قناة لكروب وفاء العباس ع لجميع القصائد

أول هاشمي قرر .. يتقدم علي الأكبر  للحومه ارتجل .. اولهم نزل  ×=×=×=×=×=× طب وصاحت الفرسان  هــذا منيـــن التـقدم  طالع مـن خـيام حسـين  فارس للحرب مهتم  هـذا المـرتضى الكـرار  والـعنده بخت يسـلم  ضرغام الحرب معروف وبضرباته ما يرحم  خله العسكر بحيره .. ضيع كل تدابيره     الجيش نذهل .. أولهم نزل  ⇔⇔⇔⇔⇔⇔⇔ صال وضـيع المـهرب  لـمن صال حـــــيرها  كـرات الـوصي الكــرار  بالــميدان كــــررها يجـمع بالكــتايب گــام  ويـــــرد ويطـــــشرها روس القاده والشجعان ضل مثل الرحه يفرها مثل المرتضى أفعاله .. عين حسـينه تبراله  من ذك الفحل .. أولهم نزل  ×~×~×~×~×~× واحـد يسـئل بـواحد صارت ياجها الكـوفه  لا تسـئـلني ما أنــدل انه خـــيالي مـاشـوفه  كـلمن حـــاير بـروحه صارت بالزلم خوفه  طب للـمعركه الصنديد مغزل فرها بچفوفه  طبها الهاشمي بزوده .. غيض مشمر زنوده  يحلاله الزعل .. أولهم نزل  ©×©×©×©×©  مره المـيمنه ومـره صوب الميـسره يهمها  يطشـرها ويرد ردود ارض المعركه يلمها روس الخيل بالخـيال كـلمـا غـار يـردمـها  وبدم الركب من سال روس الخـيل وسمها  طب وذل شواربها .. وحتارت كتايبها  عالعسكر حمل .. أولهم نزل  ⇔⇔⇔⇔⇔⇔⇔ مـن لاح بضهرها وغـار حـيدر رجع ايامه  وحده وما تصير ثنـين ضرباته لعلى الهامه  بيمـينه يلـوح الســيف وصـل دمـها لـحزامه  رد بـراس ابـن غـانم مــــن ميـدانه لخـيامه  خيـبر وأبن ود موجود .. بس هم النصر مريود  حي اعله العمل .. أولهم نزل  ©×©×©×©×©×©    أمـر اللـه ونــزل بالـموت لابـد أن يتـم أمره  من ضهر المهر مـن طاح عين الولد تنضره  عالدنيـا العفى يناديه حســين ومنكسر ضهره  اليشـبه رســـول اللـه  صار بكـل كـتر وذزه  صارت بالخيم حنه .. أمه وعمته وسكنه  من حان الأجل .. أولهم نزل  ⇔⇔⇔⇔⇔⇔⇔ عـلي عگـاب ألــعمري

