Post Grad Med Guide

بالنسبة للوضع الحالي لنيابات الصحة ، الأفضل لو أنت لسه مش اتخرجت مش تتابع أي من الاخبار اللي بتنزل لحد ما يتضح الوضع بالكامل حفظا على نفسيتك. احنا هنحدث الوضع بالكامل لما يكون فيه رؤية واضحة عن اللي بيحصل. ركز على اللي تحت ايدك وسيب كل حاجة لوقتها ، لسه فيه حاجات كتير بيجربوها دلوقتي ومش شرط اللي بيحصل دلوقتي يتكرر مع بقية الدفعات.

هل حالات العياده زى الـ Cases اللى بتشوفها فى الكتب ؟ ‼️ حالات الكتب والامتحانات ما هى إلا تدريب على الواقع ومحاكاه للحالات الحقيقيه بهدف تقوية مستوى الطبيب و جعله يمارس الطب بطريقه أكثر احترافيه لكن للاسف حالات الكتب والامتحانات مختلفه فى نقاط كتير عن الحالات الحقيقيه وده بيخلى أطباء كتير يجيلهم احباط !! لانه بيلاقى نفسه بيحل Cases وشاطر فيها جدا ..لكن لما ييجى للواقع يلاقى أنه مش عارف يشخص حالات كتير بعيدا عن الحالات الواضحه اوى زى السكر والضغط وغيرهم الحاله فى الواقع تختلف عن حالة الكتاب أو الامتحان ليه بقى ؟ لأن حالة الامتحان موضوعه بـ Clues وبالتالى لو انت عارف تترجم الـ Clues دى هتحل اى Case مهما كانت صعوبتها لكن الحاله فى الواقع ..حضرتك اللى بتطلع الـ Clues بنفسك وبعدين تترجمها وبعدين تطلب فحوصاتك وتيجى بعد كده مرحلة العلاج الحاله الـ Naïve اللى جتلك العياده كأول طبيب تكشف عليها حضرتك بتبدأ معاها من الصفر من اول الـ complaint ولازم تاخد تاريخ مرضى كويس وده فن كبير وكمان لازم تعمل examination لا يقل احترافيه عن الهستورى وبعدين تشوف طلعت بالـ Clues ولا لا وبعدين ياما تشخص مره واحده لو الـ Clues لا تحتمل غير احتمال واحد ، او انك تلجأ لعمل فحوصات سواء كانت تحاليل او اشعه وبعدين لو وصلت لتشخيص هتبدا العلاج وده قصه طويله لوحده شايف كل التفاصيل دى انت بتعملها بمجهودك الشخصى بدون مساعدة اى حد ‼️ انما حالة الامتحان أو بنك الاسئله دى حاله جاهزه فيها data جاهزه وفيها لغز ويا تقدر تحله او ما تقدرش الحاله الحقيقيه هى رحله بمعنى الكلمه بتعمل انت فيها كل حاجه وبعدين بترصد الادله وترصد اللغز وتحل اللغز بنفسك ويا تقدر تحله او ما تقدرش .. وممكن تقدر تشخص الحاله وتلاقى نفسك مش عارف تعالجها أو تعالجها وتتحسن مبدئيا وبعدين تلاقى الدنيا باظت تانى ‼️ والحاله اللى جاتلك العياده وشافها دكاتره قبلك ومش عارفين يشخصوها انت وحظك .. يا تبقى صعبه جدا وكم الفحوصات اللى اتعمل فيها ممكن يلخبطك اكتر .. وممكن ربنا يوفقك وتقدر تحل اللغز اللى غيرك ما قدرش يحله .. الشاهد من الموضوع أن حل الـ Cases دى شئ أساسى ومهم وممتع جدا بلا شك .. فأنا اعشق الموضوع ده واكيد ناس كتير كده ...لكن اوعى تفكر أن حل الـ Cases هو نهاية المطاف ‼️ الواقع محتاج شغل اصعب وأعمق وصورة أشمل و skills اقوى و Integration فى الفهم والتحليل والتركيز أعلى من الـ Cases المكتوبه وعلى الجانب الآخر عشان ما اكونش محبط للناس. اغلب الحالات اللى هتشوفها فى عيادتك مش صعبه ولا معقده ..أغلبها حالات دارجه وعاديه ومفيهاش صعوبات تشخيصيه معقده ولا فنيات علاجيه صعبه لكن نسبه اقل من الحالات تحتاج لمجهود قوى فعلا وخبرات تراكميه وإلمام معرفى جيد بالباطنه وتفاصيلها والـ updates والجايدلاينز والكلام ده .. ملخص الكلام !! الحالات الصعبه فى الواقع اصعب كتير من أصعب حاله هتشوفها فى امتحان أو كتاب .. وعايزه اجتهاد كبير من حضرتك ..ودى تمثل نسبه قليله من الحالات ..بينما اغلب الحالات اللى هتشوفها مش صعبه وعايز فقط إلمام بتفاصيل تقييم الحاله وعلاجاتها.. - د. حسام مختار #نصائح

كلام مهم جدا لكل دكتور عن التعامل مع المرضى في عصر الذكاء الاصطناعي https://youtu.be/EJPPsJ-4ro4?si=UEe1vf8Thlcm3OPG #نصائح

محاضرة مهمة جدا جدا لدكتور علي حسيب عن نصايح لطلبة طب عموما ولحديثي التخرج خصوصا المحاضرة مش طويلة تلت ساعة تقريبا https://youtu.be/hWA-LcBK18k?si=LznuMLz6pkQBAcHI #ترشيحات

