قصص رعب روايات مرعبه 👹

تفاعل بقى عشان القصه اللي بعد دي اجمد بكتير ❤

عادل هيموت من الغيظ ويجز علي أسنانه المحامي بيشكر عادل عادل ادي ضهره للمحامي ومشي خطوتين لقدام متجه للغرفه ورفع أيده وقاله مش عايز اسمع صوتك لاني لو سمعت صوتك تاني هقتلك...مش هكرر كلامي تاني.. هقتلك يدخلوا الغرفه بس قبل دخول عادل يتأكد أن مفيش كاميرات شيفاه وهيحط المسدس الفارغ في هدومه عادل ماشي قدام المحامي وفجأه تظهر الافعي وتلتف حوالين جسم المحامي وتبدأ بالعصر وتكسير العظام الموبايل مع عادل هيظهر القاتل ويقول انت سامحت ولكن انا لا اسامح المحامي كان رايح يتم صفقه مهمه عارف ايه هي الصفقه يا حضره الضابط هي أنه يكتب القعد بين الوزير ورجل الاعمال عدنان الادهم اه هو مكنش مشارك في الفساد ولكنه كان سبب في موت بيني وحتي لو شارك بجره قلم الافعي تعصر اكتر واكتر وعادل يقول كفايه حرام عليك المحامي هيموت وتفك الافعي من جسمه عادل هيكمل طريقه علشان يفتح غرفه يلاقي فيها القاتل قاعد عادل : انت مريض ونار انتقامك خلتك أعمي وقتلت انسانيتك وكرهت كل البشر وبقيت بتتلذذ بتعذيبهم حتي لو ملهمش ذنب فلسفتك مريضه .. انا ذنبي ايه...المحامي ذنبه ايه ضرني بدون قصد وحسابه عند ربه ولكن هو مضركش هو رايح يخلص شغل ومالوش علاقه بالاطراف المستفيده هو كان مضحوك عليه ومعتقد أن المستشفي فعلا إيله للسقوط وأنها خطر يعني هو مش شريك في أي فساد بس وربي لتدفع التمن القاتل يضحك ساخراً عادل هيكمل طريقه علشان يلاقي باب هيفتحه هيخرج لمكان مفتوح و هيلاقي فيه القاتل قاعد علي كرسي عادل هيجري عليه ولكن في اتنين هيمسكوه بس عادل يدفع جسمه اكتر لحد لما يوصل عند القاتل ولكن هو هيخبط في ترابيزه كانت محطوطه جنب القاتل ويقع عادل علي الارض هو والترابيزه الاتنين البودي جارد اللي مع القاتل يقوموا عادل عادل يقول للقاتل :اقسملك انك هتدفع التمن يحصل هجوم من الداخليه علي المكان ومعاهم الملازم ادهم ويبدأ تبادل إطلاق النار بين الطرفين ..ويتم تصفيه كل رجاله القاتل ولم يتبقي غير القاتل ولكن القاتل هيمسك عادل من ورا ضهره ويوجه مسدسه لراسه ويقول لادهم: نزل سلاحك يا حضره الضابط والا صاحبك هيموت عادل هيقول: خزينه مسدسك فاضيه يا حضره القاتل القاتل يضغط علي الزناد المسدس فارغ ومن الواضح أن عادل قام بتبديل المسدسات بينه وبين القاتل لان مسدس القاتل كان علي الترابيزه اللي كانت جنبه واللي عادل خبطها متعمد علشان يبدل المسدسات لان عادل لاحظ حاجه مهمه أن المسدس اللي علي الترابيزه كان محطوط علي يمين القاتل والقاتل عينه اليمين مفقوده فالرؤية فالمكان ده مش كامله بالنسبه للقاتل فهو استغل النقطه وبدل المسدس اللي كان مخبيه بمسدس القاتل بحركه خفه ذكيه الافعي هتهجم علي عادل اللي هيضغط علي الزناد وتستقر الرصاصه في منتصف راس الافعي مكان العين البشريه بالضبط علشان تموت الافعي أخيرااا القاتل هينهار أمام موت الافعي. ويتم القبض عليه عادل يخرج بسلام وادهم يطمن عليه وعادل يسأل ادهم هو انتوا عرفتوا مكاني ازاي ادهم هيقول ابداا يا حضره الضابط بحركه صغيره جدا انا حطيت جهاز تعقب صغير في الفايل بتاع اوراق مؤيد الداغر اللي بتثبت أنه سجله نضيف وعلي الرغم من ذكاءه ولكن هو معرفته بالتكنولوجيا يعافيه وانا راهنت علي النقطه دي ومرضتش اعرف حد منكم وفعلا الباشا بلع الطعم وحددنا مكانه واتقبض عليه وهو اللي وصلنا لمكانك عادل : طلعت معلم يا ادهم يمشي عادل باتجاه العربيه اللي فيها مؤيد الداغر عادل :انت بقا مؤيد الداغر اللي كنت مدوخ الداخليه وعاملي فيها الهوش مؤيد بأستغراب : معذره ..ماذا تنطق انت ؟؟ عادل بتناحه : ماذا أنطق .. لسه فيك ام العجرفه دي ،،،ده ادهم لسه معلم عليك انت كنت عاملي فيها الهوش.. . اللي لما ندور عليه منلقهوش .. يلا يا روح امك علي السجن واحنا هنطقك حلو هناك عادل هيترقي ويبقي رائد وادهم هيتقدم لأخت عادل بعد ما يترقي هو كمان ويعلق دبوره علي كتفه ويبقا نقيب هنوافق عليه رفقا بحاله لان مفيش واحده هترضي بيه اصلا ..والحمد لله اتأكدت اخيراا أن ادهم بيعرف يفكر زينا وعنده مخ ... وكانت نصيحتي ليه أنه ياألا يجيب أكل دلفيري من بره ياألا يستحمل وجع البطن من أكل اختي الخربان ويشغل التلفزيون طول اليوم علي الشيف الشربيني لحد ما اختي تتعلم ألاكل اللواء زياد هرب من أكلها وادهم لبس فيه يلا بالهنا والشفا ليك يا ادهم انا عارف نفسي مش هبطل تنمر وتريقه القضيه اتقفلت وتمت علي خير الحمد يأتي المساء وعادل يدخل ينام الساعه الواحده صباحا يرن موبايل عادل العميد كامل بيتصل عادل : ايوا يا فندم في حاجه مؤيد الداغر هرب العميد كامل : لا لا ..في جريمه قتل حصلت وهي أكثر غرابه من القضيه اللي فاتت ومحتاجينك تيجي حالا عادل :لا مجال للراحه فنحن السفن التي لا تستريح هذا حالي أخرج من قضيه معقده..لأغرق في قضيه أكثر تعقيداً تمت بفضل الله 🙏

معاك طلقه واحده ومسدس وعلشان تقدر تفك المحامي لازم تنزل علي السلم وتقف علي السياج الحديدي برجلك علي القفل موجود تحت رجل المحامي ولكن هنا في مشكله الفتحات بين الحديد في السياج الحديدي واسعه جدا والنمر يقدر يخرج رأسه وياكل رجلك لو وقفت عليه علشان تفك المحامي فانت معاك المسدس والطلقه علشان تقتل النمر أو تقتل المحامي بس خلي بالك انت قبل ما تقتل النمر فكر هو ذنبه أيه وهو أذأك في ايه علشان تقتله أما المحامي فأذأك وموت مراتك الفرق بينهم كبير وفي فرق تاني مهم أن المحامي بيقدر يتوسل ويستغيث ولكن النمر ميقدرش يتوسل أو يستغيث...القرار في أيدك عادل يشتاط غضباً المحامي لسه بيتوسل عادل هيصرخ في وش المحامي :اسكت مش عايز اسمع صوتك عادل يمسك المسدس ويوجه المسدس علي المحامي ويفتكر وقوفه قدام المرايا وهو بيتمني اللحظه دي والمحامي بيزيد في توسله وبعدها علي النمر وتذكر أنه لا يستغيث وملوش اي ذنب الوقت بيمر باقي خمس دقائق عادل هيصرخ ويضغط علي الزناد وتخرج الطلقه ولكنها هتخرج وهو رافع مسدسه لفوق ويضربها في الفراغ (في الهوا) هيظهر القاتل علي الشاشه ويقوله نجحت في الاختبار الثالث يا حضره الضابط لو كنت قتلت النمر كنت هتبقا فشلت في الاختبار وهتبقا ارتكبت خطأ كنت هتتحاسب عليه عايزك تنزل علي السلم وتوجه شاشه الموبايل للنمر وتخلي وشي علي الموبايل في اتجاه نظر النمر وانا هقوم بترويضه انزل متخفش هو هيبعد عنك مش هيقرب منك الوقت بيخلص فاضل ٤ دقائق مفكرتش نزلت بسرعه علي السلم وقبل ما احط رجلي علي السياج الحديدي وجهت شاشه الموبايل اللي موجود عليها القاتل لنظر النمر وبدأ القاتل بترويضه وفعلا بدأ النمر يبعد خالص ويقعد في ركن من أركان الحفره انا نزلت بسرعه وحطيت رجلي علي السياج الحديدي وانا مترقب النمر وخرجت المفتاح وفتحت القفل وحررت رجل المحامي وطلعت علي السلم وبدأت افك حبل أيده وفعلا اتحرر نهائيا ... فاضل القنبله طلعنا بره الحفره بسرعه لان باقي ٢٠ ثانيه فكيتها من علي جسمه ورميتها بسرعه بعيد وبدأنا نجري باقي ثانيه واحده واحنا لسه قريبن من القنبله انتهي الوقت ولكن القنبله لم تنفجر . القاتل بضحك مستفز القنبله غير مفعله الوقت كان للضغط مش اكتر يا حضره الضابط ادخل لليسار هتلاقي غرفه انتظر فيها