(﷽) 📜 قصيدة: الاخو غالي ✍ الشاعر وسام الشويلي 🎤 بصوت: محمد الجنامي 💛◼️◼️💛◼️◼️💛 الاخو غالي .. تــسميـه الاخـت بلــسم للــجروح الاخو غالي .. إذا راح المـحنه اويه الوفه اتروح 💛◼️◼️💛◼️◼️💛 لا مو دمع هذا حجي فوك الوجن طاح يا ناس گلولي الاخو شيعوضه لو راح العدها اخو مثل الحسن كل همها ينزاح تتعب وإذا طوله يمر مهجتها ترتاح اخوي الحسن ضي عيني اشوف ابنوره دربي عزيز و اعز من روحي علي شاهد يربي ابويه الثاني احسبنه اخوي الملك گلبي يباريني .. ولا گول الحمل بوجوده مطروح الاخو غالي .. إذا راح المحنه اويه الوفه اتروح 💛◼️◼️💛◼️◼️💛 فگد امي و افراك الابو و اهموم دنياي هونهن اعليه الحسن من جان وياي حنينه ما الها وصف عنه الحجي اهواي قاسمني نسمات الهوه و ابشربه الماي مد روحه الي خيمه اخوي ابفيه اگعد ايعوف اجروحه وايداوي ابجروحي وبيهن ايشد احس روحي تفارگني إذا عن عيني يبعد عگب عينه .. علي باب المصايب صار مفتوح الاخو غالي .. إذا راح المحنه اويه الوفه اتروح 💛◼️◼️💛◼️◼️💛 ساعه يفارگني الحسن و الوجهه اشتاك ومن يبتعد خطوه احس بيه النفس ضاك شلون اصبر وادري الحسن ناوي عالفراك بعده يفرهدني الحزن و اسنيني تنباك صحت ياريت معميه ولا بعيوني شفته ترس ذاك الطشت دمه وذر صارت جبدته اخوي اليجبر الخاطر كسر بفراگه اخته آنه شحالي .. واعاين للاخو بمنازع الروح الاخو غالي .. إذا راح المحنه اويه الوفه اتروح 💛◼️◼️💛◼️◼️💛 ابحسراتك اتعاين الي و ابآخر انفاس اتحاجي الحسين بدمعتك و اتوصي عباس زينب أمانه امن الحسن عدكم يحراس واجب خدرها ينحفظ من نظره الناس صحت يالمامسمعني كلام الگلبي جارح الف ذبحه انذبح گلبي يخي من گتلي رايح توصيهم على خدري و اگلك خدري طايح اسيره امشي .. و ابو اليمه اعوفه عاري مذبوح الاخو غالي .. إذا راح المحنه اويه الوفه اتروح 💛◼️◼️💛◼️◼️💛 اذكر ايامك يالحسن و آنه ابهالايام جنت ابدلالك واصبحت مسبيه بالشام وسط الخرابه گاعده و محتاره بأيتام لو نامت العين الجرح ما يگدر اينام رغم سبي ورغم هضمي ولكن ما نسيتك عليك ابجي يبو محمد وانه ابعازه حميتك مثل ما انخه ابو اليمه وابو فاضل نخيتك آنه اعتابي .. على الدنيا التزيدني بجي و نوح الاخو غالي .. إذا راح المحنه اويه الوفه اتروح ▪️▪️▪️▪️▪️

#نعـي #تـراث (عليمن من صفه الجمهور) ندبة لصاحب الزمان لمصاب السيدة الزهراء روحي فداهما عليمن من صفه الجمهور عليمن يهجم اعله الدار عليمن حطب سد الباب عليمن تشب بيه النار عليمن ينبت البسـمار الخله ابكل گلب بسمار 😭 عليمن والظلع كسروه عليمن عصرو الزهره ــــــــــــــــــــــــــــــــــــــ عليمن حيدر ابداره عليمن حاط بيه الجيش عليمن علي اشلون انگاد اوحگه اشلون يغدر ليش اشلون الصخرة الصمّه وأثر صدع بيها الريش علي كل الفخر حازه واكبر كل فخر صبره ــــــــــــــــــــــــــــــــــــــ عليمن بچت منعوها تنوح اونعت والدها مدينه اصبحت مرتده اولا واحد يساعدها غصبها واسگطو محسن وكسر الظلع چايدها اوسوط امتونها ويـلاه او حمره عينها بسطره ــــــــــــــــــــــــــــــــــــــ عليمن بضعة المختار عن النوح منعوها الأراكه التستظل بيها عداوه اوبغض گطعوها عوالي اوفدك ورث إلها ابيا دين استحلوها الباطل غصب حگ الحگ هظيمه اوصار تحت أمره ــــــــــــــــــــــــــــــــــــــ عليمن ماتت الزهره لا صرخه ولا رنه علي بليل غسلها نعم عندك خبر منه دفنها اوضاع مدفنها بعد من ينشد عنه بعد ما يندره لليوم وانته اليوم بيه أدره ــــــــــــــــــــــــــــــــــــــ عليمن جدك الكرار معزول اوسكن داره ابوجوده هظمة الزهره واهو الما ينهظم جاره تاره ينعه ابن عمه اويذكر فاطمه تـاره يشوف ايامها ابذله اوعبره امکسره ابصدره الشاعر المرحوم عبدالامير الفتلاوي #اللهم_عجل_لوليك_الفرج

نعـي لمصاب رسول الله صلوات الله عليه وآله غالي الأبو ويكتل رحيله😭🚩 ولو غاب مايحصل مثيله يجرح گلب بنته وخليله راح اللذي همي يزيله ضليت من بعده عليله راح المصطفه سيد البريه راح الكل وكت ينشد عليه انه ام الحسن بنته الزچيه يريت بداله تاخذني المنيه ولاشوف من بعده الاذيه ودعني ابوي وراح منّي تراب الگبر اخفاه عنّي ابچي عله گبره وطال ونّي ظني انگطع ياناس ظنّي بعده المصايب هالأجنّي ابويه المصطفه توسّد.     ترابه راح الچانت عيوني.       ترابه يون گلبي وصحت حگه.  ترابه جرح ما يشفه ينزف للمنيه سيد_زيد_الفحام اللهم_عجل_لوليك_الفرج

