بات بات

اردبیل. حکیم فضولی انجمنی ، اسفند ۱۴۰۴ فیلیم چکن انوش جنابلاری

بنگر خدایا نقص عضو پیکرم را چون بید می لرزاند عمر پرپرم را مرغ دلم می نالد از درد دما دم رنج قفس ریزد نمک زخم پرم را تا صبح می ریزد ز چشمم سیل خونبار دریا در آغوشش کشیده بسترم را از طاقت افتاده تن بیمارم اما طاقت ندارم گریه های دخترم را دیشب سر سجاده با معبود گفتم یارب اجابت کن دعای آخرم را یک معجزه یک اتفاق تازه امروز تثبیت کرد ایمان و دین و باورم را یک دست بخشنده شبیه یک فرشته بخشید بر من آه نصف دیگرم را اهداء عضو بنده آیی از جنس خالق از مرگ دورم کرد و مدیونش سرم را مثل مسیحا با دم عیسی ایی خود جان داد بر من کرد زنده پیکرم را علیرضا شتابی «باران» 🆔@baran_shetabi

‍ اوروجلوق من ده اوروج توتماغا حال قالماییب حتتا دئدیم بیر گئجه قال، قالماییب یخچالی ماتم بورویوب، خلقی غم سوت چورویوب فیرنی‌ده حال قالماییب ات  باهادیر آز کسیلیر مال داوار قصّاب آزالمیش، ایته یال  قالماییب قارنی یوغون کاتدا ممیش اینچه‌لیب  بوینو یوغون حمزه‌ده دال  قالماییب کار کاسیبین هر نه‌یی الدن چیخیب نین‌ده  تویوق، تؤیله‌ده مال قالماییب دین قوجالیبدیر دییه سن آی  داداش ایندی «حارامدیر بو حالال» قالماییب آروادی عقرب کیمی سانجیر دیلیم  تا کی لال اولسون دیلی، لال قالماییب یوخدو جماعتده بو گون دیل داماق ییرتیلیب  ائولرده  قاوال  قالماییب مین سوالا بیرجه جاواب گؤرمه‌دیک سنده جاواب، منده  سوال  قالماییب رحم ائله‌سین آللاه اؤزو میللته ایت چوخالیب کتده موتال قالماییب هر نه‌یی تاراج ائله‌دی اوغرولار قورد آجالیب چؤلده مارال قالماییب قونشو خبرسیزدی بو گون قونشودان ائلده  او  دین  ایله  کامال  قالماییب کئشکه دؤنئیدیم او کئچن گونلره گون  یئتیشیب غربه ماجال  قالماییب بسدی «نیراوغلو» گوناهون چوخلاشار چوخ دئمه یوخدور کره، بال قالماییب انگووی بوش بوش یئره چوخ یورما سن  هامی بیلیر درد ندی  کال قالماییب حق‌دی اوروجلوق، توتاروق شیر کیمی کیم‌ده اوروج  توتماغا حال قالماییب؟ 16/اردیبهشت/98 .................. سؤزلوک: یال = قان. قانین باغلانمیشی. اینچه لیب = آریقلاییب. نین = تویوغون یوواسی دیل داماق = حال. ییرتیلیب =  جیریلیب. ماجال = فورصت.زامان ............................ https://t.me/ruzbehniroghlu

بو شهَرده یئییب ایچیب یئریییرم بو شهَرده چاریغیمی سورویورم بو شهَرده ایلمیزاییم غصه یاغیر اوره‌ییمه دردی غمی کورویورم بو شهَرده یاییم یازیم قیشیم دَییب بیر بیرینه گاه دونوب گاه اریییرم بو شهَرده بوردا گونو گؤی اسکییه توتدوروبلار اوشه‌نیرم کیریییرم بو شهَرده گاهدان دَلی بهلول گیرییر جولودومه اؤز اؤزمو  سریییرم  بو شهَرده داش اوستونده بیتن  یالقیز آغاج کیمی یاواش یاواش چورویورم بو شهَرده .......... نیراوغلو https://t.me/ruzbehniroghlu