القاتل يظهر مره اخري ويقول :الوقت يمر وتذكر (دائما تنظر امامك ولكن هذه المره يجب أن تنظر خلفك ) بدأ عادل يحاول فك لغز الارقام ايه معني كلامه دائما تنظر امامك ولكن هذه المرة يجب أن تنظر خلفك بدأ يجرب ارقام عشوائيه ولكن الرقم بيطلع غلط ...حاول يتأمل الكلمات اللي قلها القاتل بعمق يجب أن تنظر خلفك جري علي المرايه وبص علي ضهره في المرايه لقا مجموعه ارقام مكتوبه علي ضهره بدأ يجمع الارقام دي٩٠٩١٥٧ جري علي اللوحه وكتب الرقم ولكن مفتحش الباب عادل فضل يصرررررخ والوقت بيمر عدي ربع ساعه حاول يهدأ ويفكر ويركز اكتر في الارقام ونورت حاجه في وسط ظلمه أفكاره وقال الارقام دي مكتوبه بالمقلوب الارقام دي تاريخ ميلاد مراتي إيمان ١٩٩٠/٧/٥ وفعلا دخل الارقام ١٩٩٠٧٥ وفعلا الباب اتفتح القاتل يظهر ويقول : تحياتي وصلت لحل اللغز يا حضره الضابط دلوقتي انت لازم تدخل ايدك لاقصي بعد ممكن علشان توصل للسلسله اللي متعلق فيها المفتاح وعلشان توصل للمفتاح لازم جسمك العريان يتلامس مع الفرن الساخن وكمان المفتاح هيكون ساخن جدا لانه بقاله في الفرن فتره كافيه أنه يحرق ايدك ولازم تمسكه بأحكام لانه لو وقع من ايدك ستلتهمه النار القرار في أيدك عادل : يا ابن ال.............. الموبايل يظهر عليه بث مباشر للمحامي وهو مصلوب في عمود وعلي صدره القنبله والعدد التنازلي شغال والمحامي بيستغيث وبيبكي :حد يساااعدني عادل هيتأثر بالمشهد.وهيبدا ياخد نفس ويقف أمام الفرن ويفتح الباب ويبص علي السلسله اللي متعلق فيها المفتاح السلسله بعيده جدا ولازم يميل بجنبه علي الفرن الساخن علشان يطول السلسله وبعد تفكير للحظات يقرر أنه هيجيب المفتاح وفعلا يمد أيده ويميل بجسمه علي الفرن ويتحرق ويصررخ من الالم ويتراجع للاسف مفيش اي قماشه أو اي حاجه تحمي جسمه والوقت بيمر والمحامي بيستغيث يحاول مره تانيه ويميل بجسمه بسرعه ويمد أيده وصرخااات وصرخاااات من عادل يمسك المفتاح اللي كأنه جاي من جهنم ولكن صوابعه اتحرقت والمفتاح هيفلت من ايده وهيقع في النار وفعلا المفتاح يقع من أيده ولكن عادل يبدل وضعيه جسمه في لحظه علشان يلحق المفتاح قبل ما يقع بالايد التانيه ويخرج المفتاح من الفرن بنجاح عادل أيده اتحرقت وجسمه يتفتح باب الغرفه ويدخل لغرفه تانيه الغرفه التانيه عباره عن حفره وفي الحفره من تحت تمساح وفي حبل مربوط من فوق الحفره باول الغرفه وآخرها القاتل يظهر على شاشه الموبايل ويتكلم علي ما اعتقد انت فهمت الاختبار يا حضره الضابط لازم تعدي الحفره من خلال الحبل ولكن بدون ما تقع لانك لو وقعت هتكون وجبه دسمه للتمساح واهم حاجه طمني علي صوابع ايدك هتعرف تمسك بيها الحبل لسه مصر أنك تنقذه.....القرار في أيدك عادل يقول للقاتل عارف اللي أنت بتتمناه ولكن مش هحققلك أمنيتك يتنقل البث علي المحامي وهو بيبكي وبيقول والله ما كنت اقصد اني اخبط سياره الاسعاف ولا اموتها..... ارجوك متسبنيش أموت بص عادل علي الوقت فاضل نصف ساعه عادل هيلاقي هدوم قدامه هيلبس الهدوم ويحط المفتاح في جيب بسوسته ويقطع اجزاء من الهدوم ويلفها علي أيده ويبص للتمساح بترقب ويقرر أنه يكمل ويمسك الحبل بأيده المحترقه ويتحامل علي نفسه ويشبك رجله علي الحبل علشان يخفف الضغط من علي أيده ويبقا حمل جسمه علي رجله وأيده مش أيده بس ويبدأ يتحرك ببطء..التمساح فاتح فمه علي الاخر وكأنه مستني عادل يقع علشان يلتهمه عادل بيبص للتمساح بنظرات كلها خوف ويتحرك بحذر وخلاص قرب يوصل للناحيه التانيه ولكن الحبل هيتقطع فجاه من ناحيه الطرف اللي ماسك البدايه وينزل عادل علي الارض عادل يتخبط في دماغه يفتح عينه بسرعه هيلاقي التمساح بيبصله وبيجري ناحيته ،،عادل هيقوم بسرعه والتمساح فاتح فمه وهيمسكه من رجله ،،عادل بص علي الحبل لقاه وراه مسك الحبل بسرعه وبدأ يتسلقه والتمساح مسك رجله ولكن متمكنش منه وبدأ عادل يطلع علي الحبل وأيده بتصرخ من الألم...ولكن لو تمكن منك الخوف هتعمل ايه حاجه ،،وصل عادل لنهايه الحبل وكده يبقا وصل لنهايه الغرفه ونجح في الاختبار هيتفتح باب ويخرج لمكان مفتوح المكان ده في حفره برضو بس الحفره المره دي عميقه جدا ومقسمه لجزئين الجزء الاول وده اللي تحت في أسفل الحفره وفيها نمر والنمر محبوس بسياج حديدي والجزء التاني فوق السياج الحديدي وفيه المحامي مصلوب علي عمود والقنبله علي جسمه وفي سلم بينزل للسياح الحديدي من فوق وفي مسدس وطلقه واحده المحامي بيتوسل لعادل وبيقول أن والدته مريضه وهو الابن الوحيد ليها وهو اللي بيتولي خدمتها ولو هو مات هي كمان هتموت القاتل هيظهر علي موبايل عادل.

#الجزء_الثامن_والاخير طبعا انتي شايفني قاتل وأني خدت حقي بطريقه غير قانونيه ولكن صدقني هي ده الطريقه الوحيده اللي تقدر تاخد بيها حقك في عالم مليئ بالفساد اكيد بتسأل اشمعنا انت اللي انا عملت معاك كل ده لانك شبهي انت اتظلمت بس بدلتك منعتك من انك تاخد حقك وانا هديك الفرصه علشان تاخد حقك فهل هتبقا قاتل زيي ولا هتفضل مؤمن بأن القانون لازم ياخد مجراه الشخص اللي تسبب في موت مراتك تحت سيطرتي وهقدمهولك قدامك وليك الاختيار اما أنا تنقذه أو تتركه يموت وتبقي اشتركت في موته لان انت الوحيد اللي في ايدك إنقاذه اكيد انت فاكره ..اكيد مغابش عن خيالك لحظه... اكيد رغبه الانتقام كانت بتاكل في جسمك وانت كنت بتقاوم القاتل بيمشي بجانب عادل وينظر للأرض ثم يرفع حاجبه وينظر لوجهه عادل ويتحدث قائلا : عايز اسألك سؤال يا حضره الضابط كام مره وقفت ورفعت مسدسك قدام مرايتك وتخيلته واقف قدام عينك وكان جواك رغبه قاتله فإنك فتفرغ كل طلقات خزنه سلاحك في جسمه ليتحول الي شئ عديم الوجود وتنتهي من معاناتك بأنتهائه وتنطفئ نار انتقامك التي أحرقت روحك ولكنك تتراجع دائما وزي ما قولتلك احساس الظلم قاسي ولكن له لذه تتذوقها مع فنجان قهوتك وانت تتوعد كل من ظلمك وانت حسيت بالظلم ولكنك لم تتذوق لذته تعالي استرجع معاك الذكريات مراتك كانت في شغلها وهي حامل وفي شهرها التاسع وفجاه تتعب وتتصل بيك وانت مشغول في مهمه كعادتك ..وتقولها باستهتار روحي علي اقرب عياده دكتور لاني مشغول ولكن انت مكملتش الكلمه علشان هي تقع مغمي عليها وتتقفل السكه بينكم ..انت افتكرت أنها قفلت السكه لأنها زعلت من كلامك ولكن انت مفكرتش تتصل بيها تاني زمايل مراتك هيلاقوا مراتك مغمي عليها ولأنهم كلهم بنات محدش منهم هيعرف يشيلها وينقلها للمستشفي هيتصلوا بالاسعاف وفعلا توصل عربيه الإسعاف وتتجه علي المستشفي علشان يتعملها الفحوصات اللازمه ولكن أثناء اتجاه سياره الاسعاف الي المستشفي تجي عربيه باقصي سرعه تصطدم بسياره الإسعاف من الخلف علشان العربيه تنحرف عن الطريق وتطلع علي الرصيف وتقلب علي أحد جوانبها مراتك هيحصل لها نزيف داخلي في المخ نتيجه الحادثه وهتتحول للمستشفي ولكن مش هيلحقوها ويجيلك الخبر بموتها انت هتجري عليها وانت مش مصدق الخبر. وشعورك بالذنب بسبب استهتارك بكلامها بيقتلك توصل المستشفي لتلاقيها جثه هامده يتم القبض علي سائق السياره واللي كان محامي ومستعجل علشان يخلص اوراق صفقه مهمه ..يتم الحكم علي المحامي بسنه سجن بس لانه كان قتل بالخطأ..وده كان حكم غير عادل وانت اتجننت وكنت شايف أنه يستحق الإعدام وفعلا بعد خروج المحامي توعدت أنك هتقتله ولكنك في النهايه تتراجع نفس السيناريو يكرر كل مَرّةً ولكن دائما النتيجه تكون مُرّة ،،وتتخاذل يا حضره الضابط الشخص اللي قتل مراتك عالق في مكان ما انت هتمر بعدد من الاختبارات والالغاز للوصول لأنقاذه لكن الوقت مش في صالحك لان في قنبله موقوته مربوطه في جسمه هتنفجر بمجرد انتهاء الوقت قدامك ساعه للوصول للمحامي وأنقاذه ولكن نصيحتي ليك (لا تنقذه ) القرار في أيدك يفوق عادل في غرفه مجهوله علشان يلقي نفسه عريان كيوم ولدته أمه ويلاقي ساعه في أيده وتبدأ بالعد التنازلي المكان ساخن جدا أمامه فرن كبير وليه باب بمقبض بس في علي باب الفرن لوحه فيها مجموعه من الازرار عليها بعض الارقام وكأن الازرار موجوده لتجمع رقم سري علشان الباب يتفتح موبايل عادل جنبه وفجاه ينور ويظهر القاتل في مكالمه فيديو ويبدأ بالكلام بدأ العد التنازلي للقنبله ....امامك فرن لازم تعرف الرقم السري علشان تفتح الفرن اللي جواه مفتاح ،، المفتاح ده هتفك بيه القفل المربوط بيه المحامي ولكن علشان توصل للمفتاح لازم تدخل ايدك جوه الفرن وتجيبه (دائما تنظر امامك ولكن هذه المره يجب أن تنظر خلفك ) تتقطع المكالمه مع القاتل عادل في حيره من أمره هل فعلا يسيب المحامي يموت ويبقا حقق انتقامه ولا يحاول إنقاذه ويبدأ يسترجع بعض الذكريات عادل : أنا هقتله سياده اللواء هو اللي تسبب في موت مراتي اللواء زياد : انت فاكر انك لما تقتله هترتاح صدقني مش هترتاح انت هتبقا عملت زي اللي عض الكلب لانه عضه،، انت هتخسر كل حاجه ،،واهمهم انسانيتك ،، يابني الدم لا يغسل بالدم ولكن يغسل بالماء ،،انت فاكر انك مش هتاخد حقك انت هتاخده ،،كلنا هنقف قدام ربنا وهيتم القصاص والي ديان يوم الدين نمضي وعند الله تجتمع الخصوم عادل بصراخ :أأأأأنت بتعمل فيا ليه كده ويلاقي عادل قدامه مرايه والمرايه عليها صوره لمراته يبص للصوره باشتياق وحزن وتبدأ الكلمات تخاطر عقله .. كيف اهرب من ضجيج تفكيري ،،ارجو السكون ولو للحظه عابره،، بعد فقدانك ،،تحسست قلبي فوجدوته مبلل فعصرته عصراً سال منه أنين اشتياقي أليكي،، كيف أبدو انا ؟؟وانا أراني بعيني بين سكاكين استقرت وآلام استمرت