نعي مع ابوذيه للشباب =================== بحلات النوم ابني سمعت ونته فزيت  وصحت   ياولد  ونته كل  غايب  اجه  بلعيد  وانته لا مريت  لا  تنشد  عليه ....... يمه يايمه يايمه الولد يمه جا ليش  ماتنشد  عليه علفركه   مالي   قابليه خذاك الدهر  يمه شبديه شبيدي  ييمه  على المنيه ............... خذاك الموت  والكبر ضمك ريت  الكبر  يلولد   ل أمك رد  يلولد  محتامه  اشمك ولشوفتك  محتام  كلبي ................ يلولد    ياريعان    كلبي يوم  الغبت  تيهت  دربي لدربك  ييمه  العين  تربي ومتانيه  يمته  تجوني ................ تربي  على  درب  اليمرون اعاين  لربعك  من  يجون عليك   يايمه   ينشدون ينشدون  ويمردون  كلبي .............. ينشدوني  واحتار   شحجي اصرخ  بحركه  كلب وابجي وينك   ييمه   يمته   تلفي على دروبكم  عيني ربيه .............. وينك  ييمه   كثر   وني ومحد يشيل الظيم عني وين الكاك  يلرحت مني عميه   عليكم   ياعيوني =================== خادمتكم الحجيه ام علي 🏴أنت المعزى سيدي يا صاحب الزمان ... عظم الله اجوركم💔 ✍️..بذمته يحذف اسم الناشر .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿........👩‍🚀.....................🥺😭💔...خدمتكم شرف لنا

للامام الحسن العسكري عليه السلام يادمعتي.  من دمه صبي اعله خدي يادمعتي.  بالبجي نواسي المهدي عظم الله اجرك يغايب يعين كلبك ع مصايب يابو صالح.   يابو صالح ....... يعين كلبك يابو صالح من دمه دموعك تصب ولو من ليلة العاشر سيدي شظل بالكلب تشوف ابوك كبال عينك موقفك كلش صعب تبجي وانه اعرف عليمن راح اسولفهن واطب تبجي لحسين ..... محد ينوح  اعله جثته مرمي ع الكاع .. تنطك شما ناحت اخته ابالك الشام ونوايب يعين كلبك ع مصايب *** فاتحه ابيتك واشوفك بيك لوعه  الكربله شماتجي تعازيك وادم تذكر حسين وهله شلون ظل اعله الترايب دامي محد غسله ولا رضو زينب تنوحه ولا تنوحه العايله انت سويت  ....  فاتحه ودمعه ومصيبه وتبجي للشيخ  .. الجثته ظلت سليبه وفوكه مالطمن حبايب يعين كلبك ع مصايب *** والدك غسلته بيدك وانت لفيت الچفن كبل لا تعگد أزاره صحت  وعيونك بچن حسين ليش اعله الوطيه ماتغسل وندفن وليش تغسيله الحوافر سحگته وصدره انطحن والدك مات .... بس الحسين اعله بالك كربله وياك ...  سيدي حتى ابخيالك لن شفت بيهه العجايب يعين كلبك ع مصايب ** والدك شيعته بيدك وانت نزلته بگبر واللحد بيدك حفرته وجبت كافور وسدر كمت بس من البواجي صارت عيونك حمر تبجي لحسين وذكرته النايم بحر الظهر من دمه تنوح ... للبقه بحر الظهاري بلا گبر نام  ...  بلا فياي حسين عاري ولا شريف الظل يطالب يعين كلبك ع مصايب *** الخادم موسى البطلي https://t.me/rtyuuurt

