Pressa.tj | Хабарҳои Тоҷикистон ва ҷаҳон | Пресса тч

#Хабари_рӯз Дар Душанбе қариб 70 ҳоҷатхонаи сайёр насб шудааст

Душанбе ва чанд минтақаи Тоҷикистон бе барқ монданд Имрӯз, 14-уми август, тақрибан соати 15 барқ дар қисматҳои зиёди Душанбе қатъ шуд. Ба гуфтаи як манбаъ аз шабакаҳои барқи пойтахт, тақрибан 70 дарсади шаҳр бе нерӯи барқ мондааст. Дар вилояти Суғд низ барқ…

Душанбе ва чанд минтақаи Тоҷикистон бе барқ монданд Имрӯз, 14-уми август, тақрибан соати 15 барқ дар қисматҳои зиёди Душанбе қатъ шуд. Ба гуфтаи як манбаъ аз шабакаҳои барқи пойтахт, тақрибан 70 дарсади шаҳр бе нерӯи барқ мондааст. Дар вилояти Суғд низ барқ қатъ шудааст. Аз Кӯлоб, Хуҷанд, Ваҳдат, Норак, Ҳисор, Шаҳринав, Бобоҷон. Ғафуров, Роғун ва дигар минтақаҳои кишвар низ аз қатъи барқ хабар мерасад. Бино ба маълумоти пешакӣ, сабаби эҳтимолии қатъшавӣ сарбории зиёд ва аз кор мондани агрегатҳои НБО «Норак» мебошад. Барои бартараф кардани мушкилӣ ситоди корӣ таъсис ёфта, мутахассисон сабаби қатъи барқро таҳқиқ доранд. То ҳол мақомоти кишвар дар бораи сабаби қатъи нерӯи барқ маълумоти расмӣ пешниҳод накардаанд. Дар ҷои шумо барқ ҳаст ё не? Дар шарҳ нависед.

Дар Душанбе ярмарка-фурӯши маҳсулоти кишоварзӣ ва намоиши ҳунарҳои мардумии вилояти Суғд баргузор гардид 14 август дар Боғи фарҳангию фароғатии ба номи Абулқосим Фирдавсӣ ярмарка-фурӯши маҳсулоти кишоварзӣ, намоиши ҳунарҳои мардумӣ ва таомҳои миллӣ баргузор гардид. Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ва Раиси вилояти Суғд Раҷаб Аҳмадзода аз ярмарка боздид намуда, бо дастовардҳои кишоварзон, истеҳсолкунандагон ва ҳунармандони вилояти Суғд шинос шуданд. Чорабинӣ дар доираи Рӯзҳои фарҳанги вилояти Суғд дар шаҳри Душанбе ва ба муносибати 35-солагии Истиқлоли давлатии Ҷумҳурии Тоҷикистон баргузор шуда, дар он маҳсулоти кишоварзӣ, намунаҳои ҳунарҳои мардумӣ ва таомҳои миллии минтақаҳои гуногуни вилоят ба сокинону меҳмонони пойтахт пешниҳод гардиданд. Навор аз Хадамоти матбуоти Раиси вилояти Суғд

📌 Рустам Эмомалӣ бо раиси Шероз мулоқот кард Имрӯз Раиси шаҳри Душанбе Рустами Эмомалӣ бо Раиси шаҳри Шерози Ҷумҳурии Исломии Эрон Муҳаммад Ҳасан Асодӣ, ки бо сафари расмӣ дар Тоҷикистон қарор дорад, мулоқот анҷом дод. Зимни мулоқот ҷонибҳо масъалаҳои таҳкими ҳамкориҳо миёни Душанбе ва Шерозро дар самтҳои гуногун баррасӣ карданд. Ҷонибҳо таъкид карданд, ки рушди робитаҳои байни ду шаҳр метавонад ба густариши ҳамкориҳои иқтисодӣ, фарҳангӣ, иҷтимоӣ ва дигар соҳаҳо мусоидат намояд. Мулоқот дар доираи сафари расмии шаҳрдори Шероз ба Тоҷикистон баргузор гардид.

Барои таҳқири доварон се сармураббӣ аз ширкат дар бозӣ маҳрум шуданд Кумитаи назорату интизоми Лигаи футболи Тоҷикистон се сармураббии дастаҳои «Истиқлол», «Истаравшан» ва «Парвоз»-ро барои рафтори номуносиб нисбат ба доварон ҷазо дод. Виталий Левченко, Нуъмон Ҳасанов ва Фаррух Ниёзов ҳар кадом 1000 сомонӣ ҷарима шуда, аз ширкат дар се бозӣ маҳрум гардиданд. Ба иттилои Федератсияи футболи Тоҷикистон, сабаби муҷозот истифодаи суханони қабеҳ нисбат ба доварон дар ҷараёни бозиҳои чемпионати кишвар будааст. Ҳамчунин, бозигарони дастаҳои «Хуҷанд», «Вахш» ва «Барқчӣ» барои қоидавайронкунии ҷиддӣ ва кӯшиши расонидани таъсири ҷисмонӣ ба доварон муҷозот шудаанд.

Як зани тоҷик дар пайи даргириҳои наздимарзӣ дар Дарвоз ҷон бохт Як зани тоҷик, сокини ноҳияи Дарвоз, дар пайи даргириҳои «Толибон»* бо нерӯҳои мухолиф дар наздикии марзи Тоҷикистону Афғонистон ҷон бохтааст. Дар ин бора Sputnik Тоҷикистон хабар додааст. …

📌 Эмомалӣ Раҳмон дар Турсунзода корхонаи нави ноқилбарорӣ ифтитоҳ кард 14 август Президенти Тоҷикистон Эмомалӣ Раҳмон ба шаҳри Турсунзода рафта, корхонаи истеҳсоли ноқилҳои барқии «Ноқили Турсунзода»-ро ифтитоҳ кард. Корхона аз ҷониби соҳибкорони ватанӣ сохта шуда, дар масоҳати 14 ҳазор метри мураббаъ ҷойгир аст. Иқтидори истеҳсолии он солона 3,6 ҳазор тонна маҳсулот мебошад. Дар корхона 5 хатти истеҳсолӣ фаъол буда, 100 навъи ноқили барқӣ бо андозаҳои гуногун истеҳсол мешавад. Маҳсулот асосан барои шабакаҳои барқии дохилии биноҳо истифода мешавад.

Як зани тоҷик дар пайи даргириҳои наздимарзӣ дар Дарвоз ҷон бохт Як зани тоҷик, сокини ноҳияи Дарвоз, дар пайи даргириҳои «Толибон»* бо нерӯҳои мухолиф дар наздикии марзи Тоҷикистону Афғонистон ҷон бохтааст. Дар ин бора Sputnik Тоҷикистон хабар додааст. Ба иттилои манбаъ, зани ҷонбохта зодаи деҳаи Шикев буда, дар деҳаи Даштак зиндагӣ мекардааст. Гуфта мешавад, гулӯлаи туфанги худкор ба қисми чапи бадани ӯ расида, зан дар маҳалли ҳодиса ба ҳалокат расидааст. Бино ба иттилои манбаъ, тайи ду рӯзи охир се мавриди расидани гулӯлаҳои саргардон ба манзили сокинон ба қайд гирифта шудааст. Ҳамчунин, як гулӯлаи миномёт ба замини пӯшида аз алафҳои хушк бархӯрда, боиси сар задани сӯхтор шудааст. Аммо, ба гуфтаи манбаъ, сӯхтор хисороти ҷиддӣ ба бор наовардааст. * «Толибон» барои амалҳои террористӣ таҳти таҳримҳои СММ қарор дорад.