Miss Tabark Academy

Feedback🤍 جزء لا يتجزأ من كلام طلابي راح اكتفي بهذا المقدار لإثبات مصداقيتي ومدى دقة شروحاتي ومتابعتي🤍

هسة نجي للتقديم عالتنافسي المفروض تكونون مخلصين الامتحان الوطني قبل 1/1، حتى يبقى عدكم تقريبًا 6 أشهر للتحضير للامتحان التنافسي. هالسنة الامتحان كان بتاريخ 30/6، لكن مبدئيًا كل سنة يكون بنهاية شهر السادس، لذلك لا تأخرون الوطني حتى يبقالكم وقت للتحضير. ━━━━━━━━━━━━━━ اختيار الاختصاص بقسمنا عدكم تلث اختصاصات: الأدب اللغة طرائق التدريس بكيفكم اكيد، والقسم ينزل المصادر الخاصة بكل اختصاص، وعلى أساسها تبلشون الدراسة للامتحان التنافسي. ━━━━━━━━━━━━━━ تعليمات التقديم التعليمات الخاصة بالمقاعد، وآلية المفاضلة، ونسب القبول وغيرها تتحدث كل سنة، لذلك لا تعتمدون على معلومات السنوات السابقة بشكل كامل. أما الشيء الثابت فـ هو إذا كان معدلكم أقل من 65، ما تكدرون تقدمون على القبول العام، وإنما يكون تقديمكم على النفقة الخاصة فقط. ____________________ بالنسبة للدراسة للتنافسي بعد انت وجهدك وشكد تقرة مصادر واسئلة مال سنين سابقة (انشرها الكم بوقتها ان شاء الله) وتطلع على كلشي فـ هنا حيكون جهد شخصي بحت وبالنسبة لصيغة الامتحان كذلك mcq و ١٠٠ نقطة … __ طبعا هذا كل الي تحتاجون تعرفونه للآن، وان شاء الله يارب موفقين بخطوتكم القادمة وراح انشرلكم كل شي ممكن يفيدكم لمن تبلش السنة ان شاء الله. وأي سؤال او استفسار اني موجودة.

بما أنه هواي ديراسلوني بخصوص التقديم للدراسات العليا واكو يستحون يراسلوني ليش مادري😂، حبيت أجمعلكم أهم المعلومات بمكان واحد. لأن أني قبل فترة كنت بمكانكم، فـ حبيت افيد اكبر عدد عن طريق قناتي ━━━━━━━━━━━━━━ أولاً: الامتحان الوطني الامتحان الوطني لازم تكون عدكم شهادته حتى تكدرون تقدمون للدراسات العليا، وهو عبارة عن ثلاثة امتحانات: اللغة العربية اللغة الإنكليزية الحاسوب درجات النجاح: العربي: المهم تحققون درجة النجاح. الحاسوب: كذلك المطلوب درجة النجاح. الإنكليزي: لازم تجيبون 75 وفوك لان اختصاصكم. الامتحانات كلها تكون بنظام (MCQ) وعلى الحاسبة. ━━━━━━━━━━━━━━ شوكت تمتحنون؟ السنة تنفتح بتاريخ 13/9، أنصحكم تخلصون منهن قبل بداية السنة الجديدة. ونصيحة لا تمتحنون أكثر من امتحان بنفس اليوم. خلوا بين كل امتحان والثاني تقريبًا أسبوع حتى تكدرون تحضرون اله زين. الامتحانات مدفوعة حضرو من هسة كل امتحان ٣٠ الف وفي حال لا سامح الله رسبت بامتحان راح تدفع ٢٠ بالمحاولة الثانية (هلأمور سهلة تعرفوها بوقتها) ━━━━━━━━━━━━━━ شلون تدرسون؟ أهم شيء تعتمدون على الفورمات، لأن هواي من الأسئلة تتكرر. كلما حليتوا فورمات أكثر، كلما كانت فرصة نجاحكم أعلى. الإنكليزي أستاذ سعد صبحي. أني شخصيًا ما درست وياه لأن الإنكليزي ضمن اختصاصنا وسهل بالنسبة النا، لكن إذا تحتاجون مراجعة فهو من أكثر الأساتذة اللي ينصحون بيهم واني شخصيا شفت بقناته هواي قطع واسئلة اجت من عدها. العربي أستاذ ضياء. اعتمدوا على ملزمته، بالإضافة إلى حل أكبر عدد ممكن من الفورمات. الحاسوب ست هبة. ملزمتها، بالإضافة إلى الفورمات. ملاحظة: آخر قرار صدر انه امتحان الحاسوب صار باللغة الإنكليزية، فما أعرف إذا الملزمة محدثة أو لا. بس استاذ رزاق عنده باللغة الانكليزية وهم معتمدة https://t.me/gshsjwqi ونصيحة من صديقة إلي كانت طالبة حاسبات: لا تعتمدون على القراءة بس، حاولوا تطبقون على الحاسبة أثناء الدراسة، لأن التطبيق يثبت المعلومات أكثر، والدرخ وحده ممكن يسبب لخبطة ومتفهمون شدتقرون. ━━━━━━━━━━━━━━ والرابط مال كل قناة الي باللون الازرق بس اضغطو على الاسم وتنتقلون لقناة كل استاذ وقناة الفورمات كذلك ومو شرط تحلون فورمات فقط من هذه القناة تكدرون اي فورمة كدامكم من اي مكان تحلوها كلها تفيدكم

ما شاء الله اللهم لك الحمد كما ينبغي لجلال وجهك ولعظيم سلطانك اللهم احفظ علينا النعم وادفع عنا النقم، واجعل ما أنعمت به علينا عوناً لنا على طاعتك🤍

Feedback🤍 جزء لا يتجزأ من كلام طلابي راح اكتفي بهذا المقدار لإثبات مصداقيتي ومدى دقة شروحاتي ومتابعتي🤍

Hello my fellow academics, and welcome to my world of knowledge! 🤍 للي حاب يشترك بإحدى دورات التقوية، فهذه كل التفاصيل اللي تحتاجونها. تحت كل مرحلة راح تلكون رابط القناة التجريبية، واللي تحتوي على جزء من الشرح حتى تكدرون تتعرفون على أسلوب التدريس وتشوفون إذا يناسبكم قبل الاشتراك، اختصارًا لوقتي ووقتكم. 🤍 شنو راح تحصلون عند الاشتراك؟ - شرح مفصل، دقيق، ومن مصدر ثابت يجمع لكم كل اللي تحتاجوه. - تغطية كاملة لكل ما تمت دراسته خلال السنة، بكل تفاصيله، مع تمارين وأسئلة واختبارات بطريقة سلسة ومنظمة. - متابعة وإشراف شخصي في حال واجهتكم أي معلومة صعبة، فمن واجبي أعيد شرحها بأكثر من أسلوب إلى أن توصل الفكرة بشكل كامل. - أسعار رمزية، مع خصم خاص عند الاشتراك بأكثر من مادة بنفس الوقت. القنوات التجريبية: - المرحلة الأولى مادة الصوت مادة النحو https://t.me/+B39q8zO8GJplMjA6 - المرحلة الرابعة مادة الاختبارات مادة النحو https://t.me/+BLKwBuOezJMyNjJi _____ هذه القناة مو فقط للترويج وانما راح يتم النشر بيها بين الحين والآخر سواء تمارين، معلومات مفيدة، ملخصاتي الخاصة لكافة المراحل… لكن الي يريد شي مركز اكثر ودقيق اكيد الدورات حتكون المرجع الأول. @t3bie

بسم الله

Channel created