Readerless Poetry Ebook Sharing

ဒါက Tom Hanks ရဲ့ ဒုတိယကမ္ဘာစစ်အကြောင်း ဒိုကူမန်ထရီ အပိုင်း (၂၀) အကုန်ပဲ။ အေးဆေး ကြည့်ကြည့်ကြပါဦး။

ဒါတွေကို ကိုယ်ကြည့်တဲ့အထဲမှာ စိတ်ထဲအစွဲနေဆုံးက ပိုလန်ရဲ့ ခုခံစစ် ကျရှုံးတဲ့ နေရာတွေ၊ ပြီးတော့ All War ဆိုတဲ့ စကားလုံးတွေ၊ Unconditional Surrender (ချွင်းချက်မရှိ လက်နက်ချရေး) ဆိုတဲ့ စကားလုံးတွေ။ ဒုတိယကမ္ဘာစစ်မှာ သေကြတဲ့ လူဦးရေ အရေအတွက်က အရပ်သားတွေ ပိုများ။ သန်း ၇၀ လောက် သေကြတယ်တဲ့။ ဆိုဗီယက် ယူနီယံက ၂၇ သန်း တရုတ် ၂၀ သန်း ဂျာမန် + ဂျပန် ၁၀ သန်း ဂျုး ၆ သန်း ဗြိတိန် + အမေရိကန် ၁ သန်း တဲ့။ ဒုတိယကမ္ဘာစစ်နောက်ခံနဲ့ဆိုင်တဲ့ ရုပ်ရှင်တွေထဲမှာဆို Saving Private Ryan တို့ Schindler's List, The Pianist, Jojo Rabbit, Malèna အဲဒါတွေကိုလည်း သိထားကြမယ် ထင်တယ်။ နောက် စာအုပ်တွေထဲမှာဆိုလည်း Anne Frank ဒိုင်ယာရီလို ရှိမယ်။ မြန်မာစာအုပ်တွေထဲမှာဆို ငယ်ငယ်က ဖတ်ဖူးတဲ့။ လင်းယုန်သစ်လွင် ရေးတဲ့ သေမင်းတမန် (ယိုးဒယား - မြန်မာ) မီးရထားလမ်း ကိုယ်တွေ့ ချွေးတပ်မှတ်တမ်း စာအုပ်က တော်တော် ကြောက်စရာ ကောင်းတယ်။ သူတို့ ချွေးတပ်အဆွဲခံရတဲ့သူတွေကို ဂျပန်တွေကို ဘယ်လို ညှင်းပန်းနှိပ်စက်ကြပြီး ရထားလမ်း ဖောက်ခိုင်းကြတယ်ဆိုတဲ့အကြောင်း ပြန်ရေးပြထားတာ။ ဂျပန်ခေတ် အကြောင်း ပြန်ရေးထားကြတဲ့ တခြားအုပ်တွေလည်း ရှိပါဦးမယ်။ ထားပါတော့။