الكاتبه مَرمر الـ دِليمي .

الكاتبه مَرمر الـ دِليمي . pinned «• موضع عـظم الغـفر • - الكاتبـه مرمر الـدليمي. ══━━✥◈✥━━══ قـبل البدء لُطفًا التصويت والتعليق بين الفقـرات... ══━━✥◈✥━━══ و لا چَنك هَذاك أنت العِرفنِي و سُولَف البيه و گدَر يوصَل غِمج روحِي و يمَاشِيني إعله فَد نِيه و لا چَنك حَبيب الرُوح چَنك مِنجُبر…»

شلون صاير. - تعبان رِســن تعبــان. لميت وجهة بأيدي عيـــوني بعيونة وكتلة - أنطيك من حيلي إذا عوزت حيل ، اسندك بروحــــي إذا تعب الجسد ، انطيك عيوني تشوف بيهم إذا تعبن عيونك من الشوف ، حتى گلبي لو ماتعبــان ومابي ضيم اشيلة وانطي الك ، بـــس أني مثلك ، گلبي هم تعبان بهاي تعذرني. ضل يباوعلي ساكت ميل راســة على ايدي وكال - هنيالي بيچ ، كافي علية ماعايفتني وواكفة وياي رغم المفروض انتِ يم اهلچ ، رسن احبابي صفو ينعدون بالأصابع وانتِ اعز منهم كلهم. ابتسمت بخفة وكتلة بهدوء - شلون اعوفك انتَ عفتني؟ أشر بعيونة لا واني كتلة - شنو لا ليـــش تچذب شهرين عفتني ضليت بوحدي كل يوم اجيك واريدك تكعد وانتَ ماتكعد. - ادبسز انة مو. - لا حشاك. بلعت ريك من دنك وسند راســة على كتفي واني واكفة كبالة جر نفــس قوي وحچه شيبر - تعبـان أريــــد اغفى بحضنچ. رجف گلبي وشكل عندي خفقان كد مايدك سريع رفعت راسة من كتفي شبكت اصابعي بأصابعة ومشيت وهوَ صاير چثه مهدومة منين ماتروح يروح وراك ، وكفت كدام غرفة فلفلة وحچيت رِســن - اول شي طب احچي وي اختك شوية قبل لاتنام واني حروح اعدل الغرفة علمود تنام. باوع للباب مال الغرفة وحچه بغصة شيبر - احبها والله احسها أمي مو اختي. ابتسمت بوجهة وحچيت - تموت عليك ساطرتني سطر بيك. - فدوة اغدي للتراب التدوس علية. هوَ دخل واني طبيت عزلت الغرفة وبدلت ملابسي لميت ملابسة وخليتهم بالغسالة والسجادة لميتها شيبر شكد مر بضروف وتعب بـــس من يجي وقت الصلا يعوف كلشي ويصلي حتة لو تعبان وهذا اكثر شي يعجبني بي ضليت احچي وي ياقوت واسألها على صحتها الحد ما انفتح الباب ودخل شيبر ، عدلت كعدتي وتربعت اشرتلة تعال وهوَ هز راســة ذب تشيرتة واجه حط راسة على رجلي ذبيت نفــس اباوعلة شسويت بية شيبر شسويت؟ ليـــش من اشوفك گلبي عبالك داخل سباق وينبض بقوة ، ليـــش من اشوفك تعبان اتعب ، ليـــش من تفرح افرح ، ليـــش من تبتعد النفــس ينكطع عندي؟ مديت ايدي بفروة راســـة احركها بهدوء رِســن - أنتَ مامقصر وياي ابد ، انتَ وجودك وسندك الي بضروفي الصعبة ، من وكعت وحچيت وياي قبل لايغمى عليك وكتلي اعذريني خاف قصرت وياچ صار الوجع وجعين علية ليـــش تحچي هيچ. رد وهوَ مغمض - أنة اشوفن نفسي مكصر وياچ ، أنتِ هم عرمة بس ماتستاهلين تعيشين وي بيت جصان انة كتلچ اعذريني عبن من ردتي فزعتي علمود ترتاحين اجيت وجبتج الضيم ثاني تحملني صَفية وسَعد حتة انة وياچ صارت بيناتنا مشاكل بسببهم. رِســن - ابو الفصول أنتَ صاير عندك احساس برو ماكس. - متغير ؟ - صاير حباب. - بـــس وياچ. - ليــش بـــس وياي. - عبن أبو الفصول عاشگ جسرتة شلون مايصير حباب وياها. رجف گلبي واني اسمع كلامة ، وكفت ايدي الي چانت تداعب شعرة فتح عيونة وباوع بوجهي واني ساكتة بـــس اباوعلة همس وهوَ عينة بعيني شيبر - مسطور بيچ رِســن ، دايخ بيچ وكفيل ام عون يا احلا دوخــة راس طفل گلبي وانتِ أمة هيچ متعلق گلبي بيچ هيچ مايكدر يفاركج ...يتبــــــع ★ ‏أحَبك يَا سمَار ألگاع وقَت ألگيض شَفت غَيرك ذهَب بس گلبي ما رادَة وأذا نتلاگه صَدفة وتَبتسم ويَاي أرد مَثل أليزور وحَصل مرادهَموَش أنا أليحبك يـوم لـو يوَمين أنا ألمجروح گلبة ورادك ضمَاده . قناة التلي للتغشوشات ← sanoo783 حساب الانستا للتغشوشات← 7mr.pn التيك تـوك ← 7mr.pn الباقِياتُ الصَّالِحاتُ: -سُبحــانَ الله -الحمــــدُ لله -لا إلهَ إلا الله -اللهُ أكبـــر -لا حَول ولا قوة إلا بالله -سُبحــان الله العَظيــم -سُبحــان الله وبِحَمـده -أستَغفِــر الله وأتوبُ إليه -اللهُمَّ صلِ علّى مُحمد وآل مُحمد دُمتم في امان الله ســـالمين 🤍.

هز راســة وكال - المقلوبة اليوم طيبة ، إذا بعد مرة ردتي تشكريني سويلي مقلوبة. دنكت راسي وابتسمت - لازم اسويلك بكد جدر الحسين يلا يوصل الشكر. - هيچ استحق الشكر؟ - اكثر والله ، ماقصرت ابد وياي ربي يحفضك ان شاء الله ويخليك سند الوالدتك. - والچ بالمثل يارب ، اشتغلي واتعبي علمود تجيبين امچ يمچ. - ان شاء الله. طلع هوَ واني ضليت افتر بالشقة مأثثه وكاملة ، رتبت اغراضي بالكنتور كعدت كدام البلكونة وهمست بيني وبين نفسي ياقوت - والله لأرجع شوفتي بعيونك حلم ياوضاح ، الله ينتقم منك ومن فلاح ومن سمير الله يشوفني بيكم الشفتة منكم امين. استمرت الأيام اني اطلع للشغل ومن ارجع لو احچي وي رِســن لو وي ام رضا ، مرات تجي علية ونطلع سوة ومرات اني اروح الها ، رضا ابد مامقصر من ناحيتي دائمًا يجي يجيب مسواك شكد استحي واحلف اله ما محتاجة بـــس ميقتنع ، مكان شغلي الحــمدلله زين والمديرة تخبل وحبابة ، صح كل يوم بليل اتذكر اهلي واضل ابچي بـــس هذا مايمنع انو هم أذوني ولا واحد منهم وكف ويإي الكُل اختار يبقى ساكت بـــس علمود مصلحتهم ، مرت شهرين واني بأربيل وبيوم دا اتصفح بالتليفون وشفت حساب باقر اخوية كدامي ... رِســن ... خلصت الفاتحه وخلصت السبعة مال الشيخ وديع ، كلارا حيل تعبانة وذبلانة والحد هسة بيها خوفة من الي شافتة بالفاتحه مال الشيخ من كامت ترجف وتباوع للباب رِســن - شبيچ فلفلة ! ايدها تختض بخوف متمتت بخوف كلارا - صَ صَفية ، ه هاا هااي صَفية . درت وجهي اباوع للباب ماكو احد درت عيني عليها هيلة - ماكو احد شبيچ فلوة؟ كلارا - هااااي كداامي شنووو ماكو احد. فتحت كاسة المي حطيت بأيدي وشرمتة على وجهها فزت وغمضت عيونها من برودة المي فتحت تباوع عكدت حاجبها وكالت كلارا - راحت. رِســن - هية اصلًا ماكو بـــس انتِ تتخيلين. كلارا - شنو اتخيل يعني اني مسودنة؟!! غَسـق - لاحبيبتي ماتقصد هيچ بـــس لان تعبانة انتِ تتخيلين. ومن ذاك اليوم كلارا كلساع وكالت اتخيل صَفية كدامي وساعة تكول اتخيل سعد كدامي ، الكُل تعبان مو بـــس كلارا والكُل وحزين على فقد الشيخ الچان اب للكل ومن ضمنهم اني ، صَفية معدية سلامات بـــس باقية بالمستشفى والعصابة الي رايدة تهرب صَفية معترفة عليها هيَ رئيستهم ، الكُل راح للبيت الچبير إلا شيبر حسب ما سمعتة كايل شيبر - ما اطب البيت الچانت كاعدة بي چتالة ابوي. بقيت ببيت الشيخ مارحت وكلارا وياي وعمها وليد ، شيبر ما اشوفة هوايَ بالبداية لان چانت فاتحة وهوسة وهماتين كلساع يروح هادود يريد يكتل صَفية وباسل وجعفر يلزمونة متت قهر واني اشوف وضعة يدخل يسبح ويبدل ملابس سود ويطلع ماشايفينة ابد حتى كلارا اختة ماكاعدة وياه ومن يجي لو احنة نايمين لو هوَ ينام ... بيوم دخل واحنة كاعدين بالمطبخ ناكل اني وفلفلة وليد رجع البيتة يجيب غراضة يريد يستقر هنا ، شيبر حتى ما باوع علينة دار وجهة يغسل اباوعلة تعبااان حيل وعيونة محاوطهن سواد دامس وجهة اسمررر حيل صاير ملامح تعب بوجهة مكبرتة الف سنة كدام ، دار وجهة باوع النة بلع ريك يباوع الفلفلة وهية نزلت راسها منة والدموع لمعت بعينها كالها بحدة شيبر - شمالج انتِ ؟ استغربت من نبرتة وهوَ يحچي وياها ضايج وهية كالتلة مستغربة كلارا - شمالني؟ - أنة ياهو؟ - شبل اقصد شيبر . - شكربلج؟ همست بغصـة عيونها علي - أخــوي. رد عليها مستهضم يعاتبها شيبر - چا ليـــش تخافين مني وماتييني؟ فتحت عيونها وردت علية - اني اخاف منك ! لا والله. - چا شمالج تستحين؟ - إي والله ، شيبر اني ما اخاف منك ليـــش تسوي هيچ والله احبك ما اكرهك انتَ اخوي. كامت تبچي وهوَ فتح الها ايدة عافت البأيدها وراحتلة تركض حضنته حضنها حيل ملامحة نكلبت بحزن يعاند روحة مايريد يبچي بـــس ماتحمل ضم وجهة بچتفها وبچـه بصوت عالي شيبر - أخت اخوها السبعة الصبرت وتحملت ياريحـــة امي فلفلة ياعزيزة ابوي. ضلو يبچون ثنينهم درت وجهي منهم عابت إي والله ألا يبچوني وياهم ، مسحت عيـــوني وهمَ ضلو متحاضنين يبچون بالربع ساعة همة على نفس الوضع ابتعد منها شيبر يمسح بوجهة وكالها شيبر - لاتبچين ممنوع تبچين بعد وأنة يمچ انة اخوج أنة ابچي ببدالچ يو ردتي تبچين. ضحكت ومسحت دموعها فرحانة ايدها ترجف - ما ابچي ما ابچي. كمت غسلت وجهي وحچيت بـــس مبين بصوتي مختنگة واريد ابچي رِســن - اكعد شيبر خل اصبلك اكل. شيبر - ما أريــــد. باوعت الفلفلة ورجعت باوعتلة وهيَ مسحت وجهها وطلعت من المطبخ ، نشفت ادياتي بالتشيرت مالتي وكفت كدامة رفعت راسي اباوع بعيونة وحچيت رِســن - شبيك شيبر؟ ليـــش هيچ جاي تسوي بروحك اليوم كلة لو تاكل وجبة وحدة لو لا ، المات الله يرحمة والعيشوك بچذبة الله جازاهم سعد انذبح مثل ابوك وصَفية تنحكم أذا چان اليوم لو باچر لابُد ، إذا انتَ متريد روحك فكر بأختك شوفها شلون تفرح من تحچي وياها كلمة شوفها شلون طايرة للسما بيك لان انتَ اخوها ، ليـــش هيچ دتسوي عفية شوف وجهك

