﴿وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا﴾🕊

يخرجهم من الظلمات إلى النور يعني حتى لو الفكرة مظلمة أو موهومة ما يلبث ربنا بعزته ورحمته الاَّ ويكشفلچ إنه يا فلانة إنتِ ب وهم بحيث تتركين الوهم عن قناعة ف كيف ممكن يأتي بعقلچ إنه يوهمچ بأمر مصيري من أمور الحياة ؟الله يوحي للقلب الصادق ولا يوهمه ولو كنتي في وهم رب العالمين مراح ينتظرچ تنخذلين حتى يكشفلچ إنما يكشف وأنتِ مقتنعة وبسرعة هم وهذا معنى عسى أن تكرهوا شيئاً وهو خير لكم مو يسحب منچ شي هو زرعه بيچ سواء أمنية أو حلم بعدين تقيسون على هاي الآية الله اسمه اللطيف واسمه المبين يعني يخلي الأمور واضحة وأنتِ مقتنعة والسلام.

يرزق من يشاء بغير حساب أي يرزق من يشاء بلا عد ولا مد او بالأحرى يرزق من يريد بدون حسابات أهل الدنيا المادية وقوانينهم الله بلفتة لطيفة بهذه الآية كأنه يقول إذا نتيجة 2 يحتاج 1+1 بأسباب الدنيا فأني انطي النتيجة (2) بدون الحساب والسبب فمن شنو بعد تخاف أو تخافين؟

أكو شي لازم تعرفي حتى تطمئنين لا أكثر إذا مريتي بموقف جداً صعب بالماضي ورب العالمين بشرچ بقلع كل المخاوف وإزالتها فممكن صدى هذا الخوف وبقاياه تحاول تداهمچ مو لإن مصيبة راح تصير لأ لأ إنما شايفة الجندي الي خلص الحرب ورجع للبيت شايفة من يسمع صوت طرق الباب ؟على بساطته بس يظن قنبلة جديدة في أرض المعركة رغم خلاص الحرب خلصت لكن لإن بقايا الخوف تطارده والحقيقة إنه رب العالمين راد يعلمچ مو يوجعچ وهو حامي وحافظ كل حرف توسلتي اله بيه قال تعالى ما يفعل الله بعذابكم إن شكرتم وأمنتم والشكر هنا يجي بعد الفهم والفهم والإدراك ترسخ والدرس تم حفظه فاطمئني كل هالبقايا تتبدد واليقين والنور مقابل تبددها يتمدد والسلام.

لا يذوقون فيها الموت إلا الموتة الأولى ووقاهم ربهم عذاب الجحيم تعرفين هاي الآية شاملة لكل جزاء مو بس جزاء الآخرة أنتِ مو ذقتي الموت وتأذيتي بحياتچ هواية ؟وصبرتي بوقت جداً صعب الصبر بيه ؟كل ما فات كان الموتة الأولى لعلهم يرجعون وإنتِ برحمته,فضله,لطفه عليچ رجعتي إله رجوعچ اله إعلان رجوع لكل شي جميل بحياتچ هو يعرف ما رجعتي علمود شي إلاَّ حتى ترضيه وهو تطلع على النية وشافها هذا منو؟هذا اعلم عليم باخفى خفاياچ فما يفوته اي شي يتمناه گلبچ ودا يداري كلشي مثل ما روحچ تتمنى فأبشري الموتة الأولى أنتهت ومرحباً بالجزاء الموعودة بيه.

انتوا أحمدوا الله كلش هواية اكو ناس لحد الان ما تعرف رب العالمين شنو ممكن يسوي لأحد يحبه ولأجل عيونه هواية ناس حدها على گدها وكالعادة على قدر المعجزة يجي وياها اليقين.

لفتتني بقصة رابع أحب نبي لقلبي وهو يوسف عليه السلام شي اليوم واني اقرأها نذكرت أية وهي {وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُمْ بِتَأْوِيلِهِ فَأَرْسِلُونِ} الي لفتني إنه گلت بسمة إنتِ ليش ما مفسرة هاي الآية وهي جزئية ادكر بعد أمة هنا حسيت أجا مثل النور براسي أنه معناها تذكر بعد فترة والغريب من جيت افسرها طلع نفس الشي طلعت بشغلتين من هاي الآية أولاً الله يمشي الإنسان ويعلمه ويفهمه وما يخليه مغفل إنما فعلاً يجعل اله نور يعلمه بيها الحقائق الشي الآخر الغريب رغم يوسف كاله اذكرني عند ربك لكن الله كال فانساه الشيطان ذكر ربه بالحقيقة نتعلم الإنسان كله على بعضه تحت سيطرة الله بحيث استخدم مخلوق ضعيف مثل الشيطان حتى ينسي ساقي الملك أنه يكوله عن يوسف بس جان لازم يصير هيج ليش؟حتى يطلع من السجن متمكن لقيادة بلد كامل وبالفعل رجع الله ذكره لمن طلبوا تفسير للرؤيا والشي الثالث الي طلعت منه أنه من استمتع يوسف عليه السلام بجلسته بالسجن وتاقلم على الصعوبات تسخرتله الحياة وكذلك مكنا ليوسف فالارض يتبؤا منها حيث يشاء نصيب برحمتنا من نشاء ولا نضيع اجر المحسنين هل بس يوسف يارب؟لا إنما من نشاء والسلام.

👀

أتعجب على إلي يگول هذا الشي حصل للنبي المعين لإن هو نبي أو هذا الشي حصل وبعد أنتهى بزمنه وما يتكرر خلونا نتفق على شغلة الشي الوحيد إلي أنتهى بزمنه هو إنه نختمت النبوة ب عليه أفضل الصلاة والسلام يعني الوحي التشريعي خلص عند هذا الحد إلي من خلاله تم تأدية الرسالة بفضل الله ثم أيد النبي على أتم وجه لكن قدرة الله الي ذكرها بالقران بالقصص المختلفة چانت كلها تگوللنا ترا هالقدرة ما خلصت ترا شق البحر وإنقاذ أنسان من بطن الحوت وولادة العاقر أحداث حصلت مو بس لأنبياء إنما مؤمنين بقدرة الله فكان حق ورحمة من الله إنه يعطي على قدر اليقين الي وقر بالقلب وإنه هذه الأحداث واشباهها من الاشياء الي الناس تشوفها معجزة تتحقق لأي عبد أمن بالله هذا الإيمان ليش؟لإن وكذلك نجزي المُحسنين المشككين هواية,الأصوات هواية فكان حق من الله إنه يعامل كل واحد على قدر ظنه راح تسمع أصوات نفس الي گالت ليعقوب عليه السلام اتفتأ تذكر يوسف حتى تكون حرضاً أو تكون من الهالكين تخيلوا أتهموا بالجنون لإن الحقيقة الي چان يوصلها سيدنا يعقوب إنه كل انسان يحتاج يشوف حتى يؤمن إلاَّ المؤمن يؤمن وراها يشوف وبكيفكم بعد .

كلما تركتي شي تكالبت الأصوات الخوف حتى ترجعج تتعلقين بهذا الشي ويعلى الخوف يعلى بحيث إنه تحسين لازم ترجعين لنقطة التعلق إلي جنتي بيها مطمئنة لإن جنتي بإنتظار وهاي غاية الشيطان يعوفج بطاقة إنتظار وتعلق يستحسف يشوفج بموقف المتخلية التاركة فيوهمج إنه لو تركتي الأمور لله راح تخسرين حتى يبقيج قلقة أفهمي لعبته وأكسري هالصوت.

مرات الأمر حتى يُفتح يحتاج خطوة وحدة مثلاً أكو مثل يگول الإناء المراقب لا يغلي أبداً چان عندي قبل فد شغلة تخصني يابة شگد مهووسة بيها طبعاً أني كلي على بعضي مهووسة بنفسي😂المُهم سبحان الله چان ربي يفهمني بس عوفيها بس أتركيها وهي تصير وبالفعل من عفتها بدل ما تصير بس تضاعفت لإن عفتها برحمته وفضله تبارك الله🙂‍↕️ليش لإن حضرة جنابي چنت بدون وعي مني موگفة هالشي إنه يصير لإن لو صار وأني هيچ چان بقيت بس اعاينه لكن شوكت صار من عفته فالله ميحرم الله يغني قبل لا ينطي هي بس هيچ.

بكل سنين حياتي جان عندي أُمنية تخصني أني ك بسمة وهذه الأمنية ثمينة وغالية على كلبي لإن تعزز أنوثتي وجمالي وجانت صعبة لإن مهما أسوي ما تصير جانت كلش صعبة ومجان كلشي ينفع وبحكم إنه الله سبحانه يعرف طبع هالبنية ويعرف الوقت المناسب الها بدأ يطبخها على نار هادئة شوية شوية لإن لو انطاني أياها من ثانية وحدة وهو قادر واني شاهدة على قدرته جان روحي تألمت من شدة الفرحة تخيلوا واحد يتألم من الفرح إيي الله يعرف حبيبي يعرف المُهم أني أنسى وهو ما ينسى أجيت بعد فترة سنة تحديداً وأشوف ملامح هالأمنية نبتت وكبرت وصارت ثمرة تخبل مثل ما روح بسمة تتمنى يعني ما انطاها الي قبل سنة لإن جنت مو بالنضج الحالي الي هو وصلني إله لأ انطاها من صرت ناضجة بقوته ورحمته وفضله بنات حبيب روحي لم يتخذ ولداً لكنه برعايته كالأب الي يرعى رعيته وأهم شي لو نلتوا النعمة بإذنه ورحمته كولوا اللهم لا تفتنني بنعمتك واجعلني إستعملها في شكرك وفيما يرضيك عني وبس🩷.

بنات هذه فاتورة بنت من اخواتكم امها مريضة وما عندهم معيل غير رب العالمين لا تقصرون بتقديم الدعم الها .

بنوتات تعالوا اگول شي 🙂‍↕️👀

بنوتات تعالوا اگول شي 🙂‍↕️👀

جماعة أحد يحب الآيات هذه من سورة الصافات بصوت هالقارئ نبرته تخبل تبارك الله 🥹🤏🩷.

أحياناً العبد يحتاج تكة فقط للفتح مرات خطوة بسيطة مرات دعوة بسيطة مرات عادة يغيرها سيئة تعيق مساره ذنب يمكن يكون بسيط بهذا اليوم رغم جاية اني بنهايته إلى أنه ربي أمر نبيه وگاله إضرب بعصاك البحر فالجواب جان فانفلق ,الله مو محتاج عصا موسى لفلق البحر ولا من الثلاثة الي نطبقت عليهم الصخرة جان محتاج يحركوها لأن فعلا لا عصا موسى هي الي فلقت البحر ولا الثلاثة دفعهم للصخرة حركها إنما راد يعلمهم السعي بالقليل المُتاح الي يجي بعده فتح كبير لكن القاسم المشترك بكُل واحد بيهم نقطة وحدة چانوا يؤمنون بشي إسمه مستحيل بالمنطق البشري هين بالمنطق الإلهي.

الثبات على شروطچ كأنثى مو دلع هذا ضمان للسور الي بنيتي حول مملكتچ لو تجي الأمور مثل ما روحچ تتمناها لو لأ ((وهي تجي ))لكن تكرارچ لنفسچ بتثبيت الشي الي يريحچ يخلي روحچ على علم بالشي الي يرضيچ بدون تنازل ممكن هالتنازل يكون مؤلم وتدفعين ثمنه لاحقاً.

ما حصل في الأمس كان لتتعلمي لا لتتألمي فتعلمي كي يُزال الذي منه تتألمي.