قصيد .

‏من باعني لو تكون اجداده اجدادي ‏بعته وبعت الديار الي سكن فيها

‏تعبنا من مجامل واحدٍ يلعب على الحبلين ‏يظن إنه ذكي والأذكياء تستغبي ضنونه ‏يا مرهين الملام اللوم ما يبنى على التخمين ‏اذا مابه خطأ مبين على اي اساس تبنونه ؟ ‏يجاريكم وسيع الصدر من باب الذرابة لين ‏على حِدة عباراته و قسوته تحدونه

‏الف سبب واضح وصريح يخليك تترك ‏المُكان وتمشيّ ‏لكن قلبك يا إنسان كيف للحين عنده ‏أمل ان الديار ديارك !

‏يقولون البدو أول : ‏كل شي قابل للتعديل الا " الخاطر " ‏اذا عاف لو تفرش له الدنيا بأراضيها ‏ مارجع على خبرك ‏وقيل في ذلك : ‏كسر الخاطر مثل الخطأ الطبي ‏إلاعتذار فيه .. مايرد العافيه

‏عفى الله عن كلامٍ في حنايا الصدر ما ينقال ‏تركته لـ الزمن لو هو ثقيلٍ و جمرته حيّه ‏وعفى الله عن همومٍ ما تخلي مستريح البال ‏يعيش أيام عمره في صفا ذهنٍ وصفا نيّه ‏وعفى الله هواجيس توقف بي على الإطلال ‏تعيد الذكريات اللي مع الأيام منسيَه

‏اليوم جمعه والعرب تطلب الخير ‏والعبد ماله غير ربه ودينه ‏ي رب ارزقني بجنتك ولا غير ‏انت الكريم الي ما تبخل يدينه

‏يا لبيّك الحنونه يا وجودي منك يا لبيه ‏أنا لبيه عندي بـ الغلا والحب مرهونه ‏أعرف الحب لكن مستحيل استخدمه ترفيه ‏جعل ربي يهين اللي على اهواهم يهينونه ‏وش اسوي ؟ مع اللي لاسليت ومرني طاريه ‏نفض قلبي غبار الذكريات وجنت جنونه ‏احسب إني نسيته واثرني مازلت ملك ايديه ‏واحسب إني وصلته واثرني لازلت من دونه ‏احبه مثل ماحب الحياة اللي تشعشع فيه ‏واخافه مثل ماخاف السهوم اللي من عيونه ‏أميّز صورته لو حال من دون الوجيه وجيه ‏وأثمّن كلمته حتى ولو ماهيب موزونه

‏طبع حبك بقلبي والايام ماتمحيه ‏هذا هجرك يحاول يموجه ولاماجه ‏يموت الامل لكن ضنون الغلا تحييه ‏وعروق الوفا فالروح والقلب وجاجه محمد بن فطيس

‏وأسلم عليك اعجاب واكبار واستعظام ‏وسلامي لغيرك حق مسلم على مسلم ‏متى والكلام اصدق من الشعر والإلهام ‏تمر الطواري كلها مـا تقول أسلم

‏كل ماجيت بنسى طرالي طاريك ‏حتى الدقايق في غيابك طويله ‏وينك ياللي كل ما فيني يبيك ‏يا نبض قلبي وهواه ودليله ‏تدري اني احبك ومن قلبي أبيك ‏لكن حظوظي بشوفك غدت بخيله ‏خلت العين بشوقها تبكي عليك ‏والله حياتي بدونك ما هي جميله

‏قبل أشوفك كنت تايه فـ الحياة و غادي ‏لين مرتني على غفله سنين الغفله ‏في غرامك ذقت لذّة فرحتي و أعيادي ‏من يقول إللي يطيح من الهوى يؤسف له؟

‏ما يوفّق للصواب إلا من الله دلّه ‏جعلنا لا من دعانا الحق ما نستكبر ‏قانعين ان الحياه موليّه ومزلّه ‏عندنا عنها خبر والله هو اللي اخبر ‏الآدمي ماهوب قاعد حي عمره كله ‏والله ان يجيه يوم يموت فيه ويقبر ‏أحمدك واستغفرك يالله وسبحان الله ‏ولا إله الا الله المعبود والله اكبر ‏- مطحس بن حمد

‏صباح الخير أما بعد، المهرب من الجحيم أصبح جحيمًا آخر. ‏عقلي اللي كان يبغي من الواقع هروب ‏تالي الايام يبغي الهروب من الخيال ‏— جابر النشيرا

‏عن وصل غيره يدين الحب مكتوفه ‏وعن شوف غيره عيوني مالها طمعه

عادني راجيه في عيد الضحية يوم فات العيد الأول ما صفا لي

‏ان جيت صار العيد عيد المحبين ‏وان رحت صار العيد عيد الضحيه ‏-خالد مبارك

‏وأنت ياللي منزلك ما ورا حدب الضلوع ‏تدري إنك من وراها، وغيرك ما درا ‏تمتلكني يا أطرق العود من عادك فروع ‏قبل تغريك المدينه، ويطغيك الثرا ‏يوم عادك تكره السبت وتحب الربوع ‏والمواجه كان مسموح والوصل جْهرا ‏جعل تسقى ذيك الأيام سجدات وركوع ‏رحمةٍ من رب طيبه، ورب أم القرى

‏"ياربي وأنت جلَّاي الظلام الراحم المنَّان ‏يارب المرسلات ورب قلبي وأنت تاوي له ‏أعوذ بنور وجهك لاتصيِّرني ضعيف إيمان ‏تلقَّاني بعطفك يا كريم إن قلَّت الحيله"

‏أنت ياقبلة قصيدي ويانسل الحرار ‏لا تراودك الطواري وتخلفك الشكوك ‏لك تقاد الروح قود العسيف من المهار ‏ماخذٍ على شعوري مواثيق وصكوك ‏يارصيد مايقارن بـ مال ولا عقار ‏قيمته في عيني أثمن من أرصدة البنوك ‏قلبي اللي قد خذيته جهار من نهار ‏عايفً غيرك لو انه من عيال الملوك

‏"من لزم الصلاة على النبي كُفي همّه ‏وغُفر ذنبه اللهم صلِ وسلم عليه"❣️