ام رضا - بدل بين ما اصب. هز راسـة وهيَ مشت للمطبخ مشيت وراها صبينة اكل وهوَ طلع من الحمام ياقوت - حتى فضل الصلاة راح. سكت ما رد علية وأمة همست - مايصلي. - ياا. - والله يكطع شلع گلبي هاي اخر مرة صلة يمكن من 5 اشهر. - الله يهدي ان شاءالله. كعدنا بالغرفة رضا صنينة بوحدة واحنة بوحدنا ، وهوَ ياكل كال رضا - خوية هم الچ اخبار شبل؟ ياقوت - لأ حتى مرتة صار يومين هية ماكو ، مساع دزيتلها من اخلص اشوفهــــا رادة لو لا. هز راسة وكمل اكل حچت امة - عمت عيني يشبل يايمة شلوون وليد الله يحفظة الشبابة. ياقوت - تعرفينة؟ - يايمة غير وليدي شلون ما اعرفة. - مرتة بعد احبب منة بس هية شوية عصبية. - هههه ادري بيها چان يسولفلي عليها من يجي الاربيل يمر علية ، يحبها دوم يسولف بيها. - هية رِســن تنحب. - إي والله وررد من اخدها وررد. - الله يحفضهم ان شاءالله ويشافي. كمت على صوت اتصال تليفوني من شفتها رسن بسرعة رديت عليها ياقوت - هاا رسن وينج مختفية گلبي وكع عليچ. ردت بصوت تعبان - هلاو يويو والله ما ادري بتليفوني جد شيبر توفة وفاتحه وهوسة تعرفين بعد. - يااا خطية ربي يرحمة من شــوكت وزوجج صحة لو بعدة؟ - إي صحة واختة طلعت عايشة ومنا صَفية كتلت جدة ونوب هية الكاتلة ابو الشعلة مشتعلة يمه رجلي هاي باچر السبعة مال الشيخ واني ماشايفته. - يمة عززة بعين صَفية إي والله هسة وينها. - شكد تسألين الخاطر ربچ ، انتِ وين ؟ مرتاحة؟ كملتي الأقامة ، اهلچ جايين سائلين امير عليچ. - ببيت صاحب باسل ، لا الحــمدلله زينة مرتاحة حبابين بـــس رِســن استحي ابقة يمهم أريــــد اروح وابنهم يكلي انتِ امانة باسل ضلي بلبيت. - ضلي بين ما احاجي باسل خل تفض هسة. - يلا اخذي راحتچ بعدين احاجيج. سديتة منها ورجعت يمهم كالت ام رضا - هاا يمة هاي مرت شبل؟ - إي مرتة الحــمدلله خلصت الغيبوبة وكعد بـــس جدة متوفي خطية وملتهين. رفع راسه رضا مقهور وكال - انا لله وانا اليهِ راجعون ، الحــمدلله على سلامتة. ام رضا - الله يرحمة نروح رضا مو. رضا - هوَ شــوكت توفة؟ ياقوت - تكول باچر السبعة. - ياقوت وين تضل يوم؟ انتِ ضلي وأني اروح. ياقوت - لا عادي روحو اني هسة اخلص واطلع اشوف شغل وهماتين اكعد بشقة ، والله انتم على عيني وراسي بـــس اني ما اكدر اكعد يمكم. ام رضا - شلون تحچين هيچ يمة البيت بيتچ. - ادري والله العظيم وشكرًا الكم ماقصرتوا بـــس اني من اول ما اجيت عبالي اكعد بشقة بـــس بعد ما اندليت وباسل اتصل على رضا. رضا - براحتچ انتِ بـــس شــوكت ماتردين تجين للبيت هلا بيچ واي شي تحتاجي اتصلي علية. - ربي يحفظكم تسلمون. كمل رضا اكل واخذني ندور مَكان اكعد بـــي والحمدالله لكينا شقة بمُكان مرتب وكدامة يصير محل " كوفي شوب " باوعت الرضا وكتلة ياقوت - نروح نسأل ابو المحل اذا محتاج عمال؟ بلكت إي علمود كبال الشقة مالتي. رضا - بالبداية استقري. - حتة لو ماكعدت هنا المحل قريب ع بيتكم خل نروح نشوفة. هز راسة ومشة كدامي تذكرت اول مرة من اجة ياخذني واني كمت اخاف منة لان لازم كلنس بأيدة ، دخل للكوفي وبوجهة للمُدير ابتسمت من طلعت بنية رضا - السلام عليكم. - وعليكم اهلًا وسهلًا . - محتاجين عامل يشتغل يمكم؟ باوعت علية ورجعت باوعتلي وكالتلة - الك لو للبنية. - الها. ابتسمت وكالت - محتاجين عاملين أحنة ، ماكو مشكلة ثنينكم تشتغلون عدنا. حط ايدة على صدرة يتشكرها وكال - شكرًا الچ أني صاحب كوفي الـ* صاير يم المعرض مالـ ** ، بـــس الكوفي فقط تدخلة شباب لذلك ردت كوفي مُختلط للبنية. - أها كُل الهلا تشرفت بيك ، تكدر من باچر البنية تشتغل ويانة وتدلل. ياقوت - تمام شكرًا. - شرفتوني. طلعنة من المحل الحــمدلله هسة الشغل تم باقي بس الشقة ، باوعت الرضا وحچيت - شكد حبابة البنية. - انتِ؟ - لا البنية ام الكوفي. - اها إي ، خل اشوف ابو العمارة هسة. تمشة للعمارة كدام المحل اخذ رقمة من المؤجرين واتصل علية سدة منة وماكو عشر دقايق واجة صاحب العمارة اتفق وياه رضا ونزل من السعر سلمني المفتاح وراح دخلنا للعمارة الشقه مالتي صايرة بالطابق الرابع شفناها حلوة ومرتبة مابيها شي سديتها ورجعت وي رضا اجيب كم غرض الي من بيتهم وارجع ، اخذتهم وسلمت على ام رضا الي حضنتني - والله تعودت عليچ ليـــش ترحين مو مالية علية البيت. - هههه والله اني هم تعودت عليج ماقصرتي بعدين اني وين رايحة ترا هياتني قريبة عليچ كل متشتاقين تعاليلي. - ان شاء الله بحفظ الرحمان بنيتي. طلعت منها واني دمعتي بعيني هاي المرة شكد حبابة ، وصلني رضا للعمارة شال جنطتي ووصلني كالي قبل لايروح رضا - اذا احتاجيتي شي اتصلي علية امانة الله عليچ ، وإذا احد تعرضلج هماتين اتصلي علية لاتستحين مني. هزيت راسي إي مشة يريد يطلع واني كتلة - رضــا. اندار علية وكال بهدوء - هــا يابة. - شكرًا ماقصرت.

رديت بسرعه مستحيه منه وهـوه لازم الكرسي وحاطه يمي ياقوت - لا لا خويه انـتَ اگعد. رضا - من يمته الزلم تگعد والنسوان توكف. ترددت شوي وگعــدت الحد وهوَ واكف جاب كرسي ثاني وكعد كدامي حچة بهدوء رضا - مطولة هنا؟ - شتكول انتَ واني جاية اسوي اقامة؟ لو ما مطولة اسوي ؟ - ليـــش وحدچ؟ استغربت ابن عم رسن ما حاچيلة تحمحمت ورديت - احسن ، مرات الموجودين هواي بـــس محد يفهمك بيهم. - ماعندچ اب ام اخ ؟ ماتشتاقين؟ لمعت عيـــوني بقهر من جاب طاري ابوية نزلت راسي وحچيت مختنگة - أبوية توفى الله يرحمة ، وأمي مريضــة مشلولة ، وأخوان عندي هواي. جريت نفــس متحسرة من تذكرت باقر شلونة هسة؟ كرهني لان شردت؟ دافع الي كدامهم؟ رضا - لعد ليـــش عفتي امچ. ياقوت - ماعفت احد اني ، اني من شفت المكان البي ما مرحب بية بي اجيت هنا وأمي تمر فترة واجيبها يمي. - أنتِ شاردة بـــس منين؟ رفعت عيوني أله وحچيت - شردت احسن ما اضلم نفسي وي ناس ماتفتهمني واهم شي ترضي روحهـا ، اني ماشردت من اهلي شردت من الشخص الجبروني علية. فتح عيونة ودار وجهة يباوع البعيد - انتِ متزوجه ؟! هزيت راسي ورديت - إي . - من شــوكت ! ابتسمت وحچيت بستهراء دموعي ترست عيـــوني - تصدك إذا اكلك ورة وفاة ابوية بسبوع أني عقدت ؟ ولو ماعقدت ماچان كدرت اروح للفاتحه مال ابوية ولا چنت اكدر حته اشوف قبرة. نزل راســة وحچة بقهر - لا حول ولا قوة ألا بالله العلي العظيم. مسحت دموعي وهوَ كال بهدوء - لاتبچين الله عليچ ، أمي اعتبريها امچ وأني اعتبريني اخوچ واكثر انطيچ ماي عيني. - تسلم ماتقصر. ضلينة ننتظر  هواايَ يلا صاحو اسمي ولازم احد يكفلني وبدون تردد رضا وقع على كفالتي تشكرتة ومن طلعنة حچيت ويا رضا - أريد شقـه حلوه هنا وقريبه دليني عفية ولو تعبتك اليوم. حچــه بهدوء حاط ايديه بجيوبه وعينة بالكاع - ضلي يمنه محد بالبيت. فكيت عيوني مصدومه وهـوه ابتسم نص أبتسامه طالع قبلي بره المكان وانـه طلعت وراه حچيت بجديـــه - اريـد شقه رضا حته لو محد ببيتكم. - بيتنه فارغ متروس غرف. ياقوت - ماگــدر ولله. رضا- لاتناقشيني ياقوت باسل مأمنچ يمي يعني تضلين گدام عيوني وهم امي وحشة عليها وحدها ابقي يمها وإذا وجودي يضايقج اجي اشوف امي وانتِ نايمة واطلع. اتنهدت بتعب وهوه گعدني بمكـان جلوس وراح يجيب النـه كم شغلة علمود نرجع للبيت مالهم عقلي كام يخبط اني اذا اجرت منيلي فلوس ايجار يجوز هسة عندي بعد منين اجيب؟ ومن جهة ثانية افكر شكد عيب ابقة ببيت رضا وهوَ ينحرم منة مسحت وجهي لا مو هيچ لازم احچي وياه بـــس خل ارجع للبيت وافكر عدل ، اباوع للطريف منتظرتة كمت من مكاني ادور علية بَـس بالغلط تهيت بالمكان ماعرف وين اروح صارت الدمعه بطرف عيني الا شوي ابچي حتة المكان الكمت منة مدري وين راح وگفـت بنص الشارع العام الدمعه بطرف عيني افترحوالين نفسي احس دخت ماجاي اعرف وين اروح تيهت حتى المكان الچنت گــاعده بي فزيت على صوت هورن سياره عالي غطيت عيوني بقوه خايفــه ماحس الا انجريت مـن ايدي صرخت خايفه شخص لزمني نتر بيـه بعصبيه - لييش كمتي من كاانج خيتي! كمت ابچي خايفه مـن الصار وياي خفت اضيع ومحد اعرفة هنا سكت زفر نفـس وجرني على صفحة - اش اهدي ماصار شي. - والله خفتت تهت والله تهتت. - بويـة اهدي لاتخافين. - ماريــد أريد ارجع للأهلي ماريدد رجعني. - اش ياقوت كافي امشي. مشيت ورا واني امسح ادموعي بقوه خايفه اتلفت منا ومنا ، دار وجـهه علية مِـن شافني ابچي وبعدها الخوفة بية جراني من فوك العباية مشاني گدامه وصار وراي يحچي بهدوء رضا - لاتخافين ما اضيعچ اني وياچ موجود. ياقوت - أني اضيعك اني ما اندل مو انتَ. - مو عندچ تليفون؟ - ماعندي رقمك. - اني اخلي الچ علمود من يصير شي مثل مساع تتصلين علية. مسحت وجهي خايفة اتلفت احس واحد جاي يراقبني صعدت بالسيارة ساكتة وهوَ طبك ع افران جاب صمون واجه صعد رضا - أني رايح بشغلة ، خلي امي تسوي مقلوبة كليلها. ياقوت - تمام ، اتغدى واطلع ادور شغل اني. - ميخالف. نزلت من السيارة وطبيت للبيت تلكتني أم رضا - الله يساعدچ. - حبيبتي فدوة الوجهج ويساعدچ. - طبي يمة غسلي. - صار ، حضري مواد المقلوبة رضا كال خل تسوي ، واني ابدل واجي وياج. - روحــــي يمة حبيبتي. طبيت بدلت وغسلت وجهي دزيت رسائل الرسن الصار يومين ماكو وطلعت اساعد ام رضا واثرب وياها ضلينة نسولف الحد ماهدرت المقلوبة ، أذن الاذان كمت توضيت وصليت كعدت بصف ام رضا ابارع الاديناتها تخبل حاطلتهن حنة ولابسة شيلة حمرة ههههه فدوة الوجهها من اوكف بصفها عبالك اني ام رضا الچبيرة وهية ياقوت الصغيرة اندك الباب وفات رضا مدنك رضا - شنو هاي الرررريحة التطر الخشم يابوية. فتحت حلكي اباوع الها من كالت - هاي ياقوتة طبخت الغدا ومبين طعمة من الريحة. ياقوت - شسالفه خالة اني بـــس ساعدتچ انتِ سويتيها. شال العلاكة وكال - جبتلكم لبن.

