ريحة البن ☕

إنا لله وإنا إليه راجعون اليوم توفيت أمي .. اللهم اغفر لها وارحمها واكرم نزلها وتجاوز عن سيئاتها واجعل الفردوس الأعلى مستقرها واحشرها اللهم مع الصديقين والشهداء والصالحين وحسن أولئك رفيقا يارب العالمين واجمعني بها في حوض نبيك المصطفى صلى الله عليه وسلم اللهم يا كريم عاملها بكرمك وبلطفك يا لطيف اللهم اجزها عني وعن طلابها وكل من مدت له يد بخير ما تجازي به عبادك الصالحين اللهم اربط على قلبي وثبتني واهلها واحبابها ولا حول ولا قوة الا بالله العلي العظيم هتان حمد النيل

ناوي أرحل ناوي أرحل..ناوي أسرق حبي من قلبك و أدسو وتبقى تائه..و أي إحساس ريدة ما تقدر تحسو و تبقى تسأل .. عن مشاعرك و عن معاني الريد و لونو و تبقى تجهل..لي حلاوتو و لي سهر ليلو شجونو و كنت أول.. سر جمالو و كنت سجانو و سجونو و كنت أجمل..من خيالي و كنت روح شعري و عيونو ناوي أرحل..و كل نظرة و كل ذكرى وراي أشيلا ناوي أرحل..وإنت تفقد كل لحظاتنا الجميلة ناوي أرحل..ناوي أبعد فجأة ما بين يوم و ليلة ناوي أعمل..حاجة تمسح صورتي من جواك تزيلا إنتهينا..بعد تعبنا بعد سنين في الريدة كملت و أبتدينا ..نعيش ظروفنا و كل دروب الدنيا صعبت و ما لقينا.. سوى المسافة و ما في يوم السكة قربت و ما علينا..و ناوي أرحل و كل جراح الريدة نشفت #محمود_الجيلي

القلب السبنُّو .. أبنُّو شمتن في عذابو و نوحو لا شفقن عليو لا حنّو يا حليلو المفارق دارو هاجر و الدروب ودّنو عايش في سنين الوحدة يشرب و الجراحات دنّو يكتب بي دموع الذكرى من كتر الحنين بلّنو خلنو اليعرفو طريقو ما دام الجراح دلّنو ما دام من ظنونو العالية لي أرض السماح دلّنو يا نجمات ليالي الغربة خلّنو اليقول خلّنو يتذكر سماحة بلدو يقعد و يحكي ليكم عنو يحكي حنينو لي السمعوهو يشكي أنينو للسمعنو يحكي عن الأراضي الطيبة عن عزة و خليلا و فنّو عن توبا الملفحة بيهو عن بنوتا يوم لفّنو عن أيدين مدفّق نيلا كيف ضيف الهجيع كفّنو عن غزلان تفر بي تيها و الشين و العوج جافنو عن عينين تغرود ريدة أخلصن الغرام أوفنو عن البي المحاسن ضوّن أخجلن القمر طفّنو في الصيف يبقوا زي النسمة و الشتا بي الحنان دفّنو و العسل البقطّر فينا بي سمح الكلام صفّنو يحكي عن المهيرة و عازة بي عزة و شموخ ربّنو عن جمر الوطن و العزة كيفن في القلوب هبّنو كيفن في المحاصة وراك كل الإنكسر لمّنو يحكي عن البلد و الحلة عن ناس بالكرم ما منّو يوم تحزن يجو يواسوك يوم تفرح يجوك يغنوا ما بتستغنى عن الصحبة لا هم بنسوا لا بستغنوا يحكي و يحكي عن سودانو وكم في ريدو ماتوا و جنوا و إنو عزاهو صور الذكرى في الغربة المريرة يجنو ديل الأمنيات الصادقة كم في الليل رقد حجّنو يا نجمات ليالي الغربة بالشوق و الحنين عبّنو و القلب البيجافي ترابو هو القلب السبنو.. أبنو #محمود_الجيلي

