Romitan tumani Axborot-kutubxona markazi

#Mustaqillikning_35_yilligi #Shukronalik #Dolzarb_90_kun #Axborotkutubxonamarkazi #siyosiy_maʼrifat_soati #31_son 📚Siyosiy_ma’rifat soati ⏺️Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim qilinadi. "Siyosiy-maʼrifat soati"da Axborot - kutubxona markazi mutaxassislari ishtirok etishdi.                           14.08.2026-yil Romitan tumani axborot-kutubxona markazi

📚📚 📚 Kitob tavsiyasi 🌿“Baxt kaliti haqida rivoyat” insonning haqiqiy baxtni qayerdan topishi haqida hikoya qiladi. Rivoyatda bir savdogar o‘z o‘g‘lini dunyodagi eng buyuk donishmand huzuriga yuboradi. Yigitning vazifasi — baxtning sirini, ya’ni insonni chinakam baxtli qiladigan narsani bilib kelish. Uzoq yo‘l bosib, donishmandning huzuriga yetib kelgan yigit kutilmagan saboqqa duch keladi. Asar inson baxtni uzoqdan, katta boylik yoki g‘ayrioddiy mo‘jizalardan emas, balki o‘z hayotidagi oddiy narsalarni qadrlash, mas’uliyat, mehr va to‘g‘ri tanlovlardan topishini anglatadi. 💡 Asarning asosiy g‘oyasi Kitob o‘quvchini: hayotdagi ne’matlarni qadrlashga; o‘z orzulari sari intilishga; mas’uliyatli bo‘lishga; baxtni tashqaridan emas, o‘z qalbidan izlashga; hayotning kichik quvonchlarini ko‘ra bilishga chorlaydi. Romitan tumani Axborot-kutubxona markazi

#Mustaqillikning_35_yilligi #Shukronalik #Dolzarb_90_kun #Madaniyatlararo_muloqot_va_intellektual_salohiyat_kuni #Yoshlar_kuni ⌛⌛⌛ “Mustaqillikning 35 yilligi – “Yangi O‘zbekiston yoshlari nigohida” shiori ostida “Yoshlar kuni” munosabati bilan  yoshlarda shukronalik va vatanparvarlik tuyg‘usini yuksaltirish, yoshlar tomonidan kitobxonlikni rivojlantirish, mutolaaga qiziqishini oshirish va  keng targ‘ib qilish maqsadida 2026- yil 13-avgust  kuni Romitan tuman Axborot-kutubxona markazi yoshlari va  mutaxassislari tomonidan “Xotira va istirohat bog‘i” da tashkil etilgan kutubxonada “Madaniyatlararo muloqot va intellektual salohiyat kuni” mavzusida    ma’naviy-marifiy tadbir tashkil etildi.    📗📗📗“Madaniyatlararo muloqot va intellektual salohiyat kuni” mavzusiga  oid  adabiyotlarning         taqdimoti o‘tkazildi. 📚📚📚Romitan tuman Axborot-kutubxona markazi

#iqtibos “Xotira juda g‘alati narsa! Go‘yo ichimizda keraksiz narsalar bilan liq to‘la tortmalar bor-u, aslida eng muhim bo‘lgan narsalarni esa birin-ketin unutib boraveramiz.” — H. Murakami "Tun zulmati ortida" kitobidan. 📚 @bookuzbekistan

🇺🇿 #Mustaqilligimizning_35_yilligi 📚 “BOBURNOMA” — TARIX, MA’RIFAT VA MA’NAVIYAT KO‘ZGUSI ✨ Kitob — millat xotirasi, ma’rifat esa kelajak poydevoridir! ⚡️Romitan tuman Ichki ishlar bo‘limi xodimlari hamda Respublika Ma’naviyat va ma’rifat markazi Romitan tuman bo‘linmasi hamkorligida xodimlarning ma’naviy-ma’rifiy dunyoqarashini yuksaltirish, kitobxonlik madaniyatini rivojlantirish hamda buyuk ajdodlarimizning boy ilmiy va ma’naviy merosini keng targ‘ib etish maqsadida “Boburnoma” asari tahliliga bag‘ishlangan davra suhbati tashkil etildi. 📖 Davra suhbatida buyuk davlat arbobi, shoir va mutafakkir Zahiriddin Muhammad Boburning hayoti va ijodiy merosi, uning bebaho asari — “Boburnoma”ning tarixiy va ma’naviy ahamiyati haqida atroflicha fikr yuritildi. 🔹 Asarda aks etgan tarixiy voqealar; 🔹 o‘sha davrning ijtimoiy-siyosiy hayoti; 🔹 xalqning turmush tarzi va urf-odatlari; 🔹 yurt tabiati va madaniyati; 🔹 Boburning vatanparvarlik, jasorat, ilm-ma’rifatga intilish va insonparvarlik kabi yuksak fazilatlari haqida fikr-mulohazalar bildirildi. 💬 Suhbat davomida “Boburnoma”ni o‘qish va o‘rganish orqali ajdodlarimizning hayoti, tariximiz va milliy qadriyatlarimiz haqida yanada chuqurroq bilim olish mumkinligi ta’kidlandi. 🌿 Tadbir samimiy fikr almashinuvi, qiziqarli savol-javoblar va mazmunli munozaralar ruhida o‘tdi. 📚 Ma’naviy merosni o‘rganish — o‘zlikni anglash, tarixni bilish esa kelajakni bunyod etish demakdir! ✍️ Respublika Ma’naviyat va ma’rifat markazi Romitan tuman bo‘linmasi