" ماحبيت افرط بيك بـــس ياحيف خليت اليحبك كل وكت ينحب اجي البابك تكلي شعندك وشتريد؟ هاي الكلمة ابد مو مالت معزب " - أنســـاني ، انتَ ماوكف بعينك طفل من يكبر يكلك بابا ، طفل بريئ ، اوكف بعينك اني؟ - لاتچفصين انتِ بعدچ تحبيني. - ما احبك ! قرب وجهة وباس خدي درت وجهي منة دموعي تطيح وهوَ كال بستهزاء - ليـــش رجفتي؟ مو ماتحبيني؟ رفعت ايدي ضربتة راجدي بكل قوتي - تستههزززاا لان حبيتك حب نضييف !! تستهزء لااان اضعفف كدامك !! اني المفروووض استهزء بيك وبحبك ! لكك بهاااء 11 سنة ماوكفن بعييينك ؟؟؟؟ 11 سنةة اخنة شفنة الويييل يلا انجمعنة وبالأخييير تروحهن هدرر ، اكرررهككك اكررررهك طلكننيي. - ما اطلكج! دفعتة مني ومشيت دخلت البيتنا اركض اباوع امي واكفة تباوع علينة عفتها ودخلت جوة ابچي منهاارة مرن أسبوعين الدنيا احترگت على ياقوت هسة يلا الكل صار يحبها هسة الكل كام يسأل عليها ، بـــس محد لكاها فص ملح وذابت ، بگلبي چنت ادعي مايلكونها لان مو بعيدة ع فلاح يذبحها ، مرن يومين ثانيات وياقوت ماكو إي خبر عنها ، ع حسب كلام كُميل الي سمعتة وضاح معلك ضغطة وصار اسبوعين ما داخل بيتة وبـــس يدور عليها ... ياقوت گعـدت الصِبح شوية مرتاحة لأن وأخيرًا راح اسويلي اقامه بأربيل علمود من بعدها ادور شغل واشتغل بي ، لبست كله رسمي اسود ولبست العباية العراقية ، رجلي ترجف من الكعب بـــس ما اكدرر اذبة كلش حلو وي العباية اووف الله ينعلچ رسنن خلت الكعب براسي وهسة كوة امشي بي عاندت روحـي وهالمره حلفت اضل بي مانزعه ، طلعت من ولگيـت صديق شيبر رضا منتظرني بالسياره ، نزلت راسي ومشيت صعدت مستحية شكد عيب الولد ابتلة بية صار اربع ايام يمهم مدري هوَ ابد ميطب للبيت مدري لان اني موجودة صعدت ويا وره وكلت بهدوء ياقوت - صباح الخير. تحمحم وگال رضا- صباح النور خوية. سكتنه وهوه شغل السياره چان الطريق هدوء واني مركزه بتفاصيل الشوارع مال أربيل شگـد حلوه وحيل مستحيه من الولد حتى صباح گوه صبحت عليه ، شكد كتلة اني اروح ماقبل استغفرت بداخلي الي يشوفة يكول هذا ملطلط وملعب درجه أولى بس هوَ شايل اخلاق مال ناس مُعممة حچـه رضا وعينه على الطريق - تريكتي. ياقوت - لا ماشتهي . رأسًا غير مسار طريقه وگـال بجديه - ورانـه يوم طويل تتعبين هيج بدون اكل. عضيت شفتي فشلانة ورديت بخجل ياقوت - خاف اتعبك . هز راســة لا عينة على الطريق وكال - أمانة اخـوي انـتِ ماكو تعب ان شاءلله. ابتسمت ورچيت وجهي على الشباك مركزه بتفاصيل ومناظر اربيل ، الحد ماوصلنه مُكان منفتح وطاولات متباعدة بعد صغير والعالم كاعدة محد اله دخل بالثاني جريت نفــس گاعده بالسياره حيل مستحيه منه ، اجو ببالي اهلي صفنت افكر هسة شجاي يسوون؟ وضاح شصار عليه ؟ فزيت من رضا دك الجامة مسحت وجهي ونزلت بهدوء من السياره سديت الباب ورايَ وزعت نظراتي على كلشي واخر شي توقفت عيوني على رضا ، ابتسمت وگلت ياقوت - اربيل تجننن . ابتسم على ابتسامتي وگال رضا - هواي بيها اماكن حلوة ، إذا تحبين اخذي امي وروحن افترن. - إن شاء الله من اسوي اقامة واكعد بشقة وحدي امر على خالة ام رضا ونروح سوا. - إن شاء الله ، تفضلي. دخلنـه وهـوه دخل وراي يمشي برزانه كلساع ادور وجهي خاف اضيع لو اتيهة واشوفة عيونه علية ، اتقدم اكثر وصار بصفي يمشي بدون مانتبه ومن المستحه والتوتر عثرت بشي مانتبهت عليــه اجيت اوگع على وجهي ولزمني مِـن زندي فوك العباية مثبتني وگال - اسم الله على كيفچ خوية. حچيت واني بگلبي ادعي على رسن من ورا الكعب ياقوت - مانتبهت والله. رضا - امشي براحتج لاتستعجلين بعد وكت لاتخافين. هزيت راسي ودخلنـــه بمكان صغير بـــس متروس طاولات وناس گعدنة يم وحـده صايره واجهتها مفتوحه على الشارع العام حطيت جنطتي وتليفوني ودرت وجهي اباوع على المنظر بأبتسامه ونسمات الهوه بارده اداعب وجهي حچـه بهدوء ساند نفسـه على الكرسي وحاط ايده على الكرسي بثبات وايده مزينه بساعـــه بُنيه جلد ويا الوشم على شكــل نجمه صغيره يم الساعه محليه ايده بارزه الأورده الي بأيده - اختاري شتاكلين حچيت بهـدوء - اي شي. باوع على المنيو وعوج حلكة يفكر شيختار صاح الولد وكالة الطلب - مو تتأخر كابتن. ابتسم الولد من رضا كلة كابتن هز راسة إي وراح ماعرف شنو اختار انطى للولد وشوي وجاب الطلبيه اكلت شــوي ورجعت ليوره  رضا - شبعتي؟ - الحمدلله. - ماكلتي هواي. - ماتريگ اني اصلاً ماحب الريوگ . هز راسه نكت ايده وگــام دفع الفلوس وطلعنه صعدنه بالسياره وتوهنه لبو العقارات ، اول ماوصلنـه دخلنه سوه أجيت احچي ويا ولد علمود الأقامه بَـس سبقني رضا وحچــه ويا قبلي وگالو اطول تصدير الأقامـه ساعتين اكثر ياقوت - عادي ننتظر. وگفــنه بمكان بالزواية وانـه احس رجلي موتتني مِـن الوكفه هواي مشيت اليوم والكعب شگ رجـــلي الحد ماحسيت واحد وراي يتحمحم صديت علية رضا  رضا - تفضلي تعبج حذائج.

• موضع عـظم الغـفر • - الكاتبـه مرمر الـدليمي. ══━━✥◈✥━━══ قـبل البدء لُطفًا التصويت والتعليق بين الفقـرات... ══━━✥◈✥━━══ و لا چَنك هَذاك أنت العِرفنِي و سُولَف البيه و گدَر يوصَل غِمج روحِي و يمَاشِيني إعله فَد نِيه و لا چَنك حَبيب الرُوح چَنك مِنجُبر بيه . ريتال مليت من الگعده ببَيت اهـلي ولا أگدر ارجع البيت بهاء ضليت حايره شسوي لبست عباتي ورحت البيت عمي اغير جو يمهم ، من غير شي مختنگة من المرة المحتركة الي تركض وراي .. اول ماگعـدت بعدني حتى ما مسلمة دخل فلاح اخو ياقوت يركض فَزعنه كلنه واخوانه واحد گام يباوع للثاني وهوه يصيح ومخبوص فلاح - ياااقوتتت صارلها سبوعييين شااردة من بيت رجلهاا. شهگت وحطيت ايذدي على حلكي عزة بعينس ياقوووت شررردت؟؟ گاموا كلهم مفزوعين مـن الخبر چن يوم موتهم ماعدهم سالفة مره تشرد وخصوصًا همّ ناس مُتحفظين منليهم هسوالف ، صاح عمي منيرر متخبل مُنير - والحسننن كله من ايدددك خليتها تهج البت هسه وييين نلگاهااا جبرتها انتت جبرتهاا على شي ماتريدده شلون تريدها تضللل دمرررتوهااا البنيةةة دمرتوهااا. صاح فلاح وهوه مفرفح ويهز بأيدينه فلاح - خاب كون ألزمنها الا اجنززهاااا بتت *** شلون تشرددد !! ولكك الناس شدگول علينةةة نزلت راسنه. عيني اجت على باقر طلع من الغرفه وجهه باهت وعيونه معتلهن السواد يعاين عليهم مستغرب حالتهم هاي صار ثاني مرة اشوفة من توفة ابو لليوم ، گال بهدوء ومصغر عيونـــه يسأل رغم يدري الجواب راح يدمره باقر - شصاير ليش هلصياح. صاح فــلاح وعينه على باقر - ولكك اخيتك يااقوته شرددت كررتت عينك التمشي وتصيح فاااهمة. فك عيونه بقوه طلع بسرعه كدامهم يركض مثل المسودن بالشارع ويصيح روحه فرفحت عليها باقر- والحممزه احرككم حرگ اذا تتأذى. صاح فلاح بي عيونه براسه ويهادد - اموووتها وداعةةة ابوووي اموتهااا بـس تصيررر كددامي زمالةةة هاي انطيتوها مجااال. اجــه عليه باقر ضربةة على وجهه وگعة بالگاع مفرفح على اخـته عاط بي صوته لم الناس كلها والجوارين طلعت على صوته باقر - يَالعباااس اذا اشوفكك گددامممي وخرررر طب جوووه نذللل تريدد تضربهاا فوگ ماجبرتوها عمي حگهاا وانه وياهاا راح اشرد. حچـه فلاح خشمة يطافر دم - انه بَـس لو الزمها ماخلي بيهاا نفس شنهي بت قاااصر تشرد مِـنْ البيت شنهي ماكو زززلم تريد تجيب النه الككلمه الموزينه شوف ويامن شرددتتتت. ماحس الا باقر وگع فلاح وكعد فوگه جنزه اجنز راد يموت بين ايده مفرفح مثل الخاروف صار جواه وباقر يضرب ويصيح بيهم متخبل عليهم وعلى حجيهم الي ينقص مِـن رجولتهم مايزيد باقر - ابوووي هيج علمكمم ، ولكمم عززززيزة ابوي شلووونن تمسوووها بكلمةةة. يصيح ويضرب ويكمل باقر - علمكم تطعنووون بشرف اختكم وتضربوووها. لزم شارب فلاح وصاح بي - زينةة ولكك عليمن مخلللي مِـن خرااا بشكو واحد مسوي روحه زلمه وحاط شوارب وهو اكبرر عاار. اجــه عليه منير گومه مـن فوگــه وهوه يلهث عيونه نكلبن حمرر دم وجسمه يرعش طلع ضيمه كله بيهم عبنهم مو خوش عافهم وطلع يركض بشوارع يدور على ياقوت بَـس هوه الدافعلها ووكف وياها بَـس هوه العاندهم كلهم لان يعرف تربية ابوو ... ضل بالي كلة يم ياقوت ساعه اكول شلون تسوي هيچ وساعة اكـــول الله اليعلم شنو العاشتة يم اهل وضاح وهيج سوت ، مسحت وجهي وتفكيري كُلة ، شأكلت؟ ششربت؟ وين نامت؟ حطيت عباتي فوك راسي وطلعت من بيت جدو راشد الله يرحمة نزلت عيـــوني وتمشيت البيتنة دك گلبي حيل من لمحته يتمشى لابس ملابس عسكرية وجنطته السودة بأيدة وجهة ذبلان وجوة عيونة سواد شعرة مخربط يمشي بخطوات مكسورة وبأيدة الثانية جگارتة مبين هستوة رجع من الدوام ، نزلت عيـــوني ارجف من اجت عيونة بعيوني سرع خطواتة بأتجاهي واني لو ما لابسة عباية إلا اركض بنص الشارع وكف قريب علية وعتاني من ايدي رفعت عيوني خزرتة ونترت ايدي منة رِيتــــال - ايييدك. رفع حواجبة وغمز بهـــــاء - شبيها؟ درت وجهي من عندة فتحت الباب وطبيت البيتنة قبل لا اسدة دفعة فات وسدة وراه ، شمر جنطته بالطرمة لزمني من ايدي موكفني عدل بهـــــاء - شبيـچ - معليك. - تبوولة ! - بهـــــاء. - وطن گلبة. - عوفني اكرهك والله اكرهك وخرر مني دتلعب نفسي ترا. حچيتها واني كوة جارعة روحــــي ألا اني ميتة على شوفتة بهت وجهة يباوعلي وكال بغصة - كارهتني؟ - كللش. - متحبين بهـــــاء؟ - لأ. - ليـــش مو هواي حاربتوا يلا انجمعتو ، مو چان حبكم ينضرب بي المثل؟ - چان. حطيت عيـــوني بعيونة وكتلة - اني هواي حاربت لدرجه اطفالي واحد ورة الثاني راحو بسببك ، بـــس انتَ الي ماحاربت انتَ الي الوادم هاي كلها حاولت تكرهني بيك ماكدرت بـــس بسبب حبابي مالهم قيمة كرهني بيك كلش ، أنتَ چنت تضعف بـــس يمي ليـــش صرت ضعيف كدام المُخدرات ، ليـــش فرطت بية؟ - أنا الفرطت بيچ؟ لو انتِ العفتيني.

