ارتيانا١.

انا شخص "مرحلي" أؤمن ان الحياة تمشي على فصول وكل فصل له وقته وله ناسه وله درسه ما اتمسك بشي خلص دوره ولا ارفض التغيير لأني مؤمن بحتمية المراحل كل شي يتغير والرجعة للماضي مو دايم حل أحيانًا فهمك ليه مشيت أهم من إنك تفكر ترجع .

⁣مساءالخير

أنا شخص أعرف قيمتيِ وحدوديِ لذالك لايغرك لطفي وسلاستي بالحديث لما أشوف الموضوع يعارض صحتي النفسية وسلامي الداخلي . . "أمشي بدون لا التفت".

ألبخيل على المستوى المادي مَايتعاشر . . فما بالك ببخيل العاطفة اللي تركض أنت وراه باحثاً عن كلمة تطيرك فرح؟ اصحى يا إنسان!.

مادامنا في عييون اللي يعزونا كبار طيحتنا من عيون الرخاص نعمة .

لا تلزم نفسك بـ ناس لمجرد إنكم عارفين بعض من زمان لو الشخص أناني او أنت أخر آهتماماته او ماخذك كأمر مسلم به وحاطك أخر خططه إستبدله فوراً اعرف ناس جديدة تشدك لفوق وتحسسك بقيمتكِ .

الحياة علمتني الواقعية والمنطقية, مايهمني كثرة الكلام والسرد إذا بالمقابل الأفعال صفر, ولاتهمني كثرة التباكي إذا الأسباب واهية, ولا أهتم للمحاولات المتأخرة في حين وقتها المناسب كان أولى فيها .

لما أزعل منك اعرف انه عشان تحس فيني وان اللي تسويه يزعل مو عشان تبعد عني بس لو شفتها فرصة انك تبعد " انقلع لاتتردد‌‌‌ " .

أغلب‌ علاقاتي إنتهت لأني ما أعرف أبادر لحالي ماعندي القدرة على النشبه, يانبادر كلنا يابلاش وهذا الشيء ابداً مو مقصود صار "روتين" .

المكان اللي ماياسعك لاتمنحه حضورك اللي تدرك ان نهايته بتوجعك لاتسلكه, لاتهيئ كل الظروف لكسرك ثم تنتظر متى موعد الجبر .

واصله لمرحلة اللي يجي يجي واللي يروح مع السلامة اللي يقرب يقرب اللي يبعد ياحي من زار وخفف ماعاد يفرق معي " ولاشي ".

ماعرف شلون اشرحها بس أحس إنيي كبرت ع الانتظار او بالاصح تعبت اني انتظر اشخاص بحياتي يتعدلون او يحسنون اسلوبهم ويتجملون نفسياَ ومعنوياً تعبت من منح الفرص صار التنازل يريحني اكثر من العتب والتمسك, لكم حريه التصرف ولي حريه "الانسحاب" .

وصلت مرحلة الكبر اللّي أشوف كل شي حولي ساده، أبيض وأسود لا مجال للألوان ولا الخيال التزام تام بالواقع والحقائق لا مجال للمتعة آخذ كل شيء بجديّة وهذا يا أصحاب يخووف!

بعد كُل المُعاناة والتضحيات إللي بلا جدوى أقولها بكل صدر رحب " روحه بلا رده " ماني بقايله عسى مع الأيام نتواجه .

ما عمري تمنيت أكون بالنسبة لاي إنسان ندبه بجوفه أو خيبة, لكن لو بتقول عني خيبة لما أدير ظهري بعد عدة محاولات من التغاضي عن زلاتك هذا "يناسبني" .

والخاطر لاطاب مثل : " الذي يعاف الماء وهو ميت عطش لاكن الخاطر لاعاف عافت ولاطابت تطيب " .

أعرف إنيّ وصلت مرحلة التعفف والقرف لاشفت أو سمعت خبر عن شخص كان غالي ومكانته فاقت للأسف ماتحرك فيني عنه ساكن ولا هزّ شعره .

حذارِ يا إنسان توصّل قلب يهواك لمرحلة : ‏" عزّت علي نفسي " والله لو تلف أصقاع الدنيّا لف ولو تجيب الشمس والنجوم بيدك مراح يلاحظك ولا يلتفت صوبك ‏" إنتبه إلا قلبٍ يودَك .

النفس طابت من كثير المعاذير لا عاد ترسم للعلاقه علامه ,إن جيتني تلقى معزة و تقدير وإن رحت تلقى فالطريق السلامة .

ما عاد نمشي على مقولة " اللي بيبقى الله يحيّه واللي بيبعد الباب له وسّيع " الحين لا عاد تبقون ولا عاد تجّون الباب تقفّل للجيات الرديّه .