تمام دعنا نتكلم في نقطة اخد التخصص بفلوسي ، فيه قاعدة ثابتة أنا بقولها لكل الناس مهما كان التراكمي بتاعك أنت تقدر تاخد أي تخصص بس بتواجهك مشكلة فيه ؛ المشكلة إنك مش هتعرف تعمل فيه دراسات عليا (زمالة - ماستر - دبلومة - بورد عربي) وبالتالي مفيش أمل إنك تترقي ولو مش عملت دراسات عليا هتفضل ممارس عام لبقية حياتك وكونك اخدت نيابة في التخصص ملهاش لازمة لوحدها. لنفترض أنا دلوقتي تراكمي بتاعي 65% وليكن عايز اخد تخصص جلدية وفعلا قدمت في النيابات وجالي نيابة جلدية واستلمت الحمدلله ، لازم دلوقتي احضر فيه دراسات عليا عشان اترقى واكون اخصائي جلدية ، قدامي اعمل ايه بقا ؟ أفضل حاجة اني اعمل زمالة فيها بس مجموعي مش جايب زمالة ، فالخطوة اللي بعد كدا اني اعمل احاول اعمل ماستر ، افرض مش اتقبلت في أي جامعة ، يبقى مش قدامي غير اعمل دبلومة الحل الأخير المجاني وده أضعف الشهادات العلمية ، لو برضو مش عرفت اعمل دبلومة يبقى الحل ايه ؟ الحل إنك تحاول تاخد دراسات عليا على حسابك فقدامك أول حاجة البورد العربي وتاخده بفلوس بس لأسف الاقبال عليه شديد وممكن مش تلحقه برضو ولكن ممكن تحاول ، أو تحاول تاخد ماستر بفلوس في الجامعات الخاصة زي جامعة ماست (مش متأكد من المعلومة). برضو مش نفع ؟ تقدر تاخد البورد العسكري التابع للاكادمية الطبية العسكرية ، نفس فكرة البورد المصري (الزمالة المصرية سابقا) ولكن التدريب بيكون في مستشفيات الجيش زي الجلاء والجوي العام ، المصاريف طبقا لاخر اعلان نزل 38 الف في السنة ، معنديش أي تفاصيل تانية الحقيقة ، الاعلان نزل شهر 1 اللي فات ممكن تتابع ايه اللي حصل بعد كدا. مش اتقبلت ؟ بوشكاش محفوظ بيضحي النهاردة ، ممكن تتجه للزمالة البريطانية اللي الناس بيعتبروه الباب الخلفي عشان تاخد بعض التخصصات زي MRCP بترقيك اخصائي باطنة (التخصصات الجراحية غير ممكن فيها الخيار ده) ، بس أنت هنا أفضلك خلاص تمشي في سكة السفر ، وتريح نفسك. كل تفاصيل الزمالة البريطانية هتلاقيها هنا : https://t.me/Suffer_ya_doctor/328 هل لو اقعدت في النيابة من غير دراسات عليا هترقى ؟ لأسف لا لو مش فاهم يعني ايه دراسات عليا ارشحلك تقرأ مجموعة البوستات ده الأول https://t.me/Ahmed_hassan005/337 اتمنى تكون الرؤية وضحت في فكرة اخدت تخصص بفلوس ولو حد عنده أي أسئلة تانية ممكن نتناقش فيها نتجه للنقطة التانية لو ربنا كرمني واخدت التخصص وعرفت احضر فيه دراسات عليا بس اخدته في مكان مفوش تعليم أو التعليم فيه وحش ليه اعمل ايه ؟ هتعمل انتداب وتروح كنائب زائر في مكان فيه تعليم كويس زي مستشفى جامعي أو مستشفى تعليمي ، الانتداب لازم يتوافق عليه من الجهتين ولما بتروح للمستشفى بتدفع فلوس ومش بتكون كبيرة أوي بس حسب المكان هتلعب في رينج من 500 جنية ل 5000 جنية في الشهر ، في الحدود ده بس مش عارف كام دلوقتي. هنا هتلاقي كل التفاصيل عن النائب الزائر https://t.me/Ahmed_hassan005/414 https://t.me/Ahmed_hassan005/416 في الأخير مش لازم تقفل دماغ على تخصص معين ولو بالفعل معاك فلوس انصحك تحطه في سكة سفر ، ولو أنت لسه Undergrad أنصحك تذاكر وتجيب مجموع وهتقدر تتجنب كل السيناريو ده عشان تاخد تخصص أنت حابه. - د. أحمد حسن #اختيار_التخصص

ازاي تستقبل فترة الامتياز 2 : البوست اللي فات اتكلمنا عن التوجة العام ليك الفترة ده ، المفترض إنه حاليا أنت حددت أولوياتك وناوي على ايه السنتين دول ، بداية من البوست ده هنبدأ نتكلم هتعمل ايه لما تنزل المستشفى وتتعلم ازاي *️⃣ عايزك تفهم إن مسارات التعلم بشكل أساسي هتتكون عندك من شقين : 🔹 الـ Scientific Knowledge : وده الخلفية العلمية اللي لازم تكون عندك عشان مش تبقى صنايعي ، بتعرف تعمل حاجات كتير بس مش فاهم حاجة فيهم ، أغلبنا هيكون عنده خلفية علمية غالبا مكتسبة من الكتب المصرية بس مش ده المكان اللي هتقف عنده ، على آخر السنتين لازم تكون عرفت ازاي تقرأ في textbooks وازاي تعرف guidelines لكل مرض بيقابلك وازاي تقرأ أوراق بحثية ، كل ده حاجات فرض عليك تتعلمها وأنا هوضحلك هتتعلمها ازاي. 🔹 الـ Skills : ده كمان نقدر نقسمها أول حاجة hand skills أو مهارات التمريض زي (Iv Injection, Cannulation, ABG, Catheterization) ، والجزء التاني اللي هيميزك أنت كطبيب زي Learn how to approach وازاي تفكر بشكل منظم و Communication Skills & Breakingbad News وغيرهم من المهارات اللي هتكتسبهم مع الوقت. ▫️خلي بالك إنك لازم تمشي في الطريقين مع بعض عشان تطلع دكتور كويس ، اهمالك لأي طرف هتتحاسب عليه قدام ربنا. *️⃣ أغلبنا لما ينزل الطوارئ أو العيادة هيكتشف إنه عنده gap كبيرة جدا بين مستواه الحالي والمستوى اللي المفروض يكون فيه ، لأسف ده بتكون مشكلة عند أغلب الناس وحلها مش هيكون في يوم وليلة بالعكس محتاج مداومة واستمرارية عشان تشوف في الآخر تغيير ملموس. *️⃣ عشان كدا أفضل طريقة تقدر تتعلم بيها هي التدرج ، لازم نبدأ ب Basic Level الأول وبعدين نشوف Advanced Levels بتقول ايه ، مش منطقي يوم ما نقرر نقرأ نسيب كتب GP البسيطة ونروح نقرأ من تيكست ونتعقد ، ولا يوم ما احب اتعلم تكنيك اروح لحالة Advanced عليا أو اشوف تيبس اند تريكس بتاعته وأنا حته لسه مش مارسته ، لازم البداية تكون صحيحة عشان نحافظ على الاستمرارية. *️⃣ النقطة التانية اللي المفترض تكون واعي بيها ، إن ممكن تكون أنت لسه في بدايتك في المستشفى بس هتلاقي زمايلك كتير بينزلوا من بدري وممكن تلاقي زمايلك أصغر منك ويعرفوا أكتر وهتلاقي التمريض فاهم عنك بكتير ، لأسف ممكن تقع في موقف إن حد من الناس ده يحاول يحرجك بطريقة أو بتانية ، مش تخلي حاجة زي ده تحبطك زي ما هما في يوم كانوا في بداية الطريق أنت دلوقتي في بدايته وواحدة واحدة هتتعلم زي ما هما اتعلموا. *️⃣ بداية من البوست الجاي هنزل الاسكيم أو الخطة اللي احنا ماشيين عليها ، بالنسبة لمصادر المذكرة والبوستات المجمعة ، الحقيقة أنا لقيت كمية Playlists كبيرة جدا وأنا معنديش أي خطة واضحة اتعامل معاها ازاي في الوقت الحالي وفي دايرتي مش كتير سمعوا الحاجات ده ، قبل ما ننزل البوستات المجمعة هنحاول نركز على المهم منها وننزلك تلمهم ازاي خلال فترة الراوند ، حاليا هرشحلك بس مجموعة قنوات لو حابب تخش تقلب فيهم وتفهم الدنيا ، لو عندك أي خطط مذكرة أو حاجات مفيدة تواصل معايا على طول احنا مرحبين بالموضوع ده جدا ▫️امتيازنا ▫️داتا امتياز 38 ▫️طبيب إمتياز 🩺 ▫️To be a GP ▫️PostGraduate 🎓| MW ▫️MA Mentorship ▫️Emtyaz4ubot ▫️Ahmed Yahia Hamada - د. أحمد حسن دا لينك قناته عشان لو حد حابب يتابع باقي البوستات الي هينزلها ودا لينك البوست الأول #الامتياز

