RTM_Tabiiy fanlar

#iqtisodiyot_va_biznes 🔊Cambridge University Press & Assessment tashkilotining tajribali eksperti Ion Tay va mahalliy olimlar ishtirokida, xalqaro standartlar asosida takomillashtirilgan iqtisodiyot va biznes fani Milliy o‘quv dasturining o‘ziga xos jihatlari nimalardan iborat ekanidan xabardormisiz? ✅ Ushbu video aynan shu haqida. 🔴Iqtisodiyot va biznes fani Milliy o‘quv dasturi o‘quvchilarda iqtisodiy va moliyaviy savodxonlikni, tadbirkorlik ko‘nikmalarini hamda mehnat bozorida raqobat qilishga tayyorgarlikni bosqichma-bosqich rivojlantirishga xizmat qiladi. 🔵Dastur orqali o‘quvchilar shaxsiy byudjetni rejalashtirish, jamg‘arma yaratish, investitsiya va moliyaviy risklarni baholash, biznes g‘oyalarni ishlab chiqish hamda hayotiy vaziyatlarda mas’uliyatli iqtisodiy qarorlar qabul qilishni o‘rganadilar. 👍🌍🌍🌍🌍🌍🌍 🌐Veb-sayt ✈️ Telegram 👥 Facebook 📺 YouTube 📹 Instagram

➖Cambridge University Press & Assessment tashkilotining tajribali eksperti, xalqaro o‘quv dasturlari yo‘nalishida faoliyat yurituvchi akademik tadqiqotchi Fay Weston va mahalliy olimlar ishtirokida, xalqaro standartlar asosida takomillashtirilgan geografiya fani oʻquv dasturining oʻziga xos jihatlari nimalar ekanidan xabardormisiz? ✅Ushbu video ayni shu haqida. 🔴Geografiya fani Milliy o‘quv dasturi tanqidiy va kreativ fikrlash, hamkorlik, kommunikatsiya, raqamli savodxonlik hamda muammoni hal qilish kompetensiyalarini rivojlantirib, barqaror rivojlanishga hissa qo‘shadigan avlodni tarbiyalashga xizmat qiladi. 👍🌍🌍🌍🌍🌍🌍 🌐Veb-sayt ✈️ Telegram 👥 Facebook 📺 YouTube 📹 Instagram

🌍🌍🌍🌍🌍🌍 📍Toshkent shahridagi 60-sonli umumta’lim maktabida “Salomatlik yo‘nalishlari” ta’lim dasturi doirasida “Sog‘lom avlodni tarbiyalaymiz” mavzusida respublika seminari bo‘lib o‘tdi. ➖Seminarda 2025–2026-o‘quv yili yakuni sarhisob qilinib, dasturning istiqbollari muhokama qilindi va o‘quvchilarga sog‘lom ovqatlanish tamoyillarini amaliy o‘rgatuvchi “Food-laboratoriya” interaktiv mashg‘ulotining taqdimoti tashkil etildi. ➡️Respublika ta’lim markazi vakillari dasturning ahamiyati haqida to‘xtalib, bu yondashuv o‘quvchilarning kundalik hayoti va oilaviy muhitida sog‘lom amaliy ko‘nikmalarni shakllantirishga zamin yaratayotganini alohida qayd etishdi. 🔵Tadbir yakunida dastur doirasida faol ishtirok etgan pedagog va hududiy koordinatorlar taqdirlandi. P. S. Bugungi kunda mamlakatimizning barcha hududlarida muvaffaqiyatli amalga oshirilayotgan mazkur dastur har yili 12 mingdan ortiq o‘quvchini qamrab olmoqda. 👍 🌍🌍🌍🌍🌍🌍 Bizni kuzating! 🌐 Veb-sayt ✈️ Telegram 👥 Facebook 📺 Youtube 📹 Instagram

