شعر ,شعبي ،دارمي ،عزام الشمري ,جبار رشيد

_

مثل دفتر و بگلبه النار شبت وسنين عمري بهذا جفاك شابت چا ترافك اعزازي وتخليلي شامت يجيب طرواك چن مشنقه وبين اديه.

گلي شباقي بيهن خاطر أحچيهن توجعني الرسايل من أداريهن أكتبلك رسايل ما تسدها أوراق و حضن ساعي الرسايل من يوديهن و يرجعلي بفشلته مدنگ و خجلان لأن جايب ردودك سطر ما بيهن تگلي إنساني هسة ؟! و ذكرياتك وين ؟! تفاصيلك ، عيونك ، گلي شأنسيهن ؟ شينسيني ولك گد ما عشت وياك   بلابل بيتكم حافظ أغانيهن حبيتك مطر رغم آنة چنت جناح  و اليثگلن صفگتي وياك جازيهن  و ما أشوفن أغلاطك و آنة كلي عيون أغمض و اليبزن بية أعديهن و متناوش سكوتك رغم طبعي لسان و اليحچن بگلبي ، بگلبي أخليهن   و لگيتك نار تلسع و إعتنيتك عود و رسومي الحرگ يبّس معانيهن بكثر ما غورگن بالدمع ردن طين چا ذني الشِرنّك تالي تعميهن عايف چم عطر و مگابلك دخان گبل چنت شحلاتك و الحرورة البيك بلزمة كل رسالة چفوفي تچويهن و هسه أعصر برودك لو جهنم غير شكو نار بجهنم عصرة تطفيهن .

گلبي ما ينطيني ودعي الله عليك حوبتي تعثرك وتهجم بيتك أنت حتى بروحتك بعدك عزيز والله چذاب اليكول أنسيتك اني حتى بحلمي اشوفك من انام شناسي منك بلا شتخطيتك الله لاينطيك مااكدر اكول الله لا ينطيني چي حبيتك !💔.

‏صح رُوحي ذبّلت مِن رحت بَس الله مَا ينساها الشجرة التمَوت مِن العَطش باچر بَلم تلگاها !.‏

_

عموماً روح ليش تبرر وتتعب يمكن أني ما أنحب روح و خل أضل وحدي روح و راح تذكرني من أي واحد يحبك مراح يفهمك بـگدي و ليضل بالك تعدي تلگة الأحلى من شكلي و متلگة الأحن من عندي .

ضَيعتني و دَربك أَندلّه و أَجيك و اجوا غيرك رادوا أَبدي و ما بِديت ما أَخَذت صورة ويا غيرك هَمّي بيك بِـ راسِي عالَم تِحچي و بِـ رَأَيك مِشيت .

لـو شفـت نعشـي بيـوم لاتبچـي انتَ ياولفـي كلهـم مـات چي انـه عفتـه..

-

اقربلك من الچَيران واقَرب حتىَ من باِبك انا الشرَيان اليَبين لمن تفقد اعَصابك .

ما كلفت نَفسك ولك تسأل عليه وبالچذب چا گلت غلطة وطايحه مو گلبي صايرلك طفل مايعرف يطول زَعل بحچاية وحده تصالحه .

ياريتهُم عدهُم علِم يوميّة أشِب بنارهُم وكُل طيّر يستاهِل قفَص چيَّ مايجيب أخبارهُم..

وتوادعنه ومشيت وعمت السكته وتذكرت مالي مچان بس عندك انتَ!.

كالو اشلونك؟ گلت زين وبجيت كالو شبيك؟ و وكف گلبي ومشيت چلبو ابية تعـــال و مـا تعال چلبوا بيــــه ولگن مــا بقيت گلت اروح البیتنه وابچي اعله کيف وبل طريق اذگرت ماعدنه بيتت چني مشهد من فلم امشي عله گيف محد متانيني بسس کلش بطيت وستحيت ارجع وصاحو من بعيد ارجع ولا تستحي وحيلل ستحيت.

انـه ماضجت مـَن بچيّت المضوجنيّ بچتني العيون الچنت اضحكها و اخر صوره مـَن بالي شيوخرها و اخر صدفه جمعتنه شسوي وماتذكرني بكسرتك مامعقولةه كسرونيّ الخفت كلمتهم اكسرها .