الأمر بيعتمد على أولويات الشخص عشان كدا الموضوع ده بينقسم لمدراس مختلفة *️⃣ ناس شايفة إن فترة الخمس سنين لازم تكون أولويتك إنك تلم درجات وتجيب تراكمي كويس وحتة الـ practise تسيبها بشكل أساسي لحد ما تخش امتياز ، ومش تيجي على مذاكرتك على حساب نزول المستشفى ، ده رأي دكاترة كتيرة جدا وأنا كنت في الجانب ده ومش كنت بنزل المستشفى كتير (لأسف عشان أهمية المجموع في حياتك كطبيب مش قدرت أهمل النقطة ده). ▫️هنا نزولك للمستشفى بيعتمد على سيستيم الجامعة بتاعتك وهل بيكون فيه وقت فراغ جانبي إنك تنزل تطوع في المستشفى ولا لا ، طبعا في فترة الدراسة أنت طبيعي بتنزل تاخد شيتات وتقعد في العيادة عشان الجدول والبورتفليو بتاعك بس أنا مكنتش بشيل شيفتات ولا بقعد فترة طويلة في المستشفى. *️⃣ ناس تانية أنا أعرفهم بينزلوا من الأول خالص ، هما فعلا بيكونوا أكثر خبرة من النوع الأول وبيكتسبوا ثقة في نفسهم لإن hand skills عندهم بتكون كويسة جدا ، بس الناس ده لو مش محددين أولوياتهم من نزول المستشفى وراسمين خطة لحياتهم الموضوع ده بيعمل عائق ليهم ومش بيساعدهم ، وأغلبهم بيندموا فيما بعد في اختيار التكليف والتخصص. *️⃣ طبعا فيه ناس ليها أولويات تانية زي السفر أو البيزنيس أو غيرها وده هيكون التوجية الأساسي لوقتهم ومجهودهم ، على العموم الموضوع لا يستحق الندم وفي خلال شهور هتقدر تواكب الشغل في المستشفى ، وسنتين الامتياز كافيتين مش لتعلم كل شئ بس ولكن إنك كمان تتعلم حاجات كتير برا الطب. ▪️فعلا الناس اللي كانت بتنزل هتكون أحسن منك في البداية بس أنت بص لنص الكوباية المليان وإنك برضو عندك مميزات غيرهم زي التراكمي الكويس أو الخلفية العلمية الكبيرة اللي هتساعدك في ال practise فيما بعد. *️⃣ لو أنت لسه في بداية الطريق أنصحك تحدد أولوياتك ومش تشتت نفسك عشان مش تضيع الخمس سنين وأنت مش حققت حاجة والأفضل لو مش عارف أهمية التراكمي بتاعك تروح تقرأ عن فترة التكليف والنيابات وغيرهم عشان الدنيا توضح عندك. - د. أحمد حسن #الامتياز

🚨 الإمتياز فين؟ لو داخل امتياز… أو لسه هتبدأ قريب… فاللايف ده ممكن يغيّر التجربة دي كلها بالنسبة لك. 📍 الجمعة – 13 مارس ⏰ 9:30 مساءً بتوقيت مصر لايف مفتوح… من غير وقت محدد… ومش هنقفل إلا لما كل الأسئلة تخلص. هنتكلم بصراحة عن حاجات محدش بيقولها لاطباظ الامتياز:…

🚨 الإمتياز فين؟ لو داخل امتياز… أو لسه هتبدأ قريب… فاللايف ده ممكن يغيّر التجربة دي كلها بالنسبة لك. 📍 الجمعة – 13 مارس ⏰ 9:30 مساءً بتوقيت مصر لايف مفتوح… من غير وقت محدد… ومش هنقفل إلا لما كل الأسئلة تخلص. هنتكلم بصراحة عن حاجات محدش بيقولها لاطباظ الامتياز:…

🚨 الإمتياز فين؟ لو داخل امتياز… أو لسه هتبدأ قريب… فاللايف ده ممكن يغيّر التجربة دي كلها بالنسبة لك. 📍 الجمعة – 13 مارس ⏰ 9:30 مساءً بتوقيت مصر لايف مفتوح… من غير وقت محدد… ومش هنقفل إلا لما كل الأسئلة تخلص. هنتكلم بصراحة عن حاجات محدش بيقولها لاطباظ الامتياز: • تختار التخصص اللي يناسبك إزاي • تتعلم صح بدل ما تضيع سنة الامتياز • تعمل علاقات تفيدك بجد • تبدأ تعمل فلوس وانت لسه في الامتياز • أهم مصادر التعلم اللي هتفرق معاك • السفر وفرصه وامتى تبدأ تفكر فيه وكل سؤال في دماغك… اسأله براحتك. لكن فيه حاجة مهمة 👀 اللي موجودين في جروب الواتساب واللي هيحضروا اللايف… هيكون ليهم مفاجأة / هدية خاصة بعد اللايف مباشرة. فلو ناوي تحضر… متتأخرش. ادخل الجروب دلوقتي 👇 (لينك الجروب) https://chat.whatsapp.com/FjgQpOnKnyBHRNHkCYqJ0H ولو عندك صاحب داخل امتياز قريب… اعمله منشن فورًا عشان ميقولش بعدين: “ليه محدش قالّي؟” ومتخافوش، احنا معاكم دايما🙏