الكاتبه مَرمر الـ دِليمي . pinned «• موضع عـظم الغـفر • - الكاتبـه مرمر الـدليمي. ══━━✥◈✥━━══ قـبل البدء لُطفًا التصويت والتعليق بين الفقـرات... ══━━✥◈✥━━══ ياما وصيتك علية وكتلك لاتخوفني عليك الخوف مو زين إعلى گلبي. - محمد لفته. رِســن ... گلبي يدك دمام وطبول ، بـــس حاطة التليفون…»

كلارا - استلمتهم مثل ماستلمت جعفر عبالي خبيث خطية طلع حباب. هيلة - وين شايفة جعفر انتِ؟ رسن - شافتنة اني وياه تصيح تكلة وعلي ماتشوفون دمعتي بعيني ياجلاب ياحقراء النوب حتة جعفر انگلب كليزري درجة اولة بالسوادين كام يصيح يكلها اني شعلية من اشتعلو اهلي. كلارا - خطية والله بس اشوفة اعتذر منة عبالي مثل ابو حقير. بأثناء ما احنة جاي نسولف استرجعت كلامي قبل شوية من كلت من شبل تزوج رسن ، ما انترست عيوني دموع ؟ ومر ذكر زواجة بارد بلساني عكس كل مرة ، صفنت على روحي وكلمات باسل رنن براسي من كال " انتِ ماتحبي انتِ بس متعلقة بي ! " درت وجهي غسلت صبيت چاي وديت للنسوان واجة منذر اخذ الچاي للزلم ، باوعت على فلوة اريد اسئلها سكتت من شفتها صافنة على الباب وشفايفها ترجف وجهها نكلب اصفر الثواني كد ماصدمات واجهتني بهالأيام مر على بالي عمي حمد هم طلع عايش وأجة ! كالت رسن من شافت الخوف تملك فلوة رسن - شبيچ فلفلة؟ شالت ايدها الترجف وأشرت على الباب عيونها جاحضة ...يتبــــــع ★ منو تتوقعون شافت كلارا ☠!! شيبر شراح يسوي ؟ هيلة بدت تتخطى شيبر لو جاي تتعود فقط لان صار شهرين ماشايفته؟ وليد اله دوور بالرواية؟ فلاح ليش مهتم بأمر كلارا !! اهل ياقوت شحيسوون من يدرون بيها شاردة ! شنو موقف باقر؟ غسق وي منو ربطتوها ومنو تحسون لايك الها؟ راح تنسون الشيخ وديع وأسامة 💔؟ راح تذكرون اسمائهم من تقرون سورة الفاتحه؟ جعفر ليش وي الكل بارد ووي كلارا لا؟ ريتال وبهاء شنو نهايتهم؟ قناة التلي للتغشوشات ← sanoo783 حساب الانستا للتغشوشات← 7mr.pn التيك تـوك ← 7mr.pn الباقِياتُ الصَّالِحاتُ: -سُبحــانَ الله -الحمــــدُ لله -لا إلهَ إلا الله -اللهُ أكبـــر -لا حَول ولا قوة إلا بالله -سُبحــان الله العَظيــم -سُبحــان الله وبِحَمـده -أستَغفِــر الله وأتوبُ إليه -اللهُمَّ صلِ علّى مُحمد وآل مُحمد دُمتم في امان الله ســـالمين 🤍.

هزت راسها وراحت صاحتها طبت عمتي زينب الخدود مخرطة والوجه ذبلان وكفت كدام باسل وهوَ كالها باسل - عمي وليد رد. نزلت راسها وكالت بحسرة - فاتحة ابو طبعًا ياتي ، اوووف الله يرحمك يلشيخ چان يتمنى شوفتة. رد عليها باسل يحچي بحرگة باسل - أنة لو ادري بنكاسة صَفية بالحسين أتغرب مثلة ، انتم تدرون چنة عايشين وي وحشش يو مااتدرووون موزين ماچتلتكم وباعتكم اعضاااء مسويتلها عصابة السطككك بنت السطككك. رسن - خالة تذكرين العصابة التشتغل بيها مرة ابوي؟ مترأستها صَفية من صفاها البين ان شاء الله. زينب - يمة دهر الله اليستر منها دخيلك ربي ، انتَ تدرري فلوة هناا يو ماتدري. ذب حسرة ورد عليها باسل - ادري يمة وحتى تحليل DNA سويت وطلعت صدك بتنا. زينب - يا اي دي ان هية غير نسحه نبهار الله يرحمها. باوع على رسن وعلية وكال باسل - يردون اقوالكم انتِ وهيلة وفلوة. باوعت رسن الوديان وكالت الها - من رخصتج ممكن تطلعين اريد احچي وي اخوج. هزت راسها وطلعت باوعت رسن الباسل وكالتلة - أني ضربت صفية طلقة. فتح عيونة يباوعلها وكال بفزع - بصماتتجج علل مسدس !! هزت راسها وحچت - لا لا من هية ضربت عمو وديع اني كضيت ايدها ولويتها عليها وحطيت ايدي على ايدها. زينب - لوييش ضربتيهااا يوو ماتت شيصيرر بيچ !! حتة حياتچ تروح وتضلين طول عمرج تستغفرين. رسن - عليمن؟ قابل ضربت شخص مؤمن ويخاف الله ! لو شخص بريء !! هية قاتلة ابنها حمد وبايعة اعضاء جُبير اشو ماضلت تستغفر وچمالة كتلت عمو وديع البارحه والله اليعلم بعد كاتلتمن هسة تطلع حتى ام شيبر كاتلتها ، انتتِ تدددرين هية وصت سعد يكتلني اني وجعفر وفلفلة !! شهكت ودكت على صدرها مصدومة كعدت بلكاع صافنة مصدومة وانة مو اقل من صدمتها ضليت فاتحه حلكي يعني عمي جُبير وحمد هية كاتلتهم !! عزة بعينها اتصل تليفون باسل وهوَ رد ، شوية وسدة وشمر التليفون كدامة باسل - عرج مايطكها ، كلشي مابيها تِعدت مرحلة الخطر. رسن - االله اكبرر من البارحه واليوم تعدت مرحلة الخطر شبساااع. باسل - هيلة كتبيلي شتردون اييب الكم من السوك. هزيت راسي وهوَ طلع ، طبت للمطبخ غسق تقربت على رسن وهمست بصوت ناصي غسق - ياقوت بنت عمة اقبال شاردة قبل سبوع ومحد يدري بيها وين الدنيا مكلوبة عليها هسة وجايين البيتنا طالع الهم امير كايل الهم اول مرة اسمع بأسمها اصلًا. رسن - ادري. - شمدرريج !! - سمعت عبالي تدرين اصلًا. - شأدري رسن اني غير صايرة اطرش بالزفة! - هسة مو زين عقلج صافي بدون هوسة. - انتِ شردتيها !! فتحت عيونها رسن ودارت على غسق خازرتها - شعلية بنت الاوادم !! دخل احير بضيمي أني النوب اشرد العالم. - اوووف سودة علية كلة من ورة اخوها فلاح الله لايوفقة. كلارا - شكو. دارت غسق عليها محترك دمها وتحچي غسق - هذا الحقير ابن عمتي ابو سافر علمود علاج وهوة جبر اختة على اخو الشخص الي يحبها النوب هذا مو زين الرجال كلش ويشرب ويضرب بيها والمشكلة اخو يحبها من الطفولة وبعدين طلع عقدهم باطل وتزوجت هذا الشخص الي يحبها لان اخوها كايل الها اذا رجعتي اسمم امج وهسة شاردة البنية منهم صار سبوع ميدرون بيها وين. كلارا - شكد حقير الله لايوفقة ان شاء الله. قدمت رسن كاسة مي الغسق وكالتلها - هاچ شربي فحطتي من كد ماتحچين. غسق - شكرًا. رسن - هيلة عمچ وليد حباب لو لا؟ هيلة - عمي حمد نسخةة منة. غسق - الحمدالله. رسن - سودة علية شيبر المن يلتفت هسة حتة اختة مالحك يشوفها منا هوَ مضروب على راسة يااابة اكص ايدي إذا ماطلعت صفية هية الورة وكعتة ومنا اختة اجت منا عرف ابو مات مذبوح منا توفة جدة الله لايحط احد بني ادم بهيچ موقف. كلارا - تعدي ان شاء الله ، اخوية سبع. باوعت الها عيوني مدمعة وحچيت هيلة - الحمد الله من اجيتي ، لو تدرين الغربة الچان عايشها شبل وهوة ببيتة ، لا ام لا اب لا اخ لا اخت ، بس الله اليعلم چانت شكد حازة بخاطرة ، هم من اجت رسن شوية اها عاد صارت عندة مرة تنتمي أله. رسن - ياا اها متكليلي اول ما اجيت ماجبت مصيبة ماذبيتها علية اصارحج فلفلة اخوج شيسميني. ابتسمت بخفة عيونها مدمعة وكالت - شكد حلوة من تكولين اخوچ ، كملي شيسميچ؟ - يسميني الجسرة ورجل هاي الي هوة باسل الشرطي الاجة اخذانا تذكري؟ - اي. - اي يسميني الصلفة. غسق - وأمي تسميها العرمة. كلارا - ياا ليش هيج وياج همة. هيلة - لچ عيني اول ماتزوجها شبل اوكفي خل اذكر شسوت هاا تذكرت، اول شي صارت عركة بلبيت وهية دافعت الشبل وهوة يخاف عليها لان اذا واحد من يمهم شد وياج يكرهج بعيشتج فكالها لاتدخلين محد طلب منج هية كالها هيج تسودنت وراحت حركت سيارتة الجابها اله ابوچ بس خطية ماچانت تدري من عمي حمد النوب من عرفت يابتلة سيارة نفسها. رسن - ومن كتلت صفية بالله ماتستحين هاي اهم انجازاتي. هيلة - هاا نسيت ومرة سوينة مجلس وهية مثلت الشمر وشبعت صَفية كتل اخخ والله شكد حچو عليها بس تستاهل صَفية.

دخلو الجنازة للبيت مديت راسي من الباب اباوع وعياط النسوان جوة كلش عالي النعاوي والكولات تكسر باب الگلب اخر شي جنت اتوقع جدي يموت على ايد وحدة عارة حريمة وعلي حريمة ، الچنة عايشين وياها دهر طلعنا كلشي مانعرف عنها وعن قذارتها ، اباوع الاخت شبل تبچي بكل حرگة گلب علية مسحت دموعي اناشغ وكعت عيني الجنازة شاغت روحي وانمرد گلبي حسيت روحي طلعت ريت انا بمكانك يابعد عيوني هيج صدك ولفك التراب حريمة يموت الزين ويضلون العارية ، رفعت ايدي واني بهذا الوضع ادعي الله ياخذ امانة المرة الي دمرتنا كلنا ، الي خلت شخص مو ألي ببالي ودمرت حياتي وياهم بچــيت بكل حرگة گلب وأنة اكولن ليـــش طلكها الشيخ وديع طلع يدري بسوالفها سندت راسي على التريشة وطاحت عيني على شيبر من دخل راسة ملفوف بـ باندج ابيض طالع من عندة ديتول احمر وساندينة الولد ، لابس دشداشة سودة والجراوية على جتافة وطرفها عاضة بحلكه بچــيت من شفتة ومبين اليوم يلا كايليلة الشيخ توفة ، شهگت وانة اتذكر علاقة الشيخ شكد قوية بشبل اباوعلة عاض طرف الچفية حيل يصبر بنفسة ويبچي توسط الديوان وكعد كدام الجنازة حدب ظهرة وبچة بصوت عالي كوة يرفع ايدة يضرب كصتة بوجع وصاح شيبر - ااااخخخخ يمااااي عيوووني اااخخ يابوييةة. الولد يلزمونة وهوة روحه مفرفحة ، راحت عيوني على جعفر اخ ياجعفر هم على كرسي متحرك وهم رجله مكصوصة وهم كاعد يلطم على عيونة وينعي بصوت مسموع مبچي كل الزلم جعفر - يضل دمع العيون اعليك ... يداي يمن دليتني وكضيت ... يداي ترد ها يدي كل ما صيح ... يدي وها يدي شمعزتها علية. الكل كام يبچي وهوة يلطم على عيون بحركه والزلم يبجون شهگت من شيبر صاح بصوت عالي وشك دشداشتة السودة من الطول للطول ، درت عيـــوني على باسل شال ايدة ببطئ وجهة متروس دموع ويلطم على راسة اني من البجي كعدت بالكاع ابجي واهمس هيلة - عمت عيني علي جدي عمت عينيييي بويةةة . ابچي حاطة ايدي على حلكي والزلم منهارين يلطمون على روسهم بحركه ، وكفت الدموع بعيني واني اشوف الشخص الكدامي ، عمي وليد وجهة مطعون احمر اول مادخل رفع ايدة بقهر يبچي بصوت عالي مفرفح وليد - جييييتككك بووووية تلكااانييي. فرفحت روحــــي واني اشووفة واتذكر اخر مرة شفتة بيها من تعارك وي صَفية وطلع بعد ما رد ابد ، ولا احد يدري بي وين تلكوة الولد بالعياط والبواچي واللطم وهوة لطم على راسي ملخ نفسة تملخ بالقهر ويصيح - بويةةةة عمت عينيييي عليكك بويةةةة خذاك الموت يابوية كسررت كلبييييي يابوية ياكسراننن ظهرييي يابوية ياكسران حيليييي يايابةةةة يابويةةةةة ياحبيبي جيييتككك والله جيتتكك كوم اكعدددليي. لطموا على وجهم الا عيونهم انعمت اباوع على عمي منهار اباوع عل باسل لازم شيبر على كطع نفسه تكطع ويصيح - بويةةة اجاككك ابوككك بويةةة اجااك يديييي بويةةةة. لزمة باسل وصاح بي - لككك شبللل راسككك شبيرررر جرحكك شيبرررر. شيبر - خرب راسيييي خرببب روحيي الباقية بدونك خربببب عينييييييي بويةةةة ، يدي وعلييي هسه يلا حسيت نفسي يتيم لككك باااسل هسةةة تيتمتتت أنةةة هسةة صررت يتيم. صاح وياه باسم بحركه يبچي ويهز براسة - كسرت ظهري ياتچوتي عمت عين الوكت بويةةةةة راااح ييددي بوووية. تسودن عمي كاظم يلطم ، شيبر ملخ نفسة يطلم على راسة و باسل كوة لزمة ، بين البجي والعياط مر الوكت من طلعو الجنازة والكُل راح للتشيع لليل يلا رجع باسل والباقين راحو وياه للنجف يدفنونة ، وكفت بالمطبخ اسوي الچاي شالي الاسود على راسي وعيوني مورمات حمر رِســن ووديان واكفات يساعدني طب باسل عيونة مورمة اول ماطب غمض عيونة دايخ جلب بالسنك وانا ركضتلة وكفت يمة هيلة - بيك شي. حچيت هاي الكلمتين وهوة انهار بالبجي حط راسة على جتفي يبچي ويحچي بحس مبحوح باسل - راح ابو الخير والبركة راح جدي هيلة راح. حسيت نار وجت بگلبي رفعت ايدي لركبته مررتها وطبطبت على جتفة وانة دموعي تنزل وياه هيلة - بهداي وية روحك بهداي باسل ، الشيخ كلها تعزة ، والموت مابي ردة ، ترحملة وصليلة اليوم اول يوم أله بالقبر اليوم ليلة الوحشة. انهار يبجي على جتفي وانة مو احسن من عندة ابچي وحتى لساني عاجز ما اعرف طركاعة ولفت علينا من الله لايوفقج لا صفية ابتعد مني وأنة كتلة هيلة - اسويلك چاي يهدي راسك شوية. هز راســة ابتعد مني ورسن حچت وهية مدنكة - البقية بحياتك. رد عليها تعبان - رحم الله والديچ. سكتت حضرت ستكان وانة صبيت چاي اباوع الرسن حچاية بحلكها بـــس مترددة تحچيها ، بلأخير يلا كالت رِســن - خوية ليـــش خليت شيبر يروح وياهم للنجف مو تدري بي وضعة مو كلش. ذب نفــس وكالها باسل - والله مو بيدي شكد حاچيتة مافاد ، أنة كدرت الزم جعفر يلا الزم شيبر ، جعفر يسحل برجلة وماكدرت امنعة. رِســن - الله يساعدكم ، خسارة چبيرة عمو وديع ، الله يرحمة برحمتة الواسعة ان شاء الله. هز راسة الي وكال - وديان صيحي امي.