✅✅✅✅ ➖Maktabgacha va maktab ta’limi vaziri E’zoza Karimova Respublika ta’lim markazida amalga oshirilayotgan ishlar va erishilgan natijalar yuzasidan mas’ullar bilan uchrashuv o’tkazdi. 👍 🌍🌍🌍🌍🌍🌍 Bizni kuzating! 🌐Veb-sayt ✈️ Telegram 👥 Facebook 📺 YouTube 📹 Instagram

📍Maktabgacha va maktab ta’limi vaziri Respublika ta’lim markazi faoliyati bilan tanishdi ⚡️Bugun Maktabgacha va maktab ta’limi vaziri E’zoza Karimova Respublika ta’lim markaziga tashrif buyurdi. Tashrif doirasida tashkilotda amalga oshirilayotgan ishlar, erishilgan natijalar va istiqboldagi rejalar to‘g‘risida axborot berildi. 🔊Vazir markaz xodimlari bilan uchrashib, ular uchun yaratilgan shart-sharoitlar hamda RTM faoliyatining samaradorlik ko‘rsatkichlari bilan yaqindan tanishdi. ⏺O‘rganishlar davomida Davlat ta’lim standartini ishlab chiqish va o‘quv dasturlarini takomillashtirish jarayonlariga alohida e’tibor qaratilib, mazkur hujjatlarni jamoatchilik muhokamasiga tayyorlash bo‘yicha tegishli tavsiyalar berildi. ⏺Shuningdek, maktabgacha va umumiy o‘rta ta'lim uchun o‘quv adabiyotlarini yaratish borasida bajarilayotgan ishlar ko‘zdan kechirilib, ushbu yo‘nalishni yanada jadallashtirish yuzasidan aniq ko‘rsatmalar belgilandi. 👍 🌍🌍🌍🌍🌍🌍 Bizni kuzating! 🌐 Veb-sayt ✈️ Telegram 👥 Facebook 📺 Youtube 📹 Instagram