📌 ايه الهدف من القناة؟ القناة من اسمها هدفها التعريف بمسارات الطبيب بعد التخرج بداية من سنة الامتياز في محاولة لحل مشكلة التوهان والتشتت والأسئلة الكتير الي بتواجهنا في بداية التخرج الحمد لله في مجالنا في تعاون كبير من الزملاء الأكبر فدايما هتلاقي رد على أغلب تساؤلاتك وبالتفصيل ولكن المشكلة أنه مش كل الناس بتقدر توصل للإجابات دي بسهولة، فحبيت أعمل قناة تكون منظمة ومفهرسة تقدر توصل فيها لإجابة أي سؤال يهمك بشكل سلس من خلال الرسالة المثبتة سواء لمرحلة الامتياز أو التكليف او اختيار التخصص أو ما بعدها وحاولت أقسمها لمواضيع تحت كل موضوع فيه رسالة مجمعة فيها أهم المنشورات المتعلقة بيه القناة لسا في بدايتها ولسا المحتوى هيبقى مفصل ومنظم اكتر قدام ان شاء الله وعشان الناس الي بتكسل تقرا الكلام دا كله في وقت واحد هنبدأ بشكل دوري بردو ننشر نفس المنشورات دي بس بالتدريج كل يوم بوست او اتنين بس مثلا بحيث يكون حتى مجرد وجودك في القناة كافي حتى لو مش هتروح تبحث في القناة وتقرا بنفسك وتقدر تقراهم في اوقات متفرقة طبعا مش محتاج أنبه إنه أكيد مش بالضرورة هكون متفق مع كل حرف في البوستات الي بنقلها ولكن بحاول انقل الي شايفه مناسب في المجمل، وإلا فالفلترة والحس نقدي عليك طبعا 😅 ودي فرصة أشكر الدكاترة الي أغلب محتوى القناة منقول عنهم زي د. أحمد حسن، د. أحمد عشماوي، د. خالد خاطر ، د. أحمد العسكري لو فيه أي ملاحظة أو اقتراح أو سؤال إضافي تقدروا تبعتوه على البوت هنا وهحاول اساعد باللي اقدر عليه ان شاء الله @Post_gradmedbot

المعادلة البريطانيه ( UK ) : 🇬🇧 -أشهر الطرق ع الاطلاق بالنسبه للعرب ، وتاني اشهر طريق للمصرين بعد السعوديه . مش مشهورة عشان مرتباتها ، بالعكس متوسط المرتبات فيها 13 الف جنيه سترليني ، بس بعد الضرايب ومصاريف السكن والأكل بتلاقي اللي رايح ع أد اللي جاي . امال مشهورة ليه !؟ عشان اكتر طريق فيه فرص متاحه وطريق سهل ومش غالي مقارنة بطرق تانيه كتير. - ( متطلبات المعادلة ) : لازم يكون معاك IELTS سكور 7 او OET سكور B . ودول زي ما قولت قبل كدا شهادات لغة إنجليزيه . - ( نظام المعادلة ) : الحقيقه إنجلترا ليها 3 طرق هنستعرضهم سوا دلوقتي . 1- نبدأ بأشهر طريق وهو ال PLAB : البلاب عبارة عن امتحانين ، اول امتحان بيكون MCQ وبيكون داخل مصر ، بس لازم يكون بعد ما ساته لو نظام قديم وبعد خامسه لو نظام جديد ، مينفعش قبل كدا ، وبيكون pass or fail وليك تدخله 4 مرات ( محاولات ) ونتيجته بتظهر بعدها ب 6 اسابيع . الامتحان التاني بيكون OSCE ، حالات يعني ودا بيكون ف انجلترا ، وبرضو ليك تدخله 4 مرات وبيكون pass or fail ، ونتيجته بتظهر بعدها ب 4 اسابيع . بعد كدا تقدم ع full registration ف خلال سنتين من امتحان بلاب 2 ( OSCE ) ، وبعد كدا بتقدم ع training job وبتتدرب سنتين ، وبعد كدا سنتين باطنه عامة أو جراحه عامة ، وبعد كدا سنتين ونص ل 3 تخصص من تخصصات الباطنه او الجراحه ع حسب ما تحب إنت . - طب إيه حوار ال UKMLA دا !؟ من 2024 البلاب هيتلغى وهيستبدلوه بال UKMLA دا وهيبقا برضو امتحانين واحد mcq والتاني اوسكي . معرفش بصراحه إيه سبب التغيير دا ، بس غالبا هو تغيير سيستم مش أكتر . طب لو جت 2024 وكنت امتحنت بلاب 1 ونجحت فيه ، عادي هتمتحن UKML 2 اللي هو الاوسكي بدل بلاب 2 . 2- طريق ال sponsorship : - هنا انت بتراسل برنامج جامعي من انجلترا يرعاك ، والبرنامج دا بيقيم شهادتك ومعلوماتك الطبيه ويخليك تاخد ال registration من غير بلاب ولا حاجة. - كل برنامج بيبقا ليه criteria خاصه بيه بيختار ع اساسها بس كلهم بيختلفوا ف ان لازم يكون معاك ايلتس او oet زي ما قولنا فوق ، ولازم تكون شغال ف المجال الطبي ع الأقل 3 سنين ف اخر 5 سنين ، أخر 12 شهر من ال 3 سنين دول يكونوا متواصلين بدون انقطاع اجازات ، باين طبعا ان الطريق دا للأخصائيين بس . وهتلاقي ع موقع ال GMC البرامج المعتمدة ، وعندهم حوالي 60 برنامج . 3- طريق الزمالة البريطانيه : - بتاخدها كلها جوا مصر ومبتحتاجش تسافر ، وبتديك مؤهل أخصائي ف مصر . - اشهر الزمالات هي MRCS جراحه ، MRCPCH أطفال ، MRCOG نسا ، MRCP باطنه ، ف طبعا تخصصات تانيه بس مش مشهورة . - الزمالة عبارة عن 3 امتحانات ، اول امتحانين MCQ والتالت بيكون OSCE ، كلهم جوا مصر . - فانت لو اخدت أي شهادة زمالة من دول تقدر تاخد الregisteration ف خلال 3 سنين من حصولك ع الشهادة من غير بلاب وبتدخل ع طول ع تدريب التخصص اللي اختارته اللي هو من سنتين ونص ل 3 سنين .. - ( التكلفة ) : حوالي 93 الف جنيه مصري . - طولت عليكم معلش بس كان لازم احاول أوضح بأبسط طريقة. - د. أحمد العشماوي #ما_بعد_التخرج