أنا لست بخيرٍ أتعافى أبصرُ ما حولي أطيافا التعبُ الأصفر أبحرَ بي عامينِ وما ذقتُ ضفافا أسأل عن وطني إحساسي لا يعلمُ قد قالَ وخافا أنهارُ دماءٍ تغمره ويعيش من الحبّ جفافا يا عام الغوث تداركنا قد عشنا سبعينَ عجافا أنا لست بخيرٍ أعرفني أوتارُ كمانٍ تعزفني قد قال الموج لريح البحر تعالي نلعب بالسفنِ وأنا في القارب لا أدري هل يبلعني؟ هل يلفظني؟ أنا لست بخيرٍ كيف أكون؟ وخلفي محترقا وطني أشتاقُ إلى يومٍ فيه قابيل أخي لا يقتلني. #محمد_عبدالواحد

يا نور الأنوار الكامل فوق بٌعد الكون المتحلي يا العلم الصافي الشامل ومبلغ غايات البيصلي كل القاصد غيرك هامل قاصد دربك ما بيجلي الواصل سندو الواصل فوق اتر المحبوب بالملى جايك وانا عامل وزامل اوزار وذنوب و تخلي حفيان ومغبر و رامل جايك وانا غيرك من لي يا أول مقصودي و آخر بادلتو رضاك بي كلي كان ترضي على يا قادر أهديني وأغفر زلي بالرحمة القبلي الماطر يشلع فوق قلبي لعلي اتبصر خطر الخاطر وانجو بالرحمة لعلي مجبول على فطرة فاطر ومشغول بي زايلة ومغري متزمل بيك يا ساتر متحمل و واعي ومدري نفسي بي إسم القاهر تخضع لي حكمك وتسري ألقاك وأنا صافي وطاهر مقبول ويميني و مبري #امجد_اسماعيل

انا بس طريتك جا المطر سيرتك فتيل ريحة انكسر رش الوجود مطرة وملامح غيمة تشبه فرحتي و هبشة وتر سالت غناوي و انفعال ساعة حنين انا في امان ما دام غرامك هو الخطر #ماجدولين_سعد

على علاتنا ؛ ' رواكيب والفت غيمة ' ولا بنتلام ؛ بنرمي شوية الرقراق ... اذا في القدرة ؛ قدرتنا : [ _ علي حِزَم القنا الصادقات ؛ _ ، مرات السَلَب فرَّاق ] ... بنرضى من العنب شبَّال ، بنرضى من المحبة بُرَاق ... يشيل الطيف ، يجيبك ضيف ، ضيف ، ونناولو يقلا البن ، فيارب الحبش رب كن ، ده لون حبشي ؟! ... هيا ' خَب الغمام ' راحل ، ده اسمو مشي ؟! ... هيا ده السمسم الطاعم ، ويال ال يا اسيل ناعم ، ده اسمو وشي ؟! ... وشاك من تيل دهب مُترار ؟! جلاك حلاك ملاك و ملاك ارحكي معاي نجيب مشوار ... نشيل عبَّار ، _ من اخر ما سلاف في شم _ نقول نورا ؟! نسيل نُوّار ؟! ... مناي لو ينسكب مني، كُل القلت يوم مني ! واعود فاضييييي براي من غير حروف عِلَه ... زمان لو كان زرعت الفُل ، موش كان الأمور فُلَّه ؟! ... عيبك يوم قطعت الفل ؛ وسبتو على السبيب غافي ... صِبْح الفُلْ ، صباح يابس ، صباحو أفل _ صِبِح _ كان السبيب مافي ... طفولتَك ما اتفهم بوحا ، وقلبك كان حليب صافي ... علي اتقابلن اتنين ؛ [ قلب خواف ، حبيب جافي ] ... وكانت هسي ، كانت هسسسي قاعده هناك ، ولساهو اللحاف دافي ... #محمد_الشيخ

هسة جات المطرة قالت خاتة جوة الطين جنين شافها شافع الحلة مالت داسة فى الغيم كم حنين الرعود صالت و جالت البرق كان عندو حين التراب واطاتو شالت و الشجر نديان و لِين السماء إبتسمت و طالت نادى فى الكون مييين؟ امين مطرة زى لعب الحواري (و رجعت الموج فى العصاري) مطرة زي دافوري فى الحي و الببسي بررررة تقسيمة جنب نادي البراري مطرة واحدة قادرة جدا تظبط الجو رغم عن حالة الطوارئ نحن ناس كاتلانا طيبة ما مهم بوليس سواري مطرة زي ما تكون مواعد ضو ضو بيشلع فى ضلمة و (زي اعز اتنين حبايب) و شاي مقنن جايبة يمة مطرة زى عرق المزمل لم تمرق منو حمي #عاطف_شمبات

