بكلوريا مهني تقنيات حاسوب

مو كل إدمان اسمه ريلز… أحيانًا الإدمان لابس لبسة “فائدة” 😶‍🌫️🌐

صار دور هالبوست المقسوم لقسمين بركي حدا بيصحى من وراه

في طلاب فايتة عالكروبات لتستفيد. واحد بدو يفهم محاضرة، واحد بدو يسأل عن وظيفة، واحد ضايع بدرس، واحد عنده امتحان، واحد فات لأنو محتاج مساعدة حقيقية. وللأسف… أحيانًا بسبب سردنا، وكتر حكيّنا، والنقاشات الجانبية اللي ما إلها آخر، منعطل عليهم فائدتهم ونخلي الكروب بدل ما يكون باب علم… يصير باب تشتت. يمكن نحنا نكون عم نضحك، بس غيرنا عم يضيع. يمكن نحنا فاضيين بهاللحظة، بس في طالب تاني عنده امتحان بكرا وكل إشعار عم يسحبه من تركيزه. يمكن نحنا شايفين الموضوع “مزح بسيط”، بس التراكم مو بسيط أبدًا. لهيك قبل ما وجّه الرسالة لأي حدا… أنا بوجّهها لإلي أولًا: خفف. انتبه. مو كل نقاش لازم تدخل فيه. مو كل رسالة لازم ترد عليها. مو كل كروب لازم تثبت حضورك فيه. ومو كل وقت فراغ لازم ينحرق بحكي طويل. اسأل حالك قبل ما تفتح: هل أنا داخل لحاجة؟ ولا بس هربان من شي لازم أعمله؟ هل هالكلام رح يفيدني ويفيد غيري؟ ولا بس رح ياخد من وقتنا وتركيزنا؟ هل أنا عم أستخدم التطبيق؟ ولا التطبيق صار يستخدم ضعفي وفضولي؟ 🫡 يا جماعة… أهدافنا أغلى من هيك. دراستك، دينك، صحتك، علاقتك بأهلك، مشروعك، مستقبلك، كل هالأشياء ما بتنبني بس “بالنية الحلوة”. بدها وقت. بدها تركيز. بدها تضحية. وبدها إنك تعرف تقول: “خلص… بكفي لهون.” مو لازم نترك كل شي، بس لازم نحط كل شي بحجمه الطبيعي. الكروب وسيلة… مو حياة. التطبيق أداة… مو وطن. والنقاشات مهما كانت مفيدة، إذا سرقت منك الأصل، صارت ضرر لابس ثوب فائدة. فـ ياريت… نخفف شوي. ننتبه عحالنا. نحترم وقتنا ووقت غيرنا. ونخلي كروبات الدراسة للدراسة قد ما فينا، والفائدة للفائدة، والسرد إلو حد، والمزح إلو حد. وإذا شي مرة حدا شافني أنا شخصيًا عم أسرد زيادة، أو فاتح نقاش ما إلو داعي، أو عم ضيع وقتي ووقت غيري… ينبهني. والله ما بزعل. بالعكس… النصيحة واجبة بيناتنا، واللي بحبك عن جد هو اللي بينبهك قبل ما تغرق، مو اللي بيصفقلك وانت عم تضيع. آخر شي… لا تستهينوا بإدمان التطبيقات “المفيدة”. لأنو أحيانًا أخطر إدمان هو اللي بتقدر تبرره لنفسك. الريلز واضح إنو مضيعة وقت، بس النقاشات؟ الكروبات؟ القنوات؟ المحتوى “المفيد”؟ هون الخدعة. لأنك بتضل تقول: “أنا عم أتعلم” لحد ما تكتشف إنك لا تعلمت، ولا درست، ولا أنجزت، ولا ارتحت. بس كنت حاضر بكل مكان… وغايب عن حياتك الحقيقية. الله يوفقني وإياكم لكل خير، ويبارك بأوقاتنا، ويجعلنا من الناس اللي بتعرف قيمة عمرها قبل ما يضيع منها. ما حكيت هالكلام إلا لأني مريت فيه… وما بدي حدا يوقع بنفس الحفرة وهو مفكر حاله ماشي بطريق الصح. خففوا… انتبهوا… واشتغلوا عحالكم بصمت. واللي عنده هدف كبير، لازم يعرف إنو أول عدو لإله مو الفشل… بل التشتت 🌿🤍

