Саха театра

Саха театра pinned a video

Былатыан Ойуунускай аатынан Саха театра саҥа 121-с айар дьылы саҕалыыр испэктээкиллэргэ ыҥырар 🎭👏🏻 Саха театра саҥа 121 сезонун балаҕан ыйын 19 күнүттэн саҕалыа, күндү көрөөччүлэргэ аанын арыйыа ❤️ Билиэттэр онлайн атыыга таҕыстылар: https://iframeab-pre5643.intickets.ru 🎭 «ТУЛААЙАХ ОҔО» ДАЛАН Балаҕан ыйын 19, 20 күннэрэ, 17:00 ч. 🎭«КОРКИН. АНДАҔАР» У. ЗАХАРОВ Балаҕан ыйын 23 күнүгэр, 18:00 ч. 🎭 «НААРА СУОХ» КЫНДЫЛ Балаҕан ыйын 24 күнүгэр, 18:00 ч. 🎭 «ТӨЛКӨ» Н. ЯКУТСКАЙ Балаҕан ыйын 25, 26 күннэригэр, 18:00 ч. 🎭 ПРЕМЬЕРА «ҮРЭХХЭ» Балаҕан ыйын 26, 27 күннэригэр, 15:00 ч., Алампа саалата 🎭«ҮЙЭЛЭРИ УҤУОРДААН» М. НАУМОВ Балаҕан ыйын 27 күнэ, 18:00 ч. Күндү көрөөччү! Саҥа айар дьылы көрсө Саха театрыгар кэлиҥ, сылдьыҥ, дуоһуйа сынньаныҥ!🎭

🎭🎂 Бүгүн, атырдьах ыйын 12 күнүгэр, Саха Өрөспүүбүлүкэтин үтүөлээх артыыһа, Былатыан Ойуунускай аатынан Саха академическай театрын дириэктэрэ, Петр Тимофеевич Макаров төрөөбүт күнэ👏🏻 Убаастабыллаах Петр Тимофеевич! Эн ирдэбиллээх салалтаҕынан театрбытыгар саҥа айымньылаах бырайыактар сүрэхтэнэн, ситиһиилээх испэктээкиллэр туруоруллан, көрөөччү ытыктабылын ылаллар, искусство кэрэ эйгэтигэр угуйаллар🎭 Аны даҕаны алгыстаах үлэҥ айхаллана турдун, бар-дьонуҥ махталынан, урааҥхай дьонуҥ уруйунан аргыстаннын, эдэрдии эрчимиҥ эстэри билбэтин! Бу дьоро күҥҥэ эйиэхэ чэгиэн доруобуйаны, айымньылаах үлэҕэр саҥа дабайыылары уонна өссө үрдүк ситиһиилэри баҕарабыт! Бары үтүөнү, кэрэни, сырдыгы, Инникитин да өссө үгүс сылларга Эн олоххор үөрүү-көтүү, дьол-соргу тосхойдун! Дириҥ ытыктабылы кытта, Былатыан Ойуунускай аатынан Саха академическай театрын бары дьоно

АНДРЕЙ САВВИЧ БОРИСОВ – АРАССЫЫЙА ҮЛЭТИН ДЬОРУОЙА!👏🏻👏🏻👏🏻 Россия народнай артыыһа, ССРС, РФ уонна СӨ Былатыан Ойуунускай, Өксөкүлээх Өлөксөй аатынан судаарыстыбаннай бириэмийэлэрин лауреата, СӨ судаарыстыбаннай сүбэһитэ, Саха култууратын уонна театральнай искусствотын аар-саарга аатырдыбыт биллиилээх режиссер, Саха театрын уус-уран салайааччыта Россия президенин ыйааҕынан Россия үлэтин дьоруойа үрдүк ааты ылла👏🏻 Күндү Андрей Саввич! Бу бэлиэ түгэнинэн, дойду таһымнаах улахан аат иҥэриллибитинэн Саха театрын коллектива киэн тутта, истиҥ эҕэрдэтин этэр! Театрбыт аатын саҥа таһымҥа таһаарбыт, улахан суолу-ииһи арыйбыт ытык киһибит! Эн дириҥ хорутуулаах үлэҕинэн, ырааҕы өтө көрөр мындыр толкуйгунан биһиэхэ мэлдьи холобур буолаҕын. Үрдүк ситиһиилэриҥ кэлэр кэнчээри ыччакка эрэллээх эркээйи буолан, үйэлээҕи үөдүтэ, саргылааҕы салгыы туруохтун! Эҕэрдэни кытта Сахаҥ театрын бары дьоно!

💪🏻🎭 Саха театрын эр дьонун коллектива үбүлүөйдээх айар дьыл кэнниттэн улахан субуотунньугу ыытта Былатыан Ойуунускай аатынан Саха театра 120-с үбүлүөйдээх айар дьылын түмүктээн, биир бөдөҥ үлэни ситиһиилээхтик ыытта. Ол курдук театр эр дьонун коллектива үлэҕэ бэриниилэхтэрин уонна эппиэтинэстээхтэрин көрдөрөн, тэрилтэ иһинэн киэҥ хабааннаах субуотунньугу тэрийдэ. Субуотунньукка артыыстар, сыана үлэһиттэрэ биир сомоҕо буолан, урукку сылларга туттуллубут улахан кээмэйдээх, ыарахан ыйааһыннаах декорациялары, реквизиттары уонна сыанаҕа туттуллар малы-салы, анал харайар базаҕа көһөрдүлэр. Маннык түмсүүлээх үлэ Саха театрын коллективын бииргэ үлэлиир кыаҕын, тэрилтэҕэ бэриниилээҕин өссө төгүл бигэргэттэ. Онон, бу күһүн театрбыт кэлэр айар дьылы ыраастык, толору бэлэмник көрсүөҕэ🎭

Саха театрын дириэктэрэ, Пётр Макаров, үбүлүөйдээх Ыһыахпытын тэрийиигэ күүс-көмө буолбут, көхтөөх кыттыыны ылбыт, өйөбүлү оҥорбут бары үлэһиттэргэ дириҥ махталын биллэрэр👏🏻 Күүскүтүн-уоххутун ууран, күннэри- түүннэри кыһаллан бөдөҥ Ыһыахпыт уратытык, истиҥник уонна үрдүк таһымнаахтык ааста🎭☀️🍃 Барыгытыгар эҕэрдэ, махтал уонна салгыы даҕаны маннык түмсүүлээхтик, биир дьиэ кэргэн курдук театрбыт туһугар кыһаллан үлэни-хамнаһы өрө тутуохха 🙌🏻