الله على ساعة المطر دايماً بتفتح لينا ساحات من محنة تنادي في الساقو الزمن دايماً ترشرش فوق كتوف احلامنا ضُليلة وسكن دايما تودع في ضلام ايامنا وتزيل السكن وانا وانتي رافعين الكفوف ياااااااا الله لا تخلينا لا تبلينا لا تورينا آلام لا محن يا الله كم نادينا في الروّح سنين افراحنا في الروح اتمحن يا الله كم غنينا للناس والجروف يمكن نعود نلقى الوطن يمكن صباح الامنيات بي حضرتك بي فكرتك بي ضي صباكي يحقق احلامنا البدن #محمد_المهندس

مطرة صبي ساااااي دام نشف هواي ما فرق معاي بعدك الشتا مطرة بعدي ايه جاية تاني ليه بعدما الهجير فيني شاب عتى اتأخرتي ياخ غيرنا المناخ كل قطرة فيك ترجع غيمتا كم فرحت بيك في السخانة ديك الخريف يجيك تنتظر متى كت بضحك كتير زي طفل صغير يحضن الغيوم و المطر غطا مطرة؟ مطرة مين عدت السنين باقي ذكرى طين ساكن الوطا #مجاهد_كاروري

يا دابا صبّت عندكم ؟؟.. و حسيتو بي جو الخريف و شعرتو بي ريحة الدعاش و الغيمة و الجو الظريف ؟ أنا لي سنين عايش كده .. متهني بالحب الشفيف أنا أصلي بي شوفة الحبيب .. دائما بكون في جو لطيف :) ....... يادابا صبت و القلوب .. بتغني بي نشوه و سلام و فرحانة بالندى و الزهور .. مبسوطة بي الغيم و الغمام أنا غايتو ما فارق معاي .. مادام حبيبي معاي دوام ماليني احساس بالجمال .. و مغطي دنياي بالغرام ...... أنا لي سنين في جو لطيف .. لا فيو سخانة ولا غبار لا فيهو ليل غربة و بعاد .. لا فيهو مواجع بالنهار يادابا صبت عندكم .. صبت بعد طول انتظار الحمد لله البقيت .. ماف زيي في العالم كتار ..... بتحبو انتو مع الفصول .. خوف للشتاء و حب للخريف تشتاقو للحب في الربيع .. و تغيبوا عز الدنيا صيف أنا حبي أكبر من مطر .. و اكبر من الخوف و الظروف انا حبي في كل الفصول .. و حبيبي هو الجو اللطيف #محمود_الجيلي

النسمة .. توليفة ما بين دُعاش وسحاب والمطرة وناسة زى لمة الاصحاب الدنيا تحليفة من جملة الاحباب (ادخل عليك الله) .. اقعد نعزمك شاي و نتبادل الانخاب تتعالي احلامنا فوق رنة الاكواب الحب اساس اتنين تذكرتو مدفوعة قيمة ذهاب وإياب تعريشة من الحِن مسقوفة معزوفة وعينيك تكون الباب خطواتنا ملهوفة (كو كو) ندق الريد تتفتح الاعصاب #عاطف_شمبات

