- Rai :

يزورني خياله و يمرني ذكراه ‏و اهوجس به قصايد و اغاني ‏سهيت بذكرياته بعد فرقاه ‏بكيت بكثر شوقي ولاجاني ‏ياليتني جالسٍ هالحين وياه ‏اروي وريد شوقي و شرياني ‏بعد بُعده وشلون بنساه ؟ ‏يمر ببالي و الذكرى تنعاني ‏ماتعمدت الغياب عن دنياه ‏واثر الغياب .. أذاني و بكاني

صبرنا على العازات والناس مايدرون ‏وعن مايعيب النفس تكرم نفوسنا ‏عسى الله يجنبنا دروب الردى والهون ‏وعسى الله يجملنا ليا حل واجبنا .

في رضا اللي يعلم أسرار نيّات القلوب ‏كم تركت و جزت عن حاجه وانا ودّي بها حالفً ماسوق رجليني على عوج الدروب لو على الغفلات والناس ماتدري بها .

صبور ولو يبور الوقت فيني والزمان يشين ‏حرام اني لـ أصون أسرار قلبي داخل خباها ‏وعلى سود الليالي والمحبه والفراق الشين ‏ دعيت الله يعين ويكشف الضيقه ويجلاها .

عيوني على سهر اخر الليل حدتني ‏تولع بها سهر الليالي وضريت به ‏هموميّ عن الرقده من النوم قزتني ‏وقلبي هواجيسه مع الهم لعبت به .

لاتضايق يا ابيض الوجه من بعض الظروف ‏مايجيك الضيق إلا ومن بعده . . سعه ‏وانتبه . . لاتشكي ان الزمن عيا يروف ‏الزمن إلى طاعك اغنم وإلى عيا طعه .

خلك عزيز النفس لو همومك جبال لا تشتكي لناس من حر ما فيك هاذا الزمن ي صاحبي كله اهوال يهدي لك البسمه و يرجع يبكيك .