وفعلا حطت المانيكير المسموم علي أظافرها ولان هي عندها عاده سيئه لما تتوتر تقرقض أظافرها فعملت كده فعلا لانها كانت متوتره جدا بعد معرفتها بأن الدور عليها فانتقل السم للفم وهي عرفت أن الدور عليها ازاي لان بعد ما اتفقت مع مؤيد الداغر رن تليفون الشخص المقتول وهي اللي كانت بتتصل فبلغتها أن الدور عليها علشان كده هي اتصلت باخوها وقالتله أن هي هتتقتل اما بالنسبه لعينه دم سامي حليم اللي طلعت خاليه من اي سموم فده انا عملته بخفه يد أثناء دخول عينات الدم واللي كان شيلها العامل لغرفه الاختبار خبطت فيه وغيرت العينه بتاعت سامي وحطيت عيني دمي انا علشان يفضل الغموض مخيم علي الجريمه لحد ما الخطه تتنفذ بالكامل اعتقد انا كده جوبت علي كل اسألتك يا حضره الضابط طبعا انتي شايفني قاتل وأني خدت حقي بطريقه غير قانونيه ولكن صدقني هي ده الطريقه الوحيده اللي تقدر تاخد بيها حقك في عالم مليئ بالفساد اكيد بتسأل اشمعنا انت اللي انا عملت معاك كل ده لانك شبهي انت اتظلمت زيي بس بدلتك منعتك من انك تاخد حقك وانا هديك الفرصه علشان تاخد حقك فهل هتبقا قاتل زي ولا هتفضل مؤمن بأن القانون لازم ياخد مجراه الشخص اللي تسبب في موت مراتك تحت سيطرتي وهقدمهولك قدامك وليك الاختيار اما أنك تنقذه أو تتركه يموت وتبقي اشتركت في موته لان انت الوحيد الي في ايدك إنقاذه وتستمر الملحمه...يتبع

وده كان استناداً علي تقرير مديره المستشفي الطبيبه ( داليا حامد) واللي كتبت في تقريرها أن المبني متهالك وفعلا بقا خطر وممكن يقع في أي لحظه وأن الحالات اللي عندها في المستشفي كلها شفيت بالكامل وده كله مش حقيقي وكلامها ده أكد أنها خدت رشوه واتعملت حمله اعلاميه بهدم المستشفي عن طريق الإعلامي ( سامي حليم) واللي طلب بضروره هدم المستشفي لان المبني بقا خطر علي كل العاملين في المستشفي واستند علي تقرير مديره المستشفي بأن كل الحالات شفيت وكمان تقرير اكبر استشاري هندسي في البلد أن المبني متهالك وخطر وفضل الموضوع واقف علي امضاء وزير الصحه (أسعد الحاكم) واللي امضته علي الموافقه بمثابه استخراج شهادة وفاه لبنتي ولكتير زيها وفعلا اتوافق علي طلب الهدم انا لما عرفت الخبر اتجننت وجريت علي المستشفي واتهمت مديره المستشفي بالرشوه واتعديت عليها بالضرب بحديده وعملتها عاهه مستديمه واتقبض عليا واتسجنت سجن احتياطي مديره المستشفي رفضت الصلح واتحكم عليا بالسجن وانا وعدتها اني هاخد روحها في جلسه النطق بالحكم وهي كانت سمعاني ومرعوبه والمستشفي اتهدمت وبنتي حالتها تدهورت وللاسف ماتت وسبتني رجل بلا روح ومقدرتش حتي ادفنها بأيدي واودعها الوداع الاخير مراتي بعد موت بنتي اتهمتني بأن انا السبب في موت بنتي وطلبت الطلاق مني لأنها مش هتبقا علي ذمته راجل عنده سوابق وفعلا طلقتها وانا في السجن عشت ايام صعبه بس اتعلمت حاجات كتير وكان ذكائي ظاهر جدا ومميزني عن أي حد وعلي ما اعتقد انت جربت ده بنفسك وكمان خفه ايدي وده خلي تاجر سلاح كبير يعجب بيا وبعد خروجي من السجن اشتغلت معاه وبدأت اكبر وأكبر وبقيت الدراع اليمين للمعلم وكان دايما عندي هدف وهو الانتقام من كل اللي تسبب في موت بنتي الوحيده والوحيد اللي فلت مني هو الاستشاري الهندسي لانه مات قبل ما ابدأ تنفيذ الخطه ....يلا غار في داهيه وقبل ما أبدا في تنفيذ خطتي يا حضره الضابط لازم كنت ادرس شخصيه كل واحد من الضحايا الاول وهو أمام حسن عضو مجلس الشعب واللي بيعشق الورد فكان دخول سم الزرنيخ ليه عن طريق شخص يدخل عليه ومعاه بوكيه ورد حلو ويقدمهوله كشكر ليه علي كل خدماته اللي بيقدمها لأهل دائرته وفعلا ده اللي حصل خد البوكيه وشم الورد اللي مخلوط بسم الزرنيخ وبعدها تدخل الافعي تعذب وتكسر في العظام للتعذيب التاني وهو سامي حليم واللي عنده فوبيا نظافه وبيحب يمسح أيده أو فمه بعد الاكل بمنديله الشخصي واللي بيبقا معاه دايما دخل مطعم وقلع جاكيت بدلته وحطه علي الكرسي علشان ياكل وبعد ما كل راح يغسل ايده في الوقت ده تم تبديل المنديل اللي في جاكت البدله بالمنديل المسمم بخفه يد ذكيه وبعدها جه وخد المنديل ومسح فمه وهنا دخل السمم للفم واتبلع مع ريقه وبعدها تدخل الافعي لتمارس التكسير اما الثالث وهو عدنان الادهم فهو معتاد التدخين بشراهه وبعت ليه رساله ورقيه في ظرف مقفول واديتها لحارس الفيلا وبعد عرض مبلغ محترم كبقشيش للحارس وصل فعلا الظرف لرجل الأعمال عدنان الادهم واللي كنت ببلغه فيها بأني شايفه وشايف كل الرشاوي والفساد اللي عمله وان دوره جي لدفع الثمن والورقه كان عليها السم القاتل بعد ما مسك الورقه انتقل السم للجلد واول ما قرأ الرساله ارتبك وولع في الرساله وبعدها ولع سيجاره فحصل تلامس بين جلد اليد والفم وانتقل السم اللي فمه وبعدها تدخلت الافعي اما الرابع وهي داليا حامد واللي لما سمعت عن حوادث القتل الغامضه اللي بتحصل ربطت الخيوط ببعضها وعرفت أن الدور عليها وأن عمليات القتل ليها ترتيب وانها جزء من الانتقام فأرسلت شخص واللي هو دراعها الأيمن واللي كان علي علاقه محرمه معاها علشان يتفق مع قاتل مأجور وهو مؤيد الداغر علشان يقتلني لأنها هي الوحيده اللي عرفاني وعارفه اسمي من ملفات المستشفي واختارت مؤيد الداغر لانه شغله احترافي ولكن غباء الشخص اللي هي بعتته وطمعه دفع تمنه حياته واتقتل برصاصه من مسدس مؤيد الداغر لانه كان عايز ياخد جزء من فلوس داغر لنفسه وده كان في مصلحتي جدا وبعد ما مات الشخص ده ،،وجه مؤيد مسدسه ناحيتي وقالي ما هو السر الذي تخفيه لك هذا انا قولتله السر والخطه اللي انا حططها وأنه يقدر ينظف سجله الإجرامي مقابل انه يسبني عايش وفعلا حصل الاتفاق بيني وبينه وتم التنفيذ والشخص اللي كان علي علاقه مع الدكتوره انا كنت مراقب تحركاته لان هو مفتاح وصول السم للدكتوره وفي يوم عيد ميلادها راح محل هدايا واشتري هديه ليها وانا كنت موجود في الوقت ده وحطيت أزازه مانيكير في الشنطه بخفه ايدي المعهوده ووصلت الهديه مع المانيكير للدكتوره اللي بتعشق المانيكير وشكرته عليه وهو قالها انا معرفش هو جه ازاي في الشنطه بس طول ما عجبك يبقا تمام

