Samarqand viloyati hokimligi ''Yagona buyurtmachi xizmati" davlat unitar korxonasi

Jomboyda ko‘p qavatli uylar atrofi yangi qiyofa kasb etmoqda Prezidentimizning 48-son qarori ijrosi doirasida Jomboy tumani Toshkent MFY hududidagi ko‘p qavatli uylar va ularga tutash hududlarni ta’mirlash hamda obodonlashtirish ishlari olib borilmoqda. Loyiha doirasida hududdagi 8 ta ko‘p qavatli uyni ta’mirlash, shuningdek, atrofini obodonlashtirish va mavjud infratuzilmani yaxshilash ko‘zda tutilgan. Aholi uchun qulay sharoit yaratish maqsadida 5 ta bolalar, 4 ta workout va 3 ta basketbol maydonchasi, yozgi shiyponlar hamda 6 ta avtomobil turargohi tashkil etilmoqda. Mazkur ishlar viloyat hokimi o‘rinbosari Navro‘z Rahmonov, viloyat Qurilish va uy-joy kommunal xo‘jaligi bosh boshqarmasi boshlig‘i B. Negmatov, tegishli tashkilotlar vakillari va mas’ullar ishtirokida joyida ko‘zdan kechirildi. O‘rganish davomida ishlarning sifati, belgilangan muddatlarda yakunlanishi, hududni obodonlashtirish hamda loyiha talablariga rioya etish yuzasidan mas’ullarga tegishli tavsiya va topshiriqlar berildi. Loyiha yakunida hududning qiyofasi yanada obod va zamonaviy ko‘rinishga keltirilib, aholining dam olishi, sport bilan shug‘ullanishi va farzandlari uchun qulay sharoitlar yaratilishi ko‘zda tutilgan. Kanalga qo‘shiling:👇 https://t.me/samvilqurilish

🏛 Xalq qabulxonasida navbatdagi fuqarolar qabuli o‘tkazildi O‘zbekiston Respublikasi Prezidentining Samarqand viloyatidagi Xalq qabulxonasida Samarqand viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Navro‘z Rahmonov tomonidan navbatdagi fuqarolar qabuli o‘tkazildi. Qabul davomida hududlardan tashrif buyurgan fuqarolar mahallalarida amalga oshirilayotgan dasturlar doirasidagi ishlar, obodonlashtirish, gaz ta’minoti bilan bog‘liq masalalar hamda sohaga oid boshqa murojaatlari yuzasidan o‘z muammo va takliflarini bildirdilar. Har bir murojaat o‘rganilib, fuqarolarning taklif va muammolari tinglandi. Murojaatlarning mazmun-mohiyatidan kelib chiqib, ularni qonuniy va adolatli hal etish yuzasidan mas’ul tashkilotlar rahbarlari hamda mutasaddilarga aniq topshiriqlar berildi. Kanalga qo‘shiling:👇 https://t.me/samvilqurilish

🏗 Hududlarda qurilish va bunyodkorlik ishlari tanqidiy-tahliliy ko‘rib chiqilmoqda Samarqand viloyati hokimining o‘rinbosari Navro‘z Rahmonov ishtirokida Qo‘shrabot, Payariq, Ishtixon va Oqdaryo tumanlarida amalga oshirilayotgan qurilish va bunyodkorlik ishlari yuzasidan tanqidiy-tahliliy yig‘ilishlar o‘tkazildi. Unda tuman hokimlari, soha vakillari, tegishli tashkilotlar rahbarlari hamda qurilish tashkilotlari vakillari ishtirok etib, obyektlardagi ishlarning bugungi holati, mavjud muammo va kamchiliklar har bir obyekt kesimida tahlil qilindi. Muhokamalarda, avvalo, davlat dasturlari asosida amalga oshirilayotgan qurilish obyektlaridagi ishlarni jadallashtirish, qurilish ishlarini sifatli va belgilangan muddatlarda yakunlash, davlat dasturlari doirasidagi loyihalarni samarali amalga oshirish, ajratilgan mablag‘lardan oqilona foydalanish hamda qurilish me’yor va talablariga qat’iy rioya etish masalalariga alohida e’tibor qaratildi. Shuningdek, Mustaqillik bayramining 35 yilligi arafasida foydalanishga topshirilishi rejalashtirilgan obyektlarda ishlarni jadallashtirish, mavjud muammolarni tezkor bartaraf etish va qurilishni sifatli yakunlash bo‘yicha mas’ullarga aniq vazifalar yuklatildi. Yig‘ilish davomida ayrim obyektlardagi sustkashlik va kamchiliklarga tanqidiy baho berilib, ularni bartaraf etish bo‘yicha zarur choralar belgilandi. Mas’ullardan ijro intizomini kuchaytirish, qurilish jarayonlarini doimiy nazoratga olish va belgilangan vazifalarni o‘z vaqtida bajarish yuzasidan tegishli topshiriqlar berildi. Kanalga qo‘shiling:👇 https://t.me/samvilqurilish