الاستاذ سجاد حميد

عــــــــــاجـــــــــــــل التربية تحدد مواعيد امتحانات الدور الثاني للصفوف المنتهية - السادس الابتدائي : 2026/8/15 - الثالث متوسط : 2026/8/26 - السادس الاعدادي : 2026/8/27

الثالث المتوسط والسادس الاعدادي الدور الثاني والدخول الشامل يومين وينغلق الحجز فقط وشكرا جزيلا للجميع ولثقتكم بينا ❤️ واي طالب اشترك هنياً لكم الدرجة القوية في الوزاري والنتائج ستثبت هذا. والتي تبدأ يوم الأحد بتاريخ : 5 / 7 / 2026 العنوان : السماوة / معهد الامتياز لدورات التقوية المستمرة / المحور التجاري خلف شركة زين

ألف مُبارك للطلاب الناجحين وكل التوفيق بمَسيرتهم القادمة . أما بالنسبة للطلاب المكملين والراسبين مو آخر المَطاف هذا .. مُهمتكم بعدها ولتنسون كُل شي ورا حكمه مِن رب العالمين ، شدوا حيلكم واحنه وياكم أول الداعمين 🤍

اي احد يريد النتيجة يراسلنا وبخدمتكم

تم نشر نتائج الدور الأول لطلبة الصف الثالث متوسط لجميع المدارس

🔵 #عاجل | #نتائج_الثالث_متوسط: • التربية تعلن نتائج الصف الثالث متوسط / الدور الاول للعام الدراسي 2025-2026 عبر الرابط ادناه : 🔹رابط النتائج: https://najah.iq/

شكرا الك منتظر الرسالة حيل فرحتني وخففت من تعبي هواي يارب يوفقكم ويفرحكم ويرزقكم ثمرة تعبكم وجهدكم واشوفكم باعلى وافضل المراتب

اللهم يا حي يا قيوم يا جامع الناس ليوم لا ريب فيه نسألك بأسمائك الحسنى وصفاتك العلى أن تجازي عبدك أستاذ سجاد خير الجزاء وأوفاه ​اللهم إنه لم يبخل علينا بعلمه ولا بوقته ولا بجهده وكان يشرح لنا بضمير حي ويحترق حرصاً على مستقبلنا وتعرق جبينه طوال السنة في سبيل أن يوصل لنا أمانة العلم اللهم فكما أسعد قلوبنا بتبسيط الصعاب أسعد قلبه بجنتك ورضاك واجعل كل حرف علمنا إياه وكل دقيقة سهرها معنا في ميزان حسناته يوم نلقاك ​اللهم افتح له أبواب الرزق والتوفيق من حيث لا يحتسب اللهم بارك له في عمره وفي صحته وفي عافيته وفي عائلته وأهل بيته الذين فتحوا لنا أبوابهم وقت ضيقنا ومراجعتنا اللهم ارزقه راحة البال وطمأنينة النفس ولا تجعل له هماً إلا فرجته ولا ديناً إلا قضيته ولا حاجة من حوائج الدنيا والآخرة لك فيها رضا وله فيها صلاح إلا قضيتها ويسرتها يا رب العالمين ​اللهم وفقه في مسيرته التعليمية والمهنية واجعل ذكره طيباً بين الناس دائماً وارفع مقامه في الدنيا والآخرة اللهم كما كان عوناً لنا وسنداً في هذه الأيام العصيبة قبل الامتحان كن له عوناً ونصيراً في كل خطوة يخطوها في حياته

لا تنسونا بخالص دعواتكم لي ولوالدي بالصحة والسلامة #اخوكم سجاد حميد ❤️

اخواني اني سهران وياكم حالف ما أنام اي موضوع او سؤال بالكم بأي وقت دزولي راح اترك الكم حسابي الشخصي بالاسفل وميكون خاطركم الا طيب شدو حيلكم هانت ❤️ @poor_luck99

ولا تنسى تكتب العنوان بوسط الدفتر قبل لا تكتب الانشاء حتى تاخذ عليه درجة

الصبح اول ما تگعد راجع فقط انشائين وروح ان شاء الله يجي واحد منهن بتوفيق من الله سبحانه وتسهيله 1- مستقبل السياحة في العراق يونت خامس 2- قلة أجهزة الصراف الآلي في المنطقة يونت سادس

لا تعوف اي شيء فارغ دربالك تترك شيء فارغ هذا مو معنى تضل تجذب من يمك لا قصدي اي شيء يجي ابالك بسؤال الأدب يخص الأدب اكتبة اي سؤال قريب ع قطع الكتاب اكتبة اي اجابة تكون قريبة المصحح ينطيك درجة كاملة والله دربالك تعوف نقطة فارغة بيك وما تكتب

بعض النصائح والتوجيهات حول كيفية الإجابة على الاسئلة : 1- حاولوا تنامون من وقت ووقتوا الجهاز الساعة 4 الصبح مثلاً اگعدوا راجعوا. دربالكم دربالكم دربالكم ترحون للامتحان ما نايمين هذا اكبر خطأ والله العظيم مراح تجاوبون حتى لو ضابطين المادة ضبط !! لان جسمك وعقلك هم اله حق عليك بالراحة فلا تصير شاطر وتضل گاعده للصبح بحجه تقرة شراح تسويلك هاي الشكم ساعة ؟ مضرها اكبر من فائدتها 2- يفضل عدم اخذ اي كتاب او ملزمة عند الذهاب من بيتك الى الامتحان وتسوي روحك سجاج وتراجع لان راح تنسى كلشي 🙂 . ويفضل عدم الجلوس مع اي طالب في المركز الامتحاني وتعال خلي نراجع وهذا جاي وهذا ما جاي لان ثنينكم راح تنحسدون 🙂 3- قبل البدأ بكل شيء اقروا الفاتحة الى سيدتي ومولاتي ام البنين عليها السلام بنية تسهيل الأمر. 4- تگعد بالقاعة مسيطر 😌 مثل الملك كأنما الاسئلة كلها تعرفها وقاريها 😎 مو وجهك احمر الي يگلك بع تبجي 😂 5- من تردون تجابون دائما ابدوا بالانشاء من السؤال الخامس ثم الرابع ثم الثالث وهكذا تصاعديا ❤️ 6- مو تنسون الترك بالاسئلة ترا اكو ترك ضمني وليس فرع او سؤال كامل. مو تاخذكم الشطارة والا اجاوب كل الاسئلة 🙂 لا اترك دائما متفقين ؟

هذه فرصتكم شدوا الهمة أبطال

لا تخافون أن شاء الله اسئلة الانكليزي هذه السنة سهلة جداً لسببين: 1- تقليص المنهج 2- المنهج جديد وبلغت الوزارة الالتزام بالمنهج فقط

طلاب السادس إخواني الأعزاء السلام عليكم ورحمه الله وبركاته ملزمة ( المراجعة المركزة 2026 ) هدية مني الكم ومجانا بس تروح تسحبها و تطبعها يم اي مكتبة او تبقيها عالفون او الحاسوب وتقراها فلا تراسلني وتگلي وين احصلها لان اكتلك خوش🙂 بيها كل أفكار المادة الي راح تجيك بالامتحان ( بيها القطع والادب والقواعد وكلشي وكلاشي ) يعني لتعب روحك يبعد روحي ولتخبص نفسك بيوم الامتحان 😌 اهل المكتبات ... مخولين باستنساخها و ببيعها بس هالله هالله بالوادم بويه 😒 الكل مخولين و مبروئين الذمة بتداولها بين الطلاب ❤️

وابتعدوا عن القنوات عووووفوا القنوات لا تدخلون للقنوات مال هذا الشيء مهم وهذا الشيء جاي وتضل تربك نفسك عليك العباس عوف القنوات 😐💔

دربالكم تخلون ابالكم انو اني اريد اراجع المادة كلها بهاي اليومين راح يصير ضغط عليكم وبس تردون تخلصون شلون ما جان.

واكثر سؤال جاي يجيني انو شلون نراجع المادة بهاي اليومين انتبوا وركزوا وياي : ادرسوا كل يونت وحدة لأكن لا تدرسون اليونت كامل ادرسوا فقط المواضيع والتمارين الي تواجهون بيها صعوبة او دائما تخطئون بيها حتى القطع والادب هم اكيد اكو اسئلة عندكم سهلة تحسون نفسكم لحد الان مضبطيها واكو اسئلة تحسوها صعبة عليكم فراجعوا فقط الي جنتو تخطئون بيهن