZainabEsmael أو على بوت التواصل @PharmFreel_Bot

PharmFreel pinned «دليلك لبدء العمل أونلاين (تحديث لبوست قديم) إذا كان بدي اختصر خبرتي بمجال العمل أونلاين على مدار السنين السابقة ف رح اختصرها بهي النقاط: 1⃣ أول نقطة: تحديد تخصص شوف شو الشي اللي انت بتحبو وممكن ياخد من وقتك ساعات من دون ما تحس وحاول تحولو لشغل أونلاين ..…»

دليلك لبدء العمل أونلاين (تحديث لبوست قديم) إذا كان بدي اختصر خبرتي بمجال العمل أونلاين على مدار السنين السابقة ف رح اختصرها بهي النقاط: 1⃣ أول نقطة: تحديد تخصص شوف شو الشي اللي انت بتحبو وممكن ياخد من وقتك ساعات من دون ما تحس وحاول تحولو لشغل أونلاين .. وعلى فكرة مو شرط تكون خبير حتى تبلش تطالع مصاري لأنو في عملاء بحاجة شغل المبتدئ على حسب الميزانية المتوفرة .. وتذكر دائماً انك سابق غيرك بخطوة والخطوة اللي سابقها في مين بيدفع عليها 2⃣ تاني نقطة: تعلم المهارات الأساسية والمكملة للتخصص اللي اخترتو بلش بالمهارات الأساسية بعدها بلش طبق فوراً لا تنطر تصير خبير .. الخبرة ما رح تصير بدون تطبيق وإذا ضليت ناطر ما رح توصل لا تخلي ولا يوم يمرق عليه بدون ما تكون متعلم شي جديد بمجالك 3⃣ النقطة التالتة: تعلم التسويق بالمحتوى وتعلم تعمل براند شخصي شو فائدة تكون خبير بس ما بتعرف توصل للعملاء وما حدا سمعان فيك؟ انت على مستوى الصيدلية تخيل حالك شاطر كتير كتير بس ما كنت بتعرف تشرح للمريض عن دوا معين ف هوي ببساطة رح يقول عنك مو شاطر 🙃 .. وعالنت نفس الشي لازم تتعلم توصل للجمهور المستهدف 4⃣ النقطة الرابعة: بناء علاقات مع أصحاب الخبرات ضيفن عالفيس .. تابعن على صفحاتهن .. خليك موجود بالتعليقات وبالرد عالستوريات نزل لينكدان زبط حسابك وحط كلمات مفتاحية متعلقة بمجالك .. تابع خبراء بمجالك واتفاعل معن بس بنيت علاقات هي العلاقات ممكن تكون طريقك للشغل بيوم من الأيام ورح تترشح للوظيفة من خلالن ✔️ 5⃣ النقطة الخامسة: تجهيز معرض الأعمال شو بدو يكون بمعرض الأعمال إذا لسا ما لاقيت شغل؟ بتحطوا فيه أعمال وهمية .. تطبيقات لمشاريع تدربتوا عليها أو بتتخيلوا حدا طلب منكن شغل معين وبتنفذوه بتتعلموا شو لازم يكون موجود بمعرض الأعمال وكيف الترتيب .. وإذا اخترتوا كتابة المحتوى فالدليل اللي عملتوا موجود فيه كل التفاصيل هي الخطوات أساسية ومشتركة بكل المجالات اللي ممكن تشتغلوها ومستحيل ينجمع كل شي عن الشغل أونلاين ببوست واحد لهيك خليكن متابعين البوستات عالقناة وضيفوا عليها معلومات هاد البوست بتوصلوا للي بدكن ياه 😄 موفقين ❤️ ولأي سؤال فيكن تتواصلوا معي على حسابي @ZainabEsmael

"خُلِقَ الجميع ليتألقوا" المشكلة انو في ناس موهوبين بس بحاولوا يتألقوا بمكان غلط 🔹 في صيدلاني ممتاز بالتواصل … بس حابس حالو بوظيفة روتينية 🔹 في شخص عندو عقل تحليلي قوي … بس ما جرب يوظفو خارج الإطار التقليدي 🔹 في ناس بتحب التعلم والبحث … بس ما حولتها لمهارة مدفوعة ✨ لحتى تنجح لازم: 1️⃣ تعرف نقاط قوتك الحقيقية .. الشغلات اللي بتستمتع فيها 2️⃣ تشوف وين ممكن تتحول هي النقاط لقيمة حقيقية بالسوق 3️⃣ تطور كم مهارة حقيقية وعليها قيمة .. مو 10 مهارات عادية 💡 الاستقلال المهني ما بيبدأ بفرصة … بيبدأ بوعي انو انت مو مضطر تكمل بطريق ما بيشبهك أو بطريق فرضو عليك المجتمع أو فرع درستو الخطوة الأولى مو شرط تكون خطوة كبيرة الخطوة الأولى هيي انك تعترف انو في مكان تاني ممكن يخليك تلمع أكتر 😌

