ڕۆح

هەندێک خۆشەویستی بە دۆڕان کۆتایی نایەت؛ بە تێگەیشتن کۆتایی دێت. کاتێک تێدەگەیت هەموو هەوڵێک ناتوانێت کەسێک ناچار بکات تۆی هەڵبژێرێت، ئەوا واز هێنان شکست نییە؛ ئازادییە لەو هەوڵەی کە چیتر پێویستی بە هەبوونی تۆ نییە. ڕۆح

roh45_0 ⁨ مرۆڤ زۆرجار لە کاتی بوونی شتە جوانەکاندا، نرخیان نازانێت؛ چونکە وا دەزانێت هەرچییەک ئەمڕۆ لەبەردەستیە، سبەییش هەر لەوێیە. وا دەزانێت ئەو کەسە هەمیشە هەمان شوێنە، ئەو قسەیە دەتوانێت سبەی دووبارە بکرێتەوە، ئەو دەرفەتە جارێکی تر دەگەڕێتەوە، و ئەو هەستە هەرکاتێک ویستی دەتوانێت بۆی بگەڕێتەوە. بەڵام ژیان بە «دواتر» ـەکانی مرۆڤ پابەند نییە. هەندێک ڕۆژ، تۆ بە ئاسایی تێیدەپەڕیت، لە کاتێکدا ئەو ڕۆژە لەوانەیە دوا ساتێک بێت کە هەموو شتێک هێشتا وەک خۆی ماوە. هەندێک قسە بە نیوەی دەمێنێت، هەندێک دەرفەت بە بێ بەکارهێنان تێدەپەڕێت، هەندێک کەس بە بێ ئەوەی بزانیت، دەبن بە بیرەوەری. پاشان ساڵێک، دوو ساڵ، یان پێنج ساڵ دواتر، لە ناو ئارامییەکی شەودا، ناگهان بیرت دەکەوێتەوە کە ڕۆژێک هەموو ئەو شتە لەبەردەستت بوو؛ تۆ تەنها نەتزانیوە ئەو ساتە چەند بە نرخە. ئەوەی دڵتەنگت دەکات تەنها نەبوونی ئەو شتە نییە؛ ئەوەی دڵتەنگت دەکات ئەو زانیارییەیە کە ئێستا هەتە، بەڵام ئەوسا نەبوو: ئەوە دوا جار بوو. و شاید قورس‌ترین شێوەی پەشیمانی ئەوە نەبێت کە شتێکت لەدەست داوە؛ بەڵکو ئەوە بێت کە کاتێک هێشتا لەدەستت بوو، بە نرخیت نەزانی. بۆیە هەر کاتێک دڵت بە کەسێک، ساتێک، قسەیەک یان خۆشحاڵییەکی بچووکەوە پەیوەست بوو، بە ئاسانی لێی تێپەڕە مەکە. لەوانەیە ئەوەی تۆ بە «ئاسایی» دەیبینیت، دواتر ببێتەوە ئەو بیرەوەرییەی کە ساڵانێک بە دواید�⁩

roh45_0 ⁨ هەندێک ڕاستی، لە کاتی خۆیدا نییە کە ڕوون دەبێتەوە؛ بەڵکو کات خۆی دەبێتە کلیلێکی کردنەوەی دەرگای دڵەکان. خودا هەموو شتێک بە یەکجار نیشان نادات، چونکە هەندێک نهێنی، ئەگەر پێش کاتی خۆیان ئاشکرا ببن، دڵەکان دەشکێنن نەک چاوەکان دەکرێننەوە. هەندێک جار، خودا پەردە لەسەر خەڵکی نامۆ دانانێت، بەڵکو لەسەر ئەوانەش دادەنێت کە پێیانمان وابوو بەشی دڵمانن. کاتێکیش ئەو پەردەیە هەڵدەگرێت، مەبەستی سزادان نییە؛ مەبەستی ڕزگارکردنە. چونکە زۆرجار ئازار لە ڕوونبوونەوەی ڕاستی ناوەستێت، بەڵکو لەو خەیاڵە دەستپێدەکات کە ساڵانێک بە هەڵە پەرستراوە. ئەو کەسەی ڕاستی دەناسێت، نامۆیی بە خەڵک فێر نابێت؛ بەڵکو سنووری متمانە فێردەبێت. تێدەگات کە هەموو نزیکبوونەوەیەک نیشانەی پاکی نییە، و هەموو خەندەیەک دڵسۆزی لە پشتەوە نییە. لەبەر ئەوە، هەمیشە داوای ئەوە لە خودا بکە کە تۆ لە ڕاستی دوور نەخات، بەڵام هێزی هەڵگرتنی ڕاستیشت پێ ببەخشێت. چونکە زۆرجار، گەورەترین نیعمەت ئەوە نییە کە خەڵک بەباشی بناسیت؛ بەڵکو ئەوەیە خودا لە کاتی گونجاودا پەردە هەڵبداتەوە، پێش ئەوەی تەواوی تەمەنت لە هەڵەی ناسینێکدا بەسەر بچێت.⁩

roh45_0 ⁨ هەندێک وانەی ژیان بە خۆشی فێر ناکرێن؛ بەڵکو بە شکان، بە هەڵە، و بە دڵێکی بریندار دەنووسرێن. هەر زەخمێک کە لە کەسێک دەخۆیت، پەیامێکی هەیە: خۆت مەدۆڕێنە بە دەستی ئەوانەی نرخەکەت نازانن. ڕاستترین خۆشەویستی ئەوە نییە کە لە کەسێکی دیکە دەست پێ بکات؛ ئەوەیە کە دوای هەموو شکستێک، هێشتا بتوانیت خۆت لە دڵی خۆتدا بپارێزیت. ئەگەر هەمووان ڕۆیشتن، تۆ مەڕۆ لە خۆت… چونکە دوا پەناگە و دوا ئامێزی ئارامیت، هەمیشە خۆتی.⁩