مرن    عليه    هواي  وهواي ليل وصبح   ما يبطل إبچاي من   الضلع   للغاضريه والليله ابوي  بهالمسيه  يلعسكري يلعسكري ----------------------- شايف مصايب كل هلي سم وذبح بعيوني يا شيعة ملچوم الگلب يهل العزى واسوني انه الشفت ام الحسن  محنيه بس حاچوني آه  يا  مصايب  كربله  اه  يا هلي عينوني يا شيعه  شفت حسين  مذبوح وام   الخدر    علمنحر     تنوح   هاي الصدگ صعبت عليه والليله  ابوي   بهالمسيه  يلعسكري يلعسكري ----------------------- گدامي شايف كربله وحتى العطش هم شفته من وجه عبد الله  انخطف والموت گرب وكته من ظل وحيد الماله اهل  وبظهره بس عايلته من  حشم  الماتو  لچن  سكته  ولزم خاصرته محد  فزع  لن  كلهم   اموات الله    يعينه  بظهره   خيمات  ودع هله وما منه  جيه والليله  ابوي  بهالمسيه  يلعسكري يلعسكري ----------------------- ما ينحمل حرگ الخيم  والشده زينب هايه الجاباهه عباس الكفل  مامونه يم الرايه عماتي ركضن بالحرب وانتچن آيه بآيه والسوط لا يعرف فرض لا يعرف امصلايه ظل  يستلذ   بوجوه   الزغار نار    وتسير    صوب   جمار  متخلي  لا طفله  وسبيه والليله   ابوي  بهالمسيه  يلعسكري يلعسكري ----------------------- فگد  الابو  كلش  صعب  اه يلحسن يا چبده يلشاب يل ما طولت  حزنك عمر   مو  مده واني بزغر عمري  اليتم  عيشني هاي الشده من تلتفت مامش ابو  مات التعيش بسده مات   الحنين    وراحة  البال  شالت الطيبه   بساعة   الشال يل يمي  بس  مبعد عليه  والليله   ابوي   بهالمسيه  يلعسكري يلعسكري ----------------------- والشده   بافعال  البشر  من  تنعرض يوميه ما تنحمل  لچمه  بجرح  هيچ  التعب تاليه   هو اليضحي بكل  هله  وبعيونه چم مسبيه چا  غير ناسه  تعاونه  چا وين حسن النيه اسمك محب بس فعلك  يگول جارح  امامك   وانته  مسؤول هالفزعه    رايد   للقضيه والليله   ابوي   بهالمسيه  يلعسكري يلعسكري كلمات الخادم  /  رعد الفريجي 30 /صفر / 1448 ثوابها الى روح والدتي https://t.me/rtyuuurt

قصيدة لفراق الأحباب 🕊🕊♡🕊🕊♡🕊🕊♡🕊🕊♡ تمنيت    الغوالي  يمي   هاليوم يشيلون الحزن من گلبي مهموم نحچي بظيم الگلوب ودمع العين مصبوب            تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ تمنيت    الغوالي   ما  يبعدون ولا خلو  دليلي   ينعه  محزون شكثر  ونيت  الهم  مايسمعون هم يرجع  زماني وهم يسألون ترد ياذيچ الايام لينه الفرح مادام           تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ لينه   يعود   كلمن   فارگيناه خذاه الموت  منه تراب غطاه والمفارگ ابعينه  ظلمه  دنياه ما ننسه الگعدنه وعشنه وياه نار ابوسط  الضلوع گلبي صبح مفجوع          تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ يانار    الاحباب     الالمتني اون لفراگهم  حيل  اتركتني مجروح   وعليهم    عذبتني غصب ياموت عنهم غربتني بعدهم روحي اتذوب عليه  الحزن  مكتوب           تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ بعدهم   دورهم  خلوانه   وتنوح ترك  بيه  الدهر  حفنات  الجروح وجفني من السهر والدمع مقروح وابالي   صورهم    ابد    ماتروح ما   احمل  جفاهم متت كوني وراهم         تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ جفاهم ما احمله وغيبه ووداع شگد نامت غوالي  جوه  الگاع عافونه ومشو من عدنه ابساع بالدنيه  صفينه  غربه  وضياع بينه هوايه حسرات عله لسكنو  خرابات         تمنيت الاحبهم يمي هاليوم 🕊🕊♡🕊🕊♡🕊🕊♡🕊🕊♡ تمت والحمدلله ✍ خادمة أم أبيها الشاعرة أم علي الحلفي 🚫 #اللهم_عجل_لوليك_الفرج #یوسف الزهراء 💔 قناة جروح عاشوراء

