QO'SHRABOT24 | TEZKOR XABARLARI

Mustaqillikning 35 yilligi munosabati bilan tashkilotlarda bayramona muhit yaratilmoqda. O‘zbekiston Respublikasi davlat mustaqilligining 35 yilligi munosabati bilan Qo‘shrabot tumanidagi tashkilot va muassasalar binolarida bayramona bezak ishlari olib borilmoqda. Jumladan, tashkilotlar binolariga Mustaqillikning 35 yilligiga bag‘ishlangan bannerlar hamda O‘zbekiston Respublikasi Davlat bayrog‘i o‘rnatildi. Mazkur targ‘ibot vositalari yurtimizning mustaqillik yillarida erishgan ulkan yutuqlari, xalqimizning bunyodkorlik va farovon hayot sari intilishlarini aks ettiruvchi bayramona ruhni yanada oshirmoqda. Davlat bayrog‘ining muhtasham binolar peshtoqida hilpirab turishi xalqimizning Vatanga bo‘lgan cheksiz mehr-muhabbati, milliy g‘ururi va istiqlolga sadoqatining yorqin ifodasidir. Ayni kunlarda tumanda Mustaqillik bayramini munosib kutib olish, ko‘chalar va jamoat joylarini bayramona bezatish hamda aholiga ko‘tarinki kayfiyat ulashish borasidagi ishlar izchil davom ettirilmoqda. 👉 Қўшработ хабарларига аъзо бўлинг👉 https://t.me/+B24Lv5wnIrs4YmM6

📚Eng yaxshi kitob burchagiga ega tashkilot qaysi? 🔰Xabaringiz bor, Oʻzbekiston Respublikasi Prezidentining 2026-yil 15-yanvardagi “Kitobxonlik madaniyatini rivojlantirish va aholi oʻrtasida kitob oʻqishga qiziqishni oshirish chora-tadbirlari toʻgʻrisida”gi PQ-9-sonli qarori 4-ilovasi 4-bandi – Barcha davlat idoralarida “kitob burchaklari”ni yaratish topshirig‘i ijrosini ta’minlash hamda “Kitobxon” ko‘rik-tanlovi “Eng yaxshi kitob burchagiga ega tashkilot” nominatsiyasi bo‘yicha g‘oliblarni aniqlash maqsadida tegishli soha mutaxassislaridan iborat ishchi guruh tomonidan tumandagi tashkiltolarda o‘rganish ishlari olib borildi. ✅Bugun, Ishchi guruh a'zolari tomonidan oʻrganishlar davomida tayyorlangan ma'lumotlar va fotoalbomlar asosida “Eng yaxshi kitob burchagiga ega tashkilot”lar aniqlandi. 📌Tanlov natijalari tez orada tuman hokimligi hamda tuman Ma'naviyat va ma'rifat boʻlinmasining ijtimoiy tarmoqlardagi rasmiy sahifalarida e'lon qilinadi.

💥 “Qo‘shrabot kitobxonlari-2026” kitobxonlik chempionatining 7-turi o‘tkazildi. 📚Bugun, 1-avgust kuni 82-umumiy o‘rta ta’lim maktabida Qo‘shrabot tumanidagi umumiy o‘rta ta’lim maktablarida tahsil olayotgan o‘quvchilar o‘rtasida “Qo‘shrabot kitobxonlari-2026” kitobxonlik chempionatining 7-turi o‘tkazildi. ✅Mazkur turda o‘quvchilar Abdulhamid Sulaymon oʻgʻli Choʻlponning “Kecha va kunduz” asari bo‘yicha o‘z bilimlarini sinovdan o‘tkazishdi. 📊Test sinovlari yakuniga ko‘ra eng yuqori natija qayd etgan o‘quvchilar tashkilotchilar tomonidan diplom va esdalik sovg‘alari bilan taqdirlanishdi.