تقييم دليل المواقع الطبية الموثوقة 😌👆🏻 للتفاصيل: https://zainab-ismail-pro.github.io/medical_guide/ وبحال ما فتح شغلوا VPN 😄

✍️ جهّز نفسك للانطلاق مع دليل كتابة المحتوى الإعلاني تحت المجهر كتير من الناس ببلشوا يتعلموا كتابة المحتوى، بس ما عندهم خريطة واضحة يمشوا عليها 👀 هالدليل مو بس معلومات .. هو دليلك خطوة خطوة لتتعلم: - المهارات الأساسية اللي لازم تعرفها - كيف تطبق عملياً وتشكّل خبرة حقيقية - تجهيز معرض أعمال يلفت انتباه أصحاب العمل كل خطوة مصممة لتسهيل رحلتك وتحويلك من مبتدئ لمتمكن 💸 🚀 ابدأ رحلتك الآن مع كتابة المحتوى الإعلاني تحت المجهر https://zainab-ismail-pro.github.io/writing_under_microscopy/ ❌ شغلوا VPN إذا ما اشتغل الرابط

PharmFreel pinned Deleted message

هون مذكور تتعلموا ع كانفا طيب كانفا للتصميم إذا الشخص ما بحب التصميم بروح بيتعلم تصميم؟ في ناس ما عندها ذوق تصميمي ناس ما بتعرف كيف ترتب العناصر النصائح العامة ما بتزبط عالكل لكل شخص في شخصية مختلفة تماماً وممكن يأبدع بمجال مختلف كلياً عن الشخص التاني التسجيل بموقع مستقل؟ طيب موقع مستقل عليه منافسة جداً عالية وهوي للمشاريع الكبيرة ك شخص مبتدئ كيف رح تبلش عليه إذا ما بتعرف شي عن الشغل أونلاين؟ أصلاً إذا دخلت انت عالموقع رح تكتئب وتبطل تشتغل ورح ترجع تنزل بوست عم تدور ع شغل بصيدلية براتب شو ما كان منشان ما تضل بلا شغل

أنا وحدة من الأشخاص لما قررت اتعلم مجال جديد كان دائما يطلع بوجهي الكوبي رايتنغ كنت ضل مبعدة عنو السبب انو ماني شاطرة بالكتابة إذا مواضيع التعبير بالمدرسة كنت احفظها كيف بدي اتعلم مهارة بدها كتابة؟ وضليت مأجلة الموضوع شهور بالأخير قررت خلص بدي اتعلم وشوف شو الوضع يا بكمل فيه يا بتركو بس بكون تعلمت عن المجال واخدت نظرة عنو دخلت على كورسيرا واليوتيوب وشفت شو في كورسات عن الموضوع وصرت اكتب بمساعدة chatgpt أفكار المنتجات مو من عندي أفكار المحتوى مو من عندي اللي كان من عندي هوي كيف استخدم chatgpt واعرف كيف هالمحتوى بدي اعرضو للجمهور المستهدف يعني المعلومات الأساسية تعلمتها من الكورسات والتطبيق كان بمساعدة chatgpt عملت معرض أعمال وجهزت حالي وخلال كم شهر كنت ملاقاية شغل بس بعد شو؟ بعد ما جهزت حالي مفكرين إذا الله شافكن عم تتعذبوا ما رح يدلكن عالطريق؟ رح يدلكن .. حاشاه انو يخيبنا بس إذا ضليتوا ناطرين الفرج فالفرج ما رح يجيكن بلا ما تشتغلوا ع حالكن (بالطريقة الصح) وركزوا ع كلمة بالطريقة الصح لأنو كتار مننا وأنا أولتكن منفكر انو إذا تعبنا فلازم نلاقي نتيجة ونحنا منكون عم نتعب من الضياع مو لأنو عم نشتغل ع حالنا .. بس لأنو عم نشتغل بالطريقة الخطأ 🙃