مو كل إدمان اسمه ريلز… أحيانًا الإدمان لابس لبسة “فائدة” 😶‍🌫️🌐 البوست طويل شوي وانقسم لبوستين تحملونا ☺️ اليوم حابب إحكي عن مشكلة… ومو مشكلة سمعت عنها من بعيد، لأ… مشكلة أنا شخصيًا كنت واقع فيها، وبمرحلة من المراحل كانت آكلتني أكل. الحمد لله، من زمان كنت حاذف أغلب السوشيال ميديا… فيسبوك، إنستا، والقصص اللي بتعرفوها. كنت كل فترة أرجع نزّلهم شوي، وبعدين إحذفهم، لأنو كنت شايفهم محرقة وقت فعلية 😠 خصوصًا مع الريلز، والسكرول، والمحتوى المعفّن اللي بيخليك تفتح دقيقة… وتصحى بعد ساعتين وانت مو فاهم شو صار. فكنت مفكّر حالي هيك ختمت اللعبة 😎 يعني: ما عندي فيسبوك. ما عندي إنستا. يوتيوب موجود بس ما بفتح الشورتس إلا نادرًا. واتساب للأشياء الضرورية وبس. وقلت لحالي: “خلص… أنا هيك شب ملتزم بوقته وما حدا قدي” 🦷 بس المصيبة… والطامّة الكبرى… كانت بتطبيق بريء ظاهريًا اسمه: تيليجرام. 📩 هون بلّشت القصة. دخلت عكروبات بتخص مجالي، ناس من بلدي، وناس من دول تانية، كروبات فيها فائدة، نقاشات، ملفات، خبرات، أفكار، وشباب فعلاً بدها تتعلّم وتفيد. بالبداية كان الموضوع حلو… كنت استفيد، أسأل، أجاوب، أتعرف على ناس بنفس الاهتمام، وأحس حالي عم أستثمر وقتي بشي مفيد. بس شوي شوي… الفايدة تحوّلت لجحيم. صرت افتح تيليجرام “بس شوف شو في” وفجأة بلاقي حالي قاعد عليه ساعات. مو ساعة وساعتين… لا. كان في أيام أوصل لـ 14 ساعة. وأيام 16 ساعة. وأيام وصلت 18 ساعة!! يا لطيف… 18 ساعة؟ 😶‍🌫️ إي والله 18 ساعة. تخيّل إنسان ضايع 18 ساعة من يومه وهو مفكر حاله مو ضايع، لأنو مو قاعد عالإنستا، ولا عم يحضر ريلز، ولا عم يتفرج عالمحتوى التافه. بس الحقيقة؟ هو ضايع… بس بطريقة “محترمة” شوي. وهون أخطر نقطة 👇 مو كل شي شكله مفيد… هو فعلاً مفيد إلك بهاللحظة. ومو كل كروب علمي، أو نقاش ثقافي، أو مجتمع تقني، أو قناة فيها معلومات… معناتها وجودك فيها طول اليوم عبادة وإنجاز. أحيانًا الفائدة نفسها بتصير فتنة، إذا أخدت منك وقتك، وتركيزك، وصلاتك، ودراستك، وأهدافك، وحياتك الواقعية. أنا كنت هربان من محرقة الريلز… ورحت وقعت بمحرقة تانية بس اسمها “نقاشات مفيدة” 🫠 وطبعًا ليش عم إحكي هالحكي؟ لأني ملاحظ كتير منكم عم يوقع بنفس الغلطة… ونفس الطريق اللي أنا مشيت فيه، فحبيت نبّه قبل ما يوقع الفاس بالراس. لأنو الموضوع بيبدأ هيك: “بس بدي استفيد من الكروب.” بعدين: “بس بدي رد عهالشب.” بعدين: “بس بدي شوف شو صار بالنقاش.” بعدين: “بس بدي تابع شوي.” وفجأة بتلاقي يومك راح… ودراستك واقفة، وأهدافك مؤجلة، ومخك مشتّت، وقلبك ثقيل، وانت لسا عم تقول: “لا لا عادي… أنا مت عم ضيّع وقت، أنا عم استفيد.” 😅 لا يا صاحبي… مو هيك. في فرق كبير بين إنك تستفيد من المكان، وبين إنو المكان يبلعك. أنا بعد فترة انتبهت عحالي، ولقيت إنو الموضوع فارش معي كتير… وللصراحة؟ ما قدرت أترك من نفسي. إي نعم… صار إدمان حقيقي. واضطريت خلي حدا يساعدني، بل يجبرني نوعًا ما، إني خفف وأترك بالتدريج. مو كبسة زر. مو قرار حماسي يومين. لا… كانت مراحل. لأنو كمان كان في شي جواتي صعب كتير أتركه. كنت موجود بأكتر من 10 قنوات… بين أدمن ومالك، ومجموع المشتركين يمكن كان بحدود المليون مشترك. وصدقوني… الإنسان بطبيعته بحب السلطة. بحب يحس إنو إله مكان، إله تأثير، إله كلمة، إله حضور، والناس ناطرة منشوره أو رأيه أو ردّه. فترك الموضوع ما كان بس ترك تطبيق… كان ترك شعور. شعور إنك مهم. شعور إنك حاضر. شعور إنو في عالم افتراضي بيعطيك قيمة سريعة، بدون ما تتعب بالواقع نفس التعب. ولهون بتصير الضربة أقسى 💔 لأنك ما عاد متعلق بالتطبيق بس… صرت متعلق بالصورة اللي التطبيق عاملك ياها. بس الحمد لله… الله لطف، وقدرت اطلع من هالدوامة تدريجيًا. مو لأني قوي، ولا لأني بطل، ولا لأني “قررت فخلصت”. لأ… لأنو ربنا ستر، وبعتلي تنبيه، وبعتلي ناس تساعدني، وخلاني شوف حجم المصيبة قبل ما تكبر أكتر. وهون يمكن حدا يقول: “طيب إنت لهلأ منشوفك بكروبات، ولهلأ بتحكي، ولهلأ بتشارك أحيانًا.” مزبوط. بس تعال وضّحلك الفكرة شوي 👇 أنا ما عم قول إنو الواحد ينعزل عن كل شي، ولا يحذف كل تطبيق، ولا يصير حجر. المشكلة مو إنك تحكي. المشكلة إنك تسرد بلا هدف. المشكلة مو إنك تدخل كروب. المشكلة إنو الكروب يدخل يومك كله ويتحكم فيك. أنا هلأ بحاول قدر الإمكان إنو كلامي يكون بأوقات فراغ فعلية، أو بوقت ما بقدر أعمل فيه شي بسبب الجو المحيط، أو بوقت قصير بين شغلتين. ولا تنسوا… أنا أساسًا حاذف أغلب السوشيال، وهالفترة حتى يوتيوب ما عم فضى أفتح عليه فيديو 15 دقيقة متتالية. فمو كل ظهور معناه إنو الوضع تمام 100٪، ولا كل كلام معناه إنو ما في خطر. بالعكس… أنا عم إحكي هالكلام لأني بعرف حالي، وبعرف إنو الإنسان ضعيف، وبعرف إنو الرجعة لهالدوامة سهلة جدًا. وخاصة بكروبات الدراسة. هون بدي وقف شوي…

