الرشيد .

عليك الله اكبر يا التفاكير وش تبغين علامك ليا خلوني الناس جيتيني ؟ اموري بخير ان كانوا الناس مجتمعين لكن البلا لاصار محد مراكيني هواجيس اقرب من جفوني لرمش العين لها حزة في تالي الليل تشقيني حلالاه لوان الطواري لها تأمين علي الحرام اسوق ما تملك يديني ابسألك يا الهارب طريق الهروب منين ؟ انا ودي اهرب من حياتي وروتيني رفيقي ترا شرهتك تقسى مع القاسين من اللوم والشرهات فيني مكفيني لوان العدو واضح ما خليتها بعدين تقاضيت لو ان النتايج ما ترضيني ولو ان البكاء بيفيد هليت دمع العين لكن البكاء ماهوب شي بيرضيني هقيت الامور تزين واثر الامور تشين ورمتني مقاديري على هقوة سنيني .

‏صحيح من فتره وحنا بعيدين ‏وظروفنا على طريق المسبه ‏حتى ولو مابه تواصل إلى الحين ‏ما زال فيني عنفوان المحبه ‏أنا الشديد اللي لطاريّك يلين ‏ماني من اللي ماخذ الحب هبه ‏لا تقول لي بكره ولا تقول بعدين ‏محتاج لي ضمه ومحتاج حبّه .

حاولت اعديها مع الصدر الوسيع مارسم على وجه الزعل الرضا لكن بعض الاحيان قلبي مايطيع بعض الخطا يضيق به وسع الفضا .

رأيتُ بكِ العُمرَ والأمانَ وموطني فكيفٌ لقلبَي بغير حبّكِ يُهتدَي؟ إذا كان نورٌ الشمس يشرقٌ في المدئ فأنتِ ضياءُ الكون بل أنتِ مَقصديِ .

‏ويكفيني من الشعر ومنافس الشعّار ‏غلا خشف ريم وسط الأبيات فاضحني ‏— منيف الجراش

‏خل الكلام اللي من العيد لـ العيد ‏صدورنا ماهي من الشوق خَليا ‏معك الليالي والصدف والمواعيد ‏جميعها أعيادي .. من الألف لـ اليا ‏— محمد المطيرات

‏مانيب على حبك كذوب ودجّال ‏ولاني على بعدك قليل الحسايف ‏ضاميك وأحبك ولي منك اللال ‏وأبيك وأرقى في هواك النوايف ‏وأنت تطاوع بي حسودٍ وعذال ‏ماتدري انك غير عن كل الولايف ‏عندي ولك في روضة الروح منزال ‏والحب سوا بي مثل ما أنت شايف .

‏الشعور الي يجيني كل صبح وكل ليله ‏هو يمرّك يا نديم البال ولا ما يمرّك؟ ‏لاتقول شلون حالك ، بعد قصتنا الطويله ‏انت مادامك بخير وعافيه حالي يسرّك .

‏وانا عيديتي في شوف شخص معين ‏الحبيب اللبيب ، اللي وساع عيونه ‏اطرق في نهار العيد يوم يتزين ‏ودك تعااايّده ، وتعايد اللي يجونه .

‏واهني اللي ليا تاه يقدر يستشير ‏عكس من يشرف على الموت ما حيً درا .

‏استقرّي يا بلاد الحق ، و الانُفس حلالك ‏ترخص الارواح في ظل الظروف المدلهمّه ‏ظللّك سلمان بن عبدالعزيز و طاب فالك ‏واصطفاك الله بـ ابو سلمان زيزوم المهمّه ‏طامعك ما عيّن الا الموت و رماح المهالك ‏ومن زبنك ايعَدّ من شعبك وعدّى كل قمه ‏دون داري توقف الدنيا ولا تقعد لذلك ‏من نوى تهديدها وإرهابها ما جت به امّه 🇸🇦 .

‏ياجميله قام يطوي الحال طاوي ‏والله ان كبدي على شوفك غليله ‏سجليني في علم حبك فداوي ‏انا مجنونك بعد مجنون ليله ‏نعنبوك انتي مكاسر عود جاوي ‏ملبسك سندس شرابك سلسبيله ‏لو تمرين الشيوخ اهل الفتاوي ‏عودو مثلي يجرون الطويله ‏من عشق شرواك ولا لايهاوي ‏التقيد عن بعض الاشياء فضيله ‏بن جدلان .

‏لو منت غالي كان ما ارسلت لك شي ‏كل عام وانت بخير يا اغلى الاحبه ‏جعلك تصوم بعافيه ياحبيبي ‏دامك « امان لجرح قلبي وطبه » ‏محبتك لو غبت تبقى كما هي ‏وكل عام وانت اللي قليبي يحبه .

‏ينتابني شعور سعد علوش مُتمنيًا ‏أن يسرق خلّه يوم قال : ‏« ليت مالك في حياتك خويّ ولا طليب ‏كان ابا أخشك وسط خافقي واقول ضاع »