_ ⁨ لە ژیاندا هەندێک شت بە زۆر ناگیرێت؛ نە خۆشەویستی، نە ڕێز، نە دڵگرمی. ئەوەی بە ناچارکردن دەست بێت، یەک ڕۆژ بە ناچارکردنیش لەدەست دەچێت. مرۆڤی هۆشیار ئەوە نییە هەموو شتێک قبووڵ بکات، بەڵکو ئەوەیە بزانێت چی ڕەت بکاتەوە. وەک چۆن ئاوی پیس ناخۆیت، نەک لەبەر ئەوەی نەفرەتت لە ئاوە، بەڵکو چونکە تینووی پاکیی. وەک چۆن میوەی پلاستیکی ناخۆیت، نەک لەبەر ئەوەی برسی نیت، بەڵکو چونکە دڵت بە درۆ قایل نابێت. ڕێز و خۆشەویستی دیاریی دڵن، نە ئەنجامی زۆر و زەبری. هەر پەیوەندییەک کە ئازادیی هەڵبژاردن لێ بسەنرێتەوە، لە ڕۆحی خۆی بەتاڵ دەبێت. لە کۆتاییدا، نرخ و بەهای مرۆڤ بەوە ناپێوردرێت چەند کەس لەگەڵیدان، بەڵکو بەوە پێوەردەکرێت کە چەند جار خۆی نەفرۆشتووە بۆ ئەوەی لەلایەن خەڵکەوە قبووڵ بکرێت. هەندێک ڕەتکردنەوە، دەستپێکی پاراستنی کرامەت و ئارامیی ناخە، نە دەستپێکی تەنیایی….ڕۆح⁩

کات شتێک نییە کە بڕوات؛ ئەوە ئێمەین کە بە ناویدا تێدەپەڕین. تەمەن ژمارەی ساڵەکان نییە، کۆی ئەو ساتانەیە کە بێدەنگ لە دەستمان چوون. لە کۆتاییدا، مرۆڤ پیر نابێت چونکە ساڵەکانی زۆر بوون؛ پیر دەبێت کاتێک دەزانێت هیچ ساتێک دووبارە ناگەڕێتەوە.