طبعا بحقلك ✅خاص وافتراضي ✅حكومي وافتراضي ❌خاص وحكومي ما بحقلك

ملاحظة حلوة فيك تدرس فرع على العام وفرع افتراضي يعني مثلا معهد عالي عام وتطبيقية افتراضي خصوصا في بعض الاوقات يلي العالم حظها بكون سيء بكون معدلو 95% وما بيطلعلو هندسة فبيدرس تطبيقية عام وهندسة معلوماتية افتراضي طبعا رح تقلولي شلون معدلو 95% وما بيقدر هي بتصير بالمحافظات يلي اعداد الطلاب الناجحين فيها قلال يعني بكون بالمحافظة كلها 20 طالب ناجح وهو معدلو 95% وترتيبو الثاني فما بيطلعلو هندسة

يعطيكن العافية سألتوني عن الافرع يلي بتطلعلكن بالعام وحكيت عنها بالرسائل يلي فوق اليوم رح نحكي عن الافتراضي التعليم الافتراضي هي دراسة اونلاين بتحضر محاضراتك على الانترنت وبتقدم امتحان بمراكز ضمن الجامعات بتدفع على المادة تقريبا مبلغ 50 الف اكثر شوي شهادتها قوية وحتى اقوى من 99% من الجامعات الخاصة 🔴بتطلب للهندسة المعلوماتية 95% 🔴والتطبيقية فوق 70% يعني معدلك 70% وفوق املك كبيير انو تطلعلك شهادتها معترفة بعدد من الدول وفي دول اوروبية وخليجية بتعملك اختبار طبعا اذا بدك تحكي عن قوة فأكيد الجامعات الحكومية اقوى كقوة شهادة كمقرر جامعي صراحة منهاجها احدث في فكرة شوي غلط العالم اخدتها عن الجامعات الحكومية انو المنهاج كتيير قديم والى اخره واغلب يلي بقولو هل الحكي صراحة حكيهن غلط وصح بنفس الوقت لان اغلب دكاترة الجامعات بلشو من حالهن يغيرو المقرر ويعتمدو على مراجع أجنبية لهيك نصيحتي يلي محتار بين الافتراضية والحكومي الحكومي افضلك اذا كنت متفرغ كوقت نوعا ما الافتراضي للشخص المشغول فهي انسب

المهم إنك تتقدم.. مو المهم تكون الكمال. ❤️ لا تبالغ بالتفكير وتزيدها على حالك بكل التفاصيل. 🤔 نحنا مطالبين بالسعي والعمل، مو بالنتيجة. ✅ أنت ما عليك شي.. بتعمل يلي عليك، وبس. شغلات مالك علاقة فيها، ليش لتقعد تشيل همّها؟؟🤔 ليش عم تحمّل حالك فوق طاقتك بشي مو بإيدك من الأساس؟🪫 ومتل ما قال الإمام الرازي 📿 : "القضاء والقدر أمران لا يستطيع العقل إدراك كنههما، وإنما يقف الإنسان أمامهما موقف الرضا والتسليم لا موقف البحث والجدل" المهم إنك لساتك مكمل..➡️ العالم بتفكر الاستمرارية خط مستقيم، 🌸 بس الحقيقة العكس تماماً. الاستمرارية هي خط مفشكل.. 🤩 مرة لفوق ومرة لتحت، مرة بتنجح ومرتين بتفشل، وبترد بتقوم وبتنجح من أول وجديد. الفشل الحقيقي هو إنك تستسلم وتوقف أرضك.. مو إنك تمر بتجربة سيئة. ف​يا رب ارزقنا الهمة وأكرمنا بالنجاحات التي تخدم دينك وعبادك🌿🤍.

حابب وضح قصة صغيرة اذا صار في تكميليركز على كلمة اذا يلي بدو هندسة معلوماتية ما بحقلو يقدم تكميلي الهندسات على الدورة الاولى وليس الدورة التكميلية ثانيا التكميلي بحقلك تقدم 3 مواد راسب بمادة بحقلك تقدم بس هل المادة رايب بمادتين بس المادتين يلي راسب…

حابب وضح قصة صغيرة اذا صار في تكميليركز على كلمة اذا يلي بدو هندسة معلوماتية ما بحقلو يقدم تكميلي الهندسات على الدورة الاولى وليس الدورة التكميلية ثانيا التكميلي بحقلك تقدم 3 مواد راسب بمادة بحقلك تقدم بس هل المادة رايب بمادتين بس المادتين يلي راسب فيهن بحقلك تقدمهن راسب ب 3 مواد بس هل 3 مواد بحقلك راسب ب 4 ما بحقلك تقدم مو راسب ولا مادة بحقلك تقدم اي 3 بدك