بچة بحسرة يلطم على وجهة ويبچي مختنگ ، من شفتة كوة كام يجر نفـس ركضت جبت مي وغسلت وجهة ، هيلة واكفة بمكانها ترررجف اعتقد تخاف من هيچ سوالف وهماتين اول مرة تشوف الشيخ يبچي ، غسلتلة وجهة وفتحت دكم دشداشتة يجر نفــس نزلت نفسها فلفلة من الكرويتة ولمت روحها بحضنة تبچي وتحچي بصياح - جــدو. حضنها على گلبة وبچة وياها درت وجهي منهم ابچي وامسح بعيوني ماكو ثــواني وأندك الباب بقــوة مسحت عيونها هيلة وراحت فتحتة ، انخطف لوني من سمعت حس صَفية تصيح بصوتها المزنجر عاطت هيلة تصيح هيلة - رسنننن بيددهاا سلاااح. فتحت عيـــوني على وسعهم كامت فلفلة مرعوبة شعرهـا مغطي متونها ركضت للباب أريــــد اسدة  وهية دفعتة حيل انضربت على ظهري صيحت بوجع وكعدت بلكاع احس ظهري نقسم نصين طبت تركض وكفت بباب الصالة البيها الشيخ وديع وحچت بصوت يرعب صَفية - أنتتتتَ اليبتهااا الأخيهااا موو. تسودنت كلارا من شافتها صَفية الي كتلت ابوها ركضت عليها سفطت راسها بالحايط بـــس وين صَفية يصير بيها شي ؟ حراام كامت من الصِل ردت الضربة لكلارا وكالت الها صَفية - رديتي وخربتي الأول والتالي يـ**** ، مو ذنبچ لابالله ذنب العار الكصو راسة بدال راسچ. دقايق وصوت دوريات الشرطة صار يرن بالبيت فتحت عيونها صَفية شالت المسدس الي بأيدها وضربت الشيخ وديع ثلث طلقات وحدة تلحك الثانية ... جمد الدم بجسمي دشداشة الشيخ وديع البيضة انكلبت كلها دم رمشت بثكل احس الدم صعد الراسي ركضت عليها رغم وجع ظهري گلبت السلاح وهوَ بأيدها ودست على الزناد فوك اصبعها ثار صوت الطلقة واني وكعت للكاع عيني بعينها اشهگ نفــس وكع السلام من ايدها ركضت هيلة للشيخ وديع وعاطت تصرخ ، فلفلة عيونها حمررر وتباوع بكل حقارة على صَفية تقربت تريد تلزم السلاح واني صحت رِســن - لااااا لاتلزززمييي فلفلةةة. ارتدت بخوف ليورا ، اندفع باب الشارع من وصلو الشرطة كدام بابنة ، درت وجهي للشيخ اباوعلة فاتح عيونة مايرمش رجف كل جسمي هيلة حاطة راسها بحضنة تبچي وتصررخ اباوع الأيدي مثل السعفة تختض صَفية امددة بلكاع والدم منها يجري ، فلفلة واكفة تباوع للشيخ وكعت على ركبها وهمست بغصة كلارا - حتى انتَ كتلوك كدام عيني. الشرطة ترست المُكان ترس وأنا ما اشوف بـــس الشيخ كدامي كعد الشرطي على ركباتة ولزم معصم الشيخ تنهد ومد ايدة غمض عيون الشيخ وهمس - ألى رحمة الله. هيـــلة ... خدودي جمر اشتعل بيهن يحرگني حيل ويذبن دم راچية راسي على الحايط وابچي بحرگة واصيح بحس مبحوح - الله ويااك شيخ ، الله وياك يسلوتنا شفيعك الحُسين ان شاء الله. شالو الشيخ ابوي وعمي ابراهيم ، انتبهت الرسن واكعة فاقدة ركضت عليها جبت مي وريشته بوجهها فزت شاهكة تباوع بوجهي وبسرعة باوعت المكان الشيخ الماباقي شي منة بـــس الدم ، انترس البيت نسوان حتى ما اعــرف شــوكت اجن صياح ام باسل يعم بزوايا البيت بچــيت وبعيوني ادور على فلفلة اشوفها كاعدة بالزاوية دخلت عمة زينب وبس شافتها شهكت ودكت على صدرها تبچي زينب - يمة يابعد عيني ينبهار ولچن هاي مني البت. ردت عليها كلارا - أني كلارا اخت شيبر. فتحت عيونها عمتي زينب متسودنة وردت عليها - ياهي انتتِ ياهيي. - اخت شيبر بنت حمد ما ميتة اني عايشة. لطمت على راسها النسوان يتصايحن من يمهن - اللهم صلي على محد وآلِ محمد معجززةة ببيت الشيييخ الله يرحمةة معجزززة بتهمم عااايشة ونسخة من امهااا. كلها عافت الفاتحه مال سعد واجتي البيت الشيخ ، الغريب والقريب يبچي علية ، اسمع صوت الزلم برة كلها تبچي والجوارين كلها موجودة جريت فلفلة ورسن ابچي واحچي هيلة - إذا اجو الشرطة خذونة كولتن صَفية هييية الكتلت روحها. باوعتلي رسن بهدوء وكالت رِســن - أني كتلتها. خزرتها لازمتها من ايدها - مووو انتتِ سمعتيي مو انتتتِ. باوعت عليها فلفلة وكالت كلارا - ترا حتى إذا نكرتي الله ميحاسبچ لان انتِ ماقتلني شخص بريء. هزيت راسي أي درت وجهي للغرفة طلعت ملابس سود واني ابچي شمرت عليهن ثوبين كلارا - كل وحدة تدير وجهها وتبدل. بدون لانحچي درنا وجوهنا وبدلنة لملمت البيت بسرعة وقفلت الخانات والغرف ضميت المفاتيح وطلعت تكابلنا اني ونسوان عمويني وام باسل ورسن وكلارا نبچي ونشهگ الحد ماغربت الدنيا ، دخلن ام رِســن واختها مذعورات ورسن بـــس شافت امها بچت بصوت عالي وحضنتها يبچن سوة ، ما اعــرف شلون مر اليوم اباوع العمي ابراهيم حيل مكسور على ابو ، ابوية حتى من يمشي لازم ظهرة تأكدت بهذا اليوم الشيخ كسرنا كلنا بروحتة ، ثاني يوم يوم الفاتحه مال شيخ ، أچذب لو اكـــول السيارات سدت الشارع لأ سدت المنطقة چادر انمد بالشارع طولة 10 مترات انترس ترس شيوخ معگللة

ضحكت بقهر وطاحن دموعها شالت ايدها تأشر على عيونها وحچت - بهاي عيني شفتهم وأنا طفلة سعد وأمة ذبحو ابوي كدامي ومن شافوني خافوا احچي وذبوني بدار ايتام ومن عندة ورحت للمجلئ ، الغربوني منة وبينا. ضل ساكن بدون أي ردة فعل رجع باوع على السكف وحچة بهدوء - الهذا السبب ضموا موضوعچ وكالوا ميتة. - عمو جُبير وصل ألي وحچيلتة كلشي ومن عرفوا بي عرف خياساتهم قتلو. رِســن - وباعو اعضائة الشذرة. رمش مرات مُتتالية حط ايدة على عيونة يفرگ بيهم حيل ، باوعت الرجلة گلبي يوجعني كلها ملفولة ببياض ، حچه بهدوء جعفر - أكو احد من البيت يدري أنة وين؟ رِســن - أي ، وصفية كالت السعد اقتلة هوَ ورسن وفلوة. هز راسـة تمام وكال بدون لايباوعلنا جعفر - خل تلبس شال وين چراويتي خل تحطها على راسها. - كلارا ؟ - فلفلة. كلارا - ماعليك بية سمعت لو لا ! محد أله دخل بية ويتحكم بية اني انسانة حالي حالكم وأني الاخذ قرار على نفسي. جعفر - الستر واجب. كلارا - ابوك وأمة ماكو هيچ بالستر والأيمان بـــس همَ قتلو ابوية ، ع الاقل اني نضيفة بداخلي مو مثلهم اتستر بلدين. جعفر - روحن البيت الشيخ خوية رِســن. هزيت راسي سحبت فلفلة وياي طلعنا للشارع اجرت تكسي وكلت للسايق يفرنة من الفرع الثاني علمود لحد يشوفنا بالكامرات مال بيت شيبر كلارا - وين رايحين؟ رِســن - البيت جدج جصان. - بعدة عايش؟ - الله يطول بعمرة ، أشك ولدة صفية جايبتهم بالحرام لان ولا واحد طالع علية. سكتت ماردت علية السايق طبك كبال بيت الشيخ ، انقبض گلبي مختنگة من شفت چادر جبيرر ناصبينا السعد باوعتلي فلفلة متسائلة ماحچيت ودخلنا البيت الشيخ ، تلكتنا هيلة عيونها حمر وتبچي ولابسه اسود استغفرالله هاي الفطيرة الثانية اول ماشافتني ركضت حضنتني تبچي هيلة - رِســن مات عمي سعد. رِســن - موتة الچلاب السود. - لاتحچين هيچ هوة صدك چان موزين ويانا بـــس الميت مايجوزلة غير الرحمة. كلارا - الله لايوفقة بجاه الحبيب محمد وهذا اول يوم أله بالقبر اكيد ليلة وحشة كون ربي يشعلة شعل بگبرة والف نعلعلة على روحة الخايسه النكسة. ابتعدت مني هيلة تباوع وراي عكدت حاجبها مشبها عليها هيلة - منو انتِ. كلارا - بنت حمد انا وأخت شبل ، أنا بنت المادنك وحتى من نذبح ضل عالي الراس ، بنت ابوي أنا كلارا. فتحت عيونها هيلة بصدمة وردت - انتِ مو ميتة !! على صوتها طلع الشيخ وديع ابتسمت بوجهة باوعت الفلفلة أريــــد اكلها هذا جدج وهية كالت بذهول كلارا - عمو وديع ! شجابك هنا. وكف الشيخ بمكانة عيونة عليها ساكت عكدت حاجبي وكلت الها رِســن - منين تعرفي؟ ردت وهية شايلة ايدها تأشر علية - لچ هذاا الرجااال كافلني من اخذوني للمجلس هوَ متكفل بمسؤوليتي ! درت عيني للشيخ الي واكف يباوعلها وكتلة بهدوء - چنت تدري بيها بنت أبنك. تسودنت فلفلة تباوعلة خازرتة بكل قوتها ، دفرت الباب برجلها حيل وكعدت بلكاع تبچي من الشيخ هز راســة إي كلارا - شلوووننن شلووننن حاچيييني شلووووننن وااانتتتتَ تدددريي بيةة ادورر على اهليييي وماتكلييييي ماتكللييييي. وديع - فوتن جوة يُبة. تقرب على فلفلة كومها وهيـة انتهت بس تبچي وتشهگ ، انا وهيلة وحدة صافنة بوجه الثانية يعني الشيخ چان يدري اخت شيبر عايشة !! دخلت جوة وراهم فلفلة مايعة روحها على الكرويتة وتهمس بتعب - الله لايوفقكم ، الله يراويني بيكم يوم اسود ، الله يضوككم نص العشة ، حسبي الله ونعم الوكيل حسبي الله ونعم الوكيل. وديع - أعلى كيفچ يُبة ، انتِ شفتهمتي؟ عاطت بوجهة دموعها تگت - اليييي فهمتةةة جددديي ابووو ابووييي متكفل بمصاريفييي وانااا مثلل المطيةةة اسولفلةةة على اهللييي علمود يساعدني الكاهممم، لليييششش ليييش مابكلبكمم رحمةةة لليييش مادليتوني على مكان اخوية وضليت غريبة لييشش. تبچي وتلطم على وجهها روحها فرفحت واني واكفة اباوع ، معقولة الشيخ وديع يدري صَفية هية الكاتلة حمد وجُبير وساكت ! باوعتلة ميلت راسها وكالتلة بكسرة كلارا - ليـــش مارويت گلبي بشوفة اخوي. انكلبن الشيخ عيونة حمر كعد كدامها على رگبة يحچي مختنگ وديع - خفت أعليچ والله خفت ، أنة خسرت ابني ومن عرفت بسبب منو خسرتة خسرت الثاني ، دريت بيچ ماميتة دورت وگلبت الدنيا الحد مالكيتچ ، خفت احچي ويچتلوچ ، فلوة انتِ ماتعرفين شنهي يعني صَفية ، امرأه نَجِسة ، تچتلج بكل دم بارد ، يشهد ربي خفت عليچ وهسة خايف اكثر ، أنة چنت كل ما اوصلچ واكعد احچي وياچ واحد يلف ايدة على رگبتي ويخنگني ، چذبت وكتلچ عندي مرض. حط ايدة على ركبتة يصيح بوجع - هذاا وينة تشوووفينة هلل واكف يخنگني وأنة احچي ، خفتت تجين وتكولين سبب موت أولدي حمد ويچتلوچ ويچتلون اخيج ، مو بيدي من ساكت والله مو بيدي خااايف عليكم أنة من الداهية صَفية.