🌍 O‘ZBEKISTONDA GEOGRAFIYA ILMI: TARIXIY TARAQQIYOT, ILMIY MAKTABLAR VA GEOEKOLOGIK MUAMMOLARNING ZAMONAVIY YECHIMLARI 📢 Xalqaro ilmiy-amaliy konferensiyaga maqola va tezislar qabuli boshlandi! Hurmatli professor-o‘qituvchilar, ilmiy tadqiqotchilar, mustaqil izlanuvchilar, doktorantlar, magistrantlar, yosh olimlar va talabalar! Sizni “O‘zbekistonda geografiya ilmi: tarixiy taraqqiyot, ilmiy maktablar va geoekologik muammolarning zamonaviy yechimlari” mavzusidagi xalqaro ilmiy-amaliy konferensiyada ishtirok etishga taklif qilamiz. 📍 Manzil: Toshkent 📅 Konferensiya kuni: 2026-yil 20-iyun ⏳ Materiallar qabuli: 2026-yil 19-iyungacha 📚 Konferensiya shakli: dasturiy chiqishlarsiz, faqat ilmiy maqolalar to‘plami shaklida 💳 Tashkiliy to‘lov: 50 000 so‘m 🎓 Sertifikat: QR-kodli sertifikatlar 2026-yil 22-iyun kuni yuboriladi ✅ Maqolalar quyidagi tillarda qabul qilinadi: o‘zbek, rus, ingliz, qozoq, qirg‘iz va turk tillarida. 🔹 Konferensiya sho‘balari: 1️⃣ O‘zbekistonda geografiya ilmining shakllanishi, tarixiy taraqqiyoti va milliy ilmiy merosi 2️⃣ Oliy ta’lim tizimida geografiya fakultetlari, yo‘nalishlari va kafedralari tarixi 3️⃣ Hamidulla Hasanovich Hasanov va Rahmonbek Umarbekovich Rahimbekov ilmiy merosi: O‘zbekiston geografiya fani tarixini o‘rganish masalalari 4️⃣ Abdusami Soliyev ilmiy maktabi va O‘zbekistonda iqtisodiy-ijtimoiy geografiya tadqiqotlari 5️⃣ Asom Alimovich Rafiqov ilmiy merosi va O‘zbekistonda geoekologiya maktabining shakllanishi 6️⃣ O‘zbekistonda hududiy geografiya ilmiy markazlari va mahalliy geografik maktablar 7️⃣ O‘zbekistonda geoekologik muammolar: hududiy tahlil, monitoring va zamonaviy yechimlar 8️⃣ Zamonaviy geografik tadqiqotlarda GIS, masofadan zondlash, raqamli kartografiya va innovatsion metodlar 📌 Maqolalarni rasmiylashtirish bo‘yicha asosiy talablar: ▫️ maqola hajmi kamida 3 bet bo‘lishi; ▫️ matn Microsoft Word formatida, Times New Roman 14 shriftida tayyorlanishi; ▫️ qatorlar oralig‘i 1,5 interval bo‘lishi; ▫️ annotatsiya va kalit so‘zlar o‘zbek, rus va ingliz tillarida berilishi; ▫️ foydalanilgan adabiyotlar ro‘yxati GOST uslubida rasmiylashtirilishi lozim. 📌 Konferensiya materiallari elektron shaklda Academic Research Publisher saytida va Academic Science Publishing Telegram kanalida joylashtiriladi. 🤝 Konferensiya to‘lovining 1 foizi ijtimoiy mas’uliyat tashabbusi doirasida xayriya maqsadlariga yo‘naltiriladi. 🎁 Maqola va tezislari qabul qilingan ishtirokchilarga hamkorimiz Hamroh books nashriyotidan xarid uchun 20 foizlik chegirma vaucheri taqdim etiladi. 📩 Maqola va tezislarni yuborish uchun: E-mail: journalofgeographyandregionals@gmail.com Telegram: https://t.me/jgrs_2026 📌 Tashkiliy qo‘mita konferensiya yo‘nalishiga mos kelmagan hamda belgilangan talablarga javob bermagan materiallarni chop etmaslik huquqiga ega. Ilmiy izlanishlaringizni xalqaro ilmiy maydonda e’lon qilish imkoniyatini qo‘ldan boy bermang! 🔸https://t.me/academic_sciense_publishing

🤝5-iyun — Butunjahon atrof-muhitni muhofaza qilish kuni! 🌎Qadrli hamkasblar va aziz yurtdoshlar! 🫥Bugun sayyoramiz iqlim oʻzgarishi, suv tanqisligi kabi katta muammolar bilan yuzma-yuz turibdi. Davlatimiz rahbari Global ekologik jamg‘armaning sakkizinchi assambleyasi ishtirokchilariga tabrigida aytganidek, yurtimizda ekologik tozalik uchun tizimli kurash boshlandi va 2 million yoshning ekologik savodxonligini oshirish bosh maqsad qilib olindi. 🔠Tabiatni asrash shunchaki burch emas, balki qalbimizdagi borliqqa boʻlgan mehr va masʼuliyatdir. 🔸Respublika taʼlim markazi jamoasi ayni shu mehr maktab ostonasidanoq boshlanishi kerak deb hisoblaganimiz bois takomillashtirilayotgan oʻquv dasturlarimizga yashil taʼlim tamoyillarini, iqlim oʻzgarishi muammolari hamda tabiatga nisbatan masʼuliyatli munosabatda boʻlish koʻnikmalarini singdirmoqdamiz. 🔹Musaffo osmon ostidagi ona zaminimiz har doim yam-yashil libosda koʻrk toʻksin, tabiatimiz oʻzining betakror tarovati va jozibasini hech qachon yoʻqotmasin, farzandlarimiz esa mana shunday toza, baxtiyor va begubor muhitda kamol topib, yorugʻ istiqbol sari dadil odimlashsin. 👍 🌍🌍🌍🌍🌍🌍 Bizni kuzating! 🌐 Veb-sayt ✈️ Telegram 👥 Facebook 📺 Youtube 📹 Instagram