#الجزء_السابع #رعب_ما_قبل_الموت وفعلا وصل للمكان عادل بيحاول يهدأ ويلتقط أنفاسه المتسارعه ويدخل ببطء علي المكان اللي عباره عن مبني كبير محترق الحريق منتشر في كل مكان الوزير لسه بيتالم ولكنه لا زال علي قيد الحياه قابله باب.. فتح الباب وينظر يمينا ويسارا علشان يلاقي الوزير جثه هادمه ووشها مفزوع والدماء ناشفه وكأنها سألت من ساعات أو أيام بيبص علي الموبايل شايف الوزير لسه بيتعذب ومامتش ده معناه أن التسجيل ده مش بث مباشر ده كان مسجل عادل يصرررررخ انت عايز مني ايه يجي تليفون لعادل من دكتور احمد دكتور التشريح د.أحمد : ايواا يا حضره الضابط انا في معلومه مهمه عندي ليك عادل : معلومه ايه ....قول يا دكتور د.أحمد : بعد تشريح جثه رجل الأعمال عدنان الادهم وجثه الدكتوره داليا حامد لقينا أن سبب الوفاه هو تسمم والسم المستخدم هو سم الزرنيخ عادل : سم الزرنيخ د.احمد : ايواا وسم الزرنيخ ده لا ليه لون ولا طعم وبمجرد دخوله للجسم المصاب بيموت حتما لامحاله وبيدخل اما عند طريق الاستنشاق أو البلع ... اه ممكن الوفاه تتأخر شويه علي حسب الكميه اللي بياخدها الشخص منه ولكن الوفاه بتبقا حتميه يدخل ثلاثه اشخاص من خلف الضابط عادل ويقع مسدسه علي الارض ويمسكوه بأحكام علشان يترش مخدر علي وشه ويخرجوا من باب خلفي للمبني هناك في عربيه مستنيه ..الابواب تفتح علشان يدخل الضابط عادل وهو متخدر والأشخاص الثلاثه توصل العربيه لمكان ما ويخرج الأشخاص الثلاته ومعهم الضابط يستفيق الضابط عادل ويبدأ يفتح عينه وبيحاول يحرك جسمه ولكنه لا يستجيب وكأنه متكتف تبدأ توضح الرؤيه هيلاقي جسمه كله متكتف فعلا ولكن بجسم الافعي ذات العين البشريه ،،الافعي اللي سمع عنها كتير أصبح تحت سيطرتها يفتح باب الغرفه شخص ملامحه عاديه ومألوفة الي حد ما ولكن هو فاقد عين من أحدي عيونه يعني أعور ويبدأ الشخص ده بالكلام اهلا بيك يا حضره الضابط في مملكتي الخاصه لو كنت بتسأل انا مين ..فانا الشخص اللي اتظلم فتحول الي كائن أخر عارف يا حضره الضابط الماده عديمه اللون اللي بتفرز من الشخص وتنتقل منه لكل اللي حواليه ويحس بتأثيرها عليه الماده دي اللي هي اسمها الحب.. الماده دي ماتت من عندي نهائيا بعد موت بنتي ،،ومفيش حاجه قدرت ترجع إفراز الماده دي تاني من جديد غير الافعي دي ،،اللي تعتبر هي حبي الوحيد وعيني اللي بشوف بيها انت شايف العين اللي في منتصف رأسها دي ،،دي مش عين حقيقيه دي عين من الزجاج كانت مصنوعه ليا لتعويض مكان العين اللي فقدتها ولكن انا وضعتها علي رأسها لانها فعلا عيني التانيه انا شخص من الأشخاص النادره اللي عنده قدره علي التخاطر الذهني مع الحيوانات ومع الافاعي بالاخص وفي تواصل ذهني بيني وبين الافعي اللي ملفوفه علي جسمك دي حاليا بحس بيها وبتحس بيا هي بتفهم انا عايز ايه وتنفذه فلو انا عايز اقتلك دلوقتي هي هتنفذ فوراً وده كان جزء مهم من الخطه هبدأ أحكيلك قصتي من البدايه علشان تفهم كل حاجه انا كنت شخص مسالم جداً عندي زوجه وبنت وحيده عايش حياه بسيطه جدا شغال ساحر خفه( لاعب خفه يد ) في سيرك ومبسوط بحالي وراضي .. بنتي تعبت واتعملها لها بعض التحاليل والفحوصات والطبيب بلغني بالخبر اللي كسر ضهري حرفيا وحول حياتي الي جحيم مقيم وهو أن بنتي مصابه بسرطان الدم وبقت في مرحله متأخره أنا كانت ظروفي الماديه غير ميسوره اضطريت اروح بيها لمستشفي علاج الاطفال من السرطان بالمجان . وهناك قالوا الدكاتره لازم البنت تبدأ جلسات الكيماوي فوراً...وبدأنا فعلا العلاج البنت كانت بتعاني الأمرين من جلسات الكيماوي كانت بنتي بتقولي يا بابا انا كأن في (جمره نار من جهنم بتاكل في جسمي )هي عانت وانا عانيت معاها الألم اللي كانت بتحس بيه كان بيقطع فيا بس مفقدناش الامل في ربنا وكان في امل في الشفاء فكنا صابرين علي البلاء وفي الوقت ده سمعت كلام من بعض الناس أن في مناقشه في مجلس الشعب عن أن المستشفي تتهد بحجه أن المعدات متهالكه والمبني أيل للسقوط ولكن السبب الحقيقي أن في مستثمر خليجي عايز ياخد المكان بتاع المستشفي ويبني مكان المستشفي اوتيل فخم لان موقع المستشفي أستراتيجي وعلي الكورنيش والمشروع هيحقق ارباح خياليه لان الفئه اللي هتسكن في الاوتيل من الفئه الأولي من البشر انا سمعت الكلام وخوفت أن ده يحصل لان مفيش مكان تاني أقدر أعالج فيه بنتي بدأت اتابع الموضوع واللي حسيت فعلا أنه بيتاخد فيه خطوات جديه وفعلا تم طرح الموضوع في مجلس الشعب عن طريق عضو مجلس الشعب (أمام حسن) واللي خد رشوه من المستثمر (عدنان الادهم) علشان يطرح موضوع هدم المستشفي

فين التفاعل القصة مش عجباكم ولا اي؟

#الجزء_السادس #رعب_ما_قبل_الموت عايزك تعرف أن بين خروج الضابط عادل من قسم ٦ اكتوبر وتبليغه بجريمه قتل الطبيبه داليا حامد وبين اتصال الرجل ذو البدله السوداء بيه وقت كبير وأحداث مهمه فانا اديتك معلومه اتصال الرجل ذو البدله السوداء بدري علشان تحطها قدامك وتقدر…

#الجزء_السادس #رعب_ما_قبل_الموت عايزك تعرف أن بين خروج الضابط عادل من قسم ٦ اكتوبر وتبليغه بجريمه قتل الطبيبه داليا حامد وبين اتصال الرجل ذو البدله السوداء بيه وقت كبير وأحداث مهمه فانا اديتك معلومه اتصال الرجل ذو البدله السوداء بدري علشان تحطها قدامك وتقدر…

#الجزء_السادس #رعب_ما_قبل_الموت عايزك تعرف أن بين خروج الضابط عادل من قسم ٦ اكتوبر وتبليغه بجريمه قتل الطبيبه داليا حامد وبين اتصال الرجل ذو البدله السوداء بيه وقت كبير وأحداث مهمه فانا اديتك معلومه اتصال الرجل ذو البدله السوداء بدري علشان تحطها قدامك وتقدر تربط الأحداث ببعضها تمام ...نرجع بالاحداث من وقت خروج الضابط عادل بعد خروجه من القسم مشيت من القسم وفتحت موبايلي لقيت رساله جريمه قتل الاسم : داليا حامد المكان : المعادي توقيت التنفيذ من دقيقه واحده (جمع أشلاء الجثث لتكون رأس الشيطان) بصيت في الساعه وعلي توقيت الرساله الرساله مبعوته من ٥ساعات يعني ايه ( جمع أشلاء الجثث لتكون رأس الشيطان ) هو ايه كميه الالغاز المش مفهومه دي وليه انا بالاخص اللي بتجيلي الرسايل دي عادل بيتصل بضابط يعرفه من قسم المعادي علشان يسأل عن أي بلاغ جه باسم داليا حامد عادل : ايوا يا حسين بيه اخبارك ايه حسين : الحمد لله ..اذيك يا عادل بيه وحشني عادل : حبيبي وانت اكتر ... عايز اسأل عن بلاغ باسم داليا حامد حسين : ايوااا ..يا عادل بيه في بلاغ جه فعلا باسم الدكتوره داليا حامد والحادثه حصلت في عيادتها في المعادي عادل : البلاغ جه أمتي حسين : من اربع ساعات تقريبا عادل ؛ ومين اللي الضابط اللي مسك التحقيق حسين : الضابط يحيي راضي عادل : تمام ...ممكن تديني رقمه حسين : من عيني حاضر اتفضل عادل : تمام كتبت الرقم .. شكرا يا حسين حسين : حبيبي ..تحت امرك اتصلت بالضابط يحيي واللي كنت عارفه وخدمت معه قبل كده وسألته عن ملابسات الحادثه قالي الضحيه دكتوره في العلاج من الكانسر ( السرطان ) ولقينا الموبايل بتاعها واقع جنبها علي الارض والواضح أنها كانت بتكلم حد قبل وفاتها وهو أخوها وشافت حاجه فخافت واتفزعت وده باين علي وشها. والضحيه جسمها متهالك عادل : ده العادي ومشابه لكل اللي حصل مع كل الضحايا اللي فاتت .. طيب ممكن تسمحلي أحضر استجواب اخوها يا حضره الضابط يحيي : مفيش مشكله يا عادل تنور بدأ استجواب اخو الدكتوره في وجود عادل يحيي : ايه اللي حصل يا فندم قبل وفاه الدكتوره اخو الدكتوره : هي لما كلمتني كانت خايفه جدا وده كان باين في صوتها وبلغتني ان خالد اللي يعتبر دراعها اليمين في كل شغلها حد قتله وهي عرفت الخبر عن طريق شخص بلغها بده من موبايل خالد وقالها أن الدور عليها وبعدها سمعت صرخها واتقطعت المكالمه عادل : يعني خالد ده حد قتله واللي قتله بلغها أن الدور عليها اخو الدكتوره : اه ده اللي كان واضح من كلمها معايا وده كل اللي انا اعرفه عادل : تمام بدأت احاول اجمع الكلام اخوها مع الاحداث مش لاي اي علاقه توضح اي حاجه جت رساله علي موبايلي واللي كانت كالتالي هناك نوعان من الفساد الفاسد البدائي والفاسد المحترف الفاسد البدائي يذهب الي السجن مثل حارس فيلا عدنان الادهم واللي كان بيسرق مزرعه عدنان وطمعه اودى بيه للسجن اما الفاسد المحترف فيجب أن يكون قانونياً ...فيصفق له الناس ويكرم أمام عدسات المصورين 28.23.1.18.24. 10.28.11.27.23.1. انا قريت الرساله وهموت من الغيظ وبكلم نفسي بصوت عالي وبقول انت بتعجزني بالشفرات دي اتجهت علي بيت والدي اللواء زياد علشان احكيله علي اللي حصلي واخد رايه في الالغاز والشفرات الغير مفهومه دي وصلت بيت والدي دخلت عليه وبوست راسه وبدأت أحكيله علي حصل معايا وأني دخلت الحجز بسبب شهاده حارس فيلا عدنان الادهم وأني مضايق من ادهم علشان مجاليش وأنا في الحجز وجاي تليفون من الضابط ادهم عادل وهو ضامم حواجبه :عايز ايه ...شكرا علي وقوفك جنبي يا حضره الضابط بس ورحمه امي لتشوف مني وش تاني هاعملك معامله الكلاب وهتشوف بنفسك ادهم :والله يا فندم انا كنت ... ادهم لسه مكملش الكلمه وعادل اقفل المكالمه في وشه وقال ده لسه هيقولي مبررات اللواء زياد :اهدي يا بني انت متعلمش ايه ظروفك مش ممكن كان غصب عنه وبعدين متبقاش زي المنافق عادل : انا منافق اللواء زياد : ما هو من صفات المنافق ( إذا خاصم فجر) الشخص يبقا صاحبك وحبيبك واول مايحصل خلاف بينكم تتوعده بالاذي دي صفات المنافق اقولك انا بعمل ايه أنا لا اخاصم أحداً لكن أغير رتبته عندي.. هتقولي ازاي هقولك بغير مكانته عندي ولن تصبح كما كانت. لا أعطيه الوقت الذي كنت أعطيه له سابقاً. لا أعطيه اهتماماً كما كنت أفعل ولا أخصه بالدعاء كما كنت أفعل . هنا الفكره ارتقي بنفسك وكن خلوقاً حتي في الخصومه ،، ولا تتحول لشخص كاره من بعد ما كنت محب عادل : حاضر يا سياده اللواء ....انا جايلك في حاجه مهمه وعايزك تفهمني ايه معني الارقام دي اكيد دي شفره وكمان الجمله دي ( جمع أشلاء الجثث لتكون رأس الشيطان )

الحارس وهو خايف : هقول كل حاجه هقول كل حاجه انا في واحد جه وعرض عليا فلوس كتير وقالي كل اللي عليك تقول إن الضابط اللي كان عندك كان عندك قبل موت عدنان بيه مش بعد ما مات ودخل علي سيستم الكاميرات وعمل حاجات خدت دقايق وقالي كله كده تمام الوقت اتظبط علي التوقيت اللي انت هتقول أنه دخل فيه وقالي اي حد يسالك هتقول ايه قولتله هقول أن الضابط جاه قبل الحادثه بنص ساعه قالي تمام خدت الفلوس وانا لسه مصرفتش منها جنيه خدوها بس سيبوني عادل : شكله ايه الرجل اللي جالك ده الحارس : شكله مخيف وشه لونه اسمر لا ده لونه اسود بلون الليل وكأنك جبت فحم ودهنت وشه بيه وعينه حمراء وكأنه منامش من شهور وملامحه حاده ثابته وكأنه شخص أتى من الجحيم انا خوفت من شكله ... بس انا الفلوس اغرتني وانا معملتش حاجه يا باشا والله عادل : شكرا يا حضره الضابط كمال ويا ريت اي جديد تبلغني بيه لاني بقيت طرف في القضيه مشيت من القسم وفتحت موبايلي لقيت رساله جريمه قتل الاسم : داليا حامد المكان : المعادي توقيت التنفيذ من دقيقه واحده (جمع أشلاء الجثث لتكون رأس الشيطان) بصيت في الساعه وعلي توقيت الرساله الرساله مبعوته من ٥ساعات ايه معني الجمله دي ( جمع أشلاء الجث لتكون رأس الشيطان ) يرفع السماعه الرجل ذو البدله السوداء ليجري مكالمه متصلا بالضابط عادل يرن موبايل الضابط عادل عادل : الو ايوا مين الرجل ذو البدله السوداء: لدي معلومات تهمك ..ساعلمك بها ولكن بشرط وتستمر الملحمه...رعب ما قبل الموت

#الجزء_الخامس #رعب_ما_قبل_الموت علي الجانب الآخر تظهر سيده في الخمسين من عمرها ويبدو أنها طبيبه من ملابسها وممسكه بهاتفها المحمول وعلي وجهها علامات الذعر الكبيره وتحاول مسرعه كتابه رقم هاتف لشخص اخر وسرعه أنفاسها تدل علي انها خائفه من شئ غير معلوم ونسبه الادرينالين في جسمها تنطلق لتحقق اعلي معدل لها لتفوق معدلها الطبيعي بمراحل وضربات قلبها أكاد اسمعها من مكاني تدق كالطبول وتضع الهاتف علي أذنها وتتحدث بخوف وتقول : لقد قتل ...لقد قتل تتفاجأ السيده وبنظره ترقب تنظر باتجاه شئ غير مرئي بالنسبه لنا ويقع هاتفها أرضاً وتبدأ بالصرخات .... لتظهر افعي كبيره الحجم وفي منتصف رأسها عين بشريه مرعبه تنطلق الافعي باتجاه السيده وتلتف علي جسدها وتبدأ عمليه تكسير العظام ينتقل المشهد الي فيلا عدنان الادهم . يصل فريق التحقيق الجنائي للفيلا لبدء المعاينه والمكون من محقق جنائي( كمال محمود) ومساعده وخبير بصمات لرفع البصمات وعدد من العساكر يفتح حارس الفيلا الباب ويسأل مين حضرتكم المحقق كمال : احنا فريق التحقيق الجنائي لمعاينه الحادث الحارس : تمام اتفضلوا المحقق بيسال : مين اخر حد جه زار عدنان بيه قبل وفاته الحارس : اخر واحد كان محقق جنائي اسمه عادل زياد هو دخل لعدنان بيه قبل الوفاه بنصف ساعة كده وبعد ما خرج علي طول سمعت صرخه من عند اوضه عدنان بيه طلعت علشان أطمن عليه لقيته ميت وحاسس أن الضابط ده عمل فيه حاجه المحقق كمال : انت متاكد من كلامك ده الحارس : ايوا يا فندم حتي شوف كاميرات المراقبه هتلاقي كلامي صح المحقق كمال : فرغلي الكاميرات ده يا حضره الملازم الملازم : حاضر يا فندم طلع المحقق كمال علشان يشوف الجثه شاف الورقه المحترقه وشاف وش الضحيه المفزوع وتم رفع البصمات اتجه المحقق كمال للشاشه علشان يتابع الفيديوهات التي التقطتها الكاميرات قبل وبعد الحادث المحقق كمال : هي الضحيه ماتت أمتي الحارس : الساعه واحده صباحا المحقق :تمام ...هاتلي يا بني الفيديوهات من الساعه الثانيه عشر بدات تعرض الفيديوهات المسجله علي الكاميرات ويظهر الضابط عادل وهو داخل للفيلا الساعه الثانيه عشر والثلث ويظهر وهو خارج الساعه الثانيه عشر والنصف بعد الانتهاء من معاينه المباحث يتم استدعاء الضابط عادل من قبل الضابط كمال والضابط عادل هيقول أنه فعلا دخل للضحيه بعد موتها بعد الساعه الواحده لانه تأخر التكليف الرسمي بالتحقيق في القضيه ومكنش عارف ان هيتم تكليف القضيه لضابط تاني غيره فاستعجل وراح يعاين بنفسه ويتم توجيه اتهام رسمي للضابط عادل بقتل أو المشاركه في موت الضحيه لانه هو اخر شخص كان موجود قبل موت الضحيه واللي من الواضح أن جسمها متكسر وده حصل بفعل فاعل عادل هيشكك في شهاده الحارس وأنه دخل بعد الواقعه مش قبلها وأنه بيكذب ولكن الكاميرات بتقول غير كده هيحاول الضابط عادل الاستنجاد بشهاده الضابط ادهم لانه كان عارف كل تحركاته ولكن هو للاسف مبلغوش أنه هيروح يعاين بدون تكليف رسمي وتتعقد الامور اكتر يتم احتجاز الضابط عادل علي ذمه التحقيق ويدخل الضابط عادل الحجز الملحق بالقسم التابع لمدينه ٦ اكتوبر عادل : ممكن موبايلي يا سياده الأمين امين الشرطه : انا اسف مش هقدر يا فندم انت عارف أنه غصب عني عادل : تمام انا فاهم عادل هيتجنن من التفكير ايه اللي يخلي الحارس يشهد ضده وازاي كاميرات المراقبة بتقول أنه دخل قبل مش بعد الواقعه العميد كامل أمر بتفريغ الكاميرات مشاهدتها بنفسه وفعلا شاف عادل وهو داخل وخارج قبل حدوث الواقعه بس هو مصدق كلام عادل وأمر بإحضار متخصص في اكتشاف التلاعب بكاميرات المراقبه وتم عرض الفيديو علي المتخصص واللي قال إن في تلاعب في الفيديو الفيديو مقصوص بطريقه احترافيه وتم التلاعب في الوقت بحيث يتم تقديم لقطات وتأخير لقطات وده اللي حصل مع الضابط لان وقت دخوله ده مش هو الوقت الحقيقي وده كان بمثابه مستند براءه للضابط عادل اللي خرج فعلا من الحجز العميد كامل قابل الضابط عادل وقاله تهورك وتسرعك كان ممكن يتسبب لك في كارثه لولا ان ربنا ستر يا ريت متخدش قرارت من نفسك تاني يا حضره الضابط عادل : تمام يا فندم طلب عادل من الضابط كمال إحضار الحارس ومواجهته علشان يعرف ايه سبب اللي خلاه يقول كده ويتم القبض علي الحارس بسبب تضليل العداله والادلاء بمعلومات خاطئه عادل كان موجود وكمال بيحقق مع الحارس واللي كان بينكر أن كلامه كدب وان عادل فعلا دخل قبل وقوع الحادثه عادل قام مدي الحارس قلمين حكومه حلوين علي وشه وقاله : انا ادخل الحجز بسببك يا ابن ال.... انا دخلت قبل ولا بعد ما عدنان بيه مات يا روح امك الحارس اخد القلمين واترعب واستخبي وراه الضابط كمال وقعد يقول ابعده عني يا باشا. هقول كل حاجه عادل : مين يا اللي خلاك تقول كده

بضع دقائق تأتي سياره باهظه الثمن سوادء اللون وتقف بجانب الرجل ذو البدله السوداء ويقول له من بداخل السياره : هل أحضرته فيقول الرجل ذو البدله السوداء:نعم هو لك.. ولكن اعطني المبلغ المتفق عليه يتكلم الرجل داخل السياره : ولكن سيختلف المبلغ عن ماكان متفق عليه..لان ... ولم يكمل الرجل كلمته ليصبح جثه هامدة نتيجه رصاصه استقرت في رأسه من مسدس الرجل ذو البدله السوداء وينظر الرجل ذو البدله السوداء للرجل السكران الملقى علي الارض ويقول : يريد أن يخلف معي أتفاق ولم يعلم بعواقب غبائه ولكني أجزم أنه الان يعلم ووجه مسدسه باتجاه الرجل السكران وقال (ما هو السر الذي تخفيه..... لكل هذا ) وهنا يبدأ الرجل السكران بالكلام وهو غير مدرك لما يحدث.... وينطق بالسر وما كان يخفيه يقول الرجل ذو البدله السوداء إنه لأمر عظيم يتجه الرجل ذو البدله السوداء باتجاه السياره وياخد كل ما وجد من مال ويقول كان المبلغ معه كاملا ولكنه كان يريد احتجاز جزء منه لنفسه ..أحمق وينظر للرجل السكران نظره اخيره ويقول : لم يأتي موعدك بعد ويمشي الرجل ذو البدله السوداء ويتلاشى بين الظلام كعادته تاركأ خلفه الرجل السكران الذي لا يعلم بأي أرضاً هو موجود بعد فتره يستفيق الرجل السكران ويظهر علي وجهه علامات الازعاج ويتسأل اين انا ...وينظر الي السياره يجد رجل مقتول بطلق ناري يبدأ يستعيد ذاكره الأحداث التي مضت ويتذكر الرجل ذو البدله السوداء وما فعله ينتقل المشهد لمنزل الضابط عادل بيرن موبايل الضابط عادل بمكالمه من الضابط ادهم عادل : ايوا يا ادهم في بلاغ جه صح ادهم : ايوا يا فندم في بلاغ وصل عن وفاه رجل الأعمال عدنان الادهم والعنوان بعته ليك علي الواتس عادل : تمام هتصل بالعميد كامل علشان اخد منه موافقه علي التحقيق في القضيه .. سلام اتصلت بالعميد كامل مبيردش اتصل مره واتنين مفيش رد مفيش رد وانا قاعد بغلي حرفيا عايز اروح اشوف الجثه وملابسات الجريمه اللي ممكن اوصل عن طريقها لخيط يفهمني ايه اللي بيحصل وبعد فضول وانتظار مميت قررت اني هتجه لعنوان الحادثه بدون تكليف رسمي وكان مبرري أن كده كده.العميد كامل هيكلفني بالقضيه وفعلا ركبت عربيتي وانا بجري بسرعه الريح علشان اوصل اسرع وكأن حل اللغز كله هيظهر بمجرد وصولي كالعاده كمبوند وأمن ونفس سيستم كل جريمه قتل بتحصل مرضتش اكلم ادهم ولا أقوله اني اتجهت لمكان الحادث بدون موافقه العميد كامل دخلت علي حارس الفيلا وريته الكارنيه دخلني والغريب أن مفيش اي علامات فزع ولا خوف علي وش الحارس دخلت قولتله هو مفيش حد من أهل المتوفي هنا الحارس قال لا يا بيه مفيش حد بيزور عدنان بيه خالص وهو مكنش متجوز فهو عايش وحيد ومالوش اي قرايب بيتردادوا عليه عادل :امال مين اللي قدم البلاغ الحارس : انا يا بيه ...انا سمعت صوت صرخه فقولت اكيد في حاجه حصلت فطلعت علشان اطمن علي عدنان بيه لقيته ميت وشكله غريب وانا حاسس انها مش موته طبيعيه قولتله : تمام طيب تعالا ندخل علشان نشوف ايه اللي حصل الحارس : بس هو مش المفروض حضرتك يبقي معاك عساكر وظباط زي ما بنشوف في الافلام ومفيش حد يلمس حاجه علشان البصمات ... انت ليه جاي لوحدك عادل : لا هي عربيه البوكس عطلت في الطريق فانا قولت اجي قبلها وهما علي وصول دلوقتي الحارس وهو مش مقتنع بكلامي : ماشي يا سعاده البيه دخلت علي جثه عدنان المنظر أكثر بشاعه من الجثث اللي فاتت عيون الجثه جاحظه بشكل غريب وتشعر أنها خرجت فعلا من مكانها وعلامات الفزع تملئ الوجه بقسوه لبست جوانتي وحركت ايد الجثه تشعر وان العظام فتت الي جزيئات ...اليد سايبه والعظم متهالك بصيت حواليا علي اي شئ غريب ممكن يبقا مفتاح لحل اللغز ملقتش غير ورقه محروقه موجوده في الباسكت جنب الضحيه والولاعه الخاصه بالضحيه موجوده علي ترابيزه جنبه يعني قبل ما يموت اشعل الولاعه وحرق الورقه بس الورقه دي كان مكتوب عليها ايه ؟؟ خلصت وقولت للحارس انا هخرج دلوقتي علشان اتصل بباقي فريق التحقيق وهرجع تاني وبدأت اتصل بالعميد كامل مبيردش اتصلت بأدهم قولتله عايزك تخليك علي اتصال مع العميد كامل علشان ناخد تكليف رسمي منه بالقضيه هو شكله نايم وعامل الموبايل صامت ادهم قالي تمام فضل ادهم وراه العميد كامل ماسبوش لحد ما رد عليه وقاله لا القضيه دي هيمسكها ضابط تاني لان الضابط عادل مش قادر يوصل لسبب الوفاه وده مسبب لي حرج كبير أمام القيادات والناس اللي بتموت ناس ليها وزنها في البلد والناس بتسال في الشارع وعايزين اجابات لان الاشاعات انتشرت بشكل كبير بين الناس أن الجن هو إللي بيموت الضحايا انا سمعت الكلام ده من ادهم وتخلل جوايا احساس بالغضب الشديد وحسيت ان دوري في حل لغز القضيه انتهي وان كلمه النهايه كتبت قبل انتصار البطل للاسف فضلت ماسك الموبايل وافتح الرسايل وأقراها كويس جدا ولكن بدون أي فايده يتبع...

#الجزء_الرابع #رعب_ما_قبل_الموت جالي تليفون من الدكتور أحمد دكتور التشريح عادل : ايوا يا دكتور د.احمد : ايوا يا عادل بيه في معلومات مهمه عندي عن الجثه الوفاه مكنتش وفاه طبيعيه الجثه عظمها متكسر عضم اليد والترقوه وآثار لضغط علي اماكن في الجسم وكان شئ التف علي الجسم وضغط العظام فكسرت بس الغريب أن مفيش اي اثار لضغط علي منطقه الرقبه ولا علي منطقه القصبه الهوائيه وده بيوضح أن كان التنفس مستمر بشكل طبيعي لحد ما حصلت الوفاه يعني بمعني أوضح مفيش خنق ادي للوفاه وده معناه أن الشي اللي كان بيضغط علي الجسم كان هدفه تكسير العظام والتعذيب مش القتل والاغرب أن احنا لو قولنا أن تكسير العظام كان عن طريق افعي مثلا ولدغته فمات فبعد ما فحصنا الجسم بالكامل مفيش وجود اي اثار لمكان اسنان أو لدغه افعي عادل : امال هو مات ازاي يا دكتور د.احمد: هنشوف نتيجه عينه التسمم ودي اللي ممكن تجوبنا علي السؤال ده عادل : تمام يا د. احمد اي معلومه جديده بلغني بيها بعد اذنك قفلت المكالمه مع الدكتور احمد وروحت عن والدي وقولتله :القضيه بتتعقد اكتر دلوقتي في اثار لشئ لف علي جسم الجثه وكسر عضمها ومن الواضح أنها افعي بس الغريب أن مفيش اثار للدغه افعي امال هو مات ازاي اللواء زياد :زي ما قولتلك حل اللغز في الرسايل امسك الرسايل وافحصها بعناية هتلاقي حل اللغز والقضيه عادل : تمام يا سياده اللواء روحت لأختي وراضيتها لأنها فعلا كانت زعلانه من كلامي وفضلت اشكر في جمال الاكل اللي هي عملاه علي الرغم من أنه كان ناقص ملح والأرز مش مستوي كويس بس قولت اجبر بخاطرها وكفايه تريقتي اللي ضيقتها واللواء زياد يقولها يا بنتي الاگل ناقص ملح وانا أقوله ده الملح محطوط بميزان دهب مظبوط بالملي تسلم ايدك وهو يقولها يا بنتي الأرز مش مستوي وانا أقولها ده الأرز مفلفل وحاجه في منتهي الجمال وهي تضحك وهو يضحك واللواء زياد يقولي انت بترضيها علي حسابي انا صح ،،ما انت هتروح وتاكل من بره وانا اللي هلبس في الاكل ده تلت ايام فضلنا نضحك في أجواء اسريه جميله كنت مفتقدها من وقت ما فقدت مراتي إيمان اللي كانت بتحب والدي جدا وتيجي تعمله كل طلباته ونفضل نضحك مع بعض طول الليل.الله يرحمها روحت ودخلت علي السرير ودخلت في نوم عميق وكالعاده يعتاد الاسوء دائما علي الزياره بعد حلول الليل وسواده الساعه الواحده صباحا رساله علي موبايلي فتحت الرساله لقيت التالي جريمه قتل اسم الضحيه : عدنان الادهم مكان الحادث : ٦ اكتوبر توقيت التنفيذ من دقيقه واحده احساس الظلم برغم أنه قاسي لكن له لذه تتذوقها مع فنجان قهوتك وانت تتوعد كل من ظلمك وبعدين في الشغلانه دي بدأت افوق وانا مضايق جدا لقيت موبايلي بيرن الدكتور أحمد عادل :ايوا يا دكتور د.احمد : اسف يا حضره الضابط اني بتصل في وقت متأخر عادل : لا ولا يهمك يا دكتور في حاجه جديده د.احمد :في حاجه غريبه جدا نتيجه تحليل الدم بتقول أن الدم خالي من اي تسمم ومفيش اي اثر لوجود سم افعي ولا اي شي وده بيزيد الأمور غرابه ويخليني اسال هي الضحيه ماتت ازاي عادل : انت اللي بتسال يا دكتور ..في جريمه قتل حصلت تاني دلوقتي هشوف ايه ملابسات الجريمه ونتكلم وياريت تكون وصلت لاي شئ يوصلنا لسبب موت الضحيه قفلت معاه المكالمه وحاسس أن في حد ماسك شومه وكل شويه يضربني بيها علي دماغي ومش فاهم ايه من كميه الجرائم دي وأسبابها اتصلت بادهم وقولتله يتابع بلاغ هيوصل باسم عدنان الادهم ويعرف العنوان ونعمل نفس الخطوات ونكلم العميد كامل علشان يعمل تكليف رسمي باني امسك القضيه بس كل ده مينفعش يحصل غير بعد ما حد يقدم بلاغ رسمي بس في جمله استوقفتني احساس الظلم برغم أنه قاسي لكن له لذه تتذوقها مع فنجان قهوتك وانت تتوعد كل من ظلمك يعني الموضوع في ظلم والضحايا في رابط بينهم بس هو اي علي الجانب الآخر المشهد ينتقل لحانه في احدي المناطق صب كاس آخر ايها الساقي ،،انها الكاس الثلاثين له ،،لقد غاب عقله سيُجَنًُ الرجل وبعد أن شرب كأسه وقف والجميع يتقربه في صمت ،،مشي عده خطوات وهو يميل يمينا ويسارا ثم وقع مغشي عليه ولكنه باح بالسر قال بما هو كأن وما سيكون ما كان عليه أن يفعل ذلك ،،لانه تحدث عن جريمه قتل وافشي عن القاتل الحقيقي يدخل رجل يرتدي بدله سوداء يحمل الرجل علي اكتافه ويخرج من الحانه وقبل خروجه ينادي شخص من داخل الحانه ويقول للرجل ذو البدله السوداء اتركه والا ستقتل لا محاله لم يكمل الرجل كلمته ليجد رصاصه مستقره في صدره صادره من مسدس الرجل ذو البدله السوداء ويخرج من المكان و يكمل طريقه الي مكان مظلم ليلقي بالرجل الثمل من علي اكتافيه أرضا

اللواء زايد: ده اسمه سخافه وتنمر مش هزار انت عارف تأثير الكلمه اللي انت بترميها دي وتعقد تضحك بتأثر علي اللي قدامك أد ايه ليه يا بني تبقا سبب في أذي نفسي لحد انت عارف ان لما اتعملت دراسه من بعض الباحثين علي تأثير التنمر أو الرفض من المجتمع علي الشخص اللي بيتعرض للتنمر كانت ايه نتيجه الدراسه لما اتعملت الدراسه وجدوا أن المخ بينشط بشكل معين في بعض المناطق ويتأثر نفس التأثر والشعور بالألم اللي بيتأثره لو تعرض الشخص لأذي جسدي يعني انت لما تقول لحد كله بيخه في حقه او تتريق عليه انت كده كأنك ضربته بايدك ويشعر بنفس الألم و كأنك فعلا ضربته بالنار بس بنار بارده ونبينا الكريم مقلناش نعمل كده عادل : خلاص يا سياده اللواء انا اسف ،،ربنا يخليك ليا وأتعلم منك عايز اقولك علي قضية معقده وعايز اخد رأيك علشان انا مش فاهم حاجه حكيتله علي تفاصيل القضيه كلها وعلي الرسائل اللي بتتبعتلي وعلي موضوع الافعي قالي موضوع أن في افعي بعين بشريه شئ غريب ميتصدقش و الشخص اللي بيبعتلك الرسائل عايز يوصلك لحاجه ركز جدا في الرسائل وفي تفاصيلها الرسايل هي حل اللغز جالي تليفون من الدكتور أحمد دكتور التشريح عادل : ايوا يا دكتور د.احمد : ايوا يا عادل بيه في معلومات مهمه عندي الجثه الوفاه مكنتش وفاه طبيعيه الجثه عظمها متكسر عضم اليد والترقوه وآثار لضغط علي اماكن في الجسم وكان شئ التف علي الجسم وضغط العظام فكسرت وتستمر الملحمه ...رعب ما قبل الموت يتبع...

#الجزء_الثالث #رعب_ما_قبل_الموت انا شوفتها يا حضره الضابط ،،شوفتها بالعين اللي في وسط رأسها..... عادل : هي ايه دي اللي شوفتيها الشغاله بحركه تمثيليه وبتشاور بأيديها وتشعر أنها فقدت عقلها قالت : افعي ..افعي كبيره بدأت عنيها يملئها الرعب ،، وكانت طويله وحجمها كبير اوي اول مره اشوفه وفي عين بشريه ،، عين مرعبه في وسط رأسها ..دي مش حيه طبيعيه دي حيه من الجن ..ورأسها ...رأسها كبيره اد راسنا كده لا دي أكبر ادهم :انتي في وعيك ولا جايا تهزري الشغاله : والله شوفتها واول ما شوفتها جريت علي اوضتي وهي اتجه ناحيه أوضه سامي بيه وبعد ربع ساعه من الرعب .. حاولت امسك نفسي واتجرأت .. علشان الاقي سامي بيه مقتول هي اللي قتلته ..هي اللي قتلته فضلت اصرخ.... اصرخ واتصلت بالمدام بقلم سيد مصطفي عادل : طيب اهدي اهدي ،،هو ده اللي انتي شوفتيه ماشي..... بس ازاي افعي بعين بشريه لازم يبقا الكلام عقلاني النيابه مش هتعترف بالكلام ده الشغاله : والله ده اللي انا شوفته مش عايز تصدق انت حر خلاص اتفضلي ولو احتجنالك هنبقا نستدعيكي.. خرجت الشغاله وبدأت المحادثه بين عادل وادهم عادل : افعي ايه اللي في وسط رأسها عين بشريه ادهم : الوليه دي اتجننت عادل : الطبيب الشرعي قدامه قد ايه علشان نعرف سبب الوفاه اتصل بيه يا ادهم علشان نفهم ادهم : تمام يا فندم ادهم : ايوا يا دكتور احمد ايه الأخبار الدكتور أحمد :الجثه دي غريبه كل ما نقرب من تشريحها نلاقي النور قطع واوقات نسمع صوت فحيح زي فحيح التعبان ومش فاهم ايه ده هحاول اشرح الجثه وابلغك بكل جديد بس عموما .. انا خدت عينه دم من الجثه وهتروح للمعمل علشان نعرف سبب الوفاه إن كان تسمم بس الشئ الغريب جدا أن كل شئ في الجثه بيدي مؤشر أن الوفاه وفاه طبيعيه ماعدا وش الجثه المفزوع ربنا يكرمنا ونقدر نشرح وابلغك بتقريري بقلم سيد مصطفي ادهم :ماشي يا دكتور أحمد بس حاول باسرع ما يمكن ..مع السلامه ادهم : بيقولك يا عادل كل ما يشرحوا الجثه النور يقطع وبيسمعوا فحيح زي فحيح التعبان عادل : فحيح تعبان بدأ عادل يشك في الموضوع فعلا هل الحادثه حصلت فعلا عن طريق افعي عند جنينه العماره بتاعتي سمعت فحيح افعي والشغاله بتقول أن اللي قتل الضحيه افعي وفي المشرحه بيسمعوا صوت افعي موضوع غريب وليه الضحايا دي بالذات وده بيحصل ازاي هل في حد بيحرك الافعي ولا هي شئ ماورائي غامض فعلا اتصل بيا والدي وهو لواء متقاعد (زايد حسن ) زعلان علشان انا مبسالش عليه بقالي كام يوم خلصت شغل وقولت هطلع عليه وصلت للعماره وقفت بالعربيه وبنزل شوفت عم سليمان وهو شبه( سليمان عيد) الممثل واقف عند بعيد عن العماره وفي كلب بلدي واقف عند باب العماره وبيحاول يهشه وخايف منه انا قربت عند الباب وقولتله في ايه يا عم سليمان انت خايف من الكلب ده كلب بلدي حتي يا راجل انا هشيته بعد عن الباب وعم سليمان قرب بعد ما الكلب بعد وقالي اصل انا عندي فوبيا من الكلاب من صغري بخاف منهم جدا شايف الغورزتين اللي فوق حجبي دول قولتله ايوا... قالي : دول ليهم قصه كبيره عادل : قصه ايه ؟؟ عم سليمان : بص يا سيدي وانا في رابعه ابتدائي كنت بخاف من الكلاب واحد صاحبي قالي متخفش من اي كلب وجمد قلبك ..لو في كلب وانت خايف منه قرب منه وقوله بس (كشمير بيسلم عليك) وده اسم كلب أصحاب الكهف وكل الكلاب عرفينه وبيحبوه اول ماهيسمع الكلب الاسم هيتاثر وهيفتكر كشمير وممكن يعيط كمان انا سمعت كلامه وقولت لازم اجرب ونزلت علي الشارع بتاعنا ودورت علي اكتر كلب غلبان في الشارع علشان لما أقوله الاسم يتأثر وياخدني بالاحضان وفعلا لقيت الكلب قربت منه وبتناحه طفل ملزق في رابعه ابتدائي قولتله (هااااش ..كشمير بيسلم عليك ) ومستني اشوف دموعه وهي نازله من التأثر لقيته قام وقف. وزام عليا وكشر كده وبين سنانه وهوووووو انا فتحت الطياره وهاتك يا جري وانا بجري بقول لنفسي مش ممكن يكون مسمعش الاسم كويس طب ارجع تاني اقولهوله ممكن يعقل وفضلت اجري لحد ما اتشنكلت ووقعت علي الارض وحجبي اتفتح واتخيط غرزتين ومن ساعتها وانا بخاف من الكلاب ومبيسمعش كلام حد غير ابويا وامي عادل بيضحك مش قادر يمسك نفسه وبيقول : الله يهديك يا عم سليمان هتموتني من الضحك وقولتله( كشمير بيسلم عليك ) ههههه ضحتكني وانا دماغي مقلوبه بدأت. امسك نفسي من الضحك وقولتله لو في كلب ضايقك تاني كلمني وانا هسيب الشغل وأجيلك عم سليمان :ماشي يا عادل بيه طلعت وانا فعلا كل ما افتكر كلامه اضحك خبطت علي الباب فتحتلي اختي قولتلها : اذيك يا طويله يا هابله ...هتروحي فين تاني هنجبلك عريس منين ياخد النخله دي كلها اختي وهي مضايقه : اتفضل ياعادل اللواء زايد : هو انت يا بني مش هتبطل التنمر اللي في دمك ده بلاش تتريق علي حد لا علي لونه ولا علي شكله عادل : ايه يا سياده اللواء انا بهزر معاها ،، هو انا ضربتها بالنار

فين التفاعل القصه مش عجباكم ولا اي؟

عرفت عنوان الواقعه اللي حصلت فيه جريمه القتل وفضلت قرابه النصف ساعه في قسم التجمع مستني تليفون من العميد كامل العميد كامل بيتصل كامل : تم تكليفك رسميا بالقضيه عايز شغل مظبوط يا حضره الضابط عادل : تمام يا فندم كلمت ادهم وبلغته بالعنوان وطلعت جري علي العنوان.... فيلا في التجمع الخامس في كمبوند وأمن وصعب يحصل هنا جريمه قتل بردو دخلت الفيلا مراته منهاره ودخلت علي الضحيه نفس المنظر المخيف العين المبرقه لاقصي درجه والوجه المفزوع روحت علي مراته وسألتها البقاء لله يا فندم ..هو ايه اللي حصل ؟؟ مراته قالت كان في مشاكل حصلت بيني وبين سامي وانا سبت البيت ورحت علي بيت ولدي لقيت الشغاله بتتصل بيا وهي مرعوبه وبتقولي سامي بيه اتقتل يا مدام ..... قولتلها هي فين الشغاله قالتلي تحت في أوضتها نزلت للشغاله ..الشغاله جسمها بيرتجف وعنيها ثابته كانت مصدومه حرفيا حاولت اتكلم معاها بس هي كانت في عالم تاني ..سيبتها وطلعت لأدهم قولتله انا مش عارف الشغاله عامله ليه كده دي مش قادره تتكلم وعلي وشها علامات ذهول غير عاديه اتجهت ناحيه زوجه المتوفي وقولتلها : انا مقدر اللي حضرتك فيه .....بس هنحتاج حضرتك بكره علشان ناخد أقوالك انتي والشغاله بشكل رسمي ... قالتلي : أن شاء الله يا حضره الضابط خلصنا كل الإجراءات الخاصه بتشريح الجثه وبتمني نوصل لاي سبب حقيقي ومقنع لجرايم القتل اللي حصلت كلمت ادهم وقولتله انا مش هروح وعايز اقعد شويه في أي مكان ادهم : خلاص يا باشا في مكان حلو هيعجبك نقعد فيه نشرب حاجه ونلعب شطرنج علشان اغلبك قولتله : ماشي.... نفسك تغلبني انا عارف وصلنا المكان وكان حلو فعلا استايل راقي وهادي جاب الشطرنج وقالي يلا بينا ..... قولتله : انت فاكر يا ادهم أن المتعه في لعبه الشطرنج هو أنك تقتل الملك لا..لا الموضوع مختلف بالنسبه لي الملك سيموت سيموت لا محاله ... شايف العسكري المسكين ده ،،هو ده السحر ،،هو ده المتعه،، ينتقل من مربع لأخر بشجاعه وجرأه ودهاء وسط المعركه الطاحنه بين قطع اقوي منه تستطيع بحركه واحده ألتهامه ،، ولكنه يصر وبإستماته الوصول للمربع الاخير لكي يترقى ويصبح وزيراً في وسط ذهول كل وحوش اللعبه من حوله.. هي دي المتعه الحقيقه ادهم : ايه ده انت هترقي العسكري بتاعك انت يا شيخ دماغ شيطان ..لمواخده يا فندم عادل : هههه يا فندم ايه بقا ...انا الغلطان ادهم : اسف يا فندم والله عادل : ماشي يا ادهم ..شوف الملك بتاعك علشان مات وخسرت برضو ههههه ادهم : انا هشيل الشطرنج ده ومش هقولك نلعب مع بعض تاني ابدااا...انا اسف لنفسي مش ليك انا اللي بجيبه لنفسي عادل بضحك هيستيري: انا هبقا اخليك تكسب ..علشان اخد ثواب هههههه،،انت هتروح ولا عايز تقعد تاني ادهم : انا هروح انا محروق دمي .. يلا بينا روحت ..دخلت نمت وطلع النهار اتجهت علي مكتبي وبدأت التحقيقات بدأنا بزوجه الضحيه واللي قالت نفس الكلام اللي قالته في وقت الحادث طلبت دخول الشغاله دخلت وكانت علي وشها علامات فزع غريبه وشها شاحب زي الاموات بدأت التحقيق س: كنتي فين وقت الواقعه ردت رد سريع بصوت مرعوش مرتجف انا شوفتها يا حضره الضابط ،،شوفتها بالعين اللي في وسط رأسها..... يتبع....