بات بات pinned a video

انتشارات : مهر نوشت تعداد صفحات : ۱۵۰ قیمت روی جلد : ۳۵۰ هزار تومان زبان نوشتاری کتاب : فارسی و ترکی لطفا جهت خرید به شماره مبایل زیر پیام بدهید و یا تماس حاصل نمایید. ۰۹۱۴۴۵۳۲۷۸۴ .... https://t.me/ruzbehniroghlu

رمضان گلمه بیزیم کنده رمضان گلمه بیزیم کنده  اوتان بیر تاریدان دایمن بوردا اوروجلوقدو گئد آلماندا دولان اولارین کئفلری سازدیر  بو قوتور کتده نه وار بیز یازیقلار اوروجوق ایلمیزاییم  بیزدن اوتان نه گزیرسین بئله یوخسول وطنین تنگه‌لرین آی گؤروم کله‌وی سوخسون یئره آلله  رمضان بیز هاچان آیدا بی یول یاغلی پیلو دؤشله‌میشوک سن  ابالفضل  یئری گئت قوی کئچینک یاخشی یامان ایشیمیز یوخ  گوجوموز یوخ  جیبیمیزده یئل اسیر تکجه دولت بیزه  یارانه  وئریر  یئددی قیران بئش تومن بیزلره  یارانه  وئریر یوز مین آلیر کیم گؤروبدور بئله بیر آل وئری  گؤرسؤن دئگینان آج قارینلار نه بیلیر دین ندی  ایمان نچیدی جیبی بوش بیر کسه قارداش نه اورجلوق  نه آذان بو اوروجلوق کئفی ساز کیمسه‌لره تکلیف اولوب آج قالا تا بیله یوخسول نه چکیر چوخلو زامان په آتوونان نه یامان سیرتیق‌ایمشسان  نه دئییم  بیز قوووارکن قاپیدان سن سوخولورسان باجادان آمان آلله یئنه شیطان داراشیب روحوموزا  بیز کیچیک بنده‌لره رحم ائیله  سنسن یارادان سنه خاطیر توتاروق بیز اوروجو منتّی یوخ کیمدیر عالمده کی سن اؤل دئیه‌سن وئرمیه جان آمما رحم ائیله بیزه  اوغرولارین نسلینی کس اوغرولار قویمادی میللتده  قالا تاب و توان قورخورام دینده دوشه اوغرولارین پۆشکه‌سینه بیزه دوزخ یئتیشه  اونلارادا باغِ جنان بیرده کی  یاندیرالار روز قیامتده بیزی کافره حوری چاتا  مؤمونه ده عقرب ایلان نئچه ایلدیر اوروجو گاه یئییرم  گاه توتورام ثوابیم چؤمچه قدردیر  گوناهیم قوپلو قازان آمما هر حالدا اومیدیم وار اونون درگهینه آللاهیم لطف ائلسه گول بیتیرر قیشدا تیکان آی  نیراوغلو  دئییرم توتما اوباشدانسیز اوروج قورخورام یای گونودور  افطاراجاق چیخمیاسان ... https://t.me/ruzbehniroghlu

شعرخوانی استادروزبه صمدی، جشنواره  حیدرباباخوانی آموزش وپرورش ،بهمن ۱۴۰۴شهرستان نیر 🆔@پایگاه خبری شهرستان نیر

شعرخوانی استادروزبه صمدی، جشنواره  حیدرباباخوانی آموزش وپرورش ،بهمن ۱۴۰۴شهرستان نیر 🆔@پایگاه خبری شهرستان نیر

