چاي وشُعر .

باجر تغثك الظلمه منيلك مثلي شمس

وشيصيرن بعد خلي اليصير يصير خلي الكلشي اليه وينگلب ضدي خلي سنيني تغرگ خلي عمري يفيض خلي گبال عيني وينهدم سدي خايف صح چنت بس چنت اخاف عليك وإلمن بعدك إنتَ وخايف شعندي !

عفتني ومبتسم ضليت والمذبوح من يبتسم يذبح نحر ذباحه .

كدام عينك انكسر و تگلي مالك داعي ؟ طماع و متاني الورث هيچ انتظرت وداعي

والله من أنخسر لو تنطي روحك بعد ماگلك أرجعلك بروحي عزة صگر لو غيري جاسك بعد تحلم أدنالك طبعي مثل الرزق ما ابقة من أنهمل اسعالي وأسعالك

مو گتلي انه اختلف عَن الي يحَبونك مو گتلي هذا الهوئ ما أشمَه مِن دونَك شو واصَل المرحله تستنكِف من الحَچي تَأشرلي بعيونَك !

الواحد فرد ما يقبل التقسيم بس اني أنقسم، وبدونك أتعدد اتقسم بدونك وأنجمع وياك لان كلي ويه كلك بيك يتوحد چنت جاهل وأجيك أتشرد من الناس هسه أتعلمت من نفسي أتشرد عشگتك ذره ذره وصرت أغار إعليك إذا محد يبوسك أذبح المحد

گد ما أحبك وأرد أضل وياك چنت اني الكرامه وياك ناسيها تجرحني وتغثني وأسكت وماگول وترد تزعل عليّ انوب تاليها ما استاهل السويته والله وياي چنت بگدك امي مامداريها

ردت اگلك ابقى يمي و ستحيت انتَ كون تحبني ما هديتني كون تدري شسولفو لمن مشيت علچ بحلوگ السلف خليتني

معزتك مو لأخوي اوصلت لأمي شريچ انتَ بمعزت والديه

بس وياك طلعت روحي مغلوبة عليه تگلهم مقصر ؟ بعد شنطيك بدينك جنت اسد وخواني مطلوبة

ماقصرت وياك ساگيتك بـ ود ومن كثر نشدي اعليك گمت استحي انشد

عرفتَك بيه راح تخون چَي حَالِفلي مَاخونَك ومِن أول سَلام ويّاك قريت ودَاع بعيونَك الهضيّمه تغَيرت وحدَك وَلا تعبوا عَليك هواي مِن رادوا يَغيرونَك

وعلي اني مو منهم سريعين المحبه

بعيوني اريدك تجي لو بس حلم عابر أنطيني نسمة هوى وبراحتك سافر من دونك آنه تره متلعثم وحاير لو گلبي لو خاطري ما اعرف شكاسر ي البيها الك لوعتي والشوگ والشاعر وليل وحلم بالجفن والماضي والحاظر گلي اذا ما تجي وسولف من الآخر آنه ودمعتي تره ما نصبر لباچر عگبك أأمن منو ومنين ما حاذر ؟

حاولنه شكثر بس للأسف ما فاد طبعهم ما تغير مثل أساميهم كون بغير عالم هيچ مهتمين چا حطو صورنه بنص جناسيهم

وصَرت مثل التلولي عليه موش أمِه يتيِم وعد شريچَة شما بچه تغمَه .

كل الصَار بيه حيل ويّاي مِستاهل بعد اكثر واكثر چي لَن ماعرفت حساب دنياي أضوي لَعدغيري خاف يعثر

مِن گلتلي شبيك شو چنك حزين وشايل الدنيا اعله متنك انه مرتاح بوكتها وچنت حزنان اعله حزنك .