بصوت ابو ياسين الخادم

قصيده ثقيله للامام علي الرضا ((عليه السلام)) مهمومه هالليله الروح ماتدري لاوين تروح محتاره مابين اثنين … گبر الرضا وگبر حسين كـظـيـم وروحـي مذهولة على حال العترة تتألم مـرة عـلـى الرضا ومرة على أبو الأكبر تشيل الهم واحـد بـأرض مـشـهد مات مسموم إنغدر بالسم واحـد جـسـمه بأرض الطف غسلوه بنجيع الدم هـذا الـغـريـب المسموم - هذا الذبيح المظلـوم وانـحـفـرن إلهـم قبرين - قبر الرضا وقبر حسين الـحـديـث يـقول من تزور حسين وتقصد لقبره إلـك يـكـتـب إله الكون ألف حجة وألف عمره هـذا ابـن الـوديـعة الي تغسل من دما نحـــره انـذبـح جـمـب النهر عطشان ومنه شرب قطـره جـالـت على ضلوعه الخيل - تصرخ دموع الياويل أرد احـفر بجفن العيــن - قبر الرضا و قبر حسين حـديـث الـثـاني كل من زار الرضا وللمرقد تعنى الـرضـا يـحضره بمخاض الموت وبيده تدخله الجنه هـذا الـي قـضى مسموم لونك ناشدت عنّـــه لـهـيـب مصابه ما تطفى لا دمعة ولا ونــــه لـمـصـيـبته دموع تسيل - چم نايبة المهجة تشيل مـذهـولـة واحتارت بين - قبر الرضا وقبر حسين حـديـثـين اسمعت والروح بقت هاليوم محتــاره احـتـارت تـنتحب إلمن وتحمل لوعته ونـــاره تـروح تـزور أبـو السجاد وتزور الأخوة وانصاره لـو قـبـر الـرضا تقصده وتزوره ويــه زواره مـن عـيــنـي العبرات - وبروحي نار الحسرات مـحـتـارة تقصد لا وين - قبر الرضا وقبر حسيـن تـعـنـيـت لأرض مـشهد أزور المرقد الطاهـر أطـوف بـقـبـر أبـو محمد وأواسيه بقلب شاجر لـن وحـي الـقـوافـي يقول قاصد وين يا شاعر حـتـى الـرضـا بـهذا اليوم راح لكربلاء زايـر بـالـطف جميع الأمـلاك - هالليلة مجموعة هنـاك بـالـدمعة حفرت جرحين - قبر الرضا وقبر حسين أمـلاك ورسـل هـالـيـوم على قبر حسين مجتمعه هـذا عـلـى الـضريح يحوم وهذا اليسفح الدمعه أول زايـر تـعـنـاه أمه فاطمـــة البضعــه تـنـوح عـلى الي واساها بذبح طفله وكسر ضلعه تبجي على صدره المهشوم - روح الرضا ويـاها تحوم لـلزهراء راواها البيـن - قبر الرضا وقبر حسيـن حـزيـنـة لـعـترة الهادي أواسي الزهراء و اتحسر دمـعـتـي دمـوم أجـريها أواسي دم أبو الأكبـر وأروح لـمـشـهـد أتعنى بقلب ملهوف ومكـدر أحـن عـلـى الـرضا وقلبه الذي بسم العدا تفطر عـجـبـه الامام السلطان - يصبح غريب الأوطان والـشـيـعة بين مصابين - قبر الرضا وقبر حسـين 🔆🔆🔆🔆🔆🔆🔆🔆🔆🔆 الناشر // الملا عالي مقامي غير مبري الذمه يحذف اسم الناشر

فاجعه الرسول الاعظم ( ص) القصيدة صاحت بهل الفاجعه ارض وسمه عظم الله اجر الوصي وفاطمه ___ اه واويلاه مسموم النبي بفگده الله يعينها الزهره وعلي من بعد هاليوم ما ينزل وحي الكون اظلم والزچيه ميتمه عظم الله اجر الوصي وفاطمه ____ الكون كله مظلم ويرثي الرسول ناحت املاك السمه ويه البتول وكل وجود الكون للزهره يگول يساعد الله گلبچ الينزف دمه عظم الله اجر الوصي وفاطمه _ يا وسف مغدر سيد المرسلين والامان يروح وي طه الامين من لعين الجور يمتدد العين واحد لواحد ظلمهم سلمه عظم الله اجر الوصي وفاطمه __ اليوم يتوسد محمد بالتراب انصاب صدره النازل عليه الكتاب والزچيه اليوم حل بيها المصاب وراح اليساند علي بالموزمه عظم الله اجر الوصي وفاطمه _ انفتح باب احزانها وما ينغلگ عليها باب الدار باچر يحترگ عمدا بچف الظلامه ينطيگ تظل مكسورة ضلع مألمه ✍بقلم شاعرة قرابين الطف العلويه الاء العذاري اسالكم الدعاء لي ولوالدي اللهم عجل لوليك الفرج يا مهدي مدد.... ..