مرحبا 🙋🏻‍♀ ممكن بس تشوفوا هيك تعليقات لا تكتئبوا وتردوا عليهن؟ بدكن رأيي؟ رح اعطيكن ياه بلا ما تطلبوا 🤣 سنين وسنين حتى تتعلموا ومن النوادر حتى تلاقوا شغل؟ طيب اوكي .. هي درسنا ٥ سنين صيدلة وقاعدين بالبيت ما عم نشتغل بالصيدلة ف جملة انك تضيع سنين وسنين .. انت سلفاً مضيع سنين وسنين شو المانع انك تضيع لسا سنين تتعلم شي فيك تشتغل فيه؟ مع انو ما رح تضل سنين وسنين ومن النادر انك تلاقي شغل إذا لاقيتو حدا عم يقلكن صرلي زمان بتعلم مجال معين وما لاقيت شغل فيه ف هوي إما ما عم يلتزم انو يتعلم ومراحل التعلم تبعو متقطعة .. يوم اي وشهر لأ أو متشتت بكذا مجال أو عم يتعلم بدون وجود خريطة قدامو يعرف هوي شو عم يتعلم أو متعلم مهارات أساسية الكل بيتعلمها ومانو متعلم مهارات تكميلية المهارات الأساسية بتفيد بس إذا ما تعلمتوا غيرها ما رح تلاقوا شغل بسهولة .. السبب انو هي مهارات سهل الواحد يتعلمها وإذا شي سهل نتعلموا فالكل رح يتعلموا إذا صار في إعداد كبيرة بمجال معين ف رح تلاقوا يا فرص عمل أقل ومنافسة أكبر أو راتب كتير قليل لأنو ببساطة بقلولك منلاقي حدا بيشتغل براتب أقل وبنفس جودة الشغل انت بهي الحالة مضطر تزود مهاراتك لحتى ما فيهن يتخلوا عنك

من فترة كنت عم راقب صيادلة بنفس العمر نفس الشهادة تقريباً نفس الخبرة 🤔 بس رغم هيك … مسارهم المهني كان مختلف بشكل واضح 🔹 الأول: صيدلاني موظف دوامه ثابت ⏰ مهامه واضحة 📋 دخله معروف من أول الشهر 💵 بيعتمد بشكل أساسي على جهة واحدة فقط: 🏥 مكان العمل 🔹 التاني: صيدلاني مستقل .. أو فعلياً عم يبني استقلاله خطوة خطوة 🚀 مو لأنو ترك وظيفتو ولا لأنو ترك شهادتو بل لأنو قرر يضيف طبقة أمان فوقها 🔐 ❓ شو الفرق الحقيقي بينهم؟ 🔸 الصيدلاني الموظف: ببيع وقته مقابل راتب عدد الساعات = سقف الدخل ⛔ إذا توقف الشغل .. الدخل بيتوقف معه 🔸 الصيدلاني المستقل: ببيع مهاراته وخبرته 🧠 مو مرتبط بساعات محددة ومو مرتبط بعميل واحد 🧪 تخيلوا هالمثال معي صيدلاني موظف بيشتغل 8 ساعات يومياً أو 6 ساعات وصيدلاني تاني بيشتغل نفس الدوام … بس بالمقابل 👇 استثمر مهاراته بـ: 🔍 البحث 📊 التنظيم 🎯 الدقة وبلّش يشتغل أونلاين على: إدارة محتوى تعليمي 📚 إعداد مواد معرفية 📝 دعم مشاريع تحتاج خبرة علمية 🔬 ⏳ بعد فترة … صار عنده مصدر دخل جانبي مو ثابت دائماً بس قابل للنمو 🌱 ⚠️ النقطة المهمة اللي لازم تنتبهوا عليها: الاستقلال ما بيعني تترك الوظيفة الاستقلال بيعني: ما يكون الأمان المهني مرتبط بخيار واحد فقط 🔗 ✨ خلاصة الحكي: الشهادة ما تغيرت 🎓 بس الفرق بين الشخصين: 🧠 بطريقة التفكير 🛠️ وكيف تم استخدام المهارات وخليها ببالك الاستقلال ببلش من مهارة 😎 وإذا حابب تكون مهارتك الأولى هيي الكوبي رايتنغ .. اضغط عالرابط