🤍نصـائـح⁦✨

50 او 60 سنة تانيات بإذن الله ، ح تكون خلاص تمت و مصيرك تحدد و مكانك معروف وين ، تحت التراب بس مكانك انعرف مافيش مفرر ، اعمل كويس لانه لمكان لي بتحط روحك فيه شبه ابدي .

الإكتفاء ب روحك هو اجمل شروق لا غروب له ...........

ما رخيتش حتى باللي علاقتي بيهم سطحية لكن بمجرد ما ال intention يولي tension ماعاش حتلقاني.

- فعلا الشبعان ما يندريش على الجعان، نفس الشيء الفرحان ما يندريش على المهموم، فلذلك دس همك لن يكمل وماعاش تلقطله جمهور على الفاضي، لأن فعليا في المواضيع المعنوية مش حيقدر ينفعك حد.

كوني ما نعطيش في رد فعل على الغلطة مش معناها إنها فاتت، لا معناها إنك أنت فتت معاي مرحلة إنك تاخد مني رد فعل، ومازالك تفوت مرحلة إنك ما تلقانيش باش حتى تغلط .

البنية اللي كنت ناوي تتزوجها وكنت تشوف فيها كل حياتك... اليوم متزوجة واحد روتيني، لا يهتم بيها، ولا بمشاعرها. وجودها في بيته كيف وجود أي حاجة وخلاص. مرات يتضايق حتى من شكلها، ومن جسمها، ومن ريحتها، ومن تقلبات مزاجها. ولو كان هذا صحيح، فهذي من أقسى النتائج اللي ممكن تعيشها وحدة اختارت جوازة سهلة، وخلّت الشخص اللي كان يقدرها. خلي الأيام هي اللي تورّيها، لأن الروتين والملل مرات يكونوا أقسى من أي عقاب.

انا في سكن جامعي الستة نفتح عيوني ، نمشي 6 دقايق للمطعم نوصل نفطر و نرجع نمشي و ديما نمشي ، لاحظت المشي و انه نهدرز مع روحي في الطريق يولد في افكار و حلول سواء علمية او تخطيط للمستقبل او حلول مع نفسي . توكلوا علي الله

اول غلطة اديرها انك تفكر تمشي مع شخص بعيد ، خلي ديما فكرتك عليهم مؤقتة لين يثبتوا بجدارة عكس ذلك

انا نحب انجازي يكون ليا ، ما ننشر في شي عكس اطفال السوشيال ميديا ، اصلا لو هما عندهم انجاز ما كانوا حـ يفتحوا نت الا اوقات محددة ، لكن اعرف انه حاجتهم ساهله غر تشوفوا فيها حاجة .

سيأتي ذلك اليوم الذي تكتشف فيه أن أكثر ما أنهكك في الحياة لم يكن العمل، ولا قسوة الظروف، بل محاولتك المستمرة لأن تكون الشخص الذي يرضى عنه الجميع. ستدرك أن بعض الناس اعتادوا دفء حضورك حتى ظنوا أنه واجب عليك، وأنك كلما قدمت جزءًا من راحتك ليشعروا هم بالراحة، طلبوا جزءًا آخر. ليس لأنهم سيئون بالضرورة، بل لأن الإنسان يعتاد ما يُمنح له بلا حدود. لذلك لا تجعل المحافظة على نفسك أمرًا غريبًا بعد اليوم. حافظ على ما تبقى من طاقتك، فهي رأس مالك الحقيقي في هذه الحياة. لا تُبددها في تفسير كل موقف، ولا في إصلاح كل علاقة، ولا في حمل هموم لا يطلب منك القدر حملها. تعلم أن تقول: “لا” دون شعور بالذنب، فـ”لا” التي تحمي سلامك الداخلي أصدق من ألف “نعم” تقولها وأنت منكسر من الداخل. لا تجعل احترامك لمشاعر الآخرين سببًا لإهمال مشاعرك، ولا تجعل حرصك على سعادتهم سببًا دائمًا لتعاستك. فمن اعتاد أن يؤجل نفسه من أجل الجميع، قد يستيقظ يومًا ليجد أنه خسر نفسه وهو يحاول ألا يخسر أحدًا. سيقول البعض: لقد تغيرت. والحقيقة أنك لم تتغير، بل توقفت عن استنزاف روحك لإثبات محبتك. توقفت عن الركض خلف القبول، وعن تحميل قلبك ما لا يحتمل. ومع مرور الوقت لن تصل إلى مرحلة القسوة، كما يظن الناس، بل إلى مرحلة أعمق وأهدأ: مرحلة تدرك فيها أن ليس كل شيء يستحق رد فعل، وليس كل خسارة تستحق حزنًا، وليس كل شخص يستحق أن تستهلك من أجله جزءًا من عمرك. هناك نوع من اللااكتراث لا يولد من البرود، بل من الحكمة؛ حين تتعلم أن تمنح الأشياء حجمها الحقيقي، فلا تعظم صغيرًا، ولا تحمل نفسك أعباء ما لا تملك تغييره. وعندها فقط ستفهم أن السلام ليس في أن يُحبك الجميع، بل في أن تتصالح مع نفسك، وأن تنام كل ليلة دون أن تكون قد خذلتها من أجل إرضاء الآخرين.

الدنيا ما تعطيش الا للي يقدر ياخد و يبي ياخد غصبن عن الظروف ، انت مرات تقدر تاخد لكن لازم توري الدنيا انك تبي تاخد و لازم .

لا يشقي شخص بار بوالديه ، بإذن الله .

صباح الخير، عادي فشلت أمس كمّل اليوم… مش آخر فرصة.

‏"كل الأخطاء التي يرتكبها المرء تجاه نفسه تغتفر ، إلا تلك التي قلل فيها من شأنه."

الناس نوعين نوع يشوف العمل جزء من الحياة نوع يشوف الحياة جزء من العمل انا حرفيا من النوع الاول ،النوع لي يبي يرتاح بعد العمل ،يطلع يدور يغير جوه ، يلعب ، منحبش ندخل العمل لـ حياتي ولا حياتي للعمل ، العمل جزء و حياتي حاجه اكبر ، متخليش وقتك للعمل لانه ح تتقاعد بأمراض و ضغط نفسي ، بل خلي العمل جزء من حياتك و ريح بالك ، لأنه ما فيش أفضل من حياة مع أهلك و احبابك و انت فيها بعقلك مش متوتر .

رتبة العلم أعلى الرتب ✨

"ياربّ إني مُحسن الظن في تدبيرك فتولّني".

الطريق طويلة هلبا وصعبة، فيها تعب يطفي الحماس، و وِحدة تخليك تشك حتى في روحك، وفيها أيام تمشي فيها في جيهة ودماغك في جيهة تانية بكل وكل خطوة بالحمل متاعها الطريق مش بشخص، وجملة "الرحلة فردية زيادة عن اللزوم" ما نقالتش بلاش، لأن مهما كان محيطك كويس مافيش حد حيمشي بدالك، ومهما حاولوا يساعدوك، في وجع وتعب لازم أنت بروحك تمر بيه باش تتعلم تساعد روحك، وباش وقت توصل تحس بقيمة اللي أنت فيه، تحس بالمكسب الحقيقي لأنك الوحيد اللي يعرف قداش خسرت من روحك باش توصل.

الي يعشّم الولاية ما يربحش

يُخجلني إهتمام شخص، لم أصنع له يوما معروفًا ، ويؤلمني تجاهل شخص، أشعلت له أصابع يدي شموعا .