⭕️قار آدامی ✍️#روزبه_صمدی (نیراوْغلو) 🔸مهربان یوْلداش کتابیندان هئچم پۇچام قارام من گۆن چیخینجا وارام من اوشاخلاردی یوْلداشیم گؤرۆنمویوب گؤز یاشیم آمّا گۆندن قوْرخارام گۆنش چیخسا آغلارام بئلیمده وار قار یۆکو اوزون بورنوم یئرکؤکۆ اولدوز یاغیر کۆرکومه باخ قوْتازلی بؤرکۆمه آغ بدنم، آغ بدن گؤزۆم گیرده دۆڲمه‌دن قلبیم دوْلو اۆمیددی دۆزلده‌نیم، وحیددی باج وئرمرم طوفانا قارداشام من آیسانا اوْلار شاددی شادام من غملردن آزادام من قاردان‌ آدامدیر آدیم یوْخدو منیم بیر زادیم قار کی واردی وارام من وارام من چۆن قارام من @MuncuqAz https://t.me/Sancaq_media/8062

یازیلیب شورالیغا مش قولعلی ...................................... یازیلیب شورالیغا مش قولعلی ایشیمیز کؤکدن اولوبدور مزه‌لی هله هئچ آنلامییبدیر بو دلی شورالیق گئیمه‌لیدیر یا یئمه‌لی یازیلیب شورالیغا مش قولعلی .............................................. دییه‌سن گؤزله‌مدیم  قافیه‌نی قافیه تنگه سالیر سؤز دییه‌نی اُدبا چوخ قیناماز گولدوره‌نی هر نه یین وار گؤزه لیم بیر  بدلی یازیلیب شورالیغا مش قولعلی ................................................... بوشلویاق قافیه‌نی سؤز یاراداق سؤزو صابیر سایاغی دوز یازداق اود ویراق ظولمته گوندوز یاراداق سنه وار چوخلو سؤزوم گل ایره لی یازیلیب شورالیغا مش قولعلی .................................................... قولعلی سدلری بیربیر ییخاجاق بللیدیر طایفاسی چوخدور چیخاجاق بودا میمون کیمی چوخ موز تیخاجاق سؤزو چوخدور ولی یوخدور عملی یازیلیب شورالیغا مش قولعلی ................................................. بودا اؤز تنگه‌سین آباد ائده‌جک اؤز یئرین طرح‌دن آزاد ائده‌جک میللتین رأیینی برباد ائده‌جک کت باتار کاتدا اگر اولسا دَلی یازیلیب شورالیغا مش قولعلی ............................................................ بودا چوخ توستو چکیب یوخلویاجاق بودا قانونلاری پالچیخلییاجاق بودا اؤز منفعتین ساخلییاجاق آلاجاق دؤره‌سین اون بئش قمه‌لی  یازیلیب شورالیغا مش قولعلی ....................................................... بودا اؤز خلقینی تحقیر ائده‌جک پیس ایشین یاخشیجا تفسیر ائده‌جک تولکوده اولسا اؤزون شیر ائده‌جک ایشیمیز کؤکدن اولوبدور مزه‌لی یازیلیب شورالیغا مش قولعلی .......................................................... بودا مسجیدده گئدیب یئر سالاجاق بودا مسئوللارا چوخ دونبالاجاق بودا هئی زورنانی باشدان  چالاجاق بودا مشهور اولاجاقدیر دئمه‌لی یازیلیب شورالیغا مش قولعلی ..................................................... باتاجاق پالچیغا شرم ائتمیه‌جک ائل دئین یوللارینان گئتمیه‌جک میللتین غصّه‌سین اسکیلتمیه‌جک ظاهرین ساخلیاجاقدیر بو ولی یازیلیب شورالیغا مش قولعلی ............................................... چیخاجاق شهردارین کلله‌سینه قویاجاق اؤز دئدیگین بلله‌سینه شورانین زیللیه‌جک پیلله‌سینه گؤرسه تهدید ائده‌جک من کئچلی یازیلیب شورالیغا مش قولعلی ........................................................ بودا گؤردوکجه منی جان وئره‌جک بودا دؤرد ایل منه زندان وئره‌جک بودا هر آلچاغا میدان وئره‌جک بودا گؤیدن سالاجاقدیر زوحلی یازیلیب شورالیغا مش قولعلی .................................................. بیز اگر بوشلاماسوق شورالاری بیرلشر شهریمیزین کاتدالاری سئچه‌غون شورالیغا آینالاری کاسلارین شورادا یوخدور محلی یازیلیب شورالیغا مش قولعلی ....................................................... شورانین عضوی گرک ائلدار اولا قانونا باش اَیه، خوش کرداراولا ائل اوچون تفرقه‌دن بیزار اولا «ائل گوجو سئل گوجودور» ائل مثلی یازیلیب شورالیغا مش قولعلی ................................................... هر کسه وئرمیه‌غون رأییمیزی سایماسینلار قولاغی توکلو بیزی ایندی دای ائل تانیییر اَیری دوزی هر کسی سئچمیه‌جک ائل گؤزه‌لی یازیلیب شورالیغا مش قولعلی ........................................................ قورخورام چون دیلیمی گؤزله‌مه‌دیم هله چوخ سؤزلری من چؤزله‌مه‌دیم اود ووروب باغروزی چوخ کؤزله مدیم دؤز «نیراوغلو» آخیر ایشلر دوزه‌لی یازیلیب شورالیغا مش قولعلی ........................................ https://t.me/ruzbehniroghlu