المعادلة الأمريكيه ( USMLE ) :🇺🇸 ( United states medical licensing Examination ) أعلى دولة ف مرتبات الأطباء ع مستوى العالم ، متوسط الرواتب ف الشهر حوالي 28500 دولار ، يعني حوالي 445 الف جنيه مصري ، أقل تخصص هناك اللي هو الطب الوقائي بياخد ١٧٠٠٠ دولار يعني ٢٧٠ الف جنيه مصري ، الأرقام دي طبعا مش من اول سنه ، بعد حوالي 5 سنين ،ف الاول المرتبات بتبقا أقل . أمريكا طريقها طويل ومش سهل وrisky ومكلف بس يستاهل دا . - ( خطوات المعادلة ) : المعادلة عندنا عبارة عن 3 أجزاء متقسمين لأربع خطوات Step 1 Step 2 clinical knowledge Step 2 clincal skills " اتلغى " Step 3 - نبدأ نتكلم عن step 1 : وامتحانه ممكن تقدم عليه بعدما تخلص أول 3 سنين ف الكليه ، ودا بيبقا امتحانه MCQ ف المواد الاكاديميه( فسيو واناتومي ، الخ ) داخل مصر . الامتحان دا حصل فيه تعديل من كام شهر وبقى pass or fail بس . افضل مصدر ليهم واوفرهم كتب FA + Uwolrd أو كتب الحسيني . - بعد كدا step 2 CK : ودا برضو امتحان MCQ بس ع المواد الكلينكال ( باطنه وجراحه ونسا ، الخ ) بس متقدرش تمتحنه غير لما تخلص ال 6 سنين بتوع الكليه . وبرضو أفضل مصدر كتب Uwolrd + FA أو كتب الحسيني . - بعد كدا step 2 CS : والامتحان دا تم الغاءه نهائيا مؤخرا واستبدلوه بال OET ودي شهادة لغة إنجليزية زي ال IELTS كدا بس المصطلحات الطبيه فيه أكتر يعني ودا قلل التكلفه بتاعة المعادلة لأن الامتحان بتاع CS دا كنت بتمتحنه ف أمريكا . - النتيجة ف أي امتحان من اللي قولنا عليهم بتظهر ف فترة من 4 ل 6 اسابيع . - بعد كدا step 3 : ودا بيبقا ع يومين ، اول يوم امتحان MCQ بيقيس برضو المعلومات الاكاديميه بتاعتك ، وتاني يوم امتحان MCQ وامتحان cases بيقيسوا معلوماتك الاكلينيكيه بس advanced شويه . - بعد كدا الماتشينج : تقدر تقدم عليه قبل الامتحان الرابع او بعده براحتك ، بس لو قدمت بعد الامتحان الرابع بيديك ميزة اكبر ف القبول ف الماتشينج ، الماتشينج بمعنى اصح وقت الحصاد ، بتدخل ف منافسة مع كل الناس اللي مقدمة ع المعادلة من كافة انحاء العالم ، بتقدم رغبات عن طريق حاجة اسمها ERAS ، ودا عبارة عن سيستم بتدخل عليه رغباتك ، والطلبه العرب غالبا بيبقا نسبة حصولهم ع باطنه واطفال أعلى من الجراحه والرمد والعظام . بعد كدا بيتحددلك انترڤيو ف كل مكان من اللي قدمت عليهم وبتروح الانترڤيو وبيفاضلوا بينك وبين الباقيين ب : 1- الـ USMLE SCORE ودا اهم عامل ، بالتالي لازم تجيب سكور فوق 90 ٪ عشان تضمن التخصص اللي عاوزه . 2- الالكتيف والريسيرش 3- الـ Recommendation letters ودي جوابات توصيه من دكاترة معاهم دكتوراه من امريكا او دكاترة اشتغلوا ف أمريكا وانت اتدربت معاهم . 3- نشاطاتك ف خدمة المجتمع ف بلدك 4- ثباتك الشخصي اثناء الانترڤيو . ف الحقيقه الماتشينج دا مش بيعدي فيه اكتر من 40 ٪ من الناس 🙂 وهنا تكمن صعوبة المعادلة . خلاص عديت الماتشينج ، بتقضي فترة نيابه من ٣ ل ٨ سنين ع حسب التخصص اللي جالك ، وبتقبض 4 الاف دولار ف الشهر ، اول سنه ، بيزيدوا مع كل سنه لحد ما تخلص النيابه وتقبض الفلوس اللي قولنا عليها فوق . - ( تكلفة المعادلة ) : كل خطوة من اللي قولت عليها دي سواء الامتحانات او تقديم رغبات او تقديم عامة بيتدفعلها فلوس اونلاين . تكلفة المعادلة ك توتال حوالي 16 الف دولار ، وطبعا دا متوسط . - هحط ف الكومنتس لينك موقع المعادلة ودا تقدر تنزل منه قواعد وشروط التقديم ، وهحط لينك التقديم ، ولينك بيدچ و جروب EAMTAR ، ودا أفضل مكان هتلاقي فيه معلومات وكتب وفيديوهات ونقاشات وتجارب أعضاء كتير جدا عن طرق المذاكرة والدرجات ، وعشان لو حد حابب يتعمق اكتر يعني ف الموضوع . - حاولت ابسط الموضوع ع اد ما أقدر ♥️ - د. أحمد العشماوي #ما_بعد_التخرج