مساء الخير في حكي عم يطلع انو تم اعلان دورة تكميلية الحكي عار عن الصحة وغير رسمي اساسا الشغلة مو بأيد الوزير قرار التكميلي بدو مرسوم جمهوري من الرئيس يعين بظو موافقة الرئيس لهيك ما بيطلع بأيد وزير يعمل تكميلي اذا صار في تكميلي بإذن الله رح نخبركن فورا

يلي عم يسأل عن شروط النجاح اول شي 1: راسب بمادتين عملي راسب 2: راسب بمادتين نظري وجايب 25% من مجموعهن ناجح 3: راسب بمادة عملي وجايب 30% من العلامة ناجح 4: راسب 3 مواد نظري راسب 5: راسب بمادتين نظري بس جايب 25% من العلامة وراسب مادة عملي وجايب 30% تعتبر ناجح اتوقع هي كل الشروط ان شاء الله ماكون نسيت حالة من الحالات بس هي اكثر الحالات يلي عم تواجه الطلاب

يلي عم يسأل اذا التطبيقية هندسة التطبيقية ليست هندسة ويلي بقلك هندسة حكيو غلط اما استاذك هو طالب تطبيقية وعم يقول هل الحكي انو عاساس مهندس او نو فهمان القرار مزبوط التطبيقية مدة دراستها 4 سنوات بوظائف الدولة تعامل معاملة المهندس كدرجات لكن لا تنضم للنقابة شهادتك ليست هندسة ثانيا القرار يلي نزل كرمال يلي بدو يقول عليه القرار واضح وصريح قال توافق على بند من القرار يلي هو انو خريجها الحائز على الماجستير من برا البلد بيعمل سنة خامسة ترميمية وبتصير هندسة طيب انا طالب تطبيقية هلا بدي اتخرج اعتبر مهندس ؟؟ لاء لان ماالها ماجتسير بسوريا الا بالافتراضي والقرار ما شمل الافتراضي ملاحظة الكتاب من قبل عام الفيل مرفوع انو تصير هندسة ويجي مع الرفض هل السنة وافقو على هل البند فقط الفرع حلو ودراستو حلو بس عم نوضح هل الفكرة لحتى ما تنغدرو بالمسميات ورح نزل رسالة بتشرح عن هل الفرع وتفاصيل عنو

اخواني لما تقدم اعتراض اعرف على سو عم تقدم خصوصا لما تكون راسب ب 3 مواد او 4 لا تجدبها وتقدم على كيفك قدم على مواد بتغيرلك وضعك اذا استفدت مو مادة اءا استفدت او لاء بتضل راسب يلي ما قدم ومو عرفان شو يقدم يحكي معي

طبعا هي اغلاط تطبيق يلي تصلحت لاحدا يقلي انا مظلوم بالعلامات وما تعدلت هي الموضوع بدو شي 10 ايام ليتعدل وتاخد حقك

1 طبعا اغلاط يعني مادتين ثقافيات (نظريات) راسب فيهن وجايب ربع العلامة حاطينو راسب 2 راسب بمادة عملي وحدة وجايب 30% من العلامة وحاطينو راسب 3 راسب بمادة نظرية وحكة وحاطينو راسب

الطلاب يلي معها اغلاط كان مثل يلي راسبين بمادتين وجايب ربع العلامة وحاطينهن راسب يفتحو ويشوفو علاماتهن والف مبروك مسبقا

باقي الافرع رح اشرح عنها بكرا لان هلا تذكرت عندي امتحان بكرا🙂🙂

هلا الافرع يلي بتطلعلكن هي هندسة معلوماتية للاوائل حصرا هندسة بيئية بحلب هندسة اتمتة صناعية بطرطوس كلية تطبيقية تقنيات حاسوب كلية تطبيقية اتصالات بالاذقية كلية فنون جميلة معهد تقاني (عالي ) معهد موسيقي بحمص معهد متوسط لجميع المتقدمين يعين المهم ناجح…