من نازانم تۆ چۆن دەتوانیت بەبێ هیچ ئازارێکی ویژدان بنوێت و چۆن دڵت هات بەم جۆرە بێڕەحمانەیە منت لە ناو وێرانیی و تاریکیی تەنیاییدا جێبهێڵیت، ئاخر چۆن ویژدانت ڕێگەت پێدەدات و ئازارت نادات کاتێک دەزانیت مرۆڤێک بە تەواوی ئاوات، هیوا و خەونەکانیەوە لە دوای تۆ بووە بە خۆڵەمێش و بە زیندوویی نێژراوە؟ لەو ساتەوەی هەواڵی ئەڵقەلەدەستکردن و چوونە دنیای نوێی تۆ گەیشتە ڕۆحم، هەستم کرد هەموو جیهان لە یەک چرکەدا بەسەر سەرمدا ڕووخا و زەوی لە ژێر پێمدا خلیسکا، وەک ئەوەی خەنجەرێکی سارد بە هێواشی لە ناخی دڵم درابێت و هەتا هەتایە لەوێدا جێهێڵدرابێت، ئاوا ناخم دەسوتێت و بەردەوام پارچە پارچە دەبێت. تێگەشتم کە هەندێک لەدەستدان هەن وەک کوشتنی هێواشی ڕۆحن، هەندێک برینیش هەن هێندە قوڵن کە هیچ زەمەن و تەمەنێک ناتوانێت ساڕێژیان بکاتەوە و شوێنەوارەکەی لەسەر بەخت ببات. من ئەمڕۆ لە دوورەوە، بە چاوێکی پڕ لە ئەسرین و سنگێک کە لە زۆریی ئازاردا هەناسەی پێ نادرێت، تماشای ئەو دەستانە دەکەم کە دەستی یەکتریان گرتووە و ئەڵقەی وەفادارییان گۆڕییەوە، تێدەگەشم کە ئیتر تۆ بۆ هەتاهەتا بوویتە بەشێک لە ڕابردوو و لە هیچ سبەینێیەکی مندا شوێنت نابێتەوە، بەڵام هاواری بێدەنگ و خوێناویی ناخم هێشتا هەر ناوی تۆ دەڵێتەوە و بەسەر تەواوی خەونە سوتەکانمدا دەگریت. شەوانە کاتێک جیهان کڕ دەبێت و تاریکی دەباڵێشێت بەسەر شاردا، یادگارییەکانت وەک ڕەهێڵەی باران بەسەر ڕۆحی ماندومدا دەبارێن، دەنگم لەگەروومدا دەنووسێت و ئازارەکانم لە ناخەوە هەڵم دەپێچنەوە و یەک بە یەک جەستەم ڕادەتەکێنن. تۆ چوویت و ڕووناکی، جوانی، و تەواوی مانای ژیانت لەگەڵ خۆتدا برد، من لە دوای تۆ بووم بە کەسێک کە تەنها سێبەرەکەی لەسەر زەوی دەڕۆڕێت، بە جەستەیەکی سارد و بێ ڕۆح کە تەنها هەناسەی بێزارکەر دەدات بەبێ ئەوەی ئازاری زیندووبوون بچێژێت یان تامی ژیان بکات. سەیرکە، هەرچەندە سۆز و خۆشویستنی ئەم دڵە شکاوم بووەتە خەڵووز و خۆڵەمێش، بەڵام من ڕق لە سنگی خۆمدا ناپەروەرێنم و هەرگیز نزا لە بەخت و داهاتووت ناکەم، چونکە خۆشویستنی تۆ شتێک بوو لە سەرووی توانای منەوە، پاکترین هەست بوو کە لە ژیانمدا ناسیبێتم و ناتوانم پیسی بکەم بە ڕق. تەنها بەم دڵە وێران و سوتێندراوەوە بێدەنگ دەبم، هەموو گریان، ئاهـ و خەمەکانم لە تاریکی تەنیاییدا بۆ خۆم دەشارمەوە تا کەس بە شکانی من نەزانێت. بەڵام هەتا دوا هەناسەی ژیانم، کاتێک سییەکانم هەوا دەکێشنە خۆیان، یەک وەسیەت، یەک پەیمان و یەک تکای کوشندە و ئازاربەخشم هەیە بۆ ئەو کەسەی کە ئەمڕۆ بووەتە هاوبەشی ژیانت و دەستەکانی گرتووی؛ تووخوا، تووخوا زۆر ئاگاداری بێت! نەیکات ڕۆژێک لە ڕۆژان دڵی بشکێنێت یان تۆزێک خەم و پەژارە بخاتە سەر ئەو چاوانەی کە ڕۆژێک لە ڕۆژان هەموو ڕووناکی، ئومێد و هیواکانی چاوەکانی من بوون. تووخوا بە نەرمی و بە میهرەبانییەکی بێسنوورەوە قسەی لەگەڵ بکات، ڕێز لە تەواوی خەندەکانی بگرێت و مەهێڵە تەنها فرمێسکێک لە چاوەکانی بێتە خوارێ، چونکە ئەو دڵەی کە ئەمڕۆ سپێردراوە بەو و لە تەنیشتیەوە لێدەدات، ڕۆژێک لە ڕۆژان تەواوی دنیای من بوو، هەموو نیشتمانی ڕۆحم، ئاواتی ژیانم و بەهەشتی سەر زەویم بوو... و من تەواوی بوون و جیهانی خۆمم لەدەستدا کاتێک ئەو دڵەم بۆ هەتاهەتا لەدەستدا، ئاخر تێبگە کە چۆن مرۆڤێک دەتوانێت بژی کاتێک تەواوی دنیای خۆی بە چاوەکانی خۆی لەدەست دەدات و هیچی بۆ ناپڕووکێت جگە لە سەیرکردنی وێنەی سەرابێک کە ڕۆژێک بەهەشتی ئەو بووە، من ئیتر باوڕم بە هیچ پەیمانێک نەما و تەواوی ژیانم فێری کردم کە مرۆڤەکان دەتوانن ڕۆژێک بەهەشتت پێ ببەخشن و ڕۆژێکی تر بە بێڕەحمانەترین شێوە جەهەنەمت پیشان بدەن، بەڵام هێشتا دەڵێم بڕۆ و بەختەوەر بە، تەنانەت ئەگەر بەهای بەختەوەری تۆ، وێرانبوونی تەواوی دنیای منیش بووبێت. 💔

roh45_0 ⁨ «ڕۆژێک دێت ئەم حکایەتە ببێتە بیرەوەری... هەورێک دێت، بەلای گۆڕێکدا تێپەڕێت.. دلێکی بێدەنگی تیدا راکشاوە، بە خۆت بڵێ... تۆ بڵێیت لەو ساتە سەختانەی بێدەنگی باڵی کێشاوە بەسەر ژیانیدا، ناوی من وەک پشکۆیەکی گڕگرتوو لە زەینی نیشتمانی دڵیدا نەسووتێت؟ بە خۆت بڵێ... لەم دڵەوە چەند نزیک بووم؟ چەند جار ئەم دڵەم بردوەتە ناو ژوورەکانی خەیاڵم؟ ئایا لەو دەمەی با لە پەنجەرەی ژوورەکەی دەدات، بۆ ساتێک گومانی ئەوە ناکات کە ڕەنگە ئەمە سۆنگەی یادگارییەکانی من بێت کە هاتوونەتە لانکەی خەیاڵی؟ بە خۆت بڵێ... لە هەیوانی تاریکەکەی مەراقمدا... چەند جار ئەم دڵەم وەک چرا هەڵکردووە؟ من لێرەدا، لە کەناری دوورەپەرێزی و کاتژمێرە ساردەکاندا، هێشتا وەک مۆم دەسووێتم و ناوی ئەو وەک پیتێکی پیرۆز لەسەر لێوەم قەتیس ماوە. نازانم کات چۆن سڕیوویەتەوە، بەڵام ئەمە دەزانم؛ مرۆڤ هەرچەندێک ڕێگەی غەریبی بگرێتە بەر، ناتوانێت ئەو شەوە کاڵ بکاتەوە کە تێیدا بە ڕاستی خۆشویستووە...»⁩⁩ڕۆح