للأسف سوق العمل مش مضمون وممكن بسببب الضغط ع تخصصات الوزارة تستكفي منها لغاية ما نلاقي في يوم إن في عجز في التخصص دا زي ما حصل في أمريكا وبيحصل في كل دول العالم ودا طبيعي جدا ف احسبها صح وتوكل ع الله يا بطل يبقى زي ما أحنا متفقين لازم تكون صريح جدا مع نفسك وتجيب ورقة وقلم وتحدد شخصيتك وتجاوب ع أسئلة محددة زي شخصيتك/ميولك/تحملك للضغط/ عايز تكبر بسرعة/ ميل ولا فيميل/ متجوز ولا لا/ مشرط ولا سماعة/ ليك قريب دكتور يقدر يعلمك في تخصص معين عينك عليه/ امكانياتك المادية وازاي هتقدر تصرف ع تعليمك في الأول/ البرستيح/ قلبك جامد ولا لا/ مقدار تعاطفك مع البشر بعدها عايز إيه يبقى مسارك؟ ممارس عام/نايب في الجامعة/ شغل عيادة حر/ زمالة / سفر المهم تبقى صادق وسيبك من عينك الي بتلمع ع تخصص المخ والأعصاب بس عشان هو مخ وأعصاب وتسيبك من الجراحة عشان العائد المادي كبير وانتي سيبك من الجلدية و متنساش إن السوق عرض وطلب والرزق بإيد ربنا ومفيش تخصص كامل من مجاميعه - الكمال لله وحده- ومفيش طريق متسفلت وسهل الطريق كله مليان عقبات كبيرة المهم تختار حاجة شبهك وحاجة بتحبها وترضيك والأهم تتكلم مع دكاترة أكبر منك وتنزل مستشفيات وبرايفت وتشوف كل الطرق الي متاحة ليك ____ طيب فرضا مشيت ع كل النصايح دي بس اخترت غلط أو خدت نيابة جامعة أو جالي تخصص مش بحبه عشان المجموع ومش تايبي ازاي اتصرف معاه وامارسه وأنا أوبشن السفر مش متاح معايا فمش هقدر أغيره؟ ببساطة ممكن تدور في أعماق التخصص نفسه وتحاول تفصل التخصص دا ع قدك ازاي؟ يعني مثلا جالي نسا وأنا مش هقدر ع جو إن مريضة تولد الساعة ٣ الفجر ممكن اتخصص أمراض نسا بس من غير الولادة جالي جراحة وأنا مش حابب جو التنشنة بتاعتهم والضغط العصبي دا ممكن في الحالة دي اتخصص مناظير مثلا وتبقى العملية محدودة ع حاجة معينة ممكن نلجأ للتدريس مثلا، البحث العلمي هيكون خيار كويس جدا لو بتحب الدراسة والكتب ودا على سبيل المثال فقط، مهم وقتها تفهم تخصصك كويس جدا وبعدين تدور ع الطرق والثغرات الي من خلالها تقدر تعمل الي انت بتحبه حتى لو التخصص عكس رغبتك ____ - د. خالد خاطر #اختيار_التخصص

3- مقدار التعامل مع المرضى : في ناس بطبعها مش بتحب اختلاط كتير وفي ناس بتحب تتعامل مع المرضى مقدار حبك للتعامل مع الناس ومقدار تأثرك بيهم هو الي بيحدد تخصصات معينة هتكون مناسبة أكتر من غيرها كمان فكرة إن تغير هدومك وتتبهدل دم أو يوريا من المريض وتكون معرض لعدوى أكتر من غيرك ولا تميل لتخصص بعيد عن كل دا فبناء على الكلام دا نقدر نقسم الموضوع ل ٤ نقط 1- مش مهم عندك التعامل الكبير مع الناس وإنك تفضل متابع حالتهم لفترة كبيرة وبتحب الاختلاط مع المرضى فممكن باطنة أو أطفال أو طب أسرة 2- لو عايز تتعامل مع ناس بس ممكن تشوف المريض لفترة قليلة وبعدها لا فتخصص التخدير والطوارئ هيكونوا مناسبين 3- قلبك جامد ومعندكش مانع من الضغط الكبير ولا إنك تكون متفرق دم مثلا وتقدر تكمل شغلك عادي وممكن مريض يصحيك الفجر عشان تلحقه ودا هيكون مناسب ل اللايف ستايل بتاعك فتخصص النسا والولادة أو الجراحة العامة هيكون مناسب ليك 4- طب لو عايز تخصص نضيف يضمنلك تعامل مع مرضى وفي نفس الوقت مفيهوش كشف فيزيكال ولا ضغط كبير فتخصص زي الرمد الي بيعتمد ع الأجهزة الحديثة أو تخصص زي النفسية الي بيعتمد ع التحاور مع المريض هيكون مناسب جدا ____________ 4- نوع المرضى أي تخصص طبي هيخليك تتعامل بشكل أو بآخر مع المريض بس الاختلاف بيكمن في نوعية المرضى وعددهم وطريقة التعامل يعني مثلا أي تخصص لازم تعمل في حسابك انك مش هتتعامل مع المريض بس لا كمان مع أهله 1-تخصص زي الأطفال هيخليك تتعامل مع طفل مش قادر يوصف تعبه وهتعتمد ع كلام أهله والي غالبا بيكونوا قلقانين جدا 2- تخصص زي الطوارئ هيعرضك لحالات كتيرة والي ممكن تكون خطيرة بس في أخطر منها فهتضطر تسيبها عشان تلحق الأخطر ودا هيخلقلك ضغط وهتتعرض لغضب من أهالي الحالة 3- تخصص زي النسا هيخليك تتعامل مع أمهات أول مرة تخلف ودا بخليهم متوترين وقلفانين فلازم تقدر توازن بين ضغط المرضى وإنك تطمنهم 4- تخصص زي الأورام هيخليك تتعامل مع فئة ضعيفة جدا من الناس محتاجة دعم كبير ولازم تقدر توازن بين التعاطف مع المرضى وعدم التأثر الشديد بحالاتهم عشان مدخلش في اكتئاب ____________ 5- التنافس للأسف سوق العمل مش بيرحم ولو معتمد ع إن حبك للتخصص أو للمادة دا الي هيخليك مؤهل تبقى غلطان لازم أي تخصص تبقى دارس كويس سوق العمل بتاعه وازاي تقدر تطور نفسك عشان تفضل دايما في المقدمة ومتتنساش مع تطور العلم والتنافسية الشديدة الي بين الخريجين ممكن - لو فكرنا بعملية أكتر - فالي جاي منعتبرهوش حاجة ذات أهمية كبيرة او ____________. 6- البرستيج والوضع الاجتماعي بص هو في مصر إحنا بنبدأ نقسم الدكاترة ف آه دا برستيج ووضع كبير زي دكاترة المخ والأعصاب الي كلنا بنسكت لما نسمع عنهم وشايفينهم دايما أصحاب كاريزما وعلم كبير وهتلاقي إن الناس بتقول لا دا في دكاترة باطنة كتير/ أو إيه تخصص طب الأسرة دا وإنت كذلك يا طالب الطب بتقول كده وشايف دا فالمهم إنك تختار المكان المناسب ليك بغض النظر عن البرستيج لإنك الي بتفرض نفسك ع المجتمع والناس يعني تحب تبقى دكتور مخ وأعصاب فاشل عشان شكلك قدام الناس؟ ____________ 7-طبيعة حياتك انت ميل ولا فيميل؟ بتقدر تتعايش مع الضغط ولا لا؟ تقدر تنزل من بيتك الساعة ٢ الفجر عشان تلحق المريض؟ بس خلي بالك مش صح تختار تخصص زي الجلدية مثلا عشان مفيهوش طوارئ ولا ضغط شغل كبير عشان بس انت عايز تريح دماغك لا اختار تخصص تقدر تظبط حياتك معاه ____________ 8- العائد المادي أول وأهم نصيحة إن ميكونش هدفنا الأول والآخير الي بنختار ع أساسه التخصص يكون الفلوس ليه ؟ الفلوس عامل مهم جدا بس مينفعش يكون الأهم ورقم واحد لإنك ممكن تفشل في المجال دا ببساطة أو تلاقي إن مفيش فرصة عشان تشتغل كويس زي ما كنت فاكر و في نفس الوقت ممكن تكون بتجيب فلوس بس حياتك متدمرة فالحسبة اكبر من كدا ولازم تكون مدرك ان : { وفي السماء رزقكم وما توعدون. } ومعلومة مهمة فالطب كله مربح عاجلا أم آجلا بس أنت وظف ____________ 9- مدة التدريب والماجستير في تخصصات بتحس انك فتحت ع نفسك باب كبير - بس أنت قده يا بطل- فلازم تحط في الحسبان دا ومتيأسش لو طالت المدة واحتسب علمك دا في سبيل الله وأحياء الروح الي خلقها ربنا فتخصص زي الجراحة مثلا معروف بعدد سنواته الكتير تخصص زي الآشعة ممكن يكون متوسط في رينج ٤ ل ٥ سنين تخصص زي الباطنة والأطفال ممكن يوصل ل ٣ سنين طيب ليه مينفعش يكون دا أساس اختياري؟ دا ببساطة لإنك كدكتور هتفضل تذاكر لآخر عمرك ولازم تكون updated بكل جديد في تخصصك فكده كده هتدرس، فاختار حاجة بتحبه ____________ 10- [ فرص الشغل وسوق العمل ]