كلي ياناعي ليش مخسوف الكمر كلي ياناعي جــاوب أنطينـي خبر بالنعــش سيـد البشر لو ضلع أمي أنكسر 1 كلي ياناعي الحزن وأرحم بحالي آنه زينب حايره وانشده بالي هذا ضلع أم الحسن طايح كبالي لو على ظهر النعش سافر الغالي أنظر بعيني نزلت تنوح السمه أنظر بعيني تواسي أمي فاطمة الليلة مفجوعة الصور لو ضلع أمي أنكسر كلي ياناعي 2 آه يناعي النايبة ماتحاجيني خيم بروحي الحزن وبيّن اونيني مثل ماعينك بجت هم بجت عيني منك أترجه الخبر كافي تاذيني هاك أخذ روحي وكلي عن الفاجعة هاك أخذ روحي حتى أروح اتوادعه بالنبي حان القدر لو ضلع أمي أنكسر كلي ياناعي 3 قلبي يخبرني أنه راح أبو الزهرة اعرفته جدي المصطفى من نبع عطره اسمعتك تنادي علي مات أبو العترة أنت تتولى الدفن وتحفر قبره هذا أبن عمك شلت بيدي جنازته هذا أبن عمك أنت تحفر حفرته قلبي عالهادي انفطر لو ضلع أمي أنكسر كلي ياناعي 4 راح جدي ومايرد نايم بلّحده واليسافر للأجل بعد شيرده ادري من سد الجفن دمعته بخده لان عاف أبنيته فاطمة بشدة يدري من يرحل باب بيته يحترك يدري من يرحل حتى محسن ينسحك محد يزيل الخطر لو ضلع أمي أنكسر كلي ياناعي 5 آه ياناعي مـن الألم أستمـع همي من يهجون العِده ويرتجف جسمي أمي باجر تنسطر عالوجن يمي وآنه أصيح بعبرتـي لاتطك أمي تبجي وتنادي فاطمة آنه أم الحسن تبجي وتنادي أسمع يكلها وإن هذا عرش الله أنعصر لو ضلع أمي أنكسر كلي ياناعي 6 من يهشمون الضلع وأحمل أحزاني راح أحير بكربله وجتلت إخواني وآنه أصير الناعية هناك تلكاني عندي يومية عزه بقلبي نيراني تخلص سنيني وعيني ماتخلص دمع تخلص سنيني على القبور أشعل شمع عمري اكضي بس قهر لو ضلع أمي أنكسر كلي ياناعي شطره أمجد صاحب الشطري

قصيدة لنبي 📜على محمد واويلاه ـــــــــــــــــــــــــ على محمد وا ويلاه ، ، على محمد وا ويلاه هالليله حيدر دمعته اتسيل عنه محمد قرر ايشيل بالموت كون إيصير تبديل عاف الحياة ومات وياه على محمد وا ويلاه ، ، على محمد وا ويلاه أذن الموتك صوت الآذان قُرآن راح وباقي قُرآن والزهره نصبت بيت الأحزان والمثلك إنته اشلون تنساه على محمد وا ويلاه ، ، على محمد وا ويلاه غابت شمس رب السماوات سمعت محمد ع الأرض مات هيهات مثله ايصير هيهات رب العرش من نور سواه على محمد وا ويلاه ، ، على محمد وا ويلاه والزهره صاحت ياضوه العين بويه المنيه جتك أمنين بعدك يغالي الحسن وحسين أسود عليهم يوم فرگاه على محمد وا ويلاه ، ، على محمد وا ويلاه هالليله گلب حسين مجروح من جسمه تطلع رادت الروح من بعد جده ايموت مذبوح وأملاك رب الكون تنعاه على محمد وا ويلاه ، ، على محمد وا ويلاه والله الزمن بالناصبي ايدور مشايه لازم نعتني انزور يمك نقيم احزان عاشور وانصيحلك دربك مشيناه على محمد وا ويلاه ، ، على محمد وا ويلاه اوصلك و راية علي اوياي شيعي وأغيض اعداك وعداي وياي يمشي المهدي مشاي كلما ندير الوجه نلگاه على محمد وا ويلاه ، ، على محمد وا ويلاه هذا الزمن بالمهدي موعود قائدنا واحنه شيعته اجنود ويانه يمشي وندري موجود كل شيعي يدعي ابفرج مولاه على محمد وا ويلاه ، ، على محمد وا ويلاه علمنه حيدر هذا الاحساس شيعه ابنصرنه تفخر الناس مرجعنه يبقه رفعة الراس فتوةْ مُحمد هاي فتواه على محمد وا ويلاه ، ، على محمد وا ويلاه ________ كلمات الشاعر ~ ناظم الحاشي