حطت ايدها على عيونها وبچت كعدت يمها وخرت اديها ومسحت دموعها رِســن - إذا ما كاملچ وتلكاج وهوَ بهذا وضعة ما اتسمى رِسن. لزمت ايدها مشينة دخلنة الغرف عقمونا بـــس بدون زي دخلونا لان ناقلي الغير غرفة مشيت وفلفلة تمشي ورايَ ، اباوع الباسل يفتر ضايج دخلت الغُرفة شيبر مغمض من انفتح الباب فتح عيـونة راسة بعدة ملفوف عيـونة خابطات حمر تقدمت خطوات بطيئة عيـــوني علية بلعت ريك من وصلت يمــة وهوة عيونة ما نزلها مني الحد ماوصلتة ميلت راسي عيـــوني متروسة دموع رِســن - شيبر. - عگالة. مسحت عيـــوني ادير بوجهي وكتلة - الحــمدلله على السلامة. ساكت بـــس يباوع بعيوني رفع نفــسة مرجع ظهرة ليورة عقج ملامح وجهة متألم باوع للباب عكد حاجبة ورجع باوعلي غمض وفتح ورجع كال شيبر - اكو احد واكف بالباب يو يتهيألي. بلعت ريك وهزيت راسي إي بلع ريك تفاحة ادم بارزة برگبتة رمش مرتين شال ايدة يمسح عيونة وكالي بصوت خافت شيبر - تشبه أمي. باوعت على فلفلة واشرتلها تعاي تقربت عيونها حمرر ودموعها تنزل وكفت بصفي ، تقربت كعدت بصف شيبر لزمت وجهة بأيدي وهوَ ميباوعلي بـــس صافن عليها رِســن - شيبر باوعلي. نزل نظرة منها الوجهي باوعت بعيـــونة الصارت تلمع وأني كتلة بهدوء رِســن - إذا احد من اهلك طلع عايش ت... قاطع كلامي وهوَ يرد علية بحس مبحوح - فلفلـــة. هزيت راسي إي بأبهامي مسحت على خدة وحچيت بهدوء احاول اسيطر ع الرجفة البجسمة - فلفلة إي اختك الصغيرة فلفلة. توسعت عيونة بصدمة رفع نظراتة الها مبحلك وهية تبچي وجهها صار احمرر كمت من عندة وكفت بصفها ودفعتها بخفة علية شيبر - أنتِ فلفلة! هزت راسها إي تبچي وكالت مختنگة كلارا - ذبوني بدار ايتام شبل ، كالو علية ميتة وأني عايشة. اباوعلة جسمة كلة كام يرعش شريان بكصتة برز عدل جسمة وكام عليها حطيت ايدي على عيـــوني من جر راسها الحضنة وهية بچت بصوت عالي بحرگة ، بچت بچي يكسر الگلب عبالك عدها فاتحه تبچي وتردد حاضنة شيبر حيل كلارا - ذبحو كدام عيني خوية ذبحو ابوي كدام عيوووني شيبر يتموووني والله يتموني. جمد جسم شيبر يباوعلي فاتح عيونة عزة بعيني وقتها تحچين كلارا ، ابتعد منها يباوع الوجهها وهمس بهدوء شيبر - ياهو الذبحة؟ كلارا - سعد ذبحة كدام عيني كداام عيني دمة تطاافر وهوَ يفوور ذبحوو هوة وصفية بكل دمم بااارد. تسودنت من شيبر طاح على رجلينة وخشمة بساع جر دم ركضت برة اصيح ممرضة وهوَ عيونة كامت تنغلق بثكل كعدت كلارا على ركبها تبچي وتهز بي كلارا - ذبحوووو شيبببرر ذبحوو ابووووي الحنين فصلووو راسة من جسمةة بهاااي عيني شفتهم والله بهاي عيـــوني. شالت اديها تضرب علا عيونها جريتها من عندة ورفعت راس شيبر ليفوك عسى ولعل يوكف النزيف طردونا الممرضات برة باسل اجة يركض واني حرت بكلارا الي صارت چثه تبچي وتلطم وتصيح - الله يعينكك يلي مارحمتكك الشالتكك برررحمها الله يعينكك بااباا. جسمي يرجف من كلامها الله لايوفقج ياصفية الله لاينطيج لا الصحة ولا العافية باوعت الوضعها باسل عيونة تسأل واني كلتلة بدون تردد رِســن - سعد وصفية ذابحين عمو حمد كدام عيونها. فتح عيونة مصدوم يباوعلي ورد علية - عمي حمد !!! هزيت راسي إي شال ايدة وضرب راسة مصدوم باوعت للغرفة مال شيبر ورجع باوعلي حچة صوتة يرجف - كالتلة !! بلعت ريك ورديت - إي. افتر بالممر فاتح عيونة ويهمس باسل - ياعلي دخيلك ، يابو الحسن دخيلك. رِســن - شمتاني ؟!! متروح تذب هاي الچلبة الحيوااانة بالسجنن قتلتتت جُبير وحمد شمنتظر تقتل شييبرر ؟؟؟ لطمت كلارا على وجهها تباوعلي - قتلت عمي جُبيررر !!!! رمشت مرتين ورديت عليها بتردد - إي. حچت مفرفحة حلكها يابس - يمةة سودة بعيني يمة عمة بعيني عبالي مايريدني وما اجاني طلع ميت يمة سودة بوجهي. كعدت بصفها لزمت وجهها احاچيها رِســن - تعرفين جُبير ؟ هزت راسها إي بچت وكالت - عمي جُبيرر اجاني والله اجاني للمجلئ كام يبجي وحضني وسولفتلة كتلة سعد قتلل ابوية حضني وكالي باچر اجي اخذچ وما اجة بعد ما اجة كتلتةةةة. جريتها الحضني اسكت بيها وهية بـــس تبچي وتشهگ ، ضلينة كاعدين تقريب النص ساعه يلا طلعو الاطباء وكالو ممنوع أحد يدخلة حاليًا ، متت من القهر علية جريت فلفلة وياي علمود نرجع البيت الشيخ قبل لا اروح دخلت للغُرفة البيها جعفر ، وفلفلة وياي تقربت وكفت كدامة وهوَ فتح عيونة باوع الفلفلة وألي ورجع غمض رِســن - شلون صرت. جعفر - كواك. عضيت شفايفي اأشر لكلارا تحچي تصخم وهيَ كالت كلارا - الحــمدلله على السلامة. هز راســة بدون مايرد عليها وكالي - شافها شبل؟ - إي. حچيت بهدوء خايفة - جعفر. - هــــا. - ابو... قاطعني وهوَ يكول - أدري. كلارا - كُل ساقٍ سيسقى بما سَقى ، مات مثل موتة بابا بـــس الفرق أبوي طاهر ومات وسعد نكس. عكد حاجبة ودار راسة عليها يباوعلها جعفر - عمي حمد مات بفراشة.

• موضع عـظم الغـفر • - الكاتبـه مرمر الـدليمي. ══━━✥◈✥━━══ قـبل البدء لُطفًا التصويت والتعليق بين الفقـرات... ══━━✥◈✥━━══ ياما وصيتك علية وكتلك لاتخوفني عليك الخوف مو زين إعلى گلبي. - محمد لفته. رِســن ... گلبي يدك دمام وطبول ، بـــس حاطة التليفون على أذني واشهگ نفــس حچيت بصوت ذبلان دموعي بعيـــوني أرفض انزلهم - شيبر. رد علية بنبرة ماعرفت افسرها .. - رســــولة. مسحت عيونها غَسـق وطلعت من الغرفة بـــس نسد الباب شهگت ابچي بصوت واردد - كعدت شيبر كعدت. - عدالي الكاچ يمي. - جيتك هواي وماكعدت. - تعـــاليلي هسة. ضحكت دموعي بعيني وبس اجه براسي الشعر حچيتة - أجيلك ركض واوصل گبل الاقدام وإذا تعبن اقدامي امشي أعلى ادية. أسمع صوتة من سحب نفــس طويل وكال - أنة شتاگيت ماضل صبر بية. - اجيت. غلفتة منة ايدي ترجف ذبيت التليفون حطيت ايدي على عيـــوني وبچيت ارجف يعني هاهية صحى ؟ رجع شيبر ضحكت امسح بدموعي وتفكيري كُلة شــوكت كعد؟ شراح يكول من يشوف اختة؟ كمت بسرعة لبست عباية وطلعت تليفوني بأيدي أريــــد اتصل على جعفر يجيني عضيت شفايفي بقهر نسيت كصو رجلة وميكدر يسوق بعد شافتني امي ضحكت وتقربت حضنتني غَسـق تبچي بصفها رِســن - صحة شيبر يمة. ناهدة - يعين امچ انتِ. باوستها وطلعت بعدني ما سادة الباب وطلع ادهم ، بدون كلام كالي ادهم - وين ؟ عكدت حاجبي ورفعت راسي إلة طبكت الباب وحچيت رِســن - للمستشفى. - ياهو وياچ؟ - وحدي. - شعندچ بالمستشفى. - تحقيق هوَ ؟ للمستشفى وخلص. - أنا اوصلچ. - شكرًا متقصر ، هسة حروح تكسي. - أنا تكسي. اشرلي على السيارة مشيت صعدت ورة وهوَ جاب السويچ واجة ، درت وجهي على الجامة صايرة اضايق من تصرفاتة ما اعرف ليـــش قطع حبل افكاري صوتة من كال - بيچ شي رسولة؟ تحمحمت ورديت - لأ بـــس زوجي چان بغيبوبة وصحى منها ورايحتلة. - زوجج الأبوچ جبرج علية ! - محد يكدر يجبرني لو ما قابلة أني. - وأنتِ چنتي قابلة! - بالضبط. رفع عيـــونة للمرآيا يباوع لعيوني وكال بكسرة أدهم - ليـــش؟ عكدت حاجبي مافاهمة ورديت - شنو الـ ليـــش ؟ - ليـــش قبلتي وأنتِ تدرين گلبي يمچ. فتحت عيـــوني على وسعهم اباوعلة - شتحچي انتَ!! أنتَ تدري چنت حاسبتك مثل ابوية شنو گلبك يمي!!! - نكرتيني. - شنكرتك اخيي؟ انتِ شلون تحچي هيچ مو عندك زوجه ! مو دتشوف حلقتي بأيدي ! ليـــش صرت مثل فــؤاد. ضرب على الستيرن مال سيارة يصيح منهار - ماااا چنتتت ادررييي مااا چنتت ادرييي بنفسيي احبچ عبالييي لأاان ربيتچ على اييدي ومتعلق بيچ من تززوجتتت يلااا دريت بنفسيي احبچ ومااا اتقبلللل غيرررچ. سكت نزل ادياتة من الستيرن يباوعلي بالمراية الأمامية ويحچي بتعب ادهم - نفسي متتقبل وحدة غيرچ بحياتي ، حبيتچ من شفتچ تكبرين كدام عيـــوني ، أنتِ تكبرين وضيم حبي الچ يكبر وياچ ، أنة ادهم طلقات ما رجفني من سمعت بيچ انخطبتي رجف طولي وگلبي ، رســـولة رجعيلي تعبـــــت. رِســن - أدهم انتَ احسن شخص چان بحياتي ، چنت اشوفك اكثر من أب الي والله بـــس لييش تسوي هيچ؟ أنتَ متحبني انتَ فقط متعود علية ، عفية لاتسوي هيچ ادهم. - مو بيدي والله مو بيدي كلة منةة كلة منةة. شال ايدة يضرب على گلبة ضليت ساكتة اباوعلة ، من هدء شوية گالي بصوت يرجف ادهم - ابوچ مو جبرج؟ أطلكي وأنا اصلًا طلكت البارحة ، ونتزوج هــــا رسولة ، أنتِ مو تكولين اعتبرك أب بمرور الزمن هم راح تعتبريني حبيب. شكد وجعني گلبي علية زفرت نفــس اشرت على الباب وكتلة بهدوء - نزلني هنا ادهم. - رســــولتي. - نزلني ادهمم! - لاتعوفيني. - نزلني داكلك. جر نفـس متحسر طبك على صفحة باوعت علية من المراية وكتلة بهدوء گلبي مكسور علية رِســن - أدهم شيلني من بالك ، أنا صح نجبرت على زوجي بـــس بمرور الوقت حبيتة ، أنا لو ما احبة ما اجي للمستشفى من سمعت صحة ولهفتي تسابق الخيل ، أهتم بزوجتك هية تستاهل وتخيل أختك تتزوج شخص مثلك شنو موقفك انتَ بوقتها؟ ارجع الزوجتك ، وشيلني من بالك انتَ اصلًا متحبني أنتَ متعلق بية لا اكثر، ادهم انتَ كضيت عمرك تجبر بخاطري عفية لاتخليني اشوفك مكسور بية أتمنالك الموفقية بحياتك ان شاء الله. نزلت وطبكت الباب وراي ، وكفت اجرت تكسي ورحت للمستشفى ، أول مادخلت الممر مال طابق الثاني لكيت فلفلة كاعدة لامة رجليها الصدرها شعرها نصة بالأرض باسل واكف كدامها روحه مفرفحة بـــس شافني كال باسل - وين صرتي رِســن ، صار ساعة منتظرچ. رِســن - إي حروحلة. اشرلي على فلفلة وشال ايدة يأشر على راسة بمعنى ماكو حجاب عكدت حاجبي ورديت رِســن - شتريد منها؟ هية مو محجبة. فتح عيونة بوجهي ورد علية - تردين شبل يتسودن. - عليمن يتسودن والله حلوة البنية ما محجبة كوا هية؟ باوعت عليها وهيـة عيونها متروسات دموع مشيت وكفت كدامها وهيـة كالت كلارا - اخاف افوت ومايريدني.