بیر دسته یاکریم یاخیندا کندیمیزه یاخشی بیر حکیم گله‌جک چیچکلی چانتاسی  چیینینده بیر نسیم گله‌جک گؤزوم چیراغ کیمی ایللردیر آسلانیب یولونا گلنده ایوانا بیر دسته یاکریم گله‌جک پاییز گلنده گلر قولتوغوندا شاختا، کولک باهار گلنده گؤرک قوللوغوندا کیم گله‌جک یاغیش یاغارسا سوسوز آوجوموزدا بوغدا بیتر تاخیل بوْل اولسا بیزیم قونشودان حلیم گله‌جک قیزیل گولون قانی نیسگیللی چؤلده باتمایاجاق صاباح تیکانلارا غمدن بؤیوک غنیم گله‌جک همیشه گولمویجکدیر قلینجی قان تؤکه‌نین اونوندا قلبینه اوخ ناله مستقیم گله‌جک داریخما خسته کؤنول، اینجیسنده آغرییا دؤز  یاخیندا کندیمیزه یاخشی بیر حکیم گله‌جک روزبه صمدی نیراوغلو .... https://t.me/ruzbehniroghlu

بودور بیزیم طالعیمیز سول  طرفدن  داغ  کئچیسی ساغ  طرفدن  باغ  کئچیسی باشدان  آیے  آیاقدان  ایت دوزوم  دؤزوم  یاخامدا  بیت باغچامیزا  چور  داراشیب کار  داراشیب  کور  داراشیب اؤلن  کیمے  اؤلمه میشیک قالان  کیمے  قالمامیشیق اؤزوموزدن  اوزولموشوڪ  یاد  ساپینا  دوزولموشوڪ بودور  بیزیم  طالعیمیز دیلده  قيفيل  بوغازدا  دیز شیر  اولساقدا  بورولموشوق کافتارلارا  یئم  اولموشوق ... ر.  ص.  نیراوغلو ..... https://t.me/ruzbehniroghlu

با سلام، همه‌ی دوستان و علاقه‌مندان دعوتند. منتظر حضور گرمتان هستیم.

کالا برگ حکایه سی یارانه دن قاناد آلدیق قوش اولدوق آلدیق یئدیک بیر نئچه آی خوش اولدوق یاواش یاواش دالدان شیشدی هزینه طوفان گلدی بوشا چیخدی خزینه آلدیغیمیز سو پولوندا گؤرمه دی بیر قیران پول کیسه میزه گیرمدی ایندی دولت آیری نقشه چکیبدی آللاه بیلیر خلقه نه تورپ اکیبدی شوکر آللاها پول تؤکجکدیر قوچاق کالا برگه میلیون میلیون دویونجاق باشلامامیش قیمت دؤرد بئش قات اولدو آرپا گؤردو ائششک دؤندو آت اولدو یازیق میللت یامان گونه قالاجاق دامین ساتیب یاوان چؤرک آلاجاق آمان آللاه اوغرولارین الیندن بیر ضربه وور نامردلرین بئلیندن قورخورام کی بودا بؤیوک درد اولا یاشاماقدان خلقیمیز دلسرد اولا هله تئزدی نایمید اولما «نیراوغلی» گؤرمگینن بوتون یوللاری باغلی دولت اگر رانتلاری گؤتورسه قولدورلارین بوینون بوروب اؤتورسه بو میللتین کئفی بیر آز ساز اولار سوفراسیندا اؤردگ اولار غاز اولار یوخسا وطن یامان گونه قالاجاق دوشمن گلیب وطندن باج آلاجاق ۱۷بهمن۱۴۰۴ ......... ترجمه فارسی شعر از شوق دریافت یارانه پرنده شدیم و پرواز کردیم، خریدیم، خوردیم، چند ماهی خوشحال بودیم. کم‌کم هزینه‌ها از پشت سر بالا آمد، طوفانی آمد و خزانه خالی شد. پولی که یارانه گرفتیم در بهای آب هم دیده نشد، حتی یک پول خرد هم به کیسه‌مان نرسید. حالا دولت نقشه‌ی دیگری کشیده است، خدا داند برای مردم چه تله‌ای کار گذاشته است. شکر به خدا که دولت قهرمان پول خواهد ریخت به کالابرگ میلیون میلیون تا سیر شوی قبل از شروع، قیمت‌ها چهار، پنج برابر شد و الاغ با دیدن جو تبدیل به اسب شد ملت بیچاره به روز بدی خواهند افتاد، خانه را فروخته و نان خالی خواهند خرید. امان از دست دزدان، خدایا! یک ضربه بزن به کمر نامردها. می‌ترسم که این نیز دردی بزرگ شود، و مردم ما از زندگی دلسرد شوند. هنوز زوده که ناامید شوی «نیراوغلی»، با وجود سختیها همه راه‌ها بسته نبین دولت اگر رانتها حذف کند و گردن قلدرها را بپیچاند آن موقع وضع اقتصادی مرد کمی بهتر می شود و در سفره شان گوشت اردک و غاز یافت می شود در غیر اینصورت اوضاع وطن بدتر خواهد شد و دشمنان از آن شرایط به نفع خود بهره خواهند برد https://t.me/ruzbehniroghlu

اوستادنیراوغلوجنابلارینین گوزل شعرینه بیرتقابل ............................ بو وطن جورلاناجاق ........................... هرزامان اولسا حمایت، بو وطن جورلاناجاق بیر اولا گر بوجماعت ، بو وطن جورلاناجاق چوخ جنایت لر اولور اسلام آدیلان وطنه قطع اولاجُرم جنایت ، بو وطن جورلاناجاق یئکه باشلاردی خیانت ائله ییر مملکته باغلانا راه خیانت ، بو وطن جورلاناجاق اوغرونون اودلی کوسو سوخسوخ اگر بیریانینا اولماسا هئچ هئله ثروت ، بو وطن جورلاناجاق دوتسالار اوغرولارین قورقودوغون خاریجه ده اوندا گر اولسادا نفرت ، بووطن جورلاناجاق چون شهیدلر قانی باتماز آلاروق انتقامین اوباشا گلسه ظلالت ، بو وطن جورلاناجاق وئرمَسوک رای او ساتیلمیش وکیله هر دفعه بیز اونو مینمز داها دولت، بو وطن جورلاناجاق بو یازیق میللتی دولت حسابا قویمورهئله ده یه جک دولته آفت، بو وطن جورلاناجاق ساغ سولا ائتمه اینام هئچ بیرینین غیرتی یوخ قطع اولار بویله سیاست، بو وطن جورلاناجاق یاز گلر شاختا گئدر گولله نَه جکدیر بو وطن گئده جکدیر بو مصیبت ، بو وطن جورلاناجاق یوخسولو،یوخسول ائدنلر ائله یوخسول اولاجاق اَنَه جکدیر یئره قیمت ، بو وطن جورلاناجاق بو ساوادسیزلاری بیر گون آتاجاقلار ائشیکه جوشاجاق علمیله صنعت ، بو وطن جورلاناجاق تورک وکورد وعرب و لُردا بیزیم قارداشیمیز اولاجاق هممشه وحدت بو وطن جورلاناجاق بیز مین ایللردی شهیدلر یولون حورمت ائدیروک وئرر البت قانی حورمت ، بو وطن جورلاناجاق ایندی #نیراوغلو شهامتله یازیب شعرین اگر #مثمره وئردی شهامت ، بو وطن جورلاناجاق ۱۴۰۴/۱۰/۱۷

بو وطن جورلانماز ..................... تا کی وار اوغرو جماعت، بو وطن جورلانماز نه قدَر واردی  خیانت،  بو وطن جورلانماز تا کی سون قویمویالار، اوغرولارین چال چاپینه دایمن یاغسادا ثروت، بو وطن جورلانماز تا بؤیوک اوغرولارا، اؤلکه‌ده قانون یوخدور  آرتاجاق دؤلته نفرت، بو وطن جورلانماز تا شهیدلر آدی گلدیکجه بو اوباشلاریمیز چکمیه ذرّه خجالت، بو وطن جورلانماز تا کی داروغه‌لر اوباشدی، یازیق میلّتیمیز نه قدَر چکسه‌ده زحمت، بو وطن جورلانماز تا ساتیبدیر اؤزونو دؤلته، میلّت وکیلی تا مینیب بوینونا دؤلت، بو وطن جورلانماز بو یازیق میلّت ایلن دولت آرا، گوزگو کیمین نه قدَر یوخدو صداقت، بو وطن جورلانماز نه ساغین خیرینی گؤردوک، نده سولدان یاریدوق نه قدَر وار بو سیاست، بو وطن جورلانماز شاختالاردان سارالیبدیر، وطنین گول چیچه‌یی تا کی واردیر بو مصیبت، بو وطن جورلانماز تا کی گوندن گونه یوخسوللاری سینسیتمک اوچون اوجالیر گؤیلره قیمت، بو وطن جورلانماز تا ساوادسیزدا گئدیر پول گوجونه مدرک آلیر آخسایارعلم ایله صنعت، بو وطن جورلانماز تا حسین(ع)ین آدینا دیلده ریا بسلیوروک سولاجاق دین و شریعت، بو وطن جورلانماز نه قدر گؤستره یول خلقه عاغیل صاحیبیمیز سؤزونه باخماسا میلّت، بو وطن جورلانماز نه قدَر بعضی بؤیوک اوغرولارین قور قودوغو چکیر آمریکادا لذّت، بو وطن جورلانماز تا کی تورکه، عربه، کورده،  بها وئرمیه‌لر بللیدیر ریشه‌دن البت، بو وطن جورلانماز بیز یوز ایللردی شهید وئرمیشیک اسلامیته بیزلره اولماسا حؤرمت، بو وطن جورلانماز بیز گرک جان دئییبن جان ائشیدک قارداش تک اولماسا اورتادا وحدت، بو وطن جورلانماز چوخلاری حق سؤزون اوستونده «نیراوغلون» قیناییر اولماسا بیزده شهامت، بو وطن جورلانماز چیرپاروق داشلارا انشاللا باشین اوغرولارین تا کی وار اوغرو جماعت، بو وطن جورلانماز ................. روزبه صمدی ...... https://t.me/ruzbehniroghlu

پیش فروش کتاب « قافیه در اشعار ترکی» نویسنده : روزبه صمدی تعداد صفحات : ۱۵۱ قیمت : ۳۵۰ هزار تومان در تیراژ محدود منتشر خواهد شد. لذا عزیزانی که قصد پیش خرید کتاب را داشته باشند می توانند با شماره مبایل ۰۹۱۴۴۵۳۲۷۸۴ تماس حاصل نموده و یا پیام بگذارند. https://t.me/ruzbehniroghlu