زۆرجار گەورەترین ئازار ئەوە نییە کە کەسێک تۆی خۆش نەوێت؛ گەورەترین ئازار ئەوەیە کە نەزانێت چەند بەڕاستی خۆشتویستووە. تۆ بە هەموو بوونت دەسووتێیت، ئەو بەبێ ئاگایی لە سووتانەکەت تێدەپەڕێت ڕۆح

هەندێک شەو، ژیان وەک ئەوەی زمانی خۆی لەدەست دابێت؛ نە دڵ دەزانێت چی دەوێت، نە مێشک وەڵامێک هەیە. تەنها بێدەنگییەک دەماوێت کە لە هەموو قسەیەک قورس‌ترە. لەو کاتانەدا حەز ناکەیت کەس گوێت لێ بگرێت، چونکە هەندێک ئازار وشەی بۆ دروست نەکراوە. تەنها دەتەوێت لە چۆڵەوانییەکی بێکۆتایی بگڕێیت، لەوانەیە بەهیوای ئەوەی لەناو خۆتدا شتێک بدۆزیتەوە… بەڵام زۆرجار ئەو شوێنەی بەدوایدا دەگەڕێیت، هەر خۆتیت؛ ئەو خۆیەی کە لە ژێر بارە قورسەکانی ژیان ون بووە. مرۆڤ هەندێک جار ناتوانێت خۆی ڕزگار بکات، تەنها فێر دەبێت چۆن ئازارەکەی هەڵبگرێت. لە ژێر خەندەیەکی بێدەنگ، لە پشت چاوانێکی ماندوو، بەهێواشی خۆی دەخواتەوە، نە بۆ ئەوەی بمرێت… بەڵکو بۆ ئەوەی بتوانێت تا بەیانی ماوەیەکی تر بژی. چونکە هەندێک شەو، بردنەوەی شەڕەکە واتای ئەوە نییە سەرکەوتوویت… تەنها واتای ئەوەیە هێشتا هەناسە دەدەیت، و ڕۆژێکی تر هات.

لە ڕۆژێکی وەک ئەمڕۆدا، دونیا کۆتایی مۆندیالی جەژن دەگێڕا. لە هەموو شوێنێک دەنگی شادی بەرز بوو، بەڵام من لە هەمان شەوەدا تێگەیشتم هەندێک یاری، لە دەرەوە ناگوزەرێت… لە ناو دڵ دەست پێدەکات و هەر لەوێش کۆتایی دێت. ئەو شەوە. نە ئەوەندە قورس بوو کە کەسێک منی نەویست، بەڵکو ئەوە قورس بوو کە هەموو ئەو شتانەی لە بێدەنگیدا بۆ داهاتوو بنیادم نابوو، لە یەک چرکەدا مانای خۆیان لەدەست دا. ئێستا هەر کاتێک ئەم بەروارە دێتەوە، خەڵک کۆتایی مۆندیال بیر دەکەوێتەوە؛ منیش ئەو شەوەم بیر دێتەوە کە فێربووم هەندێک پیاو، لەو ساتانەدا گەورە دەبن کە بێ هیچ گازندەیەک، بێ هیچ گلەییەک، زامەکانیان هەڵدەگرن و بەردەوام دەڕۆن.

هەندێک پەردە، ڕەحمەتن… هەمیشە لە خودا بپاڕێوە کە ڕۆژێک ڕووخساری ڕاستەقینەی ئەو کەسانەت پێشان نەدات کە زمانیان پڕبوو لە خۆشەویستی و دڵت بە دۆستییان دڵنیا کردبوو. هەندێک جار، ئەوەی خودا لێت دەشارێتەوە نیعمەتە، نەک نەزانین. چونکە مرۆڤ بە هیوای جوانیی ئەوانی تر دەژی. ئەگەر هەموو تاریکییەکانی ناخی یەکدی زوو ئاشکرا ببایە، نە دڵێک هێزی متمانەی دەما، نە پەیوەندییەک درێژەی دەکێشا. بەڵام هەندێک جار، خودا پەردەکە هەڵدەداتەوە؛ نە بۆ ئەوەی تۆ بشکێنێت، بەڵکو بۆ ئەوەی لە خەوی هەڵە هۆشدار ببیت. هەندێک ئازار، سزا نین؛ ڕزگارکردنن. هەندێک دڵشکان، کۆتایی نین؛ دەستپێکی بینینێکی نوێن. مەولانا دەفەرموێت: «هەرچە لە خەڵکدا دەبینیت، لە خۆتدا بینیویت؛ تەنها پەردەکە هێشتا لادەنەدراوە.» ڕەنگە واتای ئەم وتەیە ئەوە بێت کە مرۆڤ پێویستە پێش ئەوەی خەڵکی تاوانبار بکات، جارێکیش ناوی خۆی بخوێنێتەوە. وای بە حاڵی ئەو کەسەی کە پەردەی شاراوەی لادەچێت؛ چونکە لەو چرکەیەدا، نەک تەنها خەڵک دەناسێت، بەڵکو خۆشی بە شێوەیەک دەبینێت کە هەرگیز پێشتر نەیبینیووە. https://snapchat.com/t/gkEHrFyQ