الكاتبه مَرمر الـ دِليمي . pinned «• موضع عـظم الغـفر • - الكاتبـه مرمر الـدليمي. ══━━✥◈✥━━══ قـبل البدء لُطفًا التصويت والتعليق بين الفقـرات... ══━━✥◈✥━━══ بخيبة أبطال هالبارت : چنت محتاجلج تمشين وياي شلون انطاج كلبچ عني تمشين؟ يأقوت ... صافنة على قبر أبوية ووضاح واكف فوك راسي ، تفكيري…»

وخرت ايدها من عيونها وردت - غير ابن عم شيبر شررطي طبعًا ادري. - لعد لييش ميكلوليي؟ - عبالهم تخافين. - منين اخاف؟ - ما ادري كافي اسكتي. سكتت افكر تقربت كعدت يمها وحچيت - منووو يريد يشردهاا. شالت الغطة من راسها تنتر - العصاااابة التشتغل وياهم. حطيت ايدي على حلكي دايرة وجهي منها ما أريــــد اشوف عيونها شلون تخزرني - يمة عزة ياربي سترك ، والله احسن حل نعوف هاي المحافضة ونشيل. كلبت روحها وهزت ايدها - علمود لو طلعت شذرة السحورة من تسويهن ميوصلنة بسرعة مو. سكتت فشلانة امداني هذا هم تفكير سكتت بعد علمود رِســن تنام امير سبح وتغدة ونام للعصر اخذت فلوس ورحت البيت ام مرتسم ، صار بوجهي ابا الفضل ااااالله اكبر شنو السالفه غلست ومشيت وهوَ كال - ليـــش طالعة وحدچ. - رايحة الصديقة أمي بيتها قريب. اشرلي امشي وهوَ كام يمشي وراي دكيت الباب فتحه مرتسم سلمت ودخلت اجتي ام مرتسم سلمت علية نزلت راسي وطلعت الفلوس من جنطتي وقدمتهن بأتجاه مرتسم غسـق - شكرًا على وكفتك ويانة سيد ، وهاي الفلوس حق تعبك وشكرًا مرة ثانية. مرتسم - شنو هذا الحچي أني طالب منچ فلوس؟ - لأ والله ابد اصلًا ماجبت طاريهم بـــس أني صار عندي الحــمدلله كلت انطيك حق تعبك. - غس... - أخذهن عليك جدك رسول الله. زفر نفـــس ضايج اخذهن وطلع نص منهم رجعهن الي - هاي لأن حلفتيني. - بـــس ماخذتهن كاملات. - المهم اخذت لو لا؟ - خذت. - چا خوش. - شكرًا مرتسم. سكت مارد علية رفعت نظري أله مميل راسة يباوعلي ارتبكت ونزلت راسي وهوَ تدارك نفسة وكال - أدللي بوية. طلعت من بيتهم ورجعت البيتنا زفرت نفــس ضايجة من شفت ابا الفضل واكف هذاا شبيي !! شكوو شكوو دخلت للبيت ضايجة هسة بودي اطلع املخةة تمللخخ شعندك واكفلي وين ما اروح طبيت للغرفة اذب بعباتي تليفون رسن بصفها يدك وهية ترفض تقدمت سحبتة " شيبر " فتحت عيـــوني على وسعهم وندهت رسن فتحت تك عين وعاطت بوجهي رِســن - هااا هااا ما انااام يعنيي. - شيبر يتصل ! فزت فاتحه عيونها وبسرعة كامت عدلت كعدتها لزمت الجهاز يرجف بأيدها وكالت بلهفة رِســن - شيبرر؟ رد عليها بصوت تعبـــان ناصي شيبر - هــا يلهوة ... يتبــــــع ★ شسولفلك يغالي شسوى بيه الشوك تدري شكد الك هالروح مَشتاكه ؟ مثل رمش برمش يتوسلن بلعين يمتى العين ترمش حتىٰ نتلاكه . رأيييييييكم ؟!!! چنت كاطعة التنزيل لان اربعين الأمام الحسين ونشرت بالتلي بنات ♥️🫰🏽 قناة التلي للتغشوشات ← sanoo783 حساب الانستا للتغشوشات← 7mr.pn التيك تـوك ← 7mr.pn الباقِياتُ الصَّالِحاتُ: -سُبحــانَ الله -الحمــــدُ لله -لا إلهَ إلا الله -اللهُ أكبـــر -لا حَول ولا قوة إلا بالله -سُبحــان الله العَظيــم -سُبحــان الله وبِحَمـده -أستَغفِــر الله وأتوبُ إليه -اللهُمَّ صلِ علّى مُحمد وآل مُحمد دُمتم في امان الله ســـالمين 🤍.

- ايييي روحيلهاا بهذاا مكياجج ولا تمسحيي. فتحت عيـــوني اباوعلها - يــا مكياج؟ كلشي محاطة. - انتن شنو عبالچن من تحطن مكياج منعررف؟ كلشيي نعررف كلشي. - الله يزيد معرفتچن. عفتها وطلعت من الصف رحت للأدارة حچيت للمديرة كلشي اخذت البطاقة وطلعت من المدرسه كلها واني ضايجـه ومقهوره شبيها هاي ليـــش هيچ وياي انقطع حبل افكاري من طلع گدامي ابا الفضل گـاعد يشتغل عمالة ، استغفرت ربي وكملت طريقي سويت روحـي ماشوفـه صاح علية بخفة وگــال ابا الفضل - تعـالي بويــه. درت وجـهي عليـه ورديت بسرعه منزلة عيوني غَسق - ها؟ ابا الفضل - تعـاي اوصلچ بطريقي. غَسق - مشكور خويـه راح اوصل. من گلت خويـه تغيرت ملامح وجـهه صفـن شوي درت اعوفة واروح بعدين گال ابا الفضل - لاتعاندين ، صعـدي. گلت معانده كلامـه غَسق - وصلت والله ماله داعي. عيني اجت على السبحه مالتي لازمها ويفر بيها بطريقة حلوه ، يعـني يعاند ويلبسها ويلزمها بأيده! ويفر بيها علمود اشوفها مـن شافني صفنت على السبحه ابتسم ، رفعت راسي اباوع على وجهه المتعوب وجهه يكت عرگ ولبسه مدمر صبغ وتراب ، مسح جبينه المتعرگ بكف ايده باوعتله نظره اخيره وعبرته ماشيه للبيت. اول ماوصلت للبيت دخلت هلكانه تعب وحاره تموت الجو مو مال لا طلعه ولا طبه ، تذكرت العمال الله يساعدهم شلون يشتغلون بهل حر. لگيـت امي گاعده تسوي بالغده والمطبخ ماينطب بي مـن الحر ، ذبيت العباية والجنطه بدلت ونزللتلها وهيه تلگتني ناهده - هلا يمه الله يساعدچ شو بساع رديتي. غَسق - ويساعدج اكثر يمه إي بـــس اخذت البطاقة وجيت ، حاره شموازيچ يبعد عيني. ناهده - چا شلون يمه تموتون من الجوع. غَسق - راح نموت من الحر وشريفـه. ضحكت وگالت بجديه ناهده- الله يساعد مولاتي زينب بالحر وتركض ادور على اخوها. غَسق- هوه الله هم يعرف عباده ويسوي بيهم هيج من الحر حتى يذكرون مصيبة اهل البيت عليهم السلام. ناهده- والله يايمـه مصيبتهم مصيبه. تنهدت وكملت تسوي بالأكل وانـه اعاين عليها شلون تعبانه وگوه واكفه على رجليها وهيه ماتخليني اساعدها ، دخلت رِســن تتمشى ببطئ عيونها ذبلانة من النعاس وجهها اصفر بدون حتى لاتحچي باست راس امي وراحت للغرفة تنام ، كمت لحكتها للغُرفة كعدت يمها غسـق - هــــا رِسن؟ باوعت بعيوني عيونها مغرغرة دموع وكالت بحس مبحوح بي نبرة بُكاء - جعفر كصو رجلة. جريت حسرة ورديت مقهورة - ياعيوني خطية ليـــش. - أبو العار ضربة طلقة برجلة وهسة كصوها. - يمة عزة حسبي الله ونعم الوكيل. حچتها ومسحت دموعها كالت بنبرة فرح - شيبر على الأغلب هلسبوع يصحى. زفرت نفـس براحة ورديت - الحــمدلله الحمدالله. مسحت عيونها حيل وكلبت روحها على بطنها عاطت متوجعة وبسرعة دارت على ضهرها - شبيچ؟ - مابية ، أريــــد انام. هزيت راسي أي مطت جسمها وبطنها طلعت فتحت عيـــوني واني اشوف شخص صغير صاير احمررر مديت ايدي شلت التشيرت من بطنها توسعت عيـــوني بصدمة اكثر من شفت شخط شطوولة صاير ببطنها غَسـق - شنوو هذاا رسنن؟!! - نشخطت بالدرج نوشة. - تضحكيين علية انتتِ؟!! شنوو هذاا. - داكلچ نشخطت بالدرج شبيچ انتتِ! خزرتها وكمت جبت ديتول وشاش عقمتة وهية بـــس مغمضة احچي احچي احچي ومتجاوب كملت طفيت الضوة وعفتها وطلعت مسحت وجهي ورفعت عيوني للسماء ، ياربي ما ادري اختــي شجاي تعيش حاليًا بس الي اعرفة هية بوضع صعب كلش ، لاتعوفها ياربي كون وياها. تمشيت الغُرفتي على صوت دكة تليفوني جريتة اباوع بالأسم ورديت مرتسم - السلام عليكم. غَسـق - وعليكم السلام اهلًا بيك سيد. - شلون الصحة ان شاء الله تمام. - الحــمدلله بخير ربي يخليك ، اكدر اشوفك اليوم؟ - نعم كل الهلًا بيچ. - شــوكت؟ - هسة. - شنو؟ - العصر يعني أقصد. - تمام شكرًا. غلقتة منة مشيت يم أمي نسولف دخل امير من الشغل رحت جبتلة مي أخذة مني وشرب باوعلي وكال بهدوء أمير - شعندچ اليوم وي اخو الشيخ؟ عكدت حاجبي ورديت - تراقبني أنتَ؟ - داكلچ شعندچ اليوم وي أبا الفضل ! - راد يوصلني واني ماقبلت. - بصفته منو ويوصلچ. - بصفتة جيرانة. - وبعد. - هاهية. - انتِ جاي تشتغل وياهم؟ هز راســة بمعنى أي سكتت ادعي بگلبي الله يهدي چان 24 ساعه نايم لو طالع حتى احنة منشوفة كعد بصف امي ساكت واني هم ساكتة رفع راسة الي - متولين شعندچ لاطشة. - شنو؟ -روحــــي منا. - وين شبيك. - ارد اصخم اسولف. عكدت حاجبي ورديت - متسولف لعد منو يمك. شال ايدة يأشر - وي امي وي امي. - لعد شعليَ اني؟ - تلكاع يمچ تنحظر. باوعت الأمي نشگ حلكها من الفرحة لان كال امي ولا چن طردني هزيت ايدي ومشيت دخلت للغرفة مال رِســن افتر هسة شلون اعــرف شيسولفون فززني صوت رِســن من كالت رِســن - يريد يكلها شذرة رادو يهربوها البارحـــه ولزموهم الشرطة لاتضلين تفترين فوك راسي أريــــد انخمد. فتحت عيـــوني ورديت - عزززة حلفي شمدرييچ.