... ﻳﺎ ﻗﻤﺎﺭﻱ ﺍﻟﺤﻲ ﻳﻼ ﻗﻮﻗﻲ .. ﺃﺑﻜﻲ ﻫﺠﺮﺍﻧﻲ ﻭﺃﺣﻜﻲ ﺷﻮﻗﻲ ﺃﺻﻠﻲ ﻣﻦ ﻣﺎ ﺳﺎﻓﺮ ﻋﺸﻮﻗﻲ .. ﻃﺮﻓﻲ ﺑﺎﻛﻲ ﻭ ﻏﻠﺒﻮ ﺍﻟﻤﻨﺎﻡ --- ............................................. ..................... ﻛﻠﻤﻲ ﺍﻟﻨﺴﻤﺎﺕ ﻋﻦ ﺣﻨﻴﻨﻲ .. ﻭ ﻋﻦ ﺗﺒﺎﺭﻳﺤﻲ ﻭ ﻋﻦ ﺃﻧﻴﻨﻲ ﻟﻮ ﺧﺒﺮ ﻣﻦ ﺟﻴﻬﺘﻮ ﺑﻴﺠﻴﻨﻲ .. ﺭﻭﺣﻲ ﺗﺸﻔﻰ ﻭ ﺗﺠﻔﺎ ﺍﻟﺴﻘﺎﻡ --- ............................................. ................ ﺯﻱ ﻓﺮﻳﻊ ﺍﻟﺒﺎﻥ ﻛﺎﻥ ﻗﻮﺍﻣﻮ .. ﻃﻴﺒﻮ ﻳﻮﺻﻞ ﺩﺍﺋﻤﺎ ﺃﻣﺎﻣﻮ ﺍﻟﺠﻴﻮﺵ ﺗﺘﺰﻟﺰﻝ ﺃﻣﺎﻣﻮ .. ﻛﻴﻒ ﻻ ﻭ ﻓﻲ ﺍﻟﻌﻴﻨﻴﻦ ﺳﻬﺎﻡ --- ........................................................ ﻓﻲ ﺧﺪﻳﺪﻭ ﻭﺭﻭﺩ ﺍﻟﺠﻨﺎﻳﻦ .. ﻭﻓﻲ ﺟﺒﻴﻨﻮ ﻛﻬﺎﺭﺏ ﺍﻟﻤﺪﺍﻳﻦ ﻣﻦ ﻭﺳﻂ ﺍﻵﻑ ﻭﺷﻮ ﺑﺎﻳﻦ .. ﻣﻜﺴﻲ ﻫﻴﺒﺔ ﺑﺪﺭ ﺍﻟﺘﻤﺎﻡ --- ............................................. .............. ﺍﻟﺤﺮﻳﺮ ﺣﺮﺩﺍﻥ ﻣﻦ ﺣﺮﻳﺮﻭ .. ﻭ ﺍﻟﻮﺭﺩ ﺑﻐﺮﺍﻥ ﻣﻦ ﻋﺒﻴﺮﻭ ﻗﻠﺒﻲ ﻟﻴﻬﻮ ﻭ ﻓﻲ ﺍﻟﺤﺐ ﺃﺳﻴﺮﻭ .. ﺭﺍﺿﻲ ﺑﻲ ﺍﻟﺘﻌﺬﻳﺐ ﻓﻲ ﺍﻟﻐﺮﺍﻡ --- ...................................................... ﺍﻟﻌﻮﺍﺯﻝ ﺭﺿﻮ ﺑﻲ ﻫﻮﺍﻳﺎ .. ﻭ ﺣﻨﻮ ﻟﻲ ﺗﻌﺬﻳﺒﻲ ﻭ ﺑﻜﺎﻳﺎ ﻗﺎﻟﻮﺍ ﻟﻲ ﺧﻼﺹ ﺩﻱ ﺍﻟﻨﻬﺎﻳﺔ .. ﻳﻮﻡ ﺣﺒﻴﺒﻚ ﻧﻮﻯ ﻟﻠﻘﻴﺎﻡ --- ........................................................ ﺍﻟﻐﺰﺍﻝ ﺍﻟﻔﺎﺭﻕ ﺩﻳﺎﺭﻭ .. ﻓﻲ ﺍﻟﻘﻠﻴﺐ ﺍﻟﻬﺎﻡ ﻗﺎﻳﺪﺓ ﻧﺎﺭﻭ ﻣﺎﻟﻮ ﻃﻮّﻝ ﺭﺍﺣﻞ ﺧﺒﺎﺭﻭ .. ﺷﻴﻠﻮ ﻳﺎ ﻧﺴّﺎﻡ ﺍﻟﺴﻼﻡ --- #محمود_الجيلي

يا خوفي الداخل في المغرب يا (بسوس) الشوق وانا واقف بين( بكر) و(تغلب) وحوافر ونوق بالعشم الكفكف ايدينو من ايد الزوق والقمري البكفر بي دينو ويخلي القوق في الوكت الميت بلقاكي جلسة مسبوق في باب العتمه المتاكي فانوس وشروق بلقاكي وكت ما بلقاكي جنس المخلوق تتجسدي فكرة معناكي صوره ومنطوق انا دابك وانتي في مسعاكي عاشق معشوق بي آخر خير في جواكي لو شبا الطوق الاضابير #يس_النضيف

