فيـزياء الـسادس هيثم المرشدي💡🔌

السلام عليكم طلابنا الاعزاء والله ينطيكم القوة والعافية على هذا التعب ان شاء الله مابقى شي وانتم بخواتيم الامور مثل ماتعرفون مادة الفيزياء ضخمة واكيد الوقت مايكفي الطالب يراجعها بكل تفاصيلها لذلك خلي تكون مراجعتك بالنسبة للكلاميات اقرا اسئلة الفصل وبعض الاسئلة الوزارية لكل فصل اما المسائل من كل فكرة مسئلة وحدة الفصل الاول ١-مسألة متسعة مفردة بوجود طاقة وعازل معلوم او مجهول لازم تعرف هل هي متصلة او مفصولة ٢- توازي عازل معلووم ٣- توازي عازل مجهول + فكرة ينطي شحنة وحدة من المتسعات بعد ادخال العازل ٤- توالي عازل معلوم وعازل مجهول ٥- دائرة rc مره توالي مره توازي ٦- الربط المشترك مثال المربع بي اربع متسعات موجود بالكتاب الفصل الثاني 1- ساق وسكة مثال واحد مره يطلب قوة سحب ومرة ينطيها 2- فكرة على قانون فرداي والفيض يتناقص او يزداد 3- فكرة على المولد 4- فكرة على الطاقة مع الحث الذاتي 5- فكرة على الحث المتبادل ومرات ينطي ق د ك بالملف الثانوي الفصل الثالث مثل لكل نوع منفرد مقاومة ومحث ومتسعة 2- فكرة RLC توالي مره خصائص حثية مره سعوية وانتبه اذا ينطي بطارية بالسؤال 3- فكرة على الرنين وبعدين يتحول اما خصائص حثيه او سعوية (يذكر بيها الفولطية تتأخر عن التيار يعني سعوية واذا تتقدم على التيار يعني حثية ) 4- فكرة ع التوازي ( مره حثيه ومره سعوية ) الفصل الرابع مابي شي الفصل الخامس مثال على المسار البصري مثال على شقي يونك مثال على المحزز ومثال على الاستقطاب الفصل السادس مثال على الجسم الاسود مثالين على الظاهره الكهرو ضوئية مثال على الموجات المادية مثال على مبدأ اللادقة والاشتقاق مال مبدأ اللادقة هم مهم الفصل السابع مسائله قليله الفصل الثامن مثال على الزخم مثال على التوزيع المعكوس بدرجة حرارة الغرفة وهم عند الاتزان الحراري مثال على الاشعة السينية يطلب اعظم تردد او اقل طول موجي او يريد المقدار الاعظم للطاقة الحركية او يطلب السرعة وباغلب هذن المسائل ينطي جهد مثال على فرق الطاقة بين مستويين ومثل على تأثير كومبتن وهذا ركز عليه لان ينطي جهد قطع ويريد طول الموجة المستطارة واذا صار عدكم مجال اقرو اكثر من هيج لكن هاي المادة تتناسب مع الوقت المتاح لكم واي شي تحتاجونه انا حاضر

اسئلة الدور الثالث

طلابي الاعزاء سنة خير ونجاح وتوفيق يارب هذا فصل واحد من الملزمة والدفتر لهذه السنة ان شاء الله تكمل التعديلات خلال ايام ونكملكم بملازم ودفاتر جاهزه ان شاء الله التوفيق والنجاح للجميع ان شاء الله . . . #الاستاذ_هيثم_المرشدي

جدول الدور الثاني التوفيق حليفكم ان شاء الله

س6/A/ ثانياً دالة الشغل بدل ماينطيها بالجول منطيها بالالكترون فولط ومسهل المطالب فقط طول موجة العتبة يعني بخطوة وحدة ينحل

س6/A/ اولاً نفس هذا المثال طبق الاصل

س4/A/ تغيير الخواص السعوية الى حثية فقط

س3/A/ دمج لفكرة هذين السؤالين مع تقلبل المطالب

س2/A/ثانياً /مخلي المطلوب معطى والمعطى مطلوب ينحل بنفس القانون

س2/A/ اولاً. فقط تغيير ارقام

س1/A/ تغيير هو منطي شحنة وبدل فرق الجهد

بداية هذه الاسئلة الوزارية

بالبداية راح ننشر المسائل و بعدها الكلاميات الخاص بالملزمة

طلابنا الاعزاء سيتم مقارنة الاسئلة الوزارية بالدفتر المدرسي الخاص بنا ليتبين لكم سبب نصحنا المستمر في الدراسة على الدفتر الخاص لا لغاية مادية ولا لمكسب شخصي وانما لفائدتكم وتقليل الضغط عليكم لكم مني خالص الود والتحية

مستوى الاسئلة متوسط لكنها مطولة

خلصت امتحانات الدور الاول وطارت الطيور بارزاقها وكل واحد حط كل جهده بهذه الورقات الامتحانية المعركة معركتك والمستقبل الك محد يعرف انت شكد عانيت وشكد تعبت سواء انت امتحنت او اجلت السادس مونهاية الدنيا واكيد اكو فرصة للتعديل والتطوير على نفسك وعقلك المهم لا تتخلى عن هدفك وطموحك بالنجاح ابارك لكل طالب امتحن كل المواد ويارب يحصل المعدل اليحلم بي واكول لكل طالب اجل انت سويت العليك وحتماً بالدور الثاني تعوض وتبدع ان شاء الله انتم ابطال الله يوفقكم ويفرح قلوبكم . . #الاستاذ_هيثم_المرشدي

‏- عش متعة الترقب لطموحك المدهشة وتيقن أنك بالغ وجهتك مهما طال بك الطريق".💡