حاول يتقدم علية وصحت بي بهدوء كـلارا - ضل بمكانك ، ابتعد مني. گال وهوة عيونه يرفضن الي كلتة بَـس انه كارهتهم ومدا اتقبل عافوني كل هلسنين نطق بكسرة عين على شيبر وعين علية - فلوة ماتعرفين بشنو غشونه. صحت بي جسمي ينتفض مِـن مكانه كلارا - اي اي ضحكوا علية بچم كلمةةة اشش باسل اسكتتت كارهتكم كلكممم والحسن. حچة بهدوء وكلامة زلزلت عقلي - انتِ تدرين سوولچ فاتحه !! والكِل حاليًا يعرفچ ميته. عكدت حاجبي اباوعلة - شنو ؟ موتوني؟ اتقدم علية وقبل لايوصل دخلت رسن واني عين عليها وعين على باسل الي دار راسة الها وهية فتحت عيونها تباوعلي مصدومة رِســن - كلاراا !! ضحكت بخفوت ضحكة حزن على حالي - كلكم تعرفوني! وماتعبتوا نفسكم ادورون علية لكك انييي ثقيت بيك بالاخير تخطفونيي شنو عبالكم ما اشررد؟ عيون باسل على رِسن گال بصدمه مُعتله ملامحه من كلامي باسل - شتحچييين انتِ !! لو خاطفج اعوفچ بمكان مفتوح ! خفت يلكوج جماعة سعد ويرجعون يأذوچ. - عمكم الشريف ابن الشريف غربني عنن حياتتي وعنكم وعن كلشي شمرني بمكااان مال دارر ايتام بمحافضة حتة ما اعرف اسمها ماعرف كلشيي ما اعــرف بيها طفلة طفلةة كضيتتت عمررري ادو... قبل لا اكمل كلامـي ، فجأه صوت الأجهزه مال شيبرر وگفت وصوتهن رن بالغرفه وانفاسنه وگفت ويا صوتهن وگفت الدموع وجمدت بعيوني ، ثــواني مرت والاطباء ترسو الغرفة طلعونة منها جرتني رِســن الصدرها تمسح على راسي رِســن - فلوة باسل مايدري بيچ عايشة لچ هوَ شيبر اخوچ مايدري بيچ عفية لاتحچين هيچ. اباوعلها عيونها على الغرفة وتحچي وياي كعدت بلكاع ابچي ياربي دخيلك ما أريــــد اخسر اخوية اول ما لكيتة كعدت بصفي وجهها ذبلان حچيت وياها - شبيچ وين چنتي. - يم جعفر. - ابن سعد العاار. - سعد قتلة سامر. فتحت عيـــوني جسمي يرجف بلعت ريك صافنة بوجهها ، يعني شنو؟ مات قاتل ابوية؟ بعد ماكو سعد ؟ ضليت بـــس صافنة وهية هماتين صافنة على الغُرفة تحچي وياي رِســن - هليومين يعترفون على صفية وهمَ يشيلوها ، خلصو كلهم وشيبر ماكعد. مسحت عيـــوني ورديتلها - صار شكد داخل بغيبوبة. - شهرين ونص. مسحت وجهها وكامت حاچت باسل الي لابس ملابس شرطة ويفتر بتوتر هزلها راسة وهية دخلت الغرفة البصف شيبر شوية وطلعت منها صاحتني رِســن - ضلي كاعدة هنا باسل ميرضة بلممر نضل واكفين. - باسل منو ويمشي كلمتة علية؟ ابوي امي؟ - چا اني الي باسل منو ويمشي كلمتة علية؟ هم لا امي ولا ابوي بـــس من شفت حچايتة صحيحة والزلم كلها برة ماحچيت. سكتت مقتنعة بكلامها كعدت بالغرفة الي بيها جعفر باوعت الوجهة ورجعت باوعت الرجلة غفيت ما ادري بنفسي شوية وفزيت على صوت خبصة بلممر وما اعــرف إذا هوَ صياح فرح لو حزن كمت رجلية ترجف أريــــد اوصل الباب احسة صار بعد الف خطوة علية غســـق ... گعدت ثاني يوم عيوني گوه فاتحتهم بَـس اليوم لازم اداوم علمود اخذ بطاقة الوزاري ألا اني داخلة بدرجاتي ذنيچ ومدا اروح امتحن الشهريات الأخيرات لان ما احتاج الحــمدلله گمت بدلت طلعت بره الغرفــه لگيت أمـي گاعده تسوي ريوگ ناهده - هـلا يـمة صباح الخير. رديت بأبتسامه غَسق - هلا بيچ يمه ، صباحچ ورد. ضحكت بخفـه على سوالفي وگـالت ناهده - شلونـچ ويا السادس؟ غَسق - شدگولين وانـا غَسق؟ ناهده - معدله على امچ رفعـة راس. ابتسمت على سوالفها ،حطت الريوگ واني اكلت بسرعه وگمت ناهده - يمـه شأكلـتي ووراج يوم طويل دگعـدي كملي ماعونچ. غَسق- لا يمـه ولا ما أشتهي تعرفين الصبح ما أكل ، عود من ارجع اكل ، صدك رسن من شــوكت راحت للمستشفى شو من وكت؟ - البارحـــه ضلت بايتة بالمستشفى سودة عليها هلبت روحها رايحة على رجلها. - إذا رجعت كليلها تفتح كتاب وتقرأ. - إن شاء الله ، يلا عينچ على نفسچ. هزيتلها راسي وطلعت لاگيت صديقتي بالطريق گضيناها سوالف اللحد ماوصلنـه دخلنه للصف ولگيت المُدرسه الي اني وياها مـن الروس رغم كل المدرسات يحبني إلا هااي مدري شبيها چن اجتها فرصـه وگعدت ترزل بيـنه اني وصديقتي ، صديقتي انخلست راحت برحلتها وسكتت ماحچت ، بَس غَسق بعـد شدگولون تسكت هلمرة ؟ باوعتـلها وجادلتها بأحترام وگتلها غَسق - ماعتقد تأخرنـه هواي ست. ردت عليـه منتظرتني ارد عليها - شوو السانچ طويل أنــتِ!! نزعت الجنطه مـن أچتافي وگلت غَسق - ماگلـت شي چذب ، كلت الحقيقية ، الدرس يبدأ بـ الوحدة وهسة بـ 12:58 أنتِ جاية من وقت. صاحت بية گدام الطالبات مـن حطيت جنطتي على الرحله أريـد أگعد - طلعي برااا!! مالچ درس يمي. باوعتلها شبيها هاي اليوم متحمله علية غَسق - انـتِ مدرسه المفروض تعلمين الطالبات مو تهينيهن ! گليلي ماما بعد لا تتأخرين وتشلعين عيوني بَـس ليش تبثين علية كلام موحلو عبالك كارهتني ! صاحت بيـه مرة لخ - گلـت طلعيي برااا وانه احاجي المديره عليچ. لزمت جنطتي وگفـت گدام الباب وگلت بأحترام - لاتتعبين نفسچ أني الراح احاچيها.

لزمت گلبي عيوني انترست بالدموع تخشبت بمكاني خايفه ارجع لو اتقدم ماعرف الخطوه والقرار الأفضل ،اتقدم عليَّ بثگل لازم بأيده بطل عرفت هـذا شارب ! ركضت بسرعه بالشوارع اتلفت وراي كلساع خايفه واني اشوفه يركض وراي بثگل على ساعه يطيح اللحد ماصرت گدام شارع عام اجرت تكسي بسرعه وصعدت فحطانه الهث النفس صار ثگيل عيني على ابو التكسي الي يباوع على حالتي بشك وگال - خويه شارده مـن شي ؟ هزيت راسي بنفي بتكرار وگلت گوه اتنفس - لا لا ، بَـس اخذني المكان بعيد. استغرب حالتي وماحجه وياي هواي، طلعني گدام ونزلت استحيت شگله حتى فلوس تكسي ماعندي جنطتي ما ادري بيها وين اصلًا - مـاعرف شگلك بَـس .. قبل لا أكمل هوه گـال - روحي خويه مبرية الذمه. ابتسمت شلون طحت بولد محترم ، بسرعه مشيت بالمكان الحد ماوصلت المُستشفى گدامي دخلت بيها وتهت من كبرها اتلفت بعين تايهـه ادور بَـس شخص واحد ويـن شيبر ! وين اخـوي ، بهاي المستشفى لو غيرها؟ دخلت اركض بالممرات ماعرف شي هنا المحافصة تختلف على محافضتي ناسيه كلشي چان هنا ، اساسًا ما اتذكر اني وصغيرة شسم المحافضة الچنت بيها حتاريت شسوي تهت احس العيون كلها علية مستغربين حالتي واني لاتشوفون حالي خايفه كلش خايفه مـن العيون العليـه اخاف بلحضة يطلع ابن عمي لو عمي ويرجعون يخطفوني طلعت گـدامي بنيه لابسة لابكوت ابيض اول ماشفتها فرحت رحت عليها ركض لزمتها مـن ايدها وهيه نزت من مكانها مستغربه شلون هيج سويت حچيت بتردد وخـوف واضح على ملامح وجهي التعبانه - عفيـة اكو مريض هنا اسمه شيبر. - اي ، ليش؟ گلت واني عيوني تتلفت على الغرف بلكت المح واحد اعرفه مـن اهلي بلكت المح أمي - اخوي هوة. هزت راسها وگـالت تأشرلي بأيدها منين اروح - روحـي مناك وصعدي للطابق الثاني اول غرفه على يسارچ هيه. هزيت راسي وتشكرتها، عفتها بسرعه ورحت ركـض بأتجاه المكان خطواتي مُبعثره خايفه ومتردده بَـس اريد اشوفه ، كل خطوة اخطيها گلبي دكاتة الف بيها واني امشي تذكرت كلشي تذكرت من چنت اوكع ويجي يركض يشيلني تذكرت من امرض ويكوم يبچي وحته ميطلع يلعب إلا وياي تذكرت شلون ذبحو ابوية ودمة تطافر كدام عيوني تذكرت أبوية شلون چان يمسيني فلفلة بچــيت بوجع كعدت بنص الطريق ابچي واشهك أريــــد اعين نفسي واوصلة ما جاي اكدر كمت كوة علية اول ماوصلت مالگيت احد كدام الغرفة ، اخذت نفــس بقوه تنفست بأريحيه چن ماي بارد ونزل علية لان محد اكو ، اجيت ادخل واجتي وحده مِـن ذن الي يطمنن على المريض وعلاجه باوعتـلي وگالت - تعرفين المريض؟ هزيت راسي وگالت - ميصير ادخلين عيوني ، الا تتعقمين. هزيت راسي ومشيت وراها خذتني المكان دخلتني بي باوعتلي مِـنْ فوگ ليجوه وانطتني الملابس الزرگ ، انطتني اچفوف وكمامه لبستهم وعقمتني چان مكان المستشفى اظلم مُرعب بشكِل ، ضوء اصفر بنهاية مطاف المَمر يطفه ويشتغل كأنما ينبـه عن هـاي اللحظه ، صفنت على الضوه شلون يشتغل ويطفه فزيت وعيني تحولت عليها مِـن شفتها مركزه بملامح وجهي الشاحبه وگالت بجديه - عينچ على الحواليچ ، ترا الدنيا مو أمان. ماعرفت شنـو قصدها او المغَزه مِـن كلامها الي بَث حفرة شك صغيرة بداخلي حاولت اتلاشه الموضوع وارجع عقلي وفكري بَـ شيبر واهلي طلعت من المكان وگفـت گدام غرفـة شيبر فتحت الباب بهدوء وسديتة الغرفـه بارده وهادئه بَشكل چبير بَـس صوت الأجهزه يرن براسي وبالمكان اتقدمت بخطوات ترجف خطوات بطيئة عكس گلبي اليركض بدت الدموع تتجمع بعيني بكثره غوشت الرؤية بعيني مـن شفت شخص ملفوف راسه بـشاش وجـهه مخربش مخرب ملامح وجـهه الحلوه وجسمه الچان قوي ويحمي الغريب والقريب بي هسه مَمدد مثل الجثه العايشه بَـس ميته ، تقربت ببطئ ابچي هذا اخوي والله هذا شيبر اخوية حطيت ايدي على حلگي كاتمه شهگتي الي تريـد تطلع بَـس متردده خـوف مِـنْ الواقع والمُستقبل راح يتقبل وجودي يعرفني لو لا يحبني لو يكرهني ليـــش مادور علية ليـــش ما كال اختي لو چان يدور علية ومايلكاني .. كلشي ضل يدندن براسي مثل الچاكوچ تقدمت اكثر خايفه بَـس اريد اكسر حاجز الخوف المانعني مِـن اخوي الغايبه عنه سنين گعدت على حافـة الچرباية قربت ايدسي ومسدت على راسه الملفوف وكلت بغصة كـلارا - شيبر أني فلفلة. " عشت مطلوب عمري الشوفتك دين وهسة بشوفتك وَفيــت ديني إذا تشعل حبيبي الجيتي شموع ألك كُلي اشتعل لمن تجيني " ضليت ابجي ماعرف شسوي بَـس اريده يگعد ، حچيت بغصه وانه منزله راسي وعيوني تذرف بالدموع - عشت بَضيم طول عمـري جريت حسرة وكملت كلامي احچي بخنگ كلارا-وهسه متانيني ضيم ثاني. ضليت ربع ساعة عيوني بَـس عليه الحد مانفتح باب الغرفـه گمت مِـن مكاني خايفه خاف عمي !! باوعت زين واجت عيني بعينة انصدم من وجودي وكال اول ماشافني باسل - فلوة ! مسحت ادموعي عيني عليه متكبت الحقدد والسنين العافوني بيهن كلهن بگـلبي عليهم كـلارا - اي فلوة النسيتوها وماتعبتوا نفسكم تدورون عليها.