ازاي تختار تخصصك مساء الخير يا شباب في البوست ده هنتكلم عن "ازاي تختار تخصصك" و البوست ده هو تجميعة لكل ما قيل في اختيار التخصص من أساتذتنا الكبار إن شاء الله يكون مفيد ليكم الهدف من البوست مش انك تختار تخصص واحد بشكل قاطع و إنما انك تدرك مجموعة من العوامل المؤثرة علي انك تشوف اقرب مجموعة تخصصات لشخصيتك و الباقي رزق من ربنا حسب الظروف وفقا للدراسات لقيوا إن ٤٠٪ بس من الدكاترة هما الي راضيين تماما عن تخصصاتهم فالهدف من البوست ده برضو انك تستبعد تخصصات غير مناسبة ليك اطلاقا و مش هتبقي راضي عنها علشان متلبسش فيها لبقية حياتك ____________ 1- [ تقسيمات التخصصات الطبية ] - ( تخصصات باطنية ) : باطنة عامة - باطنات تخصصية التخصصات الباطنية ياعني العلم و المعلومات و الAnalysis بتاخد معطيات و تطلع نتيجة و بعدها العيان يروح ينفذ تعليماتك و يرجع بمعطيات جديدة فتعمل Analysis ثم تديله تعليمات أجدد و هكذا لحد أحسن وضع ممكن او انك تعمل للحالة Refer علي تخصص مختلف قاعد في عيادتك مافيش أكشن أكتر من قصص حياة العيانين الي بتحاول تطلع منها بالمعلومات المفيدة المشكلة كلها بتكون في عدد الحالات المهول في الاغلب حتي في شغل الاقسام الداخلية ده نوعية الاستريس الس بتتعرض ليها انك تعمل Analysis صح في أقل وقت ممكن علشان تشوف عيان غيره - ( تخصصات جراحية ) : جراحة عامة - جراحات تخصصية التخصصات الجراحية مش بس مشرط وإنما فيه جانب تشخيصي مهم جدا و الاهم من ده هو اتخاذ القرار اذا كان العيان ده محتاج عملية او لا وينفع ليه عملية ولا لا و ده ستريس اصعب من ستريس اي مفاجئات جوا اوضة العمليات شغل العمليات نفسه بيبقي شغل جماعي بين كذا دكتور من كذا تخصص فلو انتا بتحب العمل الجماعي او القيادة فده مكان مناسب ليك طبعا شغل العمليات عايز Hand skills كويسة جدا و تدريب كثيف علشان تقدر تتقن المهارات المطلوبة - ( تخصصات ميكس ) : نسا وولادة - ENT - رمد ده في حالة انك حابب الاتنين الجانب الباطني و الجانب الجراحي تقدر تاخد الاتنين مع بعض في التخصصات دي طبعا الجانب الجراحي بيكون الاكثر ربحية و صعوبة في التعلم و الممارسة و لكنه بيبقي اقل تنافسية من شغل العيادات و تقدر تبدأ بالعيادة لحد ما تدخل شغل الجراحات - ( تخصصات حرجة ) : تخدير - عناية مركزة - طوارئ أكشن و مغامرة و أدرنالين طول الوقت والثانية بتفرق و نتيجة شغلك بتشوفها بشكل لحظي لكن عامل المخاطرة و الخطأ كبير فلازم تكون دقيق جدا في اي حاجة بتعملها و بتعدي بستر ربنا شغلك كله مستشفيات انسي ملل العيادة و بتنقذ الناس من الموت حرفيا و دي مرضي جدا للذات - ( تخصصات بارا كلينكال ) : اشعة تشخيصية - باثولوجي شغل خفيف و كأنك مش موجود في الصورة و مسئوليات قليلة و مافيش احتكاك يذكر مع المرضي أصلا بس دورك مهم جدا و مافيش حاجة بتتم من غيرك * نقطة مهمة جداً : مينفعش تبنى أختيارك إلا على الإحتكاك بالأطباء فى التخصص ده وتستفاد من خبرتهم وتنزل تشوف بنفسك العيشة فى المجال ده لأن ممكن تبقى فاكر شخصيتك إنت تتحمل الضغط بس الواقع انك مش بتحب الاحتكاك بالمرضى وبتحب دايما تتكلم بلغة الطب وتساعد في التشخيص الدقيق. ____________ 2- المحتوى العلمى والممارسة الإكلينيكية : لازم قبل ما تختار تخصص تكون بتحبه والأفضل لو بتحب تخصصات related بيه فدا هيديك الفرصة إنك تقرأ كتير وتبحث أكتر وتبدع في مجالك ودي أمثلة توضيحية ع أساس حبك للمواد الأكاديمية وإيه التخصصات الي بتكون شبهها if you love “ ANATOMY “ then consider “ SURGERY, RADIOLOGY “ if you love “ HISTOLOGY “ then consider “ PATHOLOGY, DERMA “ if you love “ BIOCHEMISTY “ then consider “ INTERNAL MEDICINE “ if you love “ NEUROSCIENCE “ then consider “ NEUROLOGY, NEUROSURGERY “ if you love “ IMMUNOLOGY “ then consider “ PATHOLOGY, INFECTIOUS DISEASES “ if you love “ PHYSIOLOGY “ then consider “ SURGERY, INTERNAL MEDICINE, ANESTHESIOLOGY “ if you love “ BEHAVIORAL SCIENCE “ then consider “ PSYCHIATRY “ if you love “ GENETICS “ then consider “ PEDIATRICS “ if you love “ MOLECULAR BIOLOGY “ then consider “ PATHOLOGY “ if you love “ MICROBIOLOGY “ then consider “ INFECTIOUS DISEASES “ if you love “ PATHOLOGY “ then consider “ CLINICAL PATHOLOGY “ if you love “ PHARMACOLOGY “ then consider “ ANETHESIA, INTERNAL MEDICINE “ * Above all, you should never have to force yourself to love an area of medicine. * Finding the right area of medicine for you will have a huge bearing on your future career satisfaction. ____________

