᷂ععّون .

‏كن في كبدي مثل طعن الهنادي والخناجر ‏علةً عيا الطبيب من المداوي ما صرفها ‏اتوجد جعلني في كل ماجاني مواجر ‏كل يوم اشوف لي مهنة توجد واحترفها ‏ياوجودي كل ماعرض علي طيرً مهاجر ‏ودي اهاجر معه للديره اللي ماعرفها

‏جية المدهال والضيقة اللي فالمغيب ‏صادفت مدري وش اللي جذبني للمراح ‏لاتغارب كان جرحي غريب ياطبيب ‏جرح قلبي من طبيبه ولا ادري وين راح ‏سبتك ياللي نبش فالحشا جرح عطيب ‏لاتملت بك عيوني ولا منك سماح ‏عرضوا بي يامفرح عليهم من قريب ‏سمحوبي ولا انا داريٍ مالي سماح

‏قلبي الي لاعه الهجر والعهد القديم ‏وكبدي الي من حنين الفراق ملوعه ‏اتدانا لا ادبح الليل وانقاد النسيم ‏ومرني طيفه وجات الدموع مزوعه ‏تارك ٍ ذكرى قديمه وخفاق حطيم ‏وضيقة بين الضلوع النحاف مكوعه ‏حالتي حالة غريم ،، يراواله غريم ‏الغصون تروعه ،، والظلال يروعه .

‏أنا ويا خيالك والقمر في غفلة الحراس ‏سرينا الليل ونجوم السماء للشوق مصطفه ‏نسجنا الموج بايدينا موده صادقه وأحساس ‏وغاب سهيل بنجوم الثريا قاضي شفه ‏عليك الله وامانه مايجيك من الموده باس ‏على مريم الامان ابليس مايزغي هل العفه .

‏حنيني حنين اللى تلاحا قلز ونتاع ‏تهوز المراح وتنثني عادها حرجه ‏تعود على المقهور غادٍ لها هجراع ‏ولونهم يفكونه سرت تطوي الفرجه ‏تجافت من الديره ولا عاد تبغي القاع ‏تجر الحنين و تبغي الديرة الزرجه ‏على اللي طوا حالي من الولف طي شراع ‏يزيد العمر وصله ويبري العمس هرجه .

لوع قلبي لوعة النود غصنٍ في شفا ‏في لهوب القيض من كل صوب تلغفه ‏يالطيف الروح لا أخفيت حزنك ما اختفا ‏أكتمه في الصدر ودموع عينك تكشفه ‏يعلم الله ما تجنبت بيتك من جفا ‏غير إداري من عيون علينا مشرفه .

‏كل ما جيت اتخلّص من علامات أضطرابي ‏ما قدرت ازيّف الواقع ،، واصد من الحقيقه

‏ما بين وبل الغلا وملاهب الشوق السناوي ‏تكوسري للصبابة كل ما جرّت لحنها ‏ودي على آخذك للقمرا وللنجم السماوي ‏أحيي شعورك و ألبس سالف ظنونك كفنها ‏من قبل لا تولد الفرقا من بطون البلاوي ‏وتهد غفلة بيوت الحب وتشتت ضعنها ‏خايف يروح الزمان و تصغر كبار الهقاوي ‏وأسمح وانا لاسمحت تشين نفسي من بدنها

‏تشوم النفوس وتنوي البعد و المنزاح ‏ولا تعيش في سلم الهوى بالمحقريه .

يمر بعيني اشهى ماخلق ربي بدون شعور ‏صحيح إن القلوب جنود منهيّه ومأموره .

قلبي عليهم يقرع اقراع شنه يلعبه الغربي على سيف بغداد الله درا عن صاحبي ويش ظنه ؟ هو يحسبن الحب يمحاه لبعاد

‏وأقفيت وأنا أكبر من التبرير والعذر السمين ‏حتى لو إن خاطري ما كل شيء ... يصبّره .

‏انا أكبر من الطيحه وانا أكرم عن التبرير ‏وانا الشايف العارف ولو كنت متغاضي .

‏مناديب الهبوب اللي تشل متونها الاخبار ‏تعذّرها الفجوج الواسعه و يلمّها صدري ‏افجّ لها المعابر يوم اناحرها زرار زرار ‏هبوبٍ من لطافتها ما تقطع غفوة الكدري ‏تجيبك في ربوع الذاكره ياصفوة الخطّار ‏مقاديرٍ رمت بك في طريقي وانت ماتدري ‏على ربعة خفوقٍ مرحباه يعيدها تكرار ‏لا جيت تقوم من كثر الحفاوه قال لك بدري ‏اعرف ان الليالي اللي تجيب لسيرتك تذكار ‏تروّيني السماء ونجومها اللي فوقهم حدري ‏ليالٍ نور قمرّاها ما بقّى لـ الظلام ستار ‏تقول انها تسلف نورها من وجهك البدري

الطواري كل يومٍ تجيبك والطيوف ‏والمشاعر في غيابك مراضى وتعبا ‏لو تاخذك الليالي وتاخذك الظروف ‏ما نسيتك شاء من شاء ويأبى من أبى ‏ولو مايبقى من الوصل شي إلا الصدوف ‏مرحبا بالصدفة إللي تجيبك مرحبا .

‏تل قلبي تلتينٍ تتالت تل تل ‏الاوله تلت عروقه والاخرى تلته ‏تله اللي حل حبه بوسط القلب حل ‏حلت ملوك الهوى بالحشا وأحتلته ‏ول يا عذال راع الموده ول ول ‏ما دريت ان المولع يعاني علته ‏لاتعذل القلب والقلب عيا ما انعذل ‏من تجود في زمام الهوى / ما فلّته ‏ياحسين اللون ‏يا زين ‏يا سمح القبل ‏يا حياة الحب يا مذهبه يا ملته ‏كل شيٍ حبه القلب فالدنيا و مل ‏غير حبك عيت الذاكره ما ملته .

‏اللي من اجله ماغير احسب اذنوبي ‏والقلب كن الدبا الحنّان يرعا به ‏احتل طيش المشاعر واخلف اسلوبي ‏وجميع ما مرني منه اتهجا به ‏الكلمه الطيبه لا قطها صوبي ‏ولا نظرني بنظرة عطف جذابه

‏شعوري في فراقه شي لا يكتب ، و لا يقال ‏لكم عنوان جرحٍ ماقدرت أشرح تفاصيله