دوو ساڵ تێپەڕی… ئێستا تۆ ژنی پیاوێکی دیکەیت. ئەو ڕاستییە زۆر پێش ئەوەی گوێم لێی بێت، دڵم هەستی پێ کردبوو. ژیان هەمیشە چاوەڕێی ئەوە ناکات کە ئێمە ئامادە بین؛ هەندێک جار، تەنها بڕیار دەدات و دەڕوات. من فێر بووم ناوت نەهێنم، بەڵام نەمتوانی لەبیرت بکەم. هەندێک مرۆڤ لە ژیانت دەڕۆن، بەڵام بەشێک لە ڕۆحتیان لەگەڵ خۆیان نابەن. هەر بۆیە هەندێک شەو، بێ هیچ هۆکارێک، هەستم دەکات کە دڵم هێشتا لە شوێنێک وەستاوە کە تۆ بەجێتهێشت. هیچ شتێکم لە تۆ ناوێت، نە گەڕانەوە، نە پەشیمانی. تەنها جاروبار، کاتێک بیرم لەوە دەکەم کە لە کۆتایی ڕۆژدا سەرت لەسەر شانی پیاوێکی دیکە دادەنێیت، تێدەگەم هەندێک لەدەستدان هەرگیز نابنە ڕابردوو؛ تەنها مرۆڤ فێر دەبێت بە ئازارەکەیان بژی. لەوانەیە کات هەموو شتێک گۆڕابێت؛ ناونیشانەکان، ڕۆژگار، تەنانەت ئێمەش. بەڵام هەندێک هەست، بە کات پیر نابێت. تەنها فێر دەبێت بێدەنگ بێت، چونکە دەزانێت ئەو کەسەی چاوەڕێی دەکات، هەرگیز ناگەڕێتەوە. ئەوەی زیاتر لە هەموو شتێک دڵم دەشکێنێت، ئەوە نییە کە تۆ ڕۆیشتیت؛ ئەوەیە کە ژیان بەردەوامە، و من ناچارم هەموو بەیانێک هەست بەو ڕاستییە بکەم کە تۆ لە ژیانی کەسێکی دیکەدا بوویتە «ماڵ»، لە کاتێکدا تۆ بۆ من هێشتا دوا ماڵی دڵمیت.

مۆدێلی ژیانم وای لێهاتووە، هەر کاتێک لە سووچی ئەم ماڵە سارد و بێدەنگەدا دادەنیشم و دەبینم دایکم دەستە ماندوو و پیرۆزەکانی بەرەو ئاسمان بەرز دەکاتەوە، بەو دەنگە کز و پڕ لە میهرەبانییەی خۆی کە هەمیشە بۆنی دڵنیایی و بەهەشتم لێ دێت دەڵێت: "خوایە ئیمانمان پێ ببەخشیت"، من لە ناخەوە دەلەرزێم، ڕۆحم بریندار دەبێت و تەواوی یادگارییە خنکاوەکانی تۆ دێنەوە پێش چاوم. لەو چرکەساتەدا، کاتێک سەیری سیمای ماندووی دایکم دەکەم، لە قووڵایی ناخما هەموو برینە کۆنەکانم دەکولێنەوە، چاوەکانم پڕ دەبن لە فرمێسک و لە دڵی خۆمدا هاوار دەکەم و دەڵێم: خۆزگە ناوت هەر ئیمان دەبوو... بە خودا خۆزگە ناوت ئیمان دەبوو، بۆ ئەوەی کاتێک دایکم نزا دەکات و بە دڵێکی شکاوەوە داوای ئیمان لە خودا دەکات، خودا کتوپڕ تۆم پێ ببەخشێتەوە و بۆ هەمیشە بتکاتەوە بە بەشی من و بتگەڕێنێتەوە بۆ ناو ئەم ژیانە چۆڵەم. تۆ خۆت گەورەترین ئیمان، گەورەترین مانا و جوانترین بەختی من بوویت لەم دنیایەدا، بەڵام ڕۆشتیت و منت لەو سێبەر و حزوورە هێمنکەرەوەیە بۆ هەمیشە بێبەش کرد. ئێستا ئەم ژیانە غەدارە لە دوای تۆ تەنها تاریكی، غەریبی، تەهایی و ڕێگایەکی ونبووە کە چاوەڕوانی هیچ ڕووناکییەکی لێ ناکرێت. ئەگەر دوعاکانی دایکم بۆ گەیشتن بە تۆ نەبن، کێ لە جێگای ئەم هەموو دڵەڕاوکێ و ڕوخانە ناوخۆییەمدا دوعای خێرم بۆ بکات؟ کێ هەبێت لە کاتی تەنگانە و بێتاقەتیدا بە نیگایەکی سۆزدار، هەموو خەمەکانی دنیا لەسەر شانم لادات و دڵم ئارام بکاتەوە؟ تۆ مانای مانەوە و هێزی من بوویت، ئێستاش لە دوای چوونەت، دنیا لە پێش چاوم وێرانەیە و هیچ شتێک لەم گەردوونەدا تامی نەماوە. هەمیشە لە خودا دەپارێمەوە، ئەگەر لە دەستم چوویت و ئێستا لە من دووریت، لانی کەم لە خەیاڵ و ناو ڕۆحمدا نەچیتە دەرەوە، چونکە من بەبێ یادگارییەکانی تۆ تەنها جەستەیەکی بێ ڕۆحم. ئەم دنیایە بەبێ بوونی تۆ، هیچ مانا و ڕووناکییەکی تێدا نییە. دڵم لای تۆ جێماوە و لە هەر کوێیەک بیت، تەنها بزانە کە متمانەم بە هیچ شتێکی تر نەماوە و هێشتاش بە دیار دوعاکانی دایکمەوە، چاوەڕێی موعجیزەیەکم کە تۆم پێ ببەخشێتەوە. نزا دەکەم ڕۆژێک بێت تەواوی ئەم دووری و ئازارە کۆتایی بێت، چونکە بێ تۆ مانەوە تەنها مردنێکی هێواشە کە کەس هەستی پێ ناکات، من لێرە بە دیار دوعایەکەوە دەسوتێم کە ناوی تۆی تێدایە و کەس ناوزەدی ناکات، تەنها تەمەنا دەکەم خودا لەو ئیمانەی بە دایکمی دەبەخشێت، بەشێکی گەڕانەوەی تۆ بێت بۆ من، چونکە من بێ تۆ ونبووم و هیچ ڕێگەیەک نایەتەوە سەر سەرەتای خۆشییەکانم. شەوانە کاتێک تەنیایی باڵ بەسەر کۆڵان و شەقامەکاندا دەکێشێت، کاتێک تەواوی شار دەخەوێت و تەنها من و خەمەکانت بەخەبەر دەمێنینەوە، زیاتر لە هەمیشە هەست بەو بۆشاییە گەورەیە دەکەم کە لە دوای خۆت لە ناخما جێتهێشتووە. چەندە سەختە مرۆڤ لە ناو دڵسۆزترین دوعای ژیانیدا، دوای مەحاڵترین ئاواتی خۆی بگەڕێت و نەگات. من هەموو ڕۆژێک لەگەڵ هەڵاتنی خۆردا خەمەکانم نوێ دەکەمەوە و لەگەڵ ئاوابوونیدا حەسارەتەکانم دەژمێرم. تۆ ڕۆشتیت و نەتبینی چۆن لە دوای تۆ تەواوی عەشق و باوەڕم بە بەختەوەری بوو بە خۆڵەمێش. ئێستاش تەنها هیوام ئەوەیە کە دەنگی پاکی دایکم بگاتە جێگەیەک، کە تێیدا خودا سەیری دڵە شکاوەکەی من بکات و بزانێت تاکە ئیمانێک کە ڕۆحی منی پێوە بەندە، گەڕانەوەی تۆیە بۆ ناو ژیانم، بۆیە هەمیشە کاتێک دایکم دەڵێت "ئیمانمان پێ بدە"، منیش لە قووڵایی دڵمەوە دەڵێم ئامین، بەڵکو خودا بەو دوعایە تۆم پێ ببەخشێتەوە... 💔

