سالفهـة وشعر🤎

و لاچَنك هَذاك أنت العِرفنِي و سُولف البيه و گدَر يوصَل غِمج روحِي و يمَاشِيني إعله فد نِيه و لا چَنك حَبيب الرُوح چَنك مِنجُبر بيه

شگُبرها الوحَشة مِن دونكَ وبيمن يلتهيّ الـ سولته عَيونك

اني مو ثقيت بيك و عالجرف گتلك بكيفك وين ما تبحر وراك؟ ليش خليت السفينة بكيف موج البحر تمشي و هذا يا قارب خذاك؟ مشتريك بروحي انا الماخذك بيش اشتراك؟؟؟.

چا شرد اگلك بعد ؟ واندهلك بيا صفه ؟ وانتَ اگرب من النفس ومن شفتك انه الحزن من كل حياتي اختفه يا سلوتي و منوتي يا بسمتي ودمعتي يا مالك العاطفة يا اترف من الورد بس يمك انتَ انسعد من مر طيفك برد حضني اعلى ثلجك دفه چا شرد اگلك بعد ؟ واندهلك بيا صفه ؟ وعيوني لو شافتك تفترسك من الولع چن بيك متحلفه ونوعين هو العشگ لو نسمه لو عاصفه!

عود دلوك الدرب بس ضيعوك واخذوا التمرات و انطوك النوى وانت عطشان وأبد ما شربوك يا سراب اللي عطش منه ارتوه انه ردت انساك بس شوكك جبير ردت اكلك روح والفضها تعال

گتلي من تعطَش تروّيك الچفوف وهذا انا العطشان وين چفوفك وگتلي إذا شَح النظر بعيوني شوف شفت كل الناس بس ما شوفك وگتلي إِذا جرحك كُبر برموشي روف شو كبر جرحي وصغر معروفك انا ادري رموشك أمضى من السيوف شجاب گلبي وحَطة بين سيوفك .

إشتَهيت أنشاف بَعيونَك مَليت الوجوه المو مِثل لونَك ، أنا لوبيك لو يمّك هناك أرتاح يَعافيتي أربَعينك ما يشبهونك !

محَد يفكدك تره.! بس امَك واني لا تغلطّ بروحتك مُو انه اليتاني. طير انه إذا مَاتجي متعَود إعله السِمه ماراحّ تلكاني.!

جنت أدري كلبك مو إليه وجنت أدري تتونَس عليه وماكدرت أتركك مو بأيديا ألليله تمشي وآنه أتاني وتنام يم راسي الأغاني وأنتَ گاضيها تحاجي ثاني ..

شلون اعَوفك؟ واني روَحي الگاها بيك يمته اشوفك؟ لو تواعَدني بجهنم هم اجيك!

خلي اكلك كلشي عني انا طيب ما انام من اسمع حچايه تغثني چيَ وفيّ محد فهمني انا يمكن رقم واحد بالحزن بس چاي اكابر ..

طلقه براسي احطها ولا عشك مذلول توصل للكرامه هنا اهد كلشي

عشِرتهم گصيره وناس چذابين لو ندري بطبعهم ما عشگناهم

كون تشوف رُوحي شخَله بيها الخوف مطلوبة نذر وتخاف ماتوصل حَضرتك "من بعيد تطوف" لـ جبَارّ رشيَد .

ومِثل نار بگطّن مَابينت مهَموم بارد بالوجِه وآنه احتِرگ سكتَة!.

كل العيون مرت مرور الكرام الیٰ عيونك🤎

بعد بية حِزن ينكتِب ، ماينشاف وتعب مستوطِن برُوحي ومتلفلف عليَّ لفاف الحِزن مثل اللّٰه ماينشاف🥀

اليگلي شلونك يدفعني كفارات وانه شلوني ! وشراح اسولفله ؟ انه شيبه واحطاً وين ؟ كِلها صغار انه وردة بوكِت بي شاخت السلة بعدني صغير انا شجابني على الشيب خلص وكِت المرآيه وميلت الكِذلة

يمته اشوفك ..؟ حته ٲشمن روحي بيك حته ٲكحل الماغفن لحظه ٲبجفاك النوم والضحكه الگبل تعرفها زين من مشيت ٲثنينهن راحن وراك..