ليستة التخصصات الطبية ليستة التخصصات في المجال الطبي بدون Subspecialties [ التخصصات الجراحية ] 1- جراحة عظام Orthopedic surgery 2- جراحة مخ واعصاب Neurosurgery 3- جراحة مسالك Urosurgery 4- جراحة اورام Oncosurgery 5- جراحة عامة General surgery 6- الجراحة التجميلية والحروق Plastic surgery 7- جراحة الاطفال Pediatric surgery 8- جراحة قلب وصدر Cardiothoracic surgery 9- جراحة اوعية دموية Vascular Surgery 10- جراحة الشرج والمستقيم Colorectal 11- جراحة الفم و الوجه Maxillofacial surgery 12- جراحات السمنة Bariatric surgery [ التخصصات الباطنية ] 13- باطنة عامة General internal medicine 14- القلب والاوعية الدموية Cardiology 15- الجهاز الهضمي والكبد Gastroenterology & Hepatology 16- طب المناطق الحارة والامراض المعدية Tropical Medicine & infectious disease 17- أمراض المخ والاعصاب Neurology 18- الطب النفسي Psychiatry 19- أمراض الكلي Nephrology 20- امراض الدم Hematology 21- الامراض الجلدية Dermatology 22- الامراض الروماتيزمية Rheumatology 23- الامراض المناعية Immunologist 24- امراض الغدد الصماء والسكر Endocrinology & Diabetes 25- امراض الصدر Pulmonology 26- طب الاورام oncology 27- طب المسنين Geriatric medicine 28- طب الاطفال Pediatrics 29- طب حديثي الولادة Neonatology [ التخصصات الميكس ] 30- نسا وتوليد Obs&Gyn 31- امراض الذكورة Andrology 32- طب وجراحة العيون "رمد" Ophthalmology 33 - انف و اذن وحنجرة ENT [ التخصصات الحرجة ] 34 - طب الطوارئ Emergency medicine 35 -الحالات الحرجة Acute Medicine 36 - الرعاية المركزة ICU 37 - التخدير Anathesia [ التخصصات المساعدة ] 38 - الاشعة التشخيصية Diagnostic Radiology 39 - الاشعة التداخلية Interventional radiology 40 - باثولوجي انسجة Pathology 41- كلينكال باثولوجي Clinical Pathology 42 -علاج اشعاعي و نووي Nuclear medicine 43 - نقل دم ومشتقاته blood bank 44 - طب الاسرة والمجتمع Family& community medicine 45 - السموم الاكلينيكية Clinical Toxicology 46 - الطب الجنائي الميداني Forensic medicine 47 - الطب التلطيفي Palliative medicine 48 - الطب الجيني Genatic medicine 49 - نيوروفسيولوجي Clinical neurophysiology 50 - الطب الطبيعي و اعادة التأهيل Physical medicine & rehabilitation 51 - التغذية الاكلينيكية Clinical Nutrition 52 - السمعيات والاتزان Audiology [ تخصصات أخري ] 53 - تنظيم الاسرة 54 - مكافحة العدوي infection control 55 - الطب الوقائي preventive medicine 56 - الصحة العامة Public Health 57 - طب الصناعات 58 - إدارة مستشفيات Hospital Mangment 58- الجودة Quality Control [ تخصصات أكاديمية ] 59- علم التشريح Anatomy 60 - علم الاجنة Embryology 61 - علم الانسجة Histology 62 - علم وظائف الاعضاء physiology 63 - علم الكيمياء الحيوية Biochemistry 64 - علم الاحياء الدقيقة Microbiology 65 - علم الطفيليات الطبية Parasitology 66 - علم الادوية Clinical Pharmacology 67 - التعليم الطبي Medical education 68 - الاحصاء الحيوية biostatistics 69 - البحث العلمي Clinical Research [ بدون تخصص ] 70 - ممارس عام General Practicer - د. خالد خاطر

سؤال متكرر ( ايه الفرق بين الماجستير و الدكتوراة و الزمالة ؟ ) ركز في الكلام الله يكرمك علشان الفرق مهم وكل كلمة تفرق الماجستير المصري عبارة عن امتداد لفترة الكلية بالظبط محاضرات و مذاكرة و امتحانات الفيرست وده بيكون اكاديمي متعلق بتخصصك الكلينكال و السكند…