#koya "دوای ئەو هەموو مانگ و ساڵە لە بێدەنگی و ونبوون، دوای ئەوەی منت لە نێو زریانەکانی تەنیایی، غەریبی و وێرانەیدا بەبێ هیچ هۆکارێک، بەبێ چرکەیەک بەزەیی و بێ ئەوەی بیر لە ناخی من بکەیتەوە جێهێشت و ڕۆشتی، ئێستا زۆر بە ساردی، بێباکی و بێشەرمییەوە، وەک ئەوەی چرکەیەک پێش ئێستا بێت و چاکەیەکت بەسەردا کردبم، نامە دەنێریت و زۆر بە ئاسانی دەڵێیت 'با کەمێک قسە بکەین'؟ تۆ چۆن دەتوانیت ناخت هێندە بەردین و بێهەست بێت؟ چۆن دەتوانیت وا بیربکەیتەوە کە دڵ و هەست و ژیانی من وەک کاتژمێرێک یان کایەکلێیەک وایە کە هەر کاتێک خۆت ویستت و تاقەتی ڕۆشتنت هەبوو بیوەستێنیت، و هەر کاتێکیش لە تەنیایی و سەردەمە ساردەکانی خۆتدا بێزار بوویت، پێت خۆش بێت بە ئارەزووی خۆت دووبارە بیخەیتەوە کار و یاری بە هەستەکانم بکەیتەوە؟ کاتێک ڕۆشتی، تۆ تەنها دڵمت نەشکاند، تۆ هەموو کەرامەت، متمانە، پاکی و خەونە گەورەکانی ناخمت لەت و پەت کرد؛ هەموو شتێکت هێنا و لە زەویتدا، وردوخاشت کرد و تەنانەت ئاوڕێکی کورتیشت بۆ دواوە نەدایەوە تا بزانیت لە دوای ئەو کۆچە ناڕەوا و بێدەنگەت، مرۆڤێکی زیندووت لە دواوە جێهێشتووە یان جەستەیەکی ماندوو، شەکەت و بێ ڕۆح کە تەنها هەناسەیەکی سارد و پڕ لە داخی حەسرەت هەڵدەکێشێت. لەو ڕۆژە سەخت، سارد و تاریکانەی ژیانم کە تەنیایی خەریک بوو دەیخنکاندم و هەناسەمی لە ناخمدا دەبڕی، لەو شەوانەی کە لە داخی بێوەفایی، بێباکی و بێڕەحمبوونی تۆ فرمێسکەکانم ڕێگەی چاویان لێبڕیبووم و ئازاری ناخم وەک ئاگرێکی گەورە تەواوی بوونم و یادگارییەکانمی دەکرد بە سووتماک، من تەنها و تەنها پێویستم بە یەک نامەی کورت، یەک وشەی سادەی پڕ لە سۆز، یان تەنها چرکەیەک بیستنی دەنگت بوو بۆ ئەوەی دووبارە بژێمەوە و هیوام بەم ژیانە بێتەوە، بەڵام تۆ لە کوێ بوویت؟ تۆ لەو کاتانەدا خەریکی کەیف و سەفای خۆت بوویت، لە ناو کاتە خۆشەکانتدا نوقم ببوویت و منت بەتەواوی لە بیر چووبووەوە، ئێستاش لەپڕێکدا وا ڕەفتار دەکەیت و دەگەڕێیتەوە وەک ئەوەی چەند خولەکێک بێت لە دەرگاکە چووبیتیتە دەرەوە و هیچ ڕووی نەدابێت. ئێستا لە دوای ئەم هەموو سەرگەردانی و وێرانکارییە گەڕاویتەتەوە و دەتەوێت دابنیشین و باسی چی بکەین؟ باسی کام ڕابردوو؟ باسی ئەو برینە قووڵ، بێبن و بێدەرمانانەی کە خۆت بە دەستی خۆت لە ناخما کێشاتن و بە برینداری بەجێت هێشتن؟ باسی ئەو هەموو ئازار, گریان و شکانە بێدەنگانە بکەین کە شەوانە تا سپیدەی بەیانی بە تەنیا لەگەڵیاندا دەجەنگام و کەس لەم جیھانەدا ئاگای لە حاڵی شێواوم نەبوو؟ قسەکردن کاتێک بەها، مانا و گرنگییەکی ڕاستەقینەی هەبوو کە من بە هیوای چرکەیەک بینین یان بیستنی دەنگتەوە ڕۆژم دەکردەوە و ئامادە بووم تەواوی تەمەن و لاوێتی و ژیانم پێشکەش بە تۆ و چاوەکانت بکەم، نەک ئێستا کە لە دوای ڕۆشتنی بێبەزەییانەی تۆوە، بە خوێن، فرمێسک و ئازاری ناخی خۆم فێربووم چۆن لەگەڵ تەنیایی و برینەکانمدا ڕابێم و بە تەنیا، بێباکانە و بەبێ بوونی چرکەیەک لە تۆ، شەڕی ئەم ژیانە تاڵ و بێڕەحمە بکەم. ئەو دڵەی کە خۆت بە دەستی خۆت هێنات، وردت کرد، ڕاتەکاند و هێناتە سەر چۆک، بە نامەیەکی کتوپڕی بێمانا و تەلەفۆنێکی درەنگوەختی پڕ لە پەشیمانی و سەرگەردانی، سەرلەنوێ چاک نابێتەوە و هەرگیز و هیچ کاتێک ناگەڕێتەوە باری جاران. گەڕانەوەی ئێستات تەنها خوێ دەکات بەسەر brینە کۆنەکانمدا و دووبارە ئەو هاوار، گریان و ئێشانە لە ناخما زیندوو دەکاتەوە کە بە زەحمەتێکی زۆر، بە کێشانی دەردێکی کوشندە و بە تێپەڕبوونی کات کپیانم کردبوو. هیچ قسەیەک، هیچ ڕوونکردنەوەیەک و هیچ عوزرخوازێک نەماوە لە نێوانماندا کە شایەنی گوتن یان بیستن بێت؛ چونکە نە تۆ دەتوانیت ئەو هەموو ئازار، ڕابردووە تاڵ، ڕەش و وێرانەی من کەم بکەیتەوە، و نە منیش چیتر ئەو مرۆڤە سادە، دڵسۆز و سۆزدارەم کە بە بینینی ناوەکەت لەسەر شاشەی تەلەفۆنەکەم دڵم بلەرزێت و بە هۆکارێکی بێمانا هەموو شتێکم لەبەر چاو ون بێت. تۆ تەنها لاپەڕەیەکی سوتاو، خۆڵەمێشبوو و مێژوویەکی بەجێماوی لە ژیانی مندا، منیش لەسەر خۆڵەمێشی ئەو دڵە شکاو و وێرانبووەمدا، هێزێکی وام بۆ ناخی خۆم دروستکردووە کە چیتر هیچ بایەک ناتوانێت بمشەکێنێتەوە، و بە قووڵی فێربووم چۆن بە سەربەرزی، بە تەنیا و بەبێ هیچ پێویستییەک بە تۆ، بە گەڕانەوەت و بە نامە درۆینەکانت بژیم و کۆتایی بەم چیرۆکە بهێنم.”💔🙇🏻