تقول الغيمة للعطشان ، كلام ما قالتو المطرة ... ََمنقوص البقيس فرحة ، رجعة طيرة لي وكرا ، بعد غض الفسايل راح ، متخيل رضا الشجرة؟! ... الفتح عيونو بشوف ، والغمّض ده دابو قرا ... و البيز مافي عرفو مسير ، البيز طبعو فينا سُرى ، الرعشة التحت جلدك ، خَلَف نُوْبةَ القلوب نقرا ... ومشهد صدفة تلقى حبيب ، زي زول ناسي نَفَس وطِرا ... والشاعر البكتفو ضو ، بكحِّل طرفو بالعُشرة ... وتقول الغيمة للعطشان كلام ما قالتو المطرة ... #محمد_الشيخ

#شكراً_لله_إني_بحبك إني عرفتك إنك في الروح يا طيب وهادي ونادي وبلسم تسلم وين ما تروح يا دافي دفا الطيبين ورهيف وحنين نظراتك قصة وصمتك بوح يا مَدي النجمة ضياها وكافي القمرة ضراها وعاكس توب الشمس وضوح أبيض قلبك شاحب قبلك لون الكلمة صدى الاحساس الريشة الرسمت خط الصدفة اتقسمت بسمت وبصمت بالانفاس حلفت ما إختلفت إنك حاسي بأجمل نبضة اتهادت وزادت شفق أحلامنا حواس كنت بعيد والقصة تعيد ايام في خاطر ماطر بيكا وهايم فيك واسه قريب وحبيب بتجيب الراحة وتمحى الهم كيفن أوفيك حقك أكبر من ترديد لي كلمة وقافية وقعدة موافية وبيت موزون حقك تمرح جواي تسرح في الجاي تسهر تجهر تتمغى تكون وأكون مبسوط بوجودك وبي جودك بي فيض الرضا والريد وحدك وافر سعدك يلاك لآخر السكة سماحة حالة ووعد أكيد أنا مهما أعيش بين ناس وعيون من غيرك قلبي شريد ووحيد شكراً لله إني بحبك إني عرفتك إنك في الروح يا طيب وهادي ونادي وبلسم تسلم وين ما تروح يا دافي دفا الطيبين ورهيف وحنين نظراتك قصة وصمتك بوح شكراً. #محمد_المهندس

قلنا مرحبتين حبابا غيمة بتوديك أماكن ما بتعرفها كل سحابة حاجة أسعد ما يلاقيك ضحكة بتزيل الكآبة تسرقك قبال تصب فيك وانت ما عامل حسابها وتهدي ليك الليل وتحلف إلا ترجع للكتابة #عمار_الزين

الحب مات وقد دفنت رفاته أعلنت توي للقلوب وفاته بالأمس كان يزور أهل وداده واليوم أخلف مرغما ميقاته أوصى لنا بالدمع من بعد الأسى فلتنجزي يا مقلتي وصاته قالوا قتلت الحب ثم نعيته ظلما أخذت من الحياة حياته كم من محب قد ظلمت بقتله ومؤمل إدراك ما قد فاته وسجنت في جرم أنا ما جئته فالحكم عير حين قيل قضاته أأنال من نفسي وأوردها الردى من ذا سيقتل ذات يوم ذاته الحب كان يعمنا بعطائه لكننا لم نغتنم أوقاته وتحكمت فينا الشرور فأرسلت بين القلوب الغافلات وشاته متسولا قد عاش في طرقاتنا بالكاد يسقى عذبه وفراته لم تعرفوني إذ نعيت الحب بل أعمى العقاب المستبد رماته فأنا الدفين الحب ينعى نفسه الدفن يسبق بالحياة صلاته الحب مات وقد دفنت رفاته أعلنت توي للقلوب وفاته بالأمس كان يزور أهل وداده واليوم أخلف مرغما ميقاته أوصى لنا بالدمع من بعد الأسى فلتنجزي يا مقلتي وصاته #محمد_عبدالواحد

فرح اللقاء قليلهُ إيماضه وصليلهُ يلقى الخليلَ خليلهُ وترى السراجَ نخيلهُ فرح اللقاء أقلُّه غلب الفؤادَ فمن لهُ كلفٌ به ومولّه يدعو عساه لعلّه يوم الوداع ومقته وعلى الثرى أهرقته قد جاء ويحي وقته في الوصل هل أنفقته سكن الحبيب بطيبةا فمتى أفيض لها متى العمر كان الرحلةَ ومن اليدين تفلّتا #محمد_عبدالواحد