أثـر | A T H A R

إذا صارت ثلج والبرد مر بينا يولي الحطب والجمر والنيران بس حضنك يدفينا

قصه بين ثنين يحبون بعض هي بنية ساكنة ببغداد، وهو شاب كاسب ومكافح من أهل النجف الأشرف.. عاشوا قصة حب نظيفة وشريفة، متفقين على كل تفاصيل مستقبلهم، وكان حلمهم الوحيد ينجمعون ببيت واحد تحت سقف حلال. بس المسافة وطريق "بغداد - النجف" والظروف جانت واقفة مثل السد بيناتهم، والوسيلة الوحيدة اللي تصبرهم هي اتصالات الليل والرسائل المحروقة بالشوق. بيوم من الأيام، جان هو راجع من شغله تعبان، وهي جانت ضايقة ومقهورة من ظروف عندها. صارت بيناتهم مشكلة وتغثثوا بالحجي على سالفة ما تسوى. هي من عصبيتها وقهرها، طارت فيوزاتها وقست ويا بالكلام، وقالت له كلام يكسر العظم، وسدت الخط بوجهه، ودزت له مسج يوجع القلب: "بعد لا تتصل بيا، ولا تدزلي أي شي، اعتبر كلشي انتهى بيناتنا وما أريد أعرف أخبارك!". الولد انكسر خاطره وانجرح كبرياءه وهو ميت بيها، فدز لها آخر تسجيل صوتي وبصوته تعب الدنيا وعبرة مخنوقة: "تدللين يا بنت الأجاويد.. ما أثكل عليج بعد، راح أغيب وترتاحين مني، والله وياج". مرت أيام وأسبوعين، وهي تكابر وتكول بينها وبين نفسها: "هسه يحن ويدك"، بس الموبايل ساكت والجهاز مغلق طوال الوقت. بدا الندم ياكل بعظامها، وكل ليلة تنام والدمعة بخدها، وتتمنى بس الخط يفتح حتى تعتذر منه وتقول له: "آسفة والله زعلت بدون قصد، تعالي ورجعلي روحي". بعد أسبوعين من العذاب والحيرة، ما قدرت تتحمل الشوك والندم بعد.. لزمت الموبايل بآذان الفجر ودكت عليه وهي ترجف ودكات كلبها تسمعها بآذانها. دك الرقم.. ورن! طار كلبها من الفرح وكالت: "الحمد لله فتح خطه!". أول ما انفتح الخط، صاحت بلهفة ودموعها تجري: "فلان! والله آسفة، حبيبي بس اسمعني والله العظيم أحبك وما أكدر بدونك، سامحني يا بعد روحي!". بس ما أجاها صوته الحلو اللي متعودة عليه.. أجاها صوت مرة جبيرة تخنكها العبرة وبصوت مكسور كالت لها بس كلمتين: "ابني انطاج عمره!".. وسدت الخط. الصدمة نزلت على صدرها مثل السُمّ القاتل، الموبايل وقع من إيدها وصوت الأم يرن بأذنها مثل الفاجعة ف كتبت بيت شعر .سِمـَّكْ نِزَلْ بِالْصَّدُرْ.. يَا دَمِعْ عَيْنِي سَالْ وِالْعُمُرْ بَعْدِكْ عِتَمْ.. ما يِنْحِمِلْ لَوْ طَالْ صِرِتْ أَصْرُخْ عَالْقَبِرْ.. فَقِيدِي حَالَكْ حَالْ! رَحَلْتْ بْزَعَلْ وِالْقَهَرّ شَسَوَّى بِيَّه!

💔..

أمك بزرها هواي ضل يمي أداريك وتصير ابني الوحيد وألوليلك وأغنيلك وافرشلك رمش عيني غطى وبروحي ادفيك وابوس عيونك الحلوات وبنص روحي اخليك واذا يوجعك شيء بيوم اكولن بيّه ولا بيك

أنت يا أول ذنب سولفته لأمي و گالت ذنوبك مجيدة

رِحتي وَخيالِج لاَغفى ولَا مَشه ولا عَاف رُوحي ولا بعَينِي استَقَر أربعْ مَواسم ضَل خريفج يجِي وَطَاحَت ملامح وَجهي مِثل الشجَر

خليني صَافن بَيك يالروحي بـيدك چا هي مو بالگيف گلبي اليريدك .

مالگيت لحبنه چاره شما تطول الفرگه احبك من جديد يزيد ونه المحترك من تطفه ناره

انه اخبارك اشمهن يا سمع يا شوف؟ مثل شمة ثيابي من يجون ضيوف انت ابالي تفتر فرة الحجاج عينك وي سمارك براسي كلها تطوف

يا گاع التِلمّني ويّاچ وأشتريّها بثَمن رُوحي !

ولك چا ليش تتغير جنت بگلبي اهفيلك تين ماتحمل سموم الحر كزازك نابت بكلبي وخاف اعليك تتعور

فإذا انتهَت أيامنا فَتذكري أنَ الذي يهواكِ في الدنيا أنا .

مو بيدي من ابتسم كلما حچوا عنك بس انتَ ضحكة طفل ماينشبع منك والروح لمن تمر يابه شكبر حظها وعيوني اذا شافتك جيب اليغمضها مرتاح يمك واحس كل الخساير قبل بيك الله عوضها

خلك لاَتجي سديت گلشي وياك السَيف الچان بيدك فارگ الرگبة

انتهَت ، انتهَت الله وياك مّا نصلح دوم بالجَنة لو شفناك بَـس تكعد نگوم .

يا كمر لِيلي و بَساتين الرَبيع ويَا مُدن حِيطانها بلُون البَنفسَج

انتَ الماردت تصبر صلف وبكلشي رافضني چنت حاسبني مثل المشكلة الصعبة گل تفكيرك تفضني

حويتك من جنت ممنوع تنحاش وگرهتك من صرت للغير فرهود

رُمح فرگاك اجاني مٌسابگ ويَ الريح مَاقصرت تِسلم بالنفس جبته بَس المحترگ يفهم حَچي الدخان ويعرف حَرورته ويفهم سبب علته