ئەوەی دڵ دەشکێنێت، ڕۆیشتن نییە… ئەوەی دڵ دەشکێنێت، ئەو بێدەنگییەیە کە دوای ڕۆیشتن دەمێنێتەوە. ئەو ساتانەی کە دڵ بە خۆی دەڵێت: «ئەگەر جارێکی تر ببینمەوە، هیچ ناڵێم… تەنها دڵنیام دەبێتەوە کە هێشتا لەو جیهانەدا هەناسە دەکێشێت.» لە هەموو ژیاندا، ڕەنگە مرۆڤ تەنها جارێک بە تەواوی خۆشبوێت. دوای ئەوە، هەرچی هەیە هەوڵە بۆ ئەوەی لە خۆشەویستی بچێت، نەک خۆشەویستییەکی نوێ. لەوانەیە هەندێک کەس هەرگیز نەزانن چەند شوێنیان لە ڕۆحی کەسێکدا جێهێشتووە. تەنها دەڕۆن، بێ ئەوەی بزانن دوای خۆیان مرۆڤێک جێدەهێڵن کە لە هەموو وەرزێکدا، لە هەموو گۆرانییەکدا، لە هەموو بارانێکدا، هەست بە کەمی شتێک دەکات کە ناوی نییە. ڕەنگە خۆشەویستی هەر ئەوە بێت؛ نە گەیشتن، نە مانەوە… تەنها مرۆڤێک کە بێ ئەوەی بزانێت، دەبێتە هۆی ئەوەی دڵێکی تر هەرگیز وەک پێشتر نەبێت. ڕۆح

لەوانەیە هەندێک مرۆڤ بۆ ئەوە نەهاتبن کە هی یەکتر بن؛ تەنها هاتبن بۆ ئەوەی مانای خۆشەویستی بگۆڕن. چونکە هەندێک دیدار، تەمەنی خۆی بە چرکە دەژمێرێت، بەڵام ئاکامی بە ساڵ. چەند سەیرە… کات هەموو شتێک کۆن دەکات، جگە لە هەندێک یاد. ئەوان وەک بۆنی بارانی یەکەم لەسەر خاک، هەر جارێک دەگەڕێنەوە و ئەو بەشەی دڵ بیدار دەکەنەوە کە وا دەزانرا ساڵانە خەوتووە. کات فێری زۆر شتم کرد؛ فێری بێدەنگی، فێری جیابوونەوە، فێری ژیان… بەڵام هێشتا نەیفێرکردم چۆن دڵ لە یادێک ئازاد بێت کە هەرگیز داوای مانەوەی نەکرد، بەڵام هەرگیزیش نەڕۆیشت. ڕەنگە هەندێک خۆشەویستی بۆ ئەوە نەبن کە بە یەکبوون کۆتاییان بێت؛ ڕەنگە تەنها بۆ ئەوە بن کە مرۆڤ بزانێت دڵیش دەتوانێت وەک شووشە بشکێت، بێ ئەوەی دەنگێک لێی بێتە دەرەوە.

ڕەنگە ڕۆژێکی ناخۆشت بەڕێ کردبێت؛ ڕەنگە زۆر ماندوو ببیت، ڕەنگە ئەمڕۆ دڵت شکا بێت… بەڵام بیرت بێت، سبەینێ هەیە و ڕۆژانێکی تر چاوەڕوانتن. هیوا بەسەر هەموو ڕۆژەکانی ژیانتدا دابەش کراوە. دڵخۆش بە و پێکەنینە جوانەکەت بپارێزە. زانیت؟ زۆرجار ژیان پێش ئەوەی ئەوەی ئارەزووی دەکەیت پێت ببەخشێت، ئارامی و ئازایەتیی دڵت تاقی دەکاتەوە. هەندێک شت دواکەوتن، نەک ڕەتکردنەوەیە. هەندێک دەرگا دادەخرێن، تەنها بۆ ئەوەی دەرگایەکی باشتر بکرێتەوە. ئەگەر ئەمڕۆ هەست دەکەیت هەموو شتێک لەدەست چووە، ئەوا تەنها ئەوەی لەدەستت چووە ئەوەیە کە خودا نەیدەویست هەمیشە هی تۆ بێت. ئەوەی بۆ تۆ نووسراوە، نە کات دەتوانێت لێت دووربخاتەوە، نە مرۆڤ، نە هیچ هێزێکی دیکە. لە هەموو ئەو شەوانەی بە فرمێسک خەوتویت، خودا گوێی لە بێدەنگی دڵت بووە. لە هەموو ئەو ڕۆژانەی وا هەستت کردووە تەنهایت، ئەو لەگەڵت بووە. ئەگەر هەندێک وەڵام درەنگ هاتوون، ئەوە بۆ ئەوەیە کە کاتی گونجاویان هێشتا نەهاتووە. جا خۆت بە هیچ تێکشکانێک مەپێوە. تۆ بەو برینانە ناسرێیت کە هەتە، بەڵکو بەو هێزە ناسرێیت کە دوای هەر کەوتنێک هەستاویتەوە. هەر زخمێک وانەیەکە، هەر فرمێسکێک نوێژێکی بێدەنگە و هەر ئازارێک، پێشەکییەکی خۆشگوزەرانییەکە کە دێت. پشت بە خودا ببەستە، باوەڕت بە خۆت هەبێت و هەرگیز خەونەکانت لەبیر مەکە. چونکە ڕۆژێک دێت کە لە شوێنێک دادەنیشیت، بە ئارامی پێدەکەنیت و دەڵێیت: «سوپاس خودایە… ئەگەر ئەو ڕێگایانەم نەبڕیبا، هەرگیز بە ئێرە نەدەگەیشتم.» ئەو ڕۆژە دێت… شاید نە ئەمڕۆ، شاید نە سبەی، بەڵام دێت. بۆیە تا ئەو کاتە، هیوات بپارێزە، دڵت بپارێزە و باوەڕت بپارێزە. چونکە جوانترین چیرۆکەکان، هەمیشە دوای قورس‌ترین بەشەکانیان دەست پێدەکەن. ڕۆح