كُلُّ مَا أَشْعَرَ بِهِ هُنَا .

راح تجيك فترة بحياتك تعرف بيها أنُ مو مهم تنزل ستوري بالمكان أللّي أنَت كاعد بي ، ومو مهم ألعالم تشوف أنَت شنو دتسوي ، مو مهم عندك أذا فلان سأل عليك او لا ، أشياء هواية راح تكون مو مهمُة وألشي ألوحيد ألمهُم هوَ راحة بالك .

الحاجة الوحيدة اللي مريّحتني بهالدنيا وَ علىٰ نياتكم تُرزقون مُستحيل ربي يضرّني وهو يعّرف شنو جوّه قلبي يعرف إني أحب الخير لغيري وقلبي أبيض و ممأذية أحد و الحَمدُ لله 💙.

أكو ناس تتقن التمثيل أكثر مما تتقن الصدق يتغلف بالمثاليات يحچي بالدين ويظهر بصورة الشخص النظيف بس داخله مليان تناقض وسواد. يحچي عن الأخلاق وهو أول واحد يتجاوزها ينصح وما يطبق ويستخدم الدين مو حتى يصلح نفسه بل حتى يرفع نفسه فوق غيره وأكو غيرهم ناس تعرفهم زين عشرة مواقف أيام وفجأة أول ما يلتقون بناس غيرك يتغير تصرفهم فجأة: يضحكون يحچون يهتمون ويبينون محترمين ومقربين ويتجاهلونك كأنك ما موجود كأنك صفحة انمسحت .

شوكت تفرج؟ يگولون أهلنا "الصبر مفتاح الفرج"، واحنا بالعراق مو بس سمعنا هالكلمة، احنا عشناها بكل تفاصيلها. الصبر عدنا مو بس كلمة تنكال باللسان، الصبر عدنا هو "الستيرة" اللي نغطي بيها تعبنا، وهو "القوة" اللي تخلينا نوكف على رجلينا كل ما الدنيا تميل بينا. الصبر يجي من الإيمان بالله أولاً، ومن طيبة كلوبنا ثانياً. احنا شعب يحب الحياة، ونعرف إنّ "الشدة ما تدوم". الصبر مو معناه الاستسلام، لا.. الصبر معناه نتحمل ونبني ونحاول مرة وعشرة لحد ما نوصل للي نريده .

أكو ببعض ألمرات يدخلون بحياتنا ناسّ بشكل مانتوقعه ونكول انو همه ما راح يكونون أكثر من مجَرد "أشخاص عاديينّ" بس حتى ألشخص يلي نتوقع انو هوَ أنسان عادِي وما حتكٌون اله هذيج المكانة يطلع هو العوض وأكو نص يكٌول "انِي ليليَ بلايّه واهسٰ ما إنام شلون لو صَرت أنت واهس ليليَ" مٌختصر ألكلامَ يجي ألانسان الصحَ بٌوقت احنا ما متوقعيهَ.

٣١/١٢/٢٠٢٥ جانت سنة گلش ثكيلة ؏ گلبي صار بيها أحداث ومّريت بيها بأيام صعبة مَ تنحمل ، نمت بيها وأنَي زعلانه ؏ روحي ، ونمت بيها وأنَي فرحان ، مرّيت بأيام صعبة وگدرت أتجاوزها وحدي ، عشت بيها تجارب وطلعت من كُل تجربة بدرس ، أكتشفت بيها أشخاص وتركت بيها أشخاص وعاشرت بيها أشخاص ، جانت سنة بيها أشياء حلوة وبيها أشياء من گد مرارتها حسيت ألدنيا هنا حَتوكف ، مَ توقعت أكدر أتجاوز ألفترات ألصعبة أللّي عشتها ، عشت بيها كومة مشاعر ، مشاعر أيجابية ومشاعر سلبية ، كُل يوم بيها جان كفيل ينطيني درس يعلمني منو وياي ومنو ضدي ، يعلمني شلون أكون قوي وأتخطى گلشي صعب ، ألحمدلله أنُ عدّت ؏ خير وأنَي مَ خسران خسارات تستاهل أنُ أزعل ؏ مودها ، ألحمدلله عدّت وعائلتي وأشخاصي ألمقربين بخير فـ أتمنى من ٢٠٢٦ مَ تصدمني ♥️ .

أكو ناس إذا اشتكيت لهم من الألم أول رد يطلع منهم : "شوف غيـرك ،انتَ أحسن ، غيرك على أجهزة ، غيرك ما يگدر يمشي" أكعد افكّر ! شلون ألازم يكُون چوابي ! أكلهم خلاص أقتنعت وجعي أختفى ! الصبر ، الصبر حق ،واجره عظيم ومحد يختلف والحمد لله موچود بـ قلبي قـبل لساني .. والحمد لله موچود بـ إيماني من زمانَ . بس مؤ معناها ، اني ما أزعل على نفسي؟ وما احزن ما أتألم ؟ لا والـلّٰـه حزن علية .. واحزن عليهم وأحزن على كُل انسان موجوع بصمت الصعب مو الألم نفسه الصعب ما تلكأ آحد يسمعك ، بدون ما يقارنك ، بدون ما يقلل (بدون ما يختصر وجعك بجملة جاهزة) اني ما احتاچ هل كلأم ولا احتاچ احد يذكرني بالبديهيات .

الرجل السهل مو مغري والأنثى اللي تطيح قيمتها لأي أحد ما تبقى محترمة بنظر أحد الاثنين يفقدون وزنهم الحقيقي من ينزلون لمستوى ما يشبههم وأقبح من هذوله هو الشخص اللي يتمسك بالأخلاق بس بالكلام ويتصنع الشرف وهو من داخله ما يعرف معناه .

حفلة الشامي ببغداد كانت مثال واضح وين وصل بينا الزمن.مو لأن الأطفال يحبون مغني المشكلة مو هنا.المشكلة إن جيل صغير يبچي وينهار والأهل واقفين يتفرجون “على راحتهم” بلا متابعة ولا توجيه.إحنا بزمن السوشيال ميديا تربي قبل البيت ولهذا إذا الأهل ما ينتبهون ولا ينطون حد طبيعي الطفل يصير عنده هوس أكبر من عمره مو غلط يحبون الفن بس الغلط يصير كلشي فالت لا وعي لا رقابة ولا مسؤولية الجيل مو فاسد بس التربية صارت ضعيفة .

حياه شفيق صّارت حياتي .

يومآ ما ستحملون نعش جنازتي على اجتافكم وهناك من سيردد بقول (لا اله الا الله) وهناك من سيقول (مبري الذمه ومسامحينك) وهناك من سيقول (بعد وكت تنام بنص الكبور) عائلتي سوف ترتجف اجسادهم بعد مشاهده تابوتي امامهم وستبكي والدتي وستنام على تابوتي وستعاتبني اختي وسيصرخ علي من احبني من كله قلبه وبعدها ينتهون سيأخذون بجنازتي لدفنها هناك من سيتذكر كل شيء في الطريق وهناك من سيغرق بالهواجيس وهناك من سيتخيل بأني بجانبهم وهناك من ستغرق عيناه بالدموع عندما يشاهد صورتاً التقطناها سوياً وهناك من سيذكر مواقفي معه وكلامي وهناك من سيصعب عليه تصديق وفاتي . بعد ذالك سيضعوني بحفره صغيره ويغلقونها ويرحلون من يحبني سيلتفت ولا يقبل الرحيل ومن لا يهمه امري سيذهب دون وداع . وسابقى وحدي في ظلام الليل والبعض منهم سيكملون حياتهم ويعيشونها والبعض منهم سيبقى لا يقتنع بأنني لست معه والبعض سيبقى حزين لفراقي. وبعد لسنوات ساكون منسيناً وبعد اربعون سنه ساكون لا وجود لي ابداً .

كُلشي بيّه خير حتىٰ الشغلات ألي توجعنا الله دايمًا يدبّرها بطريقة ترّيح الگلب يمكن ما نفهم هسه بِس بعدين نعرف ليش تأخّر الشيّ وليش راح غيره لحمدُ لله علىٰ كل لحظة علّمتنا نصبر، وعلى كُل شي الله خذَاه وهو يعرف إن مو إلنا الحمدُ لله دايمًا وأبدًا على لطفه الّي ما ينحچي، بِس نحسه ويانة بكُل لحظة .

وصلت المرحله بحياتي أي شي ممكن يضغطني أو يتعبني تلقائياً ألغي من حياتي ، لان ماكو بعد طاقه أساير بيها أي شخص .

الحياة علمتني الشايف نفسة ويتفيك على العالم هذا شاف العز متأخر .

لا تنسين قيمتج أبدًا ، ولا تخليين أي شخص مهما كان يقنعج إنج أقل من اللي تستحقينه الحياة مرات تكون مليانة تحديات وضغوط وراح تمرين بأوقات تحسين بيها إنج تعبانة أو ضايجة بس هي هاي الأوقات اللي تصنع قوتج وتبين الج شنو انتي قادرة تسوين كوني قوية ومستقلة مو بس بالمعنى المادي وإنما بالنفسية والعاطفية لا تعتمدين على الغير الي يخلونج سعيدة أو يثبتون قيمتج ، لأن السعادة الحقيقية تبدأ من داخلج . كل يوم اصحي وكولي لنفسج أنا أستحق الأفضل واشتغلي على تحقيق هالشي مهما كانت الظروف واختاري الي يستحقج ويحارب وياج كل الدنيا .

ماگدر اجامل شخص يجذب ولا اگدر اجامل شخص حقير ولا اگدر اجامل شخص يحاول يبين نفسة هو ماكو منه والبقية لا شيء ولا اگدر اجامل شخص يستغفل المقابل واذا شي يوم جاملت أحد من ذول الفوك راح تلكوني فقط أأدي واجب من باب الاصل والاحترام والا زحمة اعامله مثل عقدته النفسية .

الناس الي جَنت مستحيل اكدر اتخيل حَياتي بدُونهم حالياً صرت حَتى مَا اطيق يجي طاريهم او اسمعِ اساميهم وبيني وبين نفسي دائما اكول (سبحانَ الي ينور البصيرة ويبدل المقامات بالقلوبِ لان مهما حاولتِ اتجاوز هالشي لوحدي توقعت راح يصير صعب عليه. بس المواقف الي رب العالمين كشفها كدامي سهلت عليه هَواي اشياء جنت مستحِيل افكر بيها مو عادِ اطبقها بالبداية الموضوع صعب بَس بمرور الوقت عرفت انو مو كل خسارة ينزعل عليها اكو ناس معينه خسارتها تكون اهم واعظُم انتصارَ ممكن تحققه بحياتكَ الحمدَ لله .

قـبل فـَترة طويلة چـانت مـْن أصعب الفترات تشبه الغصة بوسط الگلب ويمكن أسوء ، مَچـَنت زينة ابداً وچنت أمثل أن أنـَي مـَا بيه شِـيء وحياتي ماشية …ويوم عـن يوم چنت أخسر نفسي مَجنت أعـَرف شنِـوُاسوي وعيوني ذبلانة وبنفس الوقت جربت ڪُلشي حتى اكون زينـة وطبعاً فشلت ..موضوع واحد كفيل كان ياخـذ مـْن حيلي وطاقتي ونفسيتي فترة طويلة حيل … بـَس!! بالنهـاية عدت والغرض مـْن الكلام أخليكم تعـرفون أن شما طولت فترات الحزن والتعب والخذلان … بالنهاية ح تنتهي وتمـر وتتخطون ڪُلشي أذاكم وأهم شِـيء ﭑريـد احچي الكم …! سامحـوا بس ديروا بالكم تنسـون شنِـوُعشتوا